金曼谷泰國餐廳

營業中

休息中

朋友B及朋友R帶到我到他們家附近的金曼谷泰國餐廳慶祝生日 由於我們較晚才到(約9:30), 立即有位,馬拉盞炒通菜馬拉盞味好香, 啲菜唔會太老 生蝦蝦夠鮮甜, 如果份量多啲就更好泰式拼盤香葉雞既肉質唔滑, 無乜雞味雞翼係普通炸雞翼, 香茅味唔突出春卷同串燒就唔錯炒金邊粉夠鑊氣, 但好油, 茄汁味重左D, 其實唔係難食, 不過唔係我預期既味道 青咖喱雞唔辣, 佢地既青咖喱奶味會重DD,要注意一下,我個人唔反感, D雞肉幾滑,配埋熱辣辣既又夠重蒜蓉味既蒜蓉包, 一個字:正!食完仲有好多咖喱汁剩, 本身想加白飯, 但要留肚食芒果糯米飯三色芒果糯米飯朋B友勁鍾意食芒果糯米飯, 當然要點一個來吃!三色係有白糯米,黑糯米同加左班蘭汁既糯米飯,班蘭汁好香好濃,好味~成個糯米飯都好甜, 唔鐘意甜野既人要注意~(咁岩當日芒果夠甜, 加分!)總括而言, 雖然佢未至於話一定要再返黎encore, 但其實食物既質素係幾好味, 至少夠鑊氣同埋即炒即上,假如我去開附近而又想食泰國菜我都會再黎

除眾所周知有小曼谷之稱的九龍城外, 其實還有很多寂寂無名的地道泰國餐館落在小屋村內. 它們, 雖然沒有被廣大報章或傳媒報道, 沒有在OPENRICE的十大排行榜上, 但卻盡得當地居民, 俗稱"街坊", 喜愛, 是屋村內的熱門搜尋餐廳.金曼谷泰國餐廳是由泰國人主理, 這裡的泰國人又是能操一口流利的廣東話, 帶一點泰國口音. 這裡晚上很多時也是坐無虛席, 尤其特別日子, 等位是一個大問題, 一小時是最基本吧, 最好日前先電話預約, 確保先不用輪飛仔, 但還要接受的是, 有時候即使預約了, 也得要在門外等一會兒呢.串燒 (雞/牛/豬, 任選2款)好多時候, 如果肉類被過份燒烤, 那種燒烤的味道會蓋過本身肉類的味道,  今次選了雞和豬, 基本上這兩款肉類本來的味道不似牛的味道那樣突出, 所以如果燒烤過火的話, 好容易兩款會變成同一味道, 幸而燒烤味沒有蓋過肉味, 肉質亦不會韌, 還是可以容易分辦開雞和豬. 食串燒還是有一個問題, 就是燒好的肉通常會跟竹籤黏得很實, 開頭一口沒有問題, 但到中尾部, 要保持良好的食相儀態, 想用叉協助將肉在尾部推出, 實不容易, 力度要適中, 最怕尷尬的情況就是

第一次食泰國野就間左大圍呢間金曼谷。聽朋友講呢間野既食物唔錯，而且街坊價錢就可以食到泰國野，所以就黎試下喇。我叫左個細冬陰公湯同串燒拼盤（牛肉同雞肉）。我平時唔系好食得辣，但食泰國野又點可以唔試下冬陰公呢。飲左第一淡，發現呢種辣味同平時食既好唔同，酸辣得黎帶種淡淡既香茅味。而且越飲越開胃，飲多幾淡，條俐就有少少麻辣既感覺，但唇齒仍然會留下淡淡香料的清香。飲到甘上下，串燒拼盤送到黎喇，望落其實同街邊燒既無咩分別，系個分量多D,同埋d肉大舊d。點知一咬落去，就發現d肉好嫩好多汁，而且配合獨特既沙爹醬，肉味更出更野味。食完個串燒，飲曬d湯，其實都幾飽下，埋單都只系百零蚊，幾抵食。

星期日兩口子去大圍搵食，見到呢間泰國野咁多人就去試試.我地被安排坐出面,如果夏天就不錯的.叫左蜜糖雞翼同埋泰式濕炒河粉.蜜糖雞翼一碟4隻全翼,大大隻，燒得好香.味度方面我覺得蜜糖味不足,但我朋友話都可接受.不過賣相比味度好.泰式濕炒河粉一黎到大家都打左個突.份量好細，河粉得幾條.最估唔到既係，佢既河粉係咁寬.圖中叉起既係一條河粉.係一條有2cm寬既河粉.唔只寬，佢仲好厚⋯⋯我食左河粉咁多年，都未食過咁既樣既河粉.唔好意思，真係口味唔岩.我諗，呢間野，無下次.

曾幾何時, 呢度係我同屋企人嘅食堂, 因為價錢平, 味道好, 而且附近勁多 "咪錶", 絕對方便駕駛人士 ^^ 呢度不論假日定平日, 都見其門如市… 就算訂咗位, 有時嚟到都仲要等…今日行街行到攰攰哋, 大概五點幾六點, 家人提議食早飯, 順便歇一歇… 一輪相議過後, 我哋決定嚟呢度搏一搏, 咁早應該有位嘅 ^^ 哈哈, 不出我哋所料, 六點去到真係仲有位… 不過十五分鐘過後, 已有好多客人魚貫入場… 哈哈, 生意真係旺!!我哋今晚點咗幾味小炒, 首先出場嘅係酥炸墨魚餅 ^^ 外面炸到金黄酥脆, 內裏嘅墨魚肉又勁彈牙, 美味可口!! 呢個小食係我哋一家人嘅必點美食 ＼(^o^)／跟住出場嘅係沙嗲串燒 (4串雞, 4串羊), 串燒燒得好香, 充滿炭燒嘅口感, 而且肉質鮮嫩又多汁, 配埋惹味嘅沙嗲醬, 真係令人停唔到口 ^^緊接出場嘅馬拉盞炒椰菜苗 ^^ 其實馬拉盞本身已經好香口, 好惹味, 配上爽脆嘅椰菜苗, 簡直冇得彈!! 菠蘿炒飯 ^^ 原個菠蘿上, 充滿泰式風情! 而且內裏夾雜不同嘅海鮮, 為炒飯增添味道 & 色彩! 不過今晚嘅炒飯味道有點淡, 冇以前咁好食…最後出場嘅係炒貴刁 ^

东西很好吃，后来发现原来金曼谷泰国餐厅和马来餐厅是连在一起的，菜单里有泰国和马来的菜。金边粉和烤鱿鱼很不错，味道超级棒，冬阴功有些酸和辣，吃不了酸的人还是不要尝试了，不过里面还有挺多料的，虾和蘑菇。那个咖喱鱼一般般，菠萝饭以为是放在菠萝里的饭，上来很快，但是上来的时候不是很热了，但味道还不错。总体来说，还是吃的很开心的。

已有一段日子沒來金曼谷, 果然是味道一如以往, 態度也一如以往地~差!中學年代, 金曼谷都算是數一數二正菜, 最起碼每個月總有一兩次光顧. 要知道當時零用錢只有$22/ 日, 但金曼谷不設學生餐, 位位$28!之後餐牌開始在雜誌賣廣告, 連住在大圍以外的生客也前來取經, 晚市沒訂位最少要等一小時以上, 都幾誇張!餐廳只在午市及晚市, 休息時間為下午3~6點, 沒有人接電話, 於是晚市早點到, 踫踫運氣~6:15pm到達, 坐在餐廳內位與位之間極度狹窄. 連女士們也甚為吃力.約6:45pm, 連外面也坐滿了.侍應不變, 仍然是清一色女士加唔咸唔淡的廣東話. 以收銀的疑似老闆娘最有霸氣 明爐烏頭魚第一次吃, 是近年泰國菜人氣no.1. 整條烏頭熱住上, 份量之大嚇死隔離.配菜完全把魚身遮住, 最特別是幾粒圓碌碌梅子, 把它分屍, 味道滲入清湯裡.芹菜很多, 也有草菇, 黃牙白, 蔥頭一肉碎等調味.烏頭肉身淋, 不算新鮮. 魚鱗未刮乾淨, 有點嘔心.整體可以. 冬陰公 (小)家人不吃太辣, 曾問收銀小姐可否要小辣. 她沒考慮就說可以, 雖然她的眼神充滿疑惑而我又覺得減辣是不可能的事.喝下第一

在Openrice看到這裡，因住在大圍又想食泰國菜又唔想出返九龍，就來這一試。好多人等位，想像應該會不錯。我們4個人點了，無骨鳳爪 如喜歡可以試沙嗲豬肉串燒 一般鹽燒烏頭魚 很大條，但肉䀲不新鮮豉椒炒蜆 好細碟，不新鮮，肉＂䀲＂，蜆汁重生蝦 上面的辣椒＂叔＂的。影響了生蝦味道。我們投訴有關食物質素問題，經理解釋可能由於人客多的關係，影響了食物的質素。總括而言，周末希望開開心心輕輕鬆鬆與家人吃晚飯，但心情全被影響了，十分失望。

這一間泰式餐廳是開在村屋地舖裡，這一帶的村屋都是這樣子的做生意。相信這間「金曼谷」和「金沙巴」是同一個老闆，因為小妹坐在「金沙巴」的店子裡，但餐牌一面賣「金曼谷」的泰式菜，反轉另一面是賣「金沙巴」的馬來菜。雖然我坐在「金沙巴」，不過我點了「金曼谷」餐牌的「泰式炒金邊粉」。所以把食評放在「金曼谷」。村屋的樓下餐廳格局，都算是光猛，尤其是當出面陽光充沛時。所以都吸引到附近學校的學生來吃東西。小店子的打理都算不錯。看到這些食料如椰青都處理得很恰當。不過，我估吃椰青的菜式一定是很貴了。這個「泰式炒金邊粉」，材料有肉絲﹑銀芽﹑青葱，不過沒有肉鬆或乾蒜蓉等囉，較多泰式醬使炒粉上色和上味。是的，味道很濃，可以說是全靠泰式醬來帶領味道。不過值得一讚的是廚師的功夫，沒有有太多的油，所以可以吃到最後的一條粉。服務方面，真覺得這裡有其風格。因為那杯配合的飲品，竟然三催四請都未能送上來。在旁邊的學生哥，他們叫的湯粉都要一段時間才到，見到他們吃相狼吞虎嚥真搞笑。可是，最後他們埋單了，我那杯飲品才送上來，靠！薏米水是我較為喜歡點的配餐飲品，除了其他餐廳較少有之外，我覺得這裡的薏米水都很足料，而且薏米都大大粒。整體

話說今年細B收到好多利是 要請我食飯 ,我知道佢好鐘意食泰FOOD,所以就試下呢間了,味道很好,偏辣~~~ 料比較少泰式炒河:配料很多, 河粉粗闊...味道很一般蝦餅好味 彈牙, 汁不少,蝦滑比例都幾多.呢個好好味, 夠乾身 有焦香. 份量很多 而且很爽口,不過要盡快進食 (凍左味道差好遠)個人口味:6.5/10

是晚一家人外出晚飯，由於平日不必等位。先來一個每次必吃的酸辣鳳爪，酸度適中，最重要是夠辣！亦足料，鳳爪多之餘，配菜亦夠多是我試過眾多泰國餐廳中最好吃的一家。當然少不了冬陰公湯，可惜今天的令人有點失望，味過酸。隨後還點了辣牛肉碎炒飯，賣相一般，顏色過深，味道還可以，微辣，的確有點過咸。下次還是吃菠蘿炒飯好了。天氣凍最好吃明爐魚，點了泰式酸辣明爐魚，跟普通明爐魚不同，烏頭炸過的，很香，肉質也實，喜歡吃辣的朋友，可以另加指天椒粒伴著吃。泰式金邊粉我好喜歡吃，帶有甜味，面頭的花生碎和青檸令金邊粉生色不少，青檸汁還可解決炒金邊粉會乾的問題。是晚捧著肚子回家，好滿足。結賬後還有甜點送

一年一度母親節, 就梗係要出街食啦, 因為一定會有好多人訂定位食飯, 所以我就好早之前就上網search邊間舖頭好食了, 後來, 有一定和妹妹無意中行過,就見到依間環境不錯, 同埋價錢又ok 的泰國菜館, 後來我哋就上網睇番食評都讚好就盡快訂位了........... 母親節當日雖然booked位, 但一去到竟然好人得咁嚴重, 證明我無揀錯, 一定係好好食的 ^^ 豬頸肉都ok, 燒雞就真係唔得了, 好燶又老;仲要成$88; 蒸魚都幾好; 拉沙湯味道夠辣, 好味; 至於咖哩炒蟹都尚算好味, 總括來說總算過算有80分^^

只是想普通吃晚飯，便揸車到附近找找吃，老公堤意吃泰國嘢，又放便拍車，所以選擇了美田村的金曼谷泰國餐廳，之前食過都0K，每次晚飯時間也要等，冇計..費事再找，枱係有..但係服務員太小，根本看倒你當看吾倒😡人客太多..終於我同老公自由找一張走左但又冇人拾枱嘅枱坐低，再等3分鐘不停叫人先有人埋😡😡，算啦，好肚餓，叫左幾個小菜，金柚生菜包，冬蔭公，濕抄豬肉河，串鐃牛羊各2串其實味道都0k，見佢做都做吾切就知，但係佢地服務真係好差,冬蔭公冇湯匙，問服務員拿，問左三個也叫等陣，飲到一半先比，另外金柚生菜包之前食過，味道係辣，不過吾係超辣，但今晚那個辣到入吾倒口，我接受辣是0k的，但真的頂吾住，跟住我們問服務員，可吾可以有方法冇咁辣，佢答冇，我地吾係想換..只是想反映下，點知佢答我地，你叫又吾講😨..0咀，咁我咪答佢上次都吾係咁辣喎，點知佢又再答，冇架啦，叫嘅時候吾講少辣，所以都係咁㗎啦，態度好串👿算，又吾係叫你換，只想反映下，收口，我之後同老公掂都冇再掂，快快食完走人，我 同老公都覺，食係幾好食，根本吾休做，服務差都會繼續有人食，但好可惜囉😒起碼我吾會再去（受氣👿👿👿）

想食泰國菜但又唔想去到九龍城甘遠，近近地黎左田心，好在早黎唔算多人，我地走時好多人等緊位。生蝦：蝦肉彈牙，醬汁辣多d會更野味。牛肉生菜包：牛肉好多根，調味太淡，我地額外加多左甜酸汁。蒜蓉包：鬆軟味濃。炸雞翼：皮脆肉滑，雞肉入味，好正！烤豬頸肉：肉嫩爽口，野味香口。菠蘿炒飯：炒得香噴噴，菠蘿味清爽。咖哩大頭蝦：咖哩汁奶左d，蝦質素一般，唔抵食。明爐烏頭魚：湯汁好淡，魚肉腥腥地，好似唔太新鮮。送既甜品清甜爽口，幾好食。食店好多人，坐得好逼，食完要快快走人。

每次食親泰國菜都係去九龍城食,今次就試下揀咗去大圍嘅金曼谷泰國餐廳試下,聽聞呢間泰國菜係大圍都好出名. 店收＋一點, 我地大約＋點鐘入去, 依然仲有好多人入來吃東西. 冬陰公湯的酸辣度適中,湯很濃,很香.香葉包雞, 炸得好香脆, 熱辣辣. 雞肉都幾嫩滑,但食唔出有班蘭葉香味.這個柚子生菜包只食到柚子,猪肉碎幾乎找不到.食落好酸.這個很有趣的咖喱海鮮南瓜，喜歡吃南瓜的人有福了, 因為只吃到南瓜和椰味,並沒有咖喱的味道. 但整個味道都不錯,有蝦,帶子,墨魚,青口.配合南瓜蓉.青檸薏米水----- 有點酸,喝不出有薏米味.南瓜沙冰 ------ 好好飲,好濃南瓜味.免費的, 好似食大菜糕,爽爽地.試下無仿