金樂軒雞煲魚鍋

營業中

休息中

北角究竟有咩食 完全唔知 十年都唔黎一次北角食飯 因為一路唔知北角原來有好野食出左地鐵站行5分鍾就到和富道 和富道就有間金樂軒打開餐牌見到一堆煲 叫得金樂軒雞煲魚鍋 就緊係多雞煲 但係雞煲平時食得多 今次想試試依間既羊腩煲嗌左個藥膳黑草羊腩煲 等緊既同時非常口喝 聽聞依間有支自家製竹蔗茅根水 於是就叫左支解解渴依支自家製竹蔗茅根水真不愧為自家製 睇下個樽入面D湯渣幾咁足料 飲落亦勁鮮甜等左5分鍾 藥膳黑草羊腩煲終於到 再放上電磁爐等多5分鍾就食得老老實實 羊腩煲黎講 依個一定係NO.1 平時食羊腩煲多數都係得雜料多過羊腩 但係依個堅係羊腩煲 食極都食唔曬保守估計應該有20幾舊羊腩 岩曬鍾意食羊既朋友而且羊腩用料極高質 肥瘦適中 好重羊味 10/10叫得藥膳黑草羊腩煲 緊係要試試佢有幾藥膳 飲兩淡湯 正到爆 藥味唔會太重 但係FEEL到真係真材實料 堅正食到一半唔夠喉 橫掂有個煲 緊係順勢打埋個邊爐 決定叫多幾碟野鮮魚片食落實左太滑 忍唔住問下老闆點解會咁滑 原來鮮魚片用緊既係桂花魚片哇 唔怪得滑啦大佬滑牛點少少老闆親自調製既鼓油 簡直係畫龍點精 將滑牛既鮮味帶曬出黎豬頸肉咬落十分有彈性

好耐無食過火鍋嘞，疫情稍為放緩，一於試吓呢間火鍋店啦！呢間餐廳睇落好平凡，但食落就真係刮目相看嘞！絕對係值得一食㗎！餐廳嘅格局有少少似普通茶餐廳，不過食物質素就差好遠啦！主要都係食小菜嘅，而且每款都好有特色嘅心機菜。點了一份老重慶奇味雞煲，雞煲味道非常惹味，唔會好咸，但每件雞都有醬汁味。翻熱後就見到醬汁、豆卜、洋蔥同埋好多好多嘅雞。而且味道真心正👍🏼炸響鈴係火鍋必備嘅菜式，而呢間餐廳嘅炸響鈴係自己炮製嘅，絕對一流！傳說中炸響鈴只需三秒，就可以既有味又脆口。新鮮嘅響鈴先可以做到呢種效果！餐廳親手包嘅蝦餃真心係皮薄餡足！大大隻鮮蝦、豬肉同木耳係入面，真心香口最後點了一份辣炒土豆絲，真心好好食，好夠鑊氣，炒得剛剛好，又夠入味！最後當然唔少得一杯清涼嘅竹蓆茅根啦！叫款係餐廳自己煲嘅，絕對無糖健康，又解熱解辣，又冰涼，嘆呀！

今日係北角見朋友，佢介紹呢到既雞煲都幾出名，就決定係到食dinner。我地叫左個雞煲同埋小菜，佢d雞好滑，同埋最鍾意佢有芫茜，令到成個雞煲都好香！佢雞煲可以分辣度，但我就無叫辣，都好味！小菜方面，我地叫左個椒鹽鮮魷。其實佢有個酸酸地既汁比我地點，但因為個魷魚本身好新鮮，同埋佢落左少少蔥花同蒜，就算五點汁已經勁好食。佢入面真係成大塊魷魚，炸粉反而少，果然足料！因為我好鍾意食蒜，覺得呢個蒜泥白切肉好香，佢d粉皮點d蒜泥好入味，d肉都係薄薄一片口感好好！呢個咸肉炒韭菜花d韭菜好新鮮，不過因為屋企成日食，就無話有特別驚喜。最後我地叫左d丸打binlo，佢啡色個d係芥末貢丸，入面有d wasabi，好少出面食到，有驚喜😋用個生菜結尾。竹庶茅根，清熱之選。

今晚拍住拖去北角匯shopping，行完街後突然雞煲癮發作，立即諗起附近既<金樂軒雞煲魚鍋>，實行來個二人雞煲之夜。<老重慶奇味雞煲 小辣>先來一個奇味雞煲，一上爐已經香噴噴熱辣辣，見到已經超級開胃，流曬口水絕對係成晚既焦點所在。我地order左小辣，雞煲材料同配料好多，冬菇、芹菜、洋蔥、蒜頭都有,係辣味同惹味之結合，老闆仲畀咗一大碗味道濃郁嘅醬汁配料我地，方便我地享用完雞煲後再打邊爐。雞煲入面有吾少雞件，雞件肉質夠嫰滑，完全吾鞋口，不過少辣原來都幾辣，如果怕辣的話，亦可以order走辣的。<豬頸肉>享用完雞煲後，我地開始加埋額外提供的醬汁打邊爐。豬頸肉入口肉質非常彈牙爽滑，亦不會過肥。<鮮魷魚>鮮魷魚夠新鮮，又滑又爽口，配雞煲既醬汁一流。<滑牛>滑牛肉非常新鮮，輕輕一灼，已經可以入口，入口非常鮮嫩美味，完全唔需要加額外醬料，已經非常夠味，真係連豉油都慳番!!~<炮炒包心菜>椰菜又甜又爽口，入口亦帶點微辣，很有重慶風味。我地兩個人最後連個烏冬都食吾落，飽到上心口整體來講，餐廳既雞煲絕對係靈魂

自從係屋企休息一段時間後，終於相約朋友聚下，今次揀咗食雞煲，喺北角一帶，7點左右入坐，環境唔逼，空間闊落😊餐牌方面，好多不同款式的魚鍋同雞煲，另外仲有小食，比起其他餐廳，種類多樣化😍😍首先叫咗份小食，涼拌海蜇$68😍😍好爽口，好爽脆😋份量好足，陣陣的麻油味，少少辣味，配合埋蔥花好夾，一開始已經食唔停😍😝主角：老重慶奇味雞煲，小辣$188🍲雞煲的風味算係喺香港好少食到，麻辣配合得宜，雞肉唔乾，同個汁好夾好入味，另外仲有驚喜的喺冬菇同即炸魚皮，所有的餸吸哂啲汁，愈食愈正😍😍👍🏻🥦乾鍋椰菜花$78椰菜花夠乾身，爽口😝😝之後叫咗幾款配料黎打邊爐，份量都好足，足夠我地3人份量，自家製的韮菜餃同鮮蝦雲吞必點👍🏻👍🏻🥟🥟最後當然唔少得支啤酒🍻

下班後約了朋友一起吃晚飯下雨天涼涼地突然想吃雞煲最後選擇了這一家 — 金樂軒感覺川式風味 味道正宗 便一起試一試川式風味有雞煲 有魚鍋可以湯鍋打邊爐 或者另外點小菜吃飯也可選擇多 可隨個人喜好而選尖椒皮蛋留心皮蛋口感好 加上自家調製醬料十分夾炒過的尖椒味道香 帶點辣辣的好過癮老重慶奇味雞煲正宗重慶雞煲 選擇了小辣 但已經夠惹味吃得辣的朋友可以在選中或大辣雞肉份量也很多 肉質和味道也很好還加入冬菇、洋蔥和辣椒等一起炒味道十分香 難怪是招牌菜式特級黑豚豬肉黑豚肉選自四川豬肉 片片新鮮炸魚皮自家即炸魚皮 香脆好味就咁食又得 浸一浸麻辣雞湯再食都得 不錯竹庶茅根本身好驚似糖水咁點知依款自家製唔會太甜 岩岩好還有陣陣濃香粟米味 清熱解渴又好飲

本身一班朋友間唔中都會一齊聚會食雞煲，但疫情關係，所以今次人少少2個人食左先。今次叫左老重慶奇味雞煲(小)($188)、炸魚皮($45)、鮮魚片($88)、辣炒土豆絲($65)、干鍋椰菜花($78)、尖椒炒黑豚肉($98)、竹蔗茅根(小)($33)竹蔗茅根(小)：天氣熱，先飲返杯透心涼見到裡面材料足，職員講話係自家製，飲落滋潤又唔會太甜老重慶奇味雞煲(小)：今次2個人食，所以叫個細煲嘅同埋小辣黎食。佢呢到個雞煲唔係淨係狂加川椒嗰一種麻辣，而係有辣椒之餘仲有黑椒嗰一種香辣，呢種辣味特別得黎又幾正至於雞肉食落去好嫩滑，同埋D雞皮唔會好肥，食落去入晒味夠惹味，見佢MENU寫話係用三黃雞尖椒炒黑豚肉：用上尖淑黎炒黑豚肉，所以食落去都辣辣地幾惹味，同埋黑豚肉質素都幾靚，肥瘦適中辣炒土豆絲：土豆絲切得幼細均勻，食落幾清爽口感唔錯，呢道菜辣得黎有偏向有D酸辣干鍋椰菜花：呢道菜加入左青椒黃椒去煮，食落係有少少辣辣地，而椰菜花煮得都幾爽脆入味大合照雞煲差唔多食晒嘅時候，職員會幫我地加湯，咁就可以當埋打邊爐咁樣落埋D配料食炸魚皮：魚皮新鮮炸起，上菜時仲聽到D卜卜聲就咁食都好脆身，雞煲加左水後，輕輕浸入去幾

已經唔係第一次嚟幫襯, 今晚食酸菜桂花魚鍋同打邊爐，BB辣對於我呢D唔係好食得辣嘅人來講都接受到。💖‘酸菜桂花魚鍋’呢個真係唔野少，個湯底係用龍躉頭同骨熬製而成，十分有誠意👍🏻鮮甜魚湯配搭酸酸辣辣, 刺激味蕾又好鮮甜。桂花魚大大塊🤗，舊舊都係肉，而且食極都仲有，好足料💓魚鍋裏面有好多料，食到最後嘅時候，一定要食鍋裏面既蘿蔔，吸晒鍋裏面嘅精華，正!💃🏻‘芥末貢丸’肉丸加咗少少芥末，味道好夾。創新又好味😋‘滑牛’牛肉高質，冇乜肥膏但係一啲都唔韌，而且好有牛肉味。🐮‘炸響鈴同埋炸魚皮’都係啱啱乍起，魚皮即刻食卜卜脆。Overall嚟講呢一餐真係十分滿意🥰人均都係二百零蚊，食物質素高，而且CP值高。重點係店員好友善，下次會再嚟食😘

餐廳位於和富薈附近，一條人流較少既內街入面，今日同朋友黎食下潮洲菜！店面既環境都好有味道，一入到去樓面既姐姐已經好好笑容咁招待我地，非常熱情係香港地道餐廳既感覺，我自己就幾鐘意！竹蔗茅根：一坐低有d口渴就叫左個竹蔗茅根，好清甜仲飲到好清香既竹蔗味，一路食住酸菜魚一路飲，好夾好舒喉，鐘意酸菜桂花魚鍋：今晚既主菜！個湯有陣陣既魚香味，落左檸檬令本來唔鐘意魚腥味既我都飲得好舒服，唔會有平時食蒸魚既腥味，魚肉好滑又唔會煮到散修修，好好味。而且份量都幾多下，一鍋都叫三四人一齊食！水餃雲吞：店員好親切咁同我地講係人手包，仲強調左兩次！雖然未去到話皮薄果隻，但食落都有滿滿既食才係口既感覺，吸收埋少少魚湯，係幾好味。個人會偏愛佢個雲吞，食落有鮮味，抵讚啊！蟹柳：一碟普通既蟹柳～因為想食不過唔係坊間最cheap cheap果d長長方方既蟹柳，所以都合格啦！什菌炒黑豚豬肉：店員姐姐話係正宗潮洲菜，食落個荽汁都幾重幾濃，感覺有d似平時家常便飯既口感，我就覺得依味一般般啦！不過同行既朋友就話幾岩佢口味喎！家鄉蠔仔煎：依個唔洗介紹都知係潮洲名菜啦！果然無失望，不論係蛋漿既比例，蠔仔既鮮甜肥尾度，定係調味都係非常

最近心癮好勁，決定真係搵晚食下雞煲！見朋友有介紹過依一間餐廳，就決定一齊嚟食下啦❤️依間餐廳種類好多，可以食雞煲或者魚煲，有好多都係其他地方冇得食，例如酸菜龍躉魚鍋、酸菜東星魚鍋！我哋叫咗個老重慶奇味雞煲，雞肉非常嫩，入味得來又唔會太老喎！真係忍唔住問老闆點解可以做到咁❤️👍🏼👍🏼👍🏼另外我哋就叫咗唔同嘅配料，例如鮮魷魚、丸餃雙拼，即係有汕頭牛肉丸同埋貢丸😊😊😊配料都非常新鮮❤️👍🏼不得不讚炸魚皮，原來係餐廳自己親自炸，唔怪得知咁脆，必食❤️❤️❤️另外我哋都叫咗竹蔗茅根一揸，好欣賞呢一度唔會落糖，清清地好好飲❤️👍🏼我哋今晚真係好大食，叫多個什菌炒牛頸脊❤️因為佢呢度都有好多小菜，牛頸脊好香牛味，如果有白飯配埋食一流呀❤️❤️❤️同餐廳店員傾開計先知道原來佢哋都有外賣服務，亦都可以到會個喎，下次真係要試一試先❤️

這天跟朋友下班後去食雞煲，這家雞煲在朋友家附近，是朋友經常吃的，說性價比特高，而且店內的老闆及店員均充滿笑容，人情味滿滿，就帶我來試試🥰✨老重慶奇味雞煲(BB辣) $188雞煲一上，已經散發出濃濃的香氣，待雞煲炒熱後，馬上開餐！雞件好入味！肉質保持嫩滑，而且醬汁香濃惹味！令人吃個不停。除了雞，裡面還有冬菇，豆卜；冬菇彈牙爽口，豆卜完全吸收了雞煲的精華，非常好味！✨啫啫唐生菜煲 $78同樣鑊氣十足！醬汁份量剛好平均掛在各片菜上，同時又不會太多汁，浸軟菜身，唐生菜嫩綠，口感爽脆！內裡還有蝦乾，提升整體鮮味😋絕對值得一試！✨干鍋田雞(BB辣) $98難得有田雞食，當然要點！田雞鮮味，肉質細嫩，啖啖肉非常足料。洋蔥，三色椒等配菜亦吸收了田雞的鮮甜，味道一流。✨爆炒黑豚肉 $88有韭菜花，洋蔥，什菌，肉片，清炒味道較為清爽。✨竹蔗茅根 $33味道清甜解渴，配上這夜的一枱有鑊氣菜式，竹蔗茅根是必點之選呀！

約朋友打邊邊，朋友建議去北角呢間，因為聽聞呢間啲嘢食都幾好味，價錢合理。坐低之後叫左重慶奇味鷄煲($188)，因為我唔食得太辣，所以就叫左BB辣，乾鍋田鷄($98)，牛柏葉($78)，蟹柳($40)，白鱔片($128)，鮮蝦雲吞同埋韭菜餃雙併餃子($68)，另外又要左1 jar竹蔗芧根水($33)。當中我至喜愛乾鍋田鷄，因為真的好耐好耐冇食田鷄，印象中田鷄肉質結實中有彈性，雖然冇🐔肉咁可以大啖大啖食，但係我就係鐘意佢田鷄嘅肉質感覺，呢度仲係用干鍋煮法，更加令到田鷄肉外面有小小微微哋嘅燶，但係喺乾身又微燶嘅肉嘅裡面卻又就係結實中有彈性嘅口感，加埋惹味香口嘅配料，葱、蒜頭🧄、紅黃青三色椒等等，正。

終於可以約朋友出街食飯啦，今次緊係到我發辦，就決定食個酸菜魚鍋先！一黎可以袪一袪濕，二黎可以過下酸辣癮～就去北角嗰間金樂軒，貪佢夠近地鐵站。一到埗，老闆一聽到我地話想食魚鍋同招牌小菜 ，就已經介紹酸菜桂花魚鍋同雜菌炒牛頸脊，佢話好多人都食過返轉頭再食，同埋個魚鍋係由桂花魚從朝早熬煮，咁我地一於就試一試！嘩！雜菌炒牛頸脊一上枱時，陣香味就立即飄過黎。咁我地都二話不說，試下佢地既招牌小菜到底有咩咁特別先！ 首先要講下個牛頸脊，食落去都感覺到個牛都能保持滑嫩及鮮味，配合足料既雜菌同配菜，真係佩服呢碟菜可以成為招牌小菜，因為真係好好食 😋到主角終於到啦，就係酸菜桂花魚鍋。呢個鍋真係好足料，成個煲鍋面都係滿滿的桂花魚。而下面有個電磁爐，好讓令整個鍋能保持在適當既溫度，令一啖湯同魚都係熱辣辣咁入口，真係正！講下個湯先啦，湯飲落去個喉嚨覺得好舒服，唔會有種奇怪既油膩感，再加上魚既口感好有層次及彈牙爽口，整個簡直係完美組合！最後。不得不提就係壺冰凍既竹蔗茅根，飲落去感到非常滋潤，似係由新鮮既材料煲，因為覺得係飲凍既湯多過飲平時既飲料。就黎父親節，一於叫埋爸爸試埋佢個雞煲同其他小菜先, 岩哂鐘意食辣野既

好久無同家姐食飯啦，於是來到北角同她食飯。她說想食小菜,一於來比較有人氣的金樂軒開餐。來到門口，見堂食 🈶85折，吸引，而外賣就 八折。兩人點了四道菜：燒汁羊排,亁鍋田雞(小辣)啫啫通菜和蔥爆牛頸脊。服務員幫我地餐具用熱水消毒,我地坐的卡位都加高了膠塊，加強防護。蔥爆牛頸脊先登場，家姐話蔥爆完都帶鮮甜，抗疫好選擇，牛頸脊呢肉嫩口感佳。燒汁羊排來啦，沒想用鐵板上，有西餐感覺。天氣涼最好食羊肉保暖，來一口，竟然🈚咩蘇味，肉挺嫩滑，有嚼勁～～啫啫通菜和亁鍋田雞(小辣)上枱啦，田雞在溫火加熱，通菜份量多，夠脆綠，帶微辣，好有鑊氣。最後當然先食比較濃味香辣的田雞，未食前就已經聞到香辣味。見煲裡好多材料調味料，先來一口田雞腿🍗先，香辣肉滑，肉好入味，食完味道仍留在嘴和鼻，有驚喜。整體而言，食材新鮮，味道滋味，環境舒適，值得舌尖再來一遊。

老重慶奇味雞煲：侍應將雞煲上檯時經已飄出陣陣惹味的香味，上檯時雞肉還是在半熟狀態，侍應細心提醒要多煮數分鐘，等雞肉熟透而不過火，除了等雞肉煮熟外還可以將充滿著獨特香味的汁滲透入嫩滑的雞肉和配料內，而首當其衝當然是最吸味的豆卜，繼而香菇，最後則是厚切香甜的洋蔥，而雞肉雖則包裹著濃郁香氣的醬汁，但其濃厚的三黃雞雞味，亦沒有被其遮蓋著，而更甚者是更突顯出來，令味道昇華到更高的層次。