金曼谷泰國餐廳

營業中

休息中

晚黑來 必須訂定位(好爆場) 越做越旺 客多檯多 偏偏人手唔夠多來到問了一輪先比到位 訂了坐店內 不用坐外食二手煙.. 食物仍然KEEP到水準(好合胃口) 可惜分量少左 喇沙不供應油麵 真掃興星洲炒蘿蔔糕, 炒青口,串燒, 炒雜菜, 金邊粉 必選 好味喇沙湯底味好香濃 但墨魚丸唔彈牙蒜蓉包 唔夠脆同熱椰汁紫米露(見佢番叮熱出來) 且好淡好稀 尾聲不忘送上例牌'椰汁大菜糕' 清清甜甜 正

在大圍區內, 金曼谷頗有名氣.前幾年多開旁邊馬來美食, 聽講也不錯.剛巧要到大圍一轉,同老公再回味著高中到金曼谷午飯的情形.轉眼間, 十多年~ 菠蘿炒飯由細吃到大, 只要有2個人以上都必叫.但菠蘿少了什豆多了.午餐份量跟晚餐相若, 只是賣上晚上好看點. 辣椒豬肉碎炒河今次辣到噴火, 辣完又想吃第2口河粉切皮片狀用spoon就可以. 餐飲椰汁冰& 龍眼冰都是冰多過汁, 冇味道.午餐價錢$30~$35, 10多年前亦只是$28, 漲價10%, 份量沒有變小, 怪不得生意越做越大,都需要靠口啤和街坊支持!唯一是態度越來越差, 可能地方不大客人又多吧~~

媽咪生日當然都係由媽媽揀食乜啦，今次就揀咗去大圍嘅＜金曼谷泰國餐廳＞食，其實再早於爸爸生日已經想去呢到食，不過果次因為人太多又冇Book位所以先冇去到，所以呢次預早Book咗位，食６點喎，早到呢....。記得上年媽咪生日已經想去食泰國野，不過好運果間又執咗，想去大尾篤＜忠誠茶座泰國菜＞架，不過又嫌遠咯，咁呢間＜金曼谷泰國餐廳＞佢地又食過話幾好食，唯有退而求其次揀呢間囉。我地一行５人好準時６點就到，當時已經有２、３枱客人喇，我地坐入店內後揀揀揀咗６款食物。以下食物順次序上枱為：﹣① 馬拉盞媽媽菜 $38② 泰式拼盤 (細) $68③ 冬蔭功 (大) $88④ 黃咖哩雞 $60⑤ 泰式蝦餅 $45 ⑥ 泰式菜炒飯 $40總計(連加一)：$373①號媽媽菜其實係乜野菜呢？食落似係通菜，味道還好。②號拼盤都係一般啦，冇乜邊樣特別好食，只覺好油淋淋...。③號冬蔭功勁足料，好飲喎，只略嫌唔夠辣o者。④號咖哩雞同樣係唔辣嘅，雞都幾嫩滑，洋蔥薯仔都好食。⑤號蝦餅的確彈牙，仲幾大件添。⑥號菜炒飯睇落好普通好濕咁，原來食落又唔係喎，只係材料普通啫，都幾受歡迎o番。菜式味道一般都接受架喇，可是佢地廚房抽氣

之前放 lunch, 日日都比班 sell 名城既地產經紀係到罷住 d 位lunch 時間有限作為學生既我地邊有可能等位結果由 5 月話食, 食到 8 月補課先有得食先黎金邊粉, 依然係咁好食, 只係唔鐘意 d "九" 棻味 =,=同學既青咖哩牛腩飯, 水準 keep 住 牛腩夠肥, 夠林, 正!

相約了大圍工作的朋友晚飯，突然間記起田心村很多有水準的食店，便移師到大圍田心村來，選擇了這間泰國菜館。等候朋友的期間，先點了啤酒、椰汁涼粉冰、泰式拼盤打打牙祭。拼盤是兩人份的，大家分着吃，輕輕鬆鬆打開話匣子。待友人下班，四人再點了︰青咖喱雞、千層薄餅、香茅焗銀雪魚、炒粉、炒菜，甜品是燒香蕉。青咖喱很香很甜，配以千層薄餅，很合適。香茅和銀雪魚用錫箔紙包好才焗，香氣樸鼻，銀雪魚嫩滑美味。以燒香蕉作甜品，又特別又好食。其餘串燒的賣相似乎不俗，有機會再去食過。

老公放假,囡囡番學,兩公婆去金曼谷食午餐,老公叫了一個青咖哩煙鴨胸米線,我就叫了辣椒肉碎炒飯,另叫了雞肉及牛肉串燒各兩串及兩杯餐飲.青咖哩煙鴨胸米線 --->>青咖哩幾好味,可是..煙鴨胸就難吃C了,而米線就有八成半似意粉,怪怪的.辣椒肉碎炒飯 -->>每次來這店都必叫這個飯,可是,水準下降了,無味既??咸味又冇,辣味更不食唔出.雞肉及牛肉串燒 -->> 兩款串燒,雖然只是翻熱後上檯的,味道及肉質都仲可以接受.龍眼茶 -->>以往這兒的龍眼茶好好飲的,家陣就淡到飲唔出龍眼味.柚子茶 -->> 也是淡而無味的. 住在大圍區的我,想吃泰國菜時,不管午餐還是晚餐,這兒一定是我的首選,因為好食,又抵食,而且,一次過可以叫兩間食肆的菜(金曼谷&金沙巴是同一集團的) 但......今次來到這兒,食物的水準好明顯的下降了,到底是換了廚師??還是廚師當日心情唔好,影響了品質呢??? 希望下一次再來時,原來的師傅已經回來吧~

餐廳唔太大，幸好今晚都算涼快，同朋友係餐廳室外位置用餐晚上車唔多，雖然係路邊，但都影響唔到我地燒豬頸肉有兩種肉，小弟唔太識分，只能夠話圖中上面果一隻比下面既好食肥瘦適中而且入口鬆化，甘香可口既豬油同辣得開胃既醬汁加埋一齊非常吸引 生菜包頗辣，青瓜絲既青新同埋柚子肉獨特既澀味令到整體感覺唔會一味得個辣字 食完先記得未影相 詞窮唔識形容，總之好食！一黎到既時候個飯滿到 d 汁係咁流出黎！三爬兩撥就同朋友極速分左佢～開頭未撈好，食落有 d 鹹，同 d 飯撈好左就 ok，不過胡椒太重手，搞到成口都俾胡椒味霸佔左另外我地仲叫左個甜品 （雖然餐廳都有送一個甜品）難得價錢唔貴，加上味道比起大部份連鎖式餐廳優勝，正

其實成日都黎呢間野食晚飯, 因為婆婆住附近.每次都必叫 : 咖哩大頭蝦, 冬蔭公, 辣椒膏青口, 豬頸肉咖哩大頭蝦個汁勁正, 最好就係配garlic bread 冬蔭公有時好辣, 有時少辣, 好唔穏定, 不過都好好味辣椒膏青口個汁又係勁正而豬頸肉切得夠簿, 個辣汁又好野味.其實呢間野D醬汁真係唔錯. 最緊要係價大眾化

要等一碗札肉湯要多久真係心中有數。但了成20分鐘見無行動，以溫和語氣查問，誰知長櫃姨姨不道歉之餘，還＂教＂我下次最好致電落單。即係我錯？慢、漏單唔緊要，街坊街里，你唔 sorry 仲要責備就好唔應該！！！

今晚同朋友嚟呢間野到食。先黎炸蝦餅，但睇落就真係一般過一般，不過都ok香ok脆。之後就到爸爸椰菜，味道偏咸，冇乜大驚喜，都同普通炒椰菜一樣。蒜茸包都算唔錯，幾好食，但四嚿仔，嫌佢細，比我兩啖就ko。個魚香茄子煲幾夠鑊氣，但一味得個辣字，又係偏咸。干炒雞絲河，食落有鑊氣，但太有鑊氣之下有‘糯’味，燶咗。埋單每人$100，唔算太特別，都唔知點解會人頭湧湧。

我覺得好幸運因為屋企附近就已經有間質素唔錯既泰國餐廳，唔駛去到九龍城咁遠有時放工覺得好攰就會一個人去食個炒河百吃不厭，食完成個人有返精神~不過多返少少菜會好d另外菠蘿炒飯同好熱氣既小食拼盆都值得一試反而飲品就普通，通常都唔會叫我諗除非落雨，如果唔係大多數人都鍾意坐出面，因為室內有d迫

04/08/2010(三) 7:15pm 黎到大圍食晚飯, Thxdtsdd 同太太決定試下金曼谷泰國餐廳.當時客人不多, 戶外座位只有一檯客人, 室內座位亦只有 3, 4 檯客人, 我地可以隨便揀檯, 然後馬上落單了. 我地食左:飛天通菜, 炒得幾香口, 辣辣地, 幾好食.雞翼湯河, 河粉比較"淋", 好易夾斷, 雞翼煮得唔夠香脆, 個湯就 ok 啦, 整體只係合格水平.椒鹽軟殼蟹, 食第一啖已經覺得外皮既粉好厚, 而且又係烤得唔夠香脆, 椒鹽味更加明顯不足, 低水準的食物. 黃咖哩牛肉, 咖哩唔夠香, 牛肉好"鞋", 應該係煮耐左, 食到尾都唔想食, 係今餐最差的食物.後加的蒜茸包, 係配咖哩食既, 蒜茸味足, 亦烤得香脆, 好食! 呢餐埋單 $181, 唔算貴, 但大部分食物都唔好食, 最好食反而係蒜茸包, 另外送既大菜糕都好食, 真奇怪! 服務方面就一般啦, 幫我地落單既後生仔可能係新人, 落單好慢, 又漏左落咖哩牛肉, 要我地催落單.Thxdtsdd 相信再黎幫襯既機會唔大了. 不過呢間食店都幾多人幫襯, 因為我地離開時室內座位已經全滿了, 戶外座位亦有 50 % 滿.相片

終於都有機會帶同事到呢間餐廳一試喇，真係推介推介呀我地6個人點左7味餸，樣樣都好好味，大家都食得好滿意!!1. 蒜茸包2客：好香，好濃蒜茸味2. 青咖喱豬肉： 少少辣，咖喱味夠香，加埋蒜茸包食一流!!3. 明爐鳥頭魚：酸酸甜甜，好開胃4. 燒豬頸肉：普普通通5. 炸墨魚餅：有點硬，唔太推介6. 馬拉盞媽媽菜：即係炒紅椰菜，雖然細碟少少，但加左肉碎幾好味7. 焗"wu"頭海鮮飯：好多料，好多蝦同"wu"頭，又多汁，夠香濃，強烈推介

因為唔想食新派泰國菜，所以黎左呢間傳統而有氣氛D既!差唔多九點都滿座七成，應該唔錯!串燒豬頸肉:有四串共十二舊，用十二舊唔係十二塊係因為佢真係好厚，燒得好香好惹味!馬拉盞通菜:好惹味，而且用泰國通菜，幼嫩好多!胡椒蒜蓉炒青口:提左老婆話炒青口好似好怪，不過佢中意無辨法。果然，同青口唔太搭配，但個汁好正好香，可以撈到兩碗飯!黃咖喱雞:呢個用『差』形容，咖喱好淡，雞都完全無味，薯仔唔夠粉。蒜蓉包:上菜既時候成塊包都黃色，實無死。好熱好脆，唯一不足係，牛油夠多，但蒜蓉就無乜，變得唔夠香!楊枝甘露:原來係泰式不過都係由原本芒果汁底變左椰汁底，還可以啦椰汁千層糕:老公至愛泰式甜品，岩岩蒸起好夠熱! 味道都唔錯P.S. 十點後有宵夜時段，睇過Menu都幾平!P.S.2. 餐廳唔收咭，請自備現金。所以今餐老婆請，哈哈

到左食晏時候但係又唔知去邊度食野好,於是就同左牙媽牙爸落去樓下間金曼谷食. 以前都麻麻地鍾意去呢度食野,覺得d野麻麻地. 反而牙媽牙爸就成日黎,話佢又平水準又ok今次叫左冬陰公肥牛米粉加杯凍飲, 估唔到個湯底又幾好味, 只係嫌佢差緊少少辣. 不過整體上都唔錯. d米粉又唔會太淋.以後都可以得閒落黎食番個晏, 不過食冬陰公就要落多幾羹辣椒啦!