金沙角美食小厨

小公園旁的大排檔，室內外皆有座，地方寬。風一陣陣吹過，啤酒落桌特別醒神。店員爽快，有話直說，添碗換碟也主動，不催客。六款小菜先擺滿桌。蠔餅炸得鬆脆，粉感輕，蠔仔不大但帶甜。海王豆腐煲連鐵鍋上桌，吱吱作響；豆腐炸過外層，內裡滑；帶子、鮮魷、蝦仁放得足。菠蘿咕嚕肉酸甜平衡，醬只裹薄薄一層，外皮仍保持脆口。薯仔黑椒牛柳粒有驚喜，薯仔先炸過，粉糯；牛柳入味易咬開，微甜不過鹹。蒜蓉菜心爽脆帶蒜香。乾炒牛河鑊氣夠，河粉不黏不碎，牛肉嫩。主打一個地道。份量多，味道準，價錢合理。…查看更多

呢間熟食中心係日日都有好多人幫親，d野食係即叫即炒，超有鍋氣，價錢又好合理，d野食好新鮮，好足料🌟玫瑰雞 隻雞係滷的得好入味，皮薄肉嫩，又香又甜甜地，點咪個蔥油汁真係一流🌟沙姜雞D雞肉好嫩口，就算吾點沙姜醬汁都好好食，點咪個沙姜味好突出🌟鮮魷蒸粉絲 上面係勁足料既鮮魷，d魷魚炒彈牙，只係落左d蒜蓉去蒸，好鮮甜，下面既粉絲索曬d魷魚既鮮甜都變到好香口🌟水煮牛肉份量真係多到嚇親，上面係滿滿既牛肉，煮到岩岩好，好嫩，入面仲有索曬湯汁既薯粉，煙煙韌韌，仲有好多吾同既配菜，超正宗既水煮牛肉 🌟瑤柱蛋白炒飯 炒到超有鍋氣，粒粒分明，入面仲有好多既瑤柱，好香，送水煮牛肉真係一流…查看更多

街坊口碑極佳的大排檔小炒店，充滿熱鬧氛圍，令人感受到地道香港的飲食文化。而且份量足、鑊氣十足的，價錢親民，無論是家庭晚餐還是朋友聚會，都非常合適。 今日又同家人嚟左食晚餐。🐔 蔥油雞：雞肉嫩滑，蔥油香氣撲鼻，入口清爽不膩。油香滲入雞皮，愈食愈香。 🦆 豉油王鵝腸：火候掌握得好，鵝腸爽脆，豉油王味道濃郁，鑊氣十足。鹹香中帶微甜，令人一口接一口。 🥩 美極牛仔骨：牛仔骨煎得香口，肉質厚實，配美極汁鹹香突出。外層焦香，內裡多汁，口感層次分明。 🐚 蒜蓉蒸元貝：元貝鮮甜，蒜蓉香氣濃郁，粉絲吸盡湯汁，層次豐富。蒸得恰到好處，保留海鮮原始鮮味。 🍲 西湖牛肉羹：羹底滑溜，牛肉味細膩，配上芫荽清香，鮮甜開胃。暖胃又滋味。 …查看更多

早幾日同朋友突然好想食大排檔，就喺附近搵咗間大排檔試吓我哋四個人叫咗五樣餸沙拉豬扒好入味，而且肉質好好唔會硬，好開胃！椒鹽鮮魷，鮮魷好鮮甜，粉同魷魚嘅比例啱啱好，唔會食到一口炸粉！啫啫豆苗係一個意外，餐牌係冇嘅，本身係想食啫啫通菜，但咁啱冇晒通菜就轉咗豆苗，落完單冇幾耐，老細就過嚟話原來豆苗無得整啫啫，但最後廚房話唔緊要照整，先會意外有呢味餸！又估唔到幾夾幾好食！沙薑雲英雞我係覺得最好味，啲雞好淋好香，雞味好重，唔會比沙薑味蓋過！贊！最失望反而係最貴嘅薑蔥焗蟹飯煲，飯應該唔係一齊煲，因為完全冇痴底冇飯焦既，所以個飯完全冇蟹味，但個蟹味道就唔錯！四個人除返開，每人百零蚊，抵食又好味…查看更多

地道大牌檔風味，熟客滿堂，人氣爆燈！🍳 涼瓜肉碎菜脯煎蛋角：夠鑊氣，邊位香脆，蛋香同菜脯香氣完美融合，苦瓜唔會太搶戲，反而增添層次，好啱送飯。🐔 蔥油雞：黃皮滑雞，雞味濃郁，皮下脂肪剛剛好，蔥油香噴噴，配埋鹽香醬油底，非常惹味。🦑 椒鹽鮮魷：魷魚炸得乾身，外脆內嫩，唔油膩，蒜蓉同椒鹽落得適中，唔會過咸。🐟 豉汁蒸鱔：鱔件夠厚肉，冇泥味，豉汁鹹香開胃，略帶微辣，配白飯一流。整體水準穩定，價錢合理，啱晒打冷小酌。正宗地道風味，推薦比鍾意大排檔風味嘅朋友～…查看更多

金沙角美食小厨是位於香港沙田博康邨熟食中心地舖的一間港式大排檔風格餐廳。餐廳環境寬敞，氣氛熱鬧，主打各式港式熟食。菠蘿咕嚕肉味道酸甜、香脆，非常開胃且多層次。它的外皮酥脆，肉質多汁，並且有明顯的菠蘿香味以及酸甜醬汁的鮮明味道。薑蔥魚雲煲：薑蔥的辛香搭配魚雲的鮮甜，使整個煲湯汁鮮味十足，帶有濃郁的薑香和蔥香，同時有蒜蓉、乾蔥等配料的香氣輔助，更增添層次感。豉油王鵝腸：鵝腸既爽又脆口，不會過肥膩，帶有少許嚼勁，質地豐富，用爽口的芽菜墊底，吸收了醬汁，無論味道和口感都提升不少。紅燒乳鴿外皮金黃酥脆，色澤誘人，香氣撲鼻。內裡的鴿肉嫩滑多汁，味道滲透到每一絲肉質，入味十足。芝士焗生中蝦伊麵：海蝦的鮮甜、芝士的濃香以及伊麵的柔軟相互融合，香滑順口，層次豐富且帶有溫潤奶香，非常適合喜歡芝士與鮮蝦結合的食客享用。…查看更多

幾位好朋友約埋出黎食飯，聚舊吹水，梗係要揀一間好味又抵食的大排檔啦！**小炒皇**呢道菜用料豐富，有韭菜花、蝦乾、魷魚同腰果。調味啱啱好，唔會太鹹，仲有陣陣鑊氣，令每一啖都惹味得難以抗拒。**黃金鮮魷**新鮮嘅鮮魷裹上一層薄薄嘅炸漿，炸得香脆唔油膩。蛋黃味道好出，鹹鹹香香，再配埋酸酸嘅醬汁，真係一食就停唔到口。**粟米魚塊**金黃酥脆嘅魚塊，一咬即散，裡面魚肉厚實滑溜，鮮嫩多汁。再夾埋甜美嘅粟米，一齊送飯，真係齋講都流口水！**炸蠔餅**嚟大排檔當然要試試炸蠔餅啦。即炸出來嘅蠔餅真係邪惡咁好食，外皮酥脆，而且蠔仔好多。每口都好滿足，令你食住食住就停唔到。**海味雜菜煲**呢個雜菜煲料多味美，裡面有魷魚、蝦乾同其他海味。湯底鮮甜無比，甚至可以當湯飲，暖住個胃。價錢親民，食物質素一流，CP值高到爆，真係值得推介俾大家，下次攞嚟做聚會地點一定無死錯人！#香港味道 #同學聚會 #香港人味道#大排檔 #鑊氣小炒 #鑊氣十足 #香港地道美食 #沙田美食 #沙田好去處 #香港美食指南…查看更多

如果你住係沙田圍附近，呢間大排檔一定唔會陌生，想食鑊氣小炒，第一時間諗起金沙角美味小厨。時菜肉片湯 裡面有白菜仔，肉片，湯底清清的，飲得出沒有味精。😋黃金鮮魷🦑 黃金鮮魷嘅金黃色外層，帶有酥脆口感，與鹹蛋黃完美結合，而且，鮮魷嘅肉質滑嫩，唔會過於韌，又不會鹹。蒜香藕片炒花枝片藕片口感脆脆的，超爽口，花枝片又新鮮，冇腥味。當藕片同花枝片融合，味道層次感豐富！😋京都豬扒 🐷豬扒表面焦香，肉質厚實，咬落去好Juicy。另外，豬扒醃製技術一流，豬肉吸收咗醬汁嘅精華，配合上面嘅蜜汁，味道香濃又唔油膩。🫢海味雜菜煲 🦐🦑🥬有各式各樣嘅海味，色香味俱全。魷魚嘅鮮甜同蝦米嘅咬口，脆口嘅青菜同香菇，煲嘅湯底濃郁，海鮮嘅鮮味，蔬菜嘅清甜，飲落去暖心又舒服。揚州炒飯 🤩炒飯嘅顏色金黃，米粒分明，唔油膩，唔會黏埋一齊。廚師掌握得好好，又有鑊氣，大推。地道嘅大排檔少之有少，好食又地道嘅大排檔就更少，想食傳統風味嘅小炒就唔好錯過金沙角美食小厨啦。😌🥳…查看更多

屯馬線沙田圍B出口附近嘅金沙角美食小廚大排檔風味鑊氣十足。好多街坊幫襯之餘仲有各區嘅食客特意品嘗。食客唔使熱辣辣坐喺室外食塵，大排檔貼出好多手寫餐牌（好彩手字睇得到）、一個中型海鮮魚缸、啤酒推銷女郎、平日去氣氛唔錯。🦀 金沙蟹（鹹蛋黃炒蟹）少數地方能夠點到嘅美食，餐牌見到眼前一亮，即點嚟試下。肉蟹大隻厚肉嫩滑，鹹蛋黃炒得香口又入味，而且係流質，唔係一舊舊，考大廚功力。喜出望外，絕對推薦，值得一試，嚟緊會再encore.🦪 粉絲蒜蓉蒸扇貝 自己一直鍾意食嘅菜色，所以會點。味道唔錯，唔多油，粉絲面去到淋，略嫌棄少硬，可以再蒸耐啲。唯一問題係扇貝脫落時並未有一嚿細嘅肉黐住喺塊殼度。🫛 豆豉鯪魚炒四季豆四季豆都係我鍾意食嘅菜色。而呢碟四季豆材料非常足，超多豆豉鯪魚。我已經盡量夾多啲豆豉鯪魚但仍然去到尾聲時都仲有好多。四季豆炒得夠香又惹味，完全唔慳料。🐟 椒鹽白飯魚一般大排檔都有椒鹽九肚魚，但白飯魚就唔係度度有。椒鹽味未夠重，但勝在炸得脆同薄。🪿 豉油皇鵝腸份量十足，味道濃郁。鵝腸爽滑。💰 埋單大約 $650，兩人食到好滿足。隔離枱亦有20人幫襯。唔多遊客，大部分街坊生意。好過有次去港島區熟食檔食咗八百幾蚊仲要唔飽唔好食。金沙炒蟹已經值回票價。…查看更多

今天中午 ，我們去到沙田博康邨熟食中心地舖金沙角美食小廚（博康邨） 午餐。 這是博康邨的熟食中心，很多街坊幫襯。#四寶飯 $63首先， 我们品嚐到了一道四寶飯。這份飯包含了叉燒、油雞、紅腸和鹹蛋，每一種配料都讓我们垂涎欲滴。叉燒香甜可口，油雞滑嫩多汁，紅腸的香氣撲鼻，而鹹蛋則為整道飯增添了一層獨特的風味。隨後，我们又點了一些點心來滿足我的味蕾。首先是雞扎，外皮金黃酥脆，內餡鮮嫩多汁，令人一口接一口。接著是鵪鶉蛋，鹹香可口，讓我们想起了童年的味道。鯪魚球則帶著鮮美的海味，口感彈牙。最後的蝦餃和燒賣，則是我心目中的經典，蝦餃晶瑩剔透，燒賣更是豐富多樣。埋單192元，這頓美食讓我们 十分 享受。…查看更多

公司請食中秋飯，來到沙田圍站食飯，呢間係公司同事推介既大排檔，本來都無咩期望，純粹俾面出席下，但愈食愈食驚喜，食物夠鑊氣，味道出色，樣樣都係水準之上，色香味俱存，就算專程搭車1小時車程來都值得再來，亦都會推介朋友前來，不過，因為公司俾錢，無詳細價錢細節，但就咁望佢門面貼既價錢，都係性價比的😀詳情各位飯友可以睇下每張相既介紹，誠意推介之選…查看更多

朋友移民後返港，當然要食大排檔先夠香港風味，去咗沙田圍「金沙角」，野食既有鑊氣，氣氛夠熱鬧，平日都好旺場，最啱一大班人傾偈吹水。《豉汁蒸鱔 》濃郁惹味豉汁蒸大鱔，鱔肉鮮味厚切口感，送飯絕配。《椒鹽鮮魷》酥脆香口，魷魚爽口彈牙，加上椒鹽炸蒜超惹味。《芝士焗琵琶豆腐》第一次食芝士焗琵琶豆腐，芝士味道濃而不膩，配搭豆腐又係幾正，不過內裡豆腐不算滑。《啫啫茄子牛仔骨煲》香噴噴啫啫茄子牛仔骨煲，茄子入哂味，牛仔骨份量多，超抵食。…查看更多

今日同同事食海鮮盛宴呀 ，佢帶我去佢屋企樓下嘅 街坊小炒店，但鑊氣十足，價錢親民，簡直是我地呢d打工仔的晚餐救星！ 招牌小炒王材料豐富：爽彈的魷魚、鮮甜的蝦肉、香脆的炸豬肉，配上炸腰果和韭菜，口感層次分明！腰果炸得金黃酥脆，豬肉帶點焦香勁脆口，韭菜增添清新感，整體鹹香惹味，超級下飯仲可以送酒“正”！ 古法椒鹽豆腐外皮炸得薄脆，內裡豆腐嫩滑如布甸，椒鹽調味恰到好處，勁開胃！ 椒鹽白飯魚 唔係度度都有嘅椒鹽白飯魚，白飯魚炸得酥脆，椒鹽香氣撲鼻，咬下去「咔嚓」聲不斷，又一停唔到口嘅作！ 椒鹽海中蝦蝦身大隻新鮮，炸得殼脆肉彈，椒鹽風味濃郁，連蝦殼都可以一齊食，香口惹味！ 青島啤酒🍺 冰凍啤酒配小炒，完美中和油膩感，爽！ 金沙角美食小厨 地址: 沙田博康邨熟食中心地舖…查看更多

今天在一家餐厅用餐，整体体验中规中矩。首先谈谈菜品，感觉比较一般，没有特别令人惊艳的地方。我们尝试了几道招牌菜，例如[菜品A]和[菜品B]，味道都属于正常水平，食材新鲜度尚可，但烹饪手法和调味上缺乏创新，未能留下深刻印象。可能更适合追求口味稳定、不求惊喜的食客。然而，餐厅的服务方面还是值得肯定的。服务员们都很积极主动，无论是点餐、上菜还是后续的添水加茶，都能及时响应，态度也比较友善。在用餐过程中，服务员还会不时询问我们的用餐体验，让人感到备受关注，这一点做得很好。至于价格，我觉得是非常合理的。考虑到菜品的份量和用餐环境，人均消费在的区间，对于日常用餐来说，性价比算是比较高的。如果不是对菜品有特别高的要求，只是想找个地方吃顿饭，这家餐厅倒是一个不错的选择。总的来说，这家餐厅在服务和价格上表现出色，但菜品方面仍有提升空间。希望未来能在菜品创新和口味上有所突破，这样一定会吸引更多回头客。…查看更多

位於博康邨熟食中心這間「金沙角美食小廚」出名份量大，小炒又夠鑊氣，深受街坊喜愛😋好耐冇去大排檔～今晚叫咗幾個小菜都好有水準！［豉油王海蝦］，足有半斤。好夠鑊氣，醬油香氣撲鼻，蝦肉結實超彈牙，勁鮮甜！［蠔仔粥］大碗到嚇親😍，蠔肉超大隻，份量極多，潮州粥底加上芫荽好鮮味！［酥炸大腸］又係大大份⋯⋯外皮炸得好脆，絕對係邪惡之選✨［啫啫豬潤田雞煲］啫啫煲上熱辣辣，田雞大大件又滑又入味，仲有豬膶，簡直係絕配！［涼瓜魚雲煲］涼瓜片炆到入晒味，泡過油嘅魚雲/魚頭，風味十足，唯有大排檔先做到啫啫煲上嘅效果。清熱解膩嘅菊花飲✨雖然係大排檔setting不過冷氣都好足夠👍🏻…查看更多