金沙角美食小厨

營業中

休息中

大排檔係香港其中一個嘅特色，尤其係呢款冬菇亭嘅設計，更加係香港獨有。沙田呢間嘅金沙角美食小廚，位處博康村嘅冬菇亭，美食鑊氣夠、份量多，仲可以嘆住冷氣咁享用大排檔風味美食，絕對係搵食嘅好地方。黃金鮮魷鮮魷炸得酥脆，粉醬唔會過厚，鮮魷新鮮香甜軟滑，唔會過熟，真正做到外脆內軟。咸多黃令鮮魷多一份咸香，送酒食一流。沙嗲金菇肥牛沙嗲味十分香濃，但唔會太辣，而且帶有花生粒，非常香口，大人細路都啱食。沙嗲汁完全咁滲透每一件肥牛金菇同粉絲，十分之惹味。芝士焗桶蠔烏冬底桶蠔大大隻，啖啖肉，每一隻都經過煎香，鮮甜香口。芝士汁香濃，每個蠔同烏冬都好掛汁，配埋烏冬食好夾。粟米魚肚羹一個十分經典嘅中茶菜式，呢度發揮得淋漓盡致。材料足，啖啖都係魚肚同粟米，湯羹唔會太杰亦唔會太稀，超正。

真的是一間非常出色的大牌檔，個個餸都整得好食。香辣魚皮：魚皮厚身，雖然話係香辣但係其實唔係好辣，魚皮爽口彈牙。蜆介鯪魚球：size都幾大粒，炸得夠圓潤，唔會皺曬皮，不過鯪魚嘅含量好似少咗啲。燒味拼盤：老實講味道只屬一般，叉燒同燒肉都比較肥，好彩燒肉塊皮都脆嘅，反而估唔到海蜇嘅份量都幾多。菠蘿咕嚕肉：呢個做得幾好，咕嚕肉嘅炸粉厚薄適中，洋蔥青椒菠蘿都好食。椒鹽鮮魷：睇落去以為炸粉好厚，食落原來都ok，鮮魷都幾彈牙。

金沙角大排檔，位於沙田嘅懷舊特色大排檔，充滿地道嘅香港風情。你可以選擇坐喺室外享受自然風，亦可以坐入面有冷氣，睇住開放式廚房，師傅即席煮菜，好有氣氛！🦞海鮮非常新鮮呢度嘅海鮮真係超新鮮，每一口都充滿鮮味，感覺好滿足，令人回味無窮。🍲 小菜非常有鑊氣，每一道小菜都炒得好有鑊氣，充滿港式嘅地道風格，真係令人一試難忘。🐸 **薑蔥爆田雞**：呢道菜味道鮮美，薑蔥嘅香氣撲鼻，田雞肉質嫩滑，口感彈牙，每一口都充滿薑蔥嘅濃郁香味，好好味！🦑 **豉椒炒鵝腸**：鵝腸炒得香辣可口，豉椒嘅味道完美融合，每一口都好有層次感，咬落去脆口又彈牙，好滋味！🐟 **豉汁蒸魚雲**：魚雲新鮮嫩滑，豉汁嘅香味滲入每一絲魚肉，入口即化，味道濃郁，食完真係唔想停口！🦐 **鹹蛋黃金沙鮮魷**：鮮魷炸得金黃香脆，再加上鹹蛋黃嘅香濃味道，入口即化，好有口感，真係令人一試難忘。🍖 **支竹豆腐火腩**：支竹同豆腐吸滿火腩嘅肉汁，每一口都好惹味，火腩外脆內嫩，食落去真係好滿足。整體黎講，金沙角大排檔真係好值得一試，無論係海鮮定小菜都非常美味，份量足夠，價錢親民。#金沙角大排檔 #香港美食 #地道風味 #沙田美食 #大排檔風情

我最鐘意就係食中菜，尤其係有鑊氣既大排檔，第一時就諗起沙田既金沙角❤️‍🔥-金沙爆田雞 $148呢道金沙爆田雞口感香脆🐸炸得金黃酥脆，配上濃郁嘅金沙醬，味道非常出色👍🏻田雞肉質鮮嫩，真係一口一口停唔到，送返杯啤酒簡直一流🍺-魚香茄子煲 $98魚香茄子煲色香味俱全🍆茄子吸收咗濃郁嘅魚香醬，味道醇厚，辣味適中，煲仔煮得剛好，令茄子更加滑嫩，搭配白飯食好正！-XO醬什菌爆豬頸肉 $105XO醬什菌爆豬頸肉香氣四溢，豬頸肉嫩滑🐷與多種菌類一齊炒🍄‍🟫味道層次豐富、XO醬的鹹香味道令整道菜更加提升，真係唔可以錯過！-豉汁蒸魚雲 $128豉汁蒸魚雲濃郁入味，魚雲鮮嫩🐟加上豉汁的香味，令人食得心滿意足，魚雲蒸得剛好，保持咗魚雲嘅鮮味，非常適合配飯！-星洲炒米 $85星洲炒米色彩繽紛，米條炒得香滑，配料豐富，有蝦仁、蛋、蔬菜等，味道香辣，口感極佳，每一口都充滿了南洋風味，加埋辣椒醬非常開胃！

金沙角美食小厨響沙田博康邨既熟食中心已經開業好多年，幾乎每次來都有滿座既情況，氣氛非常熱鬧。菜單直接掛滿牆身，好有冬菇亭既特色，清楚易明，選擇非常多樣。見有個魚蝦蟹套餐幾划算，就點黎試試。老實講，起初都考慮到套餐份量唔夠，諗住如果唔夠，先再加點Ｄ其他菜。不過，當菜上桌既時候，完全不需要再點其他，每道菜既份量都很足。三樣海鮮都非常新鮮，特別是薑蔥炒蟹，要求了很多蔥，上檯時非常滿意。蟹殼大部分已經拍過，輕鬆就能享受到美味既蟹肉。蒜蓉蒸蝦裡面既粉絲簡直係精髓，蝦既鮮味全都融入了粉絲中，超級好味。條魚啱啱好熟，魚肉好嫩滑，配上特製既醬汁，令整體味道更加出色。屋邨既熟食中心裝潢雖然簡單，卻給人一種溫馨既感覺。服務員既態度也很好，雖然店裡忙到飛起，但佢地依然保持著笑容，讓人感到好親切。金沙角美食小厨食物美味，環境舒適，是一個值得再黎既好地方！

突然好懷念大排檔嘅味道朋友二話不說．帶我嚟沙田圍叫返幾碟鑊氣小炒位置超方便．一出馬鐵站就到望到大廚喺廚房炒到火光紅紅．foom foom聲碟碟都即炒熱辣辣店內空間寬敞冷氣舒適．我地坐近廚房．完全無油煙味海鮮即叫即撈．超新鮮✨蒜蓉蒜蝦大大隻爽口．開邊蒸面層舖上粒粒蒜蓉墊底嘅粉絲超好味✨豉汁蒸大鱔厚切鱔片啖啖肉肉質爽彈．豉汁係完美配搭✨紅燒乳鴿皇乳鴿外皮香脆比一般更大隻．更厚肉✨啫啫通菜煲好耐無食過咁正嘅通菜煲熱辣辣．炸炸聲．好惹味✨菠蘿咕嚕肉沾滿酸汁嘅咕嚕肉．依然粒粒香脆加入新鮮菠蘿青椒同洋蔥酸酸甜甜．係必食嘅小菜質數比酒樓更高水準以後同屋企人食飯又多個選擇喇

開業26年，是區內數一數二的出名大排檔🏅主打多款鑊氣小菜及生猛海鮮🦀充滿香港風味的本地大牌檔☺️馳名金牌紅燒乳鴿，皮脆肉嫰🐦是每枱食客必點的招牌菜式🥢下鍋烹調前用特製醬汁滷過💦就算不蘸淮鹽亦足夠入味😋柔軟茄子浸泡在美味的牛仔骨汁中🍆牛仔骨肉質結實，香口惹味，送飯一流🍚田雞上枱香氣四溢，份量也不少🥘口感惹味，肉質細嫩🐸尤其是田雞腿部份，肥美厚肉😙椒鹽蝦炸得金黃香脆🍤必須連殼放入口中品嚐，才能吃出其風味🤩蝦肉彈牙又新鮮，有微辣及蒜香味🦐桶蠔夠肥大，飽滿脹卜卜😍入口爆汁，鮮味滑溜夠乾身🦪加上勁多薑蔥爆炒，鑊氣十足🔥

香港買少見少嘅冬菇亭大排檔！有魚缸養住活海鮮不特止，竟然有埋燒味爐🫢。🌟燒鵝（下庄）$158好出色嘅脆皮燒鵝，仲係半肥瘦。有鵝油香但唔使lur肥膏，肉質又唔會太結實。我覺得好食過大多數酒樓，價錢又唔貴。🌟椒鹽瀨尿蝦 $188瀨尿蝦每隻大概手掌咁長，彈牙同埋超鮮甜，一定係活海鮮。🌟黑椒洋蔥牛仔骨 $145牛仔骨份量極多，我覺得比平時啲大排檔多一半。冇咩肥膏，肉質軟腍唔韌。洋蔥索晒黑椒汁超惹味。🌟濃湯鮮茄野菌時蔬 $98奶白色嘅上湯味道真係極濃。菠菜煮得好腍又吸收咗上湯嘅味道。菇菌油爆過特別香。

✨紅燒乳鴿王乳鴿size夠大隻 啖啖肉 熱辣辣炸起炸到皮脆肉嫩 肉汁豐富 必食✨啫啫茄子牛仔骨煲牛仔骨份量好多 件件都好大件好厚肉肉質結實 帶筋膜有咬口 配茄子好夾 調味啱啱好 呢個餸真係送飯一流✨豉汁蒸魚雲豉汁惹味 魚雲新鮮肥美 肉質嫩滑 ✨椒鹽鮮魷份量十足 外層粉漿唔會好厚 炸得金黃鬆脆 鮮魷爽口鮮味總結：食物唔錯 有鑊氣 份量十足小菜款式選擇都唔少 除咗餐牌上嘅小菜仲有貼出多款時令菜式 環境可以 服務唔錯 價錢合理 地點夠方便 可以一試

香港大排檔已經買小見小，街坊風味真係好有特色好值得保留，難得屋企附近仲有，所以有時都會去炒D小菜飲返兩杯輕鬆一下😊呢間位置好方便，就係馬鐵站出口附近，而且另一面仲有好多可以去到唔同地區既巴士小巴，交通相當方便。室內外任君撰擇，老闆好熱情同街坊閒談，氣氛相當唔錯👍坐低先來兩支大啤，大大個冰筒甚有風味，各式小菜海鮮，煎炒煮炸好多種類真係有D撰擇困難😂懷舊煎蠔餅：大大隻蠔，餅身香脆蒜蓉蒸蝦：蝦身雖小但好新鮮豉椒炒蜆：份量好多好野味，厚厚既肉身招牌小炒皇：好有獲氣仲好足料

同朋友尋找香港原味道，當然少不了大牌檔，今日同朋友來到沙田博康邨，係少有現存嘅冬菇亭之一，金沙角美食小廚地方光猛整潔，有室內冷氣及露天座位適合唔同人需要，我們坐室內有冷氣。燒鵝拼燒腩仔燒鵝肥美燒得好香，皮脆啖啖鵝油流出嚟，鵝肉鵝味濃夠甘香，燒腩仔層皮酥脆肉鬆軟好食。招牌小炒皇幾乎係大牌檔必點菜，每間大牌檔都有自己風格嘅小炒，有韭菜花、銀魚仔、腰果、蝦乾、蝦米、蝦仁同魷魚，加乾蔥頭同辣椒炒惹味十足，送啤酒滿分。懷舊煎蠔餅的確有啲懷舊嘅味道，炸得好酥脆，蠔肉好鮮好甜，加咗芫茜煎炸更香。菠蘿咕嚕蝦球即炸蝦球加入菠蘿、青紅椒、洋蔥甜酸汁快炒，外皮脆，蝦球爽脆酸酸甜甜好醒胃，維持香脆時快啲食。金沙角美食小廚鑊氣夠，碟頭份量好充足，都幾抵食。

金沙角美食小廚🍽️ 沙田博康邨熟食中心地舖☎️ 2692 2022🕰 1030-2200 星期一至日#foodtummyin沙田➖➖➖➖➖➖➖➖➖➖➖➖➖ 🍽️ 蒜蓉粉絲蒸鮮魷 $128 ❤️4.5/5一上枱就聞到濃濃嘅蒜蓉味！粉絲份量亦都十足而且入味，而鮮魷不會太煙靭，咬落不痴牙。大推！🍽️ 啫啫茄子牛仔骨煲 $145 ❤️4.2/5牛仔骨十分軟熟，而且很入味！入量亦多。而茄子咬落十分淋，兩者夾埋十分好食，送飯一流！🍽️ 紅燒乳鴿王 每隻 $75 ❤️4.5/5乳鴿外皮十分脆，而且肉質嫩滑不會老，而且油脂豐富，十分香脆！🍽️ 芝士焗琵琶豆腐 $105 ❤️ 4.5/5本身感覺上兩者不會太配合，但是當上枱後有意想不到效果，芝士味十分濃郁，而且豆腐皮薄餡靚，十分好食！

沙田圍站A出口行3分鐘就到， 地點十分方便。 舊式的屋邨大牌檔買少見少，能直接看到廚房的廚師炒餸，有風味又有鑊氣。星期六的晚上，室內和半露天位置都座滿客人。餐牌菜品選擇十分多，價格便宜又大碟。1. 脆皮燒鵝拼叉燒 脆皮燒鵝外脆內嫩，叉燒肥瘦適中，鮮嫩多汁。2. 懷舊煎蠔餅 外酥內軟，蠔餅中包裹著鮮嫩的蠔肉。 懷舊的味道，帶有淡淡的海鮮香氣，回味無窮。3. 香煎琵琶紅燒豆腐 豆腐軟綿，外層煎至金黃酥脆，口感豐富。紅燒醬汁滲入豆腐，帶有濃厚的鮮香味。4. 濃湯蕃茄野菌時蔬 湯濃滑爽，野菌和蕃茄口感鮮美。 濃湯融合了蕃茄的酸甜和野菌的香氣，清爽宜人。5. 薑蔥魚腩煲 魚腩鮮嫩，入口即化，帶有薑蔥的香氣。 薑蔥調味突顯了魚肉的鮮美，熱辣辣香氣撲 鼻，一道溫胃美味煲仔菜。

今日心血來潮想午飯食小菜，諗起博康村個邊有冬菇亭，就專程搭左2個站既馬鐵去啦！今次黎左D間叫做金沙角美食小廚！平時夜晚黎冇點心的，今日中午黎到原來有點心的，又多一個選擇👏👏講返正題先，今次我地兩個人叫左四個小菜，叫既都係D大路野黎！金銀蛋煮時蔬（白菜仔黎）椒鹽鮮魷 芥末牛柳粒椒鹽海中蝦首先四碟餸既份量真係好足，絕對夠食有突。但真心要讚一讚個椒鹽海中蝦，真係超惹味，D蝦脆脆脆，可以連殼都食埋！！個牛柳粒有D合桃係度，又係好香口的，配埋個芥末真心正！椒鹽魷魚都好夠味，金銀蛋煮時蔬正常發揮。其實仲有好多餸想叫，但兩個人真係食唔晒，多人黎食就一流！！值得推介既大排檔！！！！！！！！！！！！！！！！！

同屋企人嚟食，見到新開張環境：2.5/10餐廳成地都係黑蚊蚊嘅積，冷氣機滴水，而且最不能接受係啲碗碟好油，洗咗三次都係整油身，同埋要搭枱(我理解但唔習慣）食物：4.5/10雞係抵食，孖寶餐嚟計翻開都係$8x有半隻通菜同椒鹽鮮魷好咸好咸，咸到要用清水沖開先入到口最kick係椒鹽鮮魷，咸而且唔抵食，圖中係一件都未食過$108定$118😂另外嗰個西蘭花都係一舊都未食過~~總結：地方唔乾淨，上菜慢，餸菜質素唔穩定唔難食但唔好食~有得揀唔會做first priority~~~最後埋單$500左右 正正常常 唔洗+1但茶位$8/1