金樂軒雞煲魚鍋

營業中

休息中

天氣開始轉涼了，又是圍爐好時候，今晚想到北角新商場逛一逛，因此在附近打滾一下睇下有冇打邊爐好地方，行經和富道，那裏原來有好多餐廳食肆林立，因為想打邊爐，因此集中搵下呢類食店。行下行下搵到呢間叫金樂軒雞煲魚鍋店，門外貼上各式各類雞煲及魚煲，一入店內，老闆已經熱情招待問你幾多位，介紹左想食辣既可以揀水煮或者麻辣，今晚我地就叫左微辣既酸菜桂花魚鍋。店內裝修簡單，街坊式食店 魚鍋價錢原來比雞煲貴少少 睇下佢地個menu原來除左主打雞煲魚鍋外，佢地仲有小菜晚飯可以叫架, 大部分小菜都屬於北方小菜酸菜桂花魚鍋先上, 好多材料係個鍋內，桂花魚肉好滑好入味，鍋內仲配有椰菜，白蘿蔔，因為整個鍋及湯底已經好夠味，所以食時已經無需要再沾上豉油等醬料 額外order配料

 北角搵食編金樂軒雞煲專門店有魚鍋有雞鍋選擇！用料都幾靚，平日晚上都好多人來吃!老闆好友善,會問清楚你食辣度仲會有建議小菜或菜式比你小店FEEL人情人味除左火鍋,仲有小炒小菜！ 老重慶奇味雞煲$188有黑椒,辣椒,香菜,洋蔥,豆腐卜爆香左再加入雞肉炒上菜時已經聞得濃濃香味我地選了小辣,食入口辣味不重最好夾走小辣椒,因為會越煮越辣 雞肉非常入味,啖啖肉,雞肉好嫩估計選用既食材都係幾好 肉多骨少,非常抵食！ 食完雞肉就加濃湯打邊爐！雞煲湯食完都唔會口乾！唔會要狂飲水! 手工韭菜餃！由店家自製餡料包成新鮮韭菜好清香，滿滿既韭菜餡!呢款必點！ 新鮮海中蝦肉質細緻彈牙，十分有鮮味!一份有6隻 新鮮魚片,份量比得足有接近20片好鮮味,已起骨,啖啖肉,只需灼煮十數秒就食得食其鮮味與嫩滑感  加點一份特級蟹柳 有十幾條煮個3分鐘左右就會吸盡湯汁食起來無雪味之餘仲幾好食 特級黑豚肉 $128 沒有任何激素,無腥味,脂肪少,肉味濃郁肉質鬆軟相當唔錯 海蝦灼3分鐘就食得,鮮味而彈牙！招牌竹蔗茅根水清甜解膩而且不會太甜

朋友介紹嚟北角食魚煲魚❤️❤️❤️❤️❤️my favourite!酸菜桂花魚煲::冇得輸! 好多時候係出面食水煮魚，酸菜魚都係鯇魚或者一啲不知名魚柳🤔🤔依度就唔同！係用咗桂花魚！！實在太正🤤🤤🤤🤤魚肉比較彈牙，唔會煮煮下散晒又冇乜骨😁而且份量都好多，唔會剩係得酸菜👍🏼另外，湯底都好好飲，鍾意酸嘅人一定要試。我未食嘢之前已經飲咗一碗仔😁😁值得推薦嘅係佢哋嘅炸魚皮！原來係自家新鮮製，每一片都薄薄既，唔會太厚/ 太多粉。非常香脆！就咁食或者點啲湯一齊食都好好味😋 兩個人叫一碟都唔過分。食物方面，我哋仲叫咗皇帝菜、豬頸肉、魚皮餃等等。豬頸肉都幾正喎😊因為啲肉好爽，食落又唔會話覺得太肥/太乾爭爭，口感唔錯，份量都算幾多。至於飲品方面竹庶茅根清清地，唔會太甜，抵讚👍🏼👍🏼👍🏼

今天工作忙裏偷閑，見到附近這間金樂軒，裝修樸實無華食物質素應該很有實力，因為今朝早沒有吃早餐， 所以在非理性驅使底下點了一個魚鍋決定打邊爐。之後見到個醫生點了條馬友一個人慢慢嘆，心諗連醫生都幫襯這間店，質素一定有保證。結果等了又等等到花兒也謝了，魚鍋都還未到來，到最後追一追老細單先知道原來他們中午沒有預到客人會叫魚鍋所以熬魚湯的時間長了怠慢了。終於端來那鍋奶白色的魚湯，上面在加了一些酸菜，神來之筆的是上面幾塊檸檬除了將味道昇華更增添顏色的豐富感，味道酸酸辣辣。魚湯味道濃郁而且桂魚片也浸得相當入味，而且還點了一碟牛白肉、牛丸魚蛋、蟹柳材料非常新鮮。煮的份量也非常多而且肉質也很滑最後品嚐了1小時才能清光。最後捧住個肚又要出返去做嘢了。

雞煲都可以話係香港人嘅至愛之一，而酸菜魚就係近期嘅大熱，而今次介紹嘅e間店就係可以一次滿足曬你兩個願望嘅店，港島福音除咗e兩樣，其實e度仲有炒小菜，小食，一大班人嚟最適合不過先介紹我好鐘意嘅雞煲，料多唔洗講，入味，仲好多雞酸菜魚用魚係龍㚄，都唔到你話唔高質，肉質真係同普通魚無得比嚟到打邊爐環節喇，係牛肩脊呀😍😍識食一定係食牛肩脊，d牛仲好靚添夏天有羊肉食，係咪勁先？ 唔會好蘇，又有羊味，姐係好味自家製墨魚滑😍彈牙牛丸再嚟自家制響鈴自家制魚皮好欣賞e家店嘅其中一個特色就係佢好多野都係自家制，唔係話你求其去街市買到推薦大家嚟

北角一向都有好多隱世小店🔍所以今次決定尼試下呢間開業左 9 年嘅金樂軒雞煲魚鍋，酸菜桂花魚鍋🍲湯底微辣帶酸🌶🍋仲有啲鮮甜，魚片薄得黎好嫩😽安格斯牛頸脊，肉質滑，油花十足🤤韭菜餃餡料十足🥟鮮蝦雲吞嘅蝦好彈牙，拉麵索晒啲湯嘅味，必嗌🍜另外都嗌左墨魚丸爽口彈牙👍🏻👍🏻👍🏻打邊爐當然唔少得午餐肉、蟹柳、豬皮😋配料普通，但勝在價錢唔貴怕熱氣可以飲餐廳自家製嘅竹蓆茅根，用料好足，唔會太甜🥰

返工做得咁辛苦 放咗工 點都要對自己好D.好想食個火煱 warm下自己 氹一下自己開心。姊妹介紹我食這間近北角地鐵站附近 "金樂軒雞煲魚鍋"佢好咀仔挑剔 唔正唔食 都食過過返尋味 應該都係正野。入去老闆娘 好用心介紹 我點了招牌酸菜桂花魚鍋 老闆娘聽我話唔太食辣.特意為我減辣.這個魚鍋 原條桂花魚起骨上 .好夠份量 桂花魚好滑. 仲好多配料 有 : 甜酸菜 蘿蔔 菜花 鮮檸檬片 將魚鮮香甜美味提升層次感啦 . 原來老闆娘同我講 呢個魚鍋係用鱸魚黎淆個湯底架 怪不知見個魚湯底淆出奶白勁鮮魚甜香味啦 老老實實 淨齋飲個魚湯 真係拍得住屋企亞媽煲既愛心湯 。大胃口既加個烏冬墊這個湯底食 .更加大滿足呀！真係一個字 正！值得推介！特級黑豚豬肉呢個唔似一般平時食既豬肉.雪花肉質每塊都係肥瘦均勻散佈. 肉香味濃 。入口肉質嫩滑鬆化有口感 .好食到一口都係幸福感呢！鮮墨魚滑.韭菜餃.鮮蝦雲吞. 都係店舖自己員工親手制做 新鮮冇腐劑 食得健康 點了金針菇.唐生菜特別一提 :竹蔗茅根水 真材實料 用竹蔗.茅根.甘筍.馬蹄煲水既.原料微甜.冇加糖既。我食完今次.都同朋友一樣會再來光顧返尋味啊！

已經有成兩個星期沒約朋友出來食飯，今次終於約得成功，要食個夠本！老闆好好人，好好招呼。一坐低已經比menu 我地睇 同埋介紹有咩好食。我地點左一個酸菜桂花魚鍋，再加個養家小炒肉。桂花魚個辣味岩岩好，唔會好辣連魚湯都可以飲埋。食完魚，再加湯加邊爐！邊爐配料叫左菜肉雲吞，墨魚滑，炸魚皮。驚唔夠飽，叫多左個紅薯粉。老闆話佢個魚滑同雲吞都係自己人手整，好有心呀！ 最後食到勁飽呀我地！下次一於再來多一次，試埋佢個雞煲😛

突然間好想食雞煲，就打算一見到有雞煲既話就食！-🥘老重慶奇味雞煲(小)$188羊肉片$98蟹柳 $40土鱿魚 $48鮮墨魚滑 $68丸餃雙拼 $68唐生菜 $35椒鹽九肚魚 $88竹蓆茅根 (小)$33-1️⃣ 老重慶奇味雞煲(小)$188⭐️⭐️⭐️⭐️望落去汁有啲小，通常小都會好濃味🤤味道對於年輕人黎講算係中上濃度，如果係成年人應該就會覺得濃得濟，我地叫左小辣，因為怕食唔到，老闆就只係落左兩三條辣椒，就冇乜辣味，如果食得辣可以叫大辣，味道會更好！後尾加左湯打邊爐都冇話淡左好多/2️⃣ 羊肉片$98［滿星］⭐️⭐️⭐️⭐️⭐️‼️我唔算太中意食羊，但都唔抗拒，依個羊片係新鮮到不得了，食落去係誇張到有彈牙感覺，好食過岀面賣好貴既肥牛仲！/3️⃣ 鮮墨魚滑 $68［滿星］⭐️⭐️⭐️⭐️⭐️‼️一黎到個size嚇親我，超級大，而且仲係新鮮手打的，就算未食，只係”不”落去個一下，已經feel到好滑！4️⃣ 丸餃雙拼 $68⭐️⭐️⭐️⭐️一樣都係手打既！魚蛋、牛丸個形狀一睇就知同岀面買一大包既唔同，味道都好爽口，就算好飽都要食多舊先收手😂😂-環境：6.5/10服務：10/10好味指數：9/10回頭率：9/10

位於北角既金樂軒 舖頭位置唔係喺正大街旺舖😮撞啱喺附近買完嘢又想食得開心啲 雞煲癮起就去試下啦🤤話就話唔就腳 不過不乏食客 都接近爆場🙀兩個人都坐到四人枱 夠曬空間😼.Order左奇味雞煲 呢樣係餐廳就返部份食客未必食得太辣 但又想試到雞煲既惹味而推出👍🏻兩個人食個細Size 雞件份量啱啱好💁🏻‍♂️食曬都唔會覺得飽過龍食唔到其他嘢🐵味道方面 仍然保持到微微地既辣🌶🌶洋蔥 蒜 芹菜 芫茜 黑椒 辣椒全部都係香口配料👁務求令客人既味蕾有最大刺激感👅選用既雞件都幾多肉 唔會剩係食骨🤘🏻而且脾位多 有埋雞翼 所以計嫩滑無得輸😀肉汁亦都能夠鎖住喺肉裡面💧🔒記得用慢火溫熱住避免令雞肉overcook變鞋😎.豚肉片真係必食之選 價錢非常大眾化🤩肉味十分甜美 入口感覺都比較滑 唔粗糙😜個厚度切得好靚 𡁻落直情有啲煙韌🙂同一般既豚肉無得比😊.海鮮方面質素都唔錯👍🏻魚片用上桂花魚 賣點係肉滑新鮮🤗中肯講句一定唔夠鹹水魚鮮味🤔用黎做酸菜魚/水煮魚會適合啲😏蟶子其實好厚肉 質感好彈牙😛𡁻開會嗒到有一咆海水混合肉汁既味道🥰食完一隻好想encore😌不過48蚊一隻實在偏貴 過下口癮就得😆

又到咗食雞煲嘅好季節但係冇一大班friend點算好呢? 今日大食妹就帶大家去位於北角嘅金樂軒自私食雞煲<老重慶奇味雞煲(小)>金雞煲有分兩隻大細, 我哋係兩個人食, 所以就揀咗個細嘅大食妹比較鍾意食少少辣辣地嘅雞煲, 但係又未至於好食辣, 所以同店員request咗要個小辣雞煲裏面有雞、豆卜、洋蔥同埋一啲配料, 雞煲好惹味<竹蔗茅根>因為一開頭食雞煲有少少重口味, 所以我哋就試下佢嘅竹蔗茅根, 清涼之餘又可以中和一下雞煲嘅重口味食完雞煲之後, 店員再幫我地加上佢嘅湯頭, 我哋就開始打邊爐啦<豬頸肉>豬頸肉份量都幾大, 口感爽口雖然本身冇任何調味, 但搭配上濃厚嘅雞煲湯底, 味道啱啱好<鵝腸>鵝腸好爽口, 食落索索聲, 加落辣辣嘅湯底裏面, 正呢<鮮魷魚>魷魚都好新鮮, 味道甜美, 肉質彈牙<餃雲吞雙拼>餃雲吞雙拼都幾足料, 但大食妹都係比較鍾意韭菜餡嘅餃子多於雲吞 雲吞裏面包住喺新鮮蝦同豬肉, 但味道比較咸, 可以稍作調整<唐生菜>生菜好新鮮, 睇落就好似可以即刻食嘅沙律菜

今日去接個朋友收工就喺佢公司附近搵吓有啲咩好食然之後呢行過電車站附近就見到一間專伶食雞煲酸菜魚嘅鋪頭。由於我太耐冇食過雞煲所以我就捉咗朋友入去呢一間餐廳度試。餐廳嘅裝修非常之光猛，而且枱非常之大張所以呢唔使擔心話啲枱太窄同埋唔夠位放食物我同朋友決定呢就叫呢一個老重慶奇味雞煲，我哋叫咗小辣，啲雞非常之惹味，而且肉質嫩滑加上佢個份量係好多我同朋友都食唔晒。二雞煲入邊亦都有其他嘅配料例如豆卜冬菇洋蔥等等吸埋嗰啲辣汁非常之香呢一個就係水煮牛頸脊:一上枱就覺得好香，然之後牛頸脊嘅份量好多，肥瘦適中而且牛味都幾重，裏面仲包含大量嘅豬紅同埋芽菜娃娃菜最後仲有大量嘅薯粉薯粉給晒啲辣汁非常之好食仲有雲吞水餃:呢一個係韭菜餃，韭菜嘅份量非常之多啱晒一個韮菜控ge我而另一份就係鮮蝦雲吞，粒粒都好大粒而且蝦肉爽口彈牙仲有不得不推介嘅炸魚皮！呢度嘅炸魚皮絕對唔可以睇小係因為佢真係即叫即炸非常之新鮮打邊爐點少得要飲返啲涼茶呢。呢一個就係落足料嘅竹蓆茅根，非常之清甜又無話好好好甜。總括嚟講餐廳嘅食物選擇係非常之多嘅，而且佢哋服務嘅態度亦都唔錯，有機會下次會試埋佢另一個招牌酸菜魚。

喺柴灣嗰邊收工，沿路返屋企嘅時候知道北戴河其實有好多好嘢食，所以就同朋友決定喺北角meet up,食下好野。店舖嘅環境都算幾乾淨，比起一般嘅大排檔雞煲來講算係清潔得比較仔細。而且店舖內座位都算多，坐得都幾闊落。之後我哋叫咗一份水煮桂花魚，呢個係佢哋嘅招牌菜，個味道的確非常之出色，的而且確夠晒辣。而且啲啲魚非常之嫩滑，仲好足料，我同朋友兩個人唔係好食得晒。另外我哋仲叫咗一份安格斯牛頸椎煲，啲牛肉真係有質素，牛肉又滑又冧，你食落就會知唔會似係美國肥牛個重質量，真係幾高質。之後我哋仲叫咗啲配料，有啲菜心同埋餃子，咁呢啲都係意料之中，味道不過不失。另外我哋仲叫咗份農家小炒肉，呢個送飯真係一流，佢啲肉炒得好香，而且啲肉比較肥，其實比較適合送飯。至於飲品方面，我哋叫咗一渣竹庶茅根，你哋睇張圖都會見到好足料，又解渴又好飲。

朋友介紹來左北角和富道食雞煲，依家開始係時候食雞煲嚕，夜晚又秋涼，食完都唔會覺得熱，岩岩好：P同男朋友兩個來食，一開頭無EXPECT到佢啲份量咁多，我覺得可以嗌少啲／多啲人來SHARE食  老闆娘好細心問我地怕唔怕辣，我地話OK啦，唔係特別食得辣，佢推介左「奇味雞煲」畀我地：） $188 （如果食得辣重有麻辣雞煲架！！！雞重可以轉田雞！）好濃雞煲味，奇味來講，有辣香，但唔辣，食得舒舒服服。啲雞好滑好滑！！！但一啲都唔肥（你知啦。。。港女最怕成舊都係黃色脂肪既肥雞。。。）好正！！重有啲冬茹襯底，一流！足料竹蔗茅根大大枝只係$33 痴左線....好味到我最後拎埋佢啲蘿蔔出來食 LOL 我地叫左五個dishes  —　鮮墨魚滑 $68呢個老闆話係親手手打！鮮墨魚滑！ 不過其實佢唔講我都食得出係鮮墨魚打成，無偷功減料，加啲carbs落去 >_< 超大舊！！！食到好飽，但都食晒，因為真係好好味 —雲tun雙拼 $68一半蝦；一半韭菜豬肉！！！！！呢個老闆話雲tun入面啲料係自己mix 出來，而且雲tun都係自己即日包，超有心機！—炸魚皮 $45超大兜omg！！係新鮮炸起，好脆口—

又到星期五，放工梗係要放鬆下啦。同幾個朋友去到北角附近想話揾梗餐廳食下飯，見咁耐無食過雞煲就試試佢！我地一班6個人叫左2個煲，分別係老重慶雞煲小辣同酸菜龍躉魚鍋。一上枱香噴噴，望落都非常惹味，而且份量夠曬6個人！雞件不會太老，煮得非常入味，唔會太咸又帶點點辣。龍躉魚鍋更多不用多說，肉質彈牙，加上酸菜嘅配搭，開胃又特別。另外我地都叫左啲配菜，例如有餐廳出名嘅炸魚皮同響鈴。值得一讚，2樣都係由餐廳落單後即刻親自炸，所以魚皮脆卜卜，唔落邊爐就咁食都勁正，響鈴都係，皮薄而不油膩！重有其他配菜，例如手打牛丸豬肉丸，食得出餐廳真係用手打，非常之彈牙我哋亦都有叫餐廳推介我哋叫嘅雲吞同埋水餃，兩樣嘢都係有餐廳親手去包，皮薄料多，絕對唔係出邊街買嘅！另外，墨魚滑都係值得推介之一！加入雞煲或者魚鍋煮起之後十分彈牙，食得出係由新鮮墨魚打出！肉類我地叫左一碟安格斯牛頸脊同埋一碟羊肉片。牛頸脊非常新鮮，肥瘦分明，牛味重，加入邊爐食非常正，牛魔王必點！羊肉片都好新鮮，羊味濃郁。另外飲品我地推介大家可以叫餐廳煲嘅竹蔗茅根，飲得到餐廳用真材實料煲，清甜解渴，最啱食雞煲嘅時候飲