金樂軒雞煲魚鍋

營業中

休息中

天氣開始無甘熱，疫情開始放緩，當然要同朋友聚聚舊，今次就黎左朋友呢邊食雞煲加打邊爐，因為甘樣邊食邊傾計真係唔錯😌 講返呢間餐廳，我哋以前都有幫襯過，不過都有段時間了，但味道依舊不變，老闆都甘親切😌，真係好中意甘有人情味既餐廳。叫左唔辣既奇味雞煲，即使係唔辣都依然味道十足，份量足夠，雞件大，雞髀雞翼都有😋雞肉新鮮，不愧係我至愛😍打邊爐點可以少左食炸魚皮，魚皮脆卜卜，份量都係十足。桂花魚片，由於好怕魚有腥味，所以打邊爐好少會叫魚，但係呢種桂花魚就唔會有腥味同埋片好晒唔會有骨，就算少食魚同怕食魚既人都容易接受。自家製墨魚滑，份量大到嘩左一聲，新鮮不在話下仲好有口感，下次會再叫。仲有叫左貢丸，韭菜餃，油麥菜同埋出前一丁呢啲邊爐好拍檔😌😌最後，值得一提嘅係自家製竹蔗茅根，唔甜，清涼甘香，基本上嚟呢度都會叫。

前幾日去左北角食呢間金樂軒雞煲魚鍋，呢間店好街坊平民feel，好多人收左工就會去食😋今次係我第一次食，係住附近既北角友帶我去eat🥰認真的說超好吃，唔怪之得咁多人收工去eat.我鍾意食酸菜魚，所以係雞煲同酸菜魚兩難的情況下，我都係揀咗酸菜魚😋我揀咗小份既酸菜桂花魚鍋（一條）😜 $238無乜骨，魚肉滑，岩我✅落咗大量酸菜，而且仲加咗檸檬，個湯好好飲👍🏻另外我再加多左薯仔片🥔 $35放落個煲度食好好味 送飯都一流㗎😍小菜方面，尖椒炒牛頸肉👍🏻 $108 我覺得食落好似乾炒牛河咁，但係佢啲肉係好新鮮，唔似平時餐廳食嘅冰鮮牛肉🤣 呢間牛肉係有彈性的😍正正！辣炒土豆絲😋 $65個味道好特別，小辣都幾辣㗎，但我鐘意🙈尖椒皮蛋$52好重口味！正！ 好食過出面！勁香口飲品方面，我叫咗竹蔗茅跟，小渣 $332個人飲剛剛好，好足料❤️又解辣！

好少過黎北角區，今次因為黎呢邊Staycation既關係所以就係北角搵食係 誤打誤撞 之下就嚟到金樂軒，望望個餐牌有咩食，估唔到佢地有酸菜魚同雞煲食，仲有小菜種類都幾多元化， 定正係我哋想食嘅嘢首先就叫左個酸菜魚先，我地叫左小辣其實我都幾怕食魚， 今次食嘅酸菜魚係桂花魚，冇乜骨，又唔會腥可以話係啖啖肉， 好鍾意佢個湯底，因為佢哋嘅湯底都係用魚熬出嚟，係奶白色㗎所以味道非常濃郁，酸度都啱啱好原來椒鹽嘅食品都係呢度嘅招牌菜之一我哋就叫咗個椒鹽鮮油同埋椒鹽小排骨，兩款都非常惹味另外佢哋仲有火鍋配料，我哋就叫咗午餐肉同埋豬頸肉佢個午餐肉真係幾好食，唔係俾啲平價午餐肉整體來講呢間餐廳嘅食物質素都幾高， 我想再試吓佢其他小炒

北角一向食店林立，選擇又多，所以每次過嚟呢區食飯都心大心細，唔知揀邊間好。今晚同朋友過嚟和富道搵食，友人二話不說，第一時間就選了這家「金樂軒」。店鋪面積不大，裝潢平實，內裡設有多張卡座，另外亦有兩張大圓檯，地方乾淨企理，予人簡潔舒服之感。餐廳除了主打雞煲、魚鍋外，仲有鑊氣小炒、晚飯小菜等供應。我哋點咗個酸菜麻辣魚鍋 ($148)，另外再加咗幾款火鍋配料同一渣竹蔗茅根 ($33)。魚鍋率先送上，烤魚選用了加州鱸魚炮製，大大煲，分量十足，加上一端上桌時，已飄來陣陣香味，十分誘人。魚肉非常嫩滑，肉質紮實，片片分明，既入味又鮮甜，外皮烤得非常焦香，能鎖住魚油和香氣，配上開胃嘅酸菜同香濃的湯底，惹味十足。配料揀咗安格斯牛頸脊 ($238)、豬頸肉 ($58)、 韭菜餃拼魚皮餃 ($68)、鮮墨魚滑 ($68) 同 蟹柳 ($40)。牛頸脊水準上佳，肉質非常肥美，牛肉香味十分濃郁，就算淥得較長時間，咬下依然嫩滑腍身。豬頸肉味道亦唔錯，軟腍得嚟又有肉味，食落好有口感，而且唔會因為滾得太耐而變得嚡口！韭菜餃亦誠意十足，全部都係店鋪自家包製，皮薄餡靚、粒粒飽滿，第二度真係食唔到。魚皮餃亦值得一吃，入口爽

餐廳喺和富中心附近，糖水道公園對面。望落似家庭式小店，但食過之後，發覺食物質素完全唔會令人失望。 佢主打雞煲及魚鍋，而且有好多款小炒選擇，即使唔食比較重口味既煲都仲有好多菜式揀。今晚就叫左個小炒，烤魚，再加啲火鍋配料。 什菌炒牛頸脊 夥記極力推介，算係佢哋嘅招牌菜，好多客都會叫。炒得好有鑊氣，牛頸脊唔會太淋或太韌，亦唔會好肥膩，又有口感又有牛味。配合個甜甜地醬既汁，同牛肉嘅味道好夾。必食! 烤魚 鱸魚先烤過，再放上個煲內，用細火慢慢坐熱，而啲香料，辣椒等就慢慢煲啲味出黎，越食越惹味。今次叫咗小小辣，唔太辣之餘又好開胃。 途中夥記見到個煲冇乜湯時會主動加湯，抵讚。 個煲夠哂足料，愈滾愈有味，但食到後期覺得鹹左少少，就叫夥記幫手加清水。魚食得七七八八，就開始淥其他火鍋配料。 配料叫左鮮魚片，炸魚皮，蟹柳，豬頸肉同唐生菜。 魚片大大碟又大大塊，爽滑又新鮮。朋友本身唔太中意食魚都話好食。 炸魚皮上嘅時候仲暖暖哋，大大塊好完整，食落脆卜卜。聽聞係自家製，所以唔會好似出面現成買咁厚粉同重味精。 蟹柳好滑，唔似平時火鍋店食開既普通料。 豬頸肉都爽口，但未至於有驚喜。 鄰近嘅食客都似

和富道呢條街好多嘢食，今晚一於食返個雞煲。平日夜晚唔多人，可以好鬆動咁坐。先品嘗 BB 辣嘅重慶奇味雞煲，辣度都好啱。啲雞滾返就食得，啲肉好滑。個煲本身加咗豆卜，我哋再加埋支竹，啲汁嘅精華完全吸哂。雞煲之後嘅火鍋，我哋點咗唔同嘅餸。有魷魚，鮮魚片，津白同鮮墨魚滑。鮮魚片好滑，就算煮耐咗都仍然保持質感。鮮墨魚滑有驚喜，好彈牙。津白切細棵，所以好快就煮熟有得食。最後點咗個烏冬，呢度好有誠意提供嘅係讚岐烏冬。另外要推介吓呢度嘅竹蔗茅根水，好夠凍又唔會好甜，涼透心。

黎到北角，點可以唔試下金樂軒既招牌雞煲🫕好耐之前就係飲食雜誌，見到佢地既大廚好出名，今日難得經過呢頭，一定要試試佢！😎離地鐵站都有一小段距離，店舖裝修不算華麗，但帶有一個簡約風格，而且好乾淨，燈光舒服，坐得自在🙏🏻一坐低，就會問你食雞煲定魚煲，相信黎得既客人都係為左佢地既招牌而來😆我地都唔執輸，叫左雞煲🫕老闆好友善，會問清楚食咩辣度🔥仲會有建議小菜或菜式～👍🏻最後我地㨂左小辣雞煲，食完轉火鍋🍲加生魚片、土魷魚🦑、芝士腸、拉麵🍜，仲有超推介、新出的麻辣小龍蝦🦞🤩係我最愛呀！雞煲一上黎，已經聞得濃濃香味，小辣食入口辣味不重，下次可以挑戰中大辣🔥🔥雞肉非常入味😍啖啖肉，都好嫩👍🏻食完就加濃湯打邊爐😍新鮮魚片的份量比得足，滿滿一碟，而且好鮮味，最欣賞係起曬骨💯💯只需灼煮十數秒就食得👍🏻小龍蝦🦞即炒即上，熱辣辣🤩肉質煙韌有咬口，相當唔錯😎 老闆建議凍食，果然又有另一風味，龍蝦味更出色👍🏻 仲有膠手套提供，唔怕成手油膩油膩～貼心🥰🥰環境舒適，味道不錯👌🏻老闆細心，食得開心🤣🤣有機會再經過一定再食一大盤小龍蝦🦞😆

咁啱想食雞煲就黎尼間試下，見佢個名同柴灣有間食小炒既街坊小店好似，點知問過老闆之後佢話真係有關係既即刻對食物水準充滿信心！老重慶奇味雞煲。 8.5/10揀左小辣，又有啲黑椒味既雞煲好易入口，食得好舒服！雞既份量好多，兩個人淨食雞都有啲飽雞肉仲要幾滑，唔肥，一啲雪味都冇桂花魚片。 9/10平時食火鍋唔太鍾意食魚，因為怕腥同怕多骨。但尼次既桂花魚魚片係超驚喜！唔腥，魚肉好滑，骨都少必食！炸魚皮。 8/10即叫即炸！好新鮮好脆！份量多！鮮蝦。 8/10中等size，一食就知係新鮮蝦🦐蟹柳、津白、讚岐烏冬。 8/10高質既火鍋料啊！蟹柳係一條條既蟹柳肉，而唔係啲麵粉整成既假蟹柳🦀。津白好啱配雞煲！好易入味～烏冬就正常水準，一片夠晒兩個人食👍🏻竹蔗茅根。 9/10老闆話係自家製既，好清甜，好解膩必試！

呢間雞煲環境好地道，夠哂風味！⚠️唔淨止有雞煲，仲有好多小炒，同埋好多人讚嘅酸菜魚同朋友兩個人叫咗一個小雞煲，BB辣，但係都真係食得出辣味，所以建議唔係太食得辣嘅人就叫BB辣就夠。個雞煲一嚟到已經聞到好香，有大量嘅芫荽！超級惹味。雞嘅份量都好多，而且煮得好入味。最特別嘅係佢會有埋豆卜，而豆卜係超級吸湯，所以超級正雞嘅肉質都好嫩滑。依家唔係好多地方可以食到椒鹽鮮魷，難得見到，一定要叫。新鮮抽出嚟，熱辣辣，夠晒爽。食完雞煲加湯打邊爐。叫咗幾樣配料，每一樣都好新鮮。每一樣嘅份量都好多，所以價錢都好合理，最適合同多啲人一齊嚟叫，咁就可以叫多啲款式。特別推介鮮墨魚滑，起碼有成個拳頭咁大，起碼夠四至五個人。另外亦推介佢嘅水餃類，韭菜餃同埋雲吞都好大隻，特別係韭菜餃，入邊有大量嘅韭菜，好滿足。豬頸肉亦都非常之唔錯，夠晒爽口。仲要推介佢嘅豬皮，亦都係好吸湯好入味。另外都試咗佢嘅蟹柳，冬菇，烏冬，同樣都好唔錯記得同多啲人一齊黎食！

落雨天最想食辣辣地同打邊爐type嘅嘢🌧於是今日收工就同男朋友係附近揾食！最後決定食雞煲！又有辣又有得打埋邊爐😋 餐廳係位於北角嘅「金樂軒雞煲魚鍋」💪老重慶奇味雞煲：揀左小辣，因為雞煲要辣先夠野味。但係我又唔太食得辣，所以揀左個最唔辣既level😂個雞煲開蓋既時候，入面既香味就瘋湧而出😋 忍唔住夾一舊雞黎食，肉質較嫩😋雞肉亦都好入味😋好好食嘅程度係會令你忍唔住不停夾黎食👍👍👍👍除左雞肉，煲入面仲有蔥花、豆卜、冬菇等既配料😋夾左一舊豆卜黎食，豆卜切到細細粒，每一舊都吸收左醬汁嘅精華，係最好食嘅雞煲配料😋😋小小辣都食得好過癮😋煎墨魚餅：墨魚餅嘅外皮係金黃色，咬落去非常之彈牙😋鹹鹹地🧐配醬食幾好食😋食完好好味嘅雞煲就到打邊爐啦！安格斯牛頸脊：厚切嘅牛肉片，每塊牛嘅脂肪分佈都好平均👍食落有牛味但唔好過重！肉質柔軟+有些少咬口但一點都唔會硬👍👍👍一份嘅份量好多！好好食😋午餐肉：估唔到配雞煲味一齊食又幾夾😋 成份塊塊都好厚身！係厚切午餐肉😋😋肉丸雙拼（冬菇貢丸+汕頭牛肉丸）：冬菇貢丸非常Juicy😋😋咬開仲滴緊汁😋 汕頭牛肉丸：較實身🧐但都係有牛味嘅👍薯仔片：每片嘅厚度都適中，唔洗煮太耐👍好入味，

今日甘岩係北角做野，就問下個friend去邊度食嘢好啦，諗咗好耐都唔知食乜好，跟住就話想去食雞煲，咁就上左openrice搵到呢一間金樂軒，見好多好評，就用openrice book 左2030。地方不太難搵，都算近地鐵站。入到去坐低，地方都幾闊落，咁我地就叫左個老重慶奇味雞煲，跟住叫咗個鮮魚片，豬紅，特級豬豚肉，炸響鈴，津白，肉丸雙拼，蟹柳，新鮮蟶子，讚岐烏冬，同埋一jar自家製竹蔗茅根水。首先嚟咗個竹蔗茅根水，自家製真係唔同啲好好味同不太甜，跟住就到個雞煲，個雞煲好香，未食都已經流曬口水，啲雞好滑，同埋唔算好辣，而且有幾多配菜有豆腐卜冬菇等，豆腐卜好入味，差唔多食完啲雞之後老闆就主動走過來幫手加湯，跟住將啲響鈴放埋落去給d湯裏面，吸曬啲湯嘅精華，正，鮮魚片好滑好新鮮而且份量幾多食完幾輪都仲有，，豬紅都係好滑味道不錯，啲新鮮蟶子都幾大隻幾新鮮，蟹柳都幾好味不容易散開，d特級豬豚肉好有肉味，而且份量不少，個肉丸雙拼好彈牙，正呢餐真係豐富，價錢都不太貴，還有有85折。我哋已經食到好飽飽啦，但係見到隔離枱啲小菜好香好靚而且好大碟，，下次一定要再試

想食酸菜魚但又想打邊爐，嚟到可以一次過滿足兩個願望😋😋首先要咗渣竹蔗茅根，睇相都見到好足料～加埋粟米、紅蘿蔔，唔會死甜而係有蔬菜嘅清甜～熱辣辣消署解渴一流🤩🤩跟住就嚟到重頭戲 — 酸菜桂花魚鍋🐟🫕 同樣都係相當足料，唔驚唔夠食～魚好有鮮味，加埋酸菜同湯底夠開胃😬魚鍋嘅湯係可以飲埋落肚😋男朋友最驚食魚多骨要損😵😵‍💫呢度嘅魚幾乎冇骨🤤啱晒怕骨嘅朋友🤣而邊爐配料方面，有自家製親手包嘅鮮蝦雲吞同餃☺️打邊爐當然唔少得響鈴，呢度嘅炸響鈴有好多層，可以索盡湯底精華😆讚岐烏冬加埋湯底都好好味😙滑牛同豬頸肉亦都唔少得😇而最後呢度有樣配料係咁耐以嚟打邊爐都冇試過🤔—薯仔片～看似平平無奇，但原來薄切一片片又幾好食，食落keep住爽脆🥸

The Chicken Pot restaurant is located on Wharf Road, North Point. The name of the restaurant is Kam Lok Hin Chicken & Fish Pot. They offer a variety of different old fashion Chongqing cuisine. They are specialty is their Chicken or Fish pot as it retains the original flavor from Chongqing. The staffs at the restaurant are really friendly and the atmosphere was great. The staff explained what to expect when we try the dishes.So, what we ordered, we ordered bamboo root herbal tea, a Spicy chicken

金樂軒雞煲魚鍋，位於北角和富道，餐廳前身是位於柴灣的小店，及後因主打的雞煲大受歡迎，搬到北角後，現時餐廳就以雞煲及魚鍋為主打，當然亦有大量特色小炒。奇味雞煲，是餐廳大受歡迎的一個主因，辣度可以自選，辣得來帶有獨特香味，亦不同於川式辣味，果然是奇味雞煲。雞肉嫩滑，二人可選半隻份量。餐廳另一個主打就是魚鍋，是次雖然選擇了雞煲，當然亦點了鮮魚片打邊爐，魚片果然非常新鮮，配上辣雞煲亦可。本地手切肥牛屬於火鍋必點項目，牛肉味濃，份量適中。

我同朋友都好鍾意打邊爐，雖然天氣咁熱，但只要餐廳冷氣充足，就無阻雅興。朋友帶咗我嚟北角嘅「金樂軒雞煲魚鍋」，佢話之前幫襯過覺得幾好，而家喺網上訂枱可享85折優惠啊🌟。小店門面並唔起眼，喺舖外係睇唔到入面嘅環境。呢度格局比較隨性，有卡位亦有圓枱，最矚目嘅係佢橙紅色嘅櫈，哈哈。整體環境都OK，最緊要係夠冷氣👍。餐廳主打火鍋🍲，但亦有賣特式小菜。火鍋湯底以雞煲魚鍋為主，價錢唔平，但我可以講係真材實料。至於一般火鍋配料方面，選擇都多，定價亦都合理。酸菜龍躉魚鍋($288/小)，呢個酸菜魚用料上乘，因為係採用龍躉🐟，而唔係龍脷魚柳。龍躉鮮味十足，魚肉嫩滑，連埋魚皮食好有彈性。雖然有骨，但並唔係細骨，所以都唔會食得唔方便。小鍋應該係二人份，不過其實都好足料，齋食魚鍋都飽咗三分一。酸菜湯底呈淺黃色，有得揀辣度，我哋要咗小辣🌶，配合埋酸菜食，辣得嚟幾醒神，又無川辣嗰種咁刺激。再者，佢亦好難得無某啲米線舖嘅酸菜臭味。鍋底裡頭有唔少椰菜花🥦，炆到淋哂，索味一流。特級安格斯肥牛($198)，裝住肥牛片個碟雖然唔大，但其實佢疊埋疊埋有好多片，接近卅塊。🥩牛肉大小厚薄適中，油脂紋理幾靚，食落亦好重牛味，高質！唯