金樂軒雞煲魚鍋

營業中

休息中

和富道呢條街好多嘢食，今晚一於食返個雞煲。平日夜晚唔多人，可以好鬆動咁坐。先品嘗 BB 辣嘅重慶奇味雞煲，辣度都好啱。啲雞滾返就食得，啲肉好滑。個煲本身加咗豆卜，我哋再加埋支竹，啲汁嘅精華完全吸哂。雞煲之後嘅火鍋，我哋點咗唔同嘅餸。有魷魚，鮮魚片，津白同鮮墨魚滑。鮮魚片好滑，就算煮耐咗都仍然保持質感。鮮墨魚滑有驚喜，好彈牙。津白切細棵，所以好快就煮熟有得食。最後點咗個烏冬，呢度好有誠意提供嘅係讚岐烏冬。另外要推介吓呢度嘅竹蔗茅根水，好夠凍又唔會好甜，涼透心。