金曼谷泰國餐廳

營業中

休息中

大圍站附近的幾乎都是連鎖食店，好不容易才走到田心村試點別的。朋友點的生蝦刺身，跟放題時常吃到的琉璃蝦一樣爽脆而沒有甜味，還吃的話還是把quota留起來去放題比較好~第一次吃泰式金邊粉，原來跟西炒飯的味道差不多。它比越式的做法油一點，吃完會有不夠飽卻不想添吃之感。菠蘿炒飯倒是做得不錯，腰果肉鬆和飯配著吃根本沒不好吃的餘地。只是份量少，性價比很低;加上談天的時候說起這種菠蘿炒飯的菠蘿殼可能被多次番用，也沒辦法好好清潔...胃口馬上掛掉☠️可能沒叫中這兒最好吃的~不過確實有失望，以為一家大小的桌子那麼多，味道會更好呢？食物份量以價錢和地區來説有點少,沒有再光顧的衝動。

喺大圍一帶覓食，總會圍繞住啲村屋既地鋪行，今日試既泰菜水準好一般，看來一次就夠了。冬蔭公係算今次所點既菜式中最不錯，其他有一般貨色跟味道既燒雞翼、鞋烚烚既咖喱豬、不應是又硬又脆既薄餅、好普通既雞肉生菜包附送既甜品，應是椰汁西米糕，不吸引所以隨便吃了一口而已

This place is delicious! The staff speaks great English and the food is divine. I highly recommend this thai restaurant! Specifically the Tom yum soup and the pumpkin curry. Make sure to call and book ahead. Best Thai food I've eaten in Hong Kong.

呢間泰國菜館同隔離馬來西亞菜館其實係同一間舖，所以貪心嘅人有福喇，兩邊menu都order得，不過我目的係泰菜，所以冇試過馬拉菜好唔好食。青咖哩雞好食，咖哩汁香甜，雞同茄子都幾多。馬拉盞炒椰菜苗，椰菜苗冇苦澀味，不過偏咸。菠蘿炒飯好大個，勁多肉鬆，飯夠乾身，唯一敗筆係用左雪藏蝦。蒜蓉包好夠蒜蓉牛油，香脆得黎唔會成塊乾晒，幾惹味。整體黎講都唔錯，不過調味有d重手，咸左d，但都係可接受範圍。價錢街坊，最後仲送左舊椰汁大菜糕，幾抵食。

今晚約左中學同學食飯😊 4個人已經第二次幫襯金曼谷喇上次係室內食今次book左露天秋風涼浸浸 室外傾計又靜D舒服舒服先叫杯啤酒啤一啤佢 泰啤$17呢度只供細支裝的啤酒一人一支 啱啱好一杯再尼每次食泰國野必叫的燒豬頸肉$78外脆內軟菠蘿焗飯$70真係用菠蘿裝住🙈不過不失青咖喱牛肉$68裹面有大量茄子 唔太辣 味道遍甜咖哩x焗飯有D甜過頭😂😂😂冬蔭公（細）＄65細的分到4－5碗小湯覺得比出面一般的冬蔭公辣同埋會比較想食飯先到冬蔭公，結果埋尾先上湯樂強菇同蝦！馬拉盞通菜 ＄60甜甜 唔太辣一餐只少要有一個菜！最後埋單送ge甜品～大菜糕＋椰汁糕比較爽口 一般般

今日lunch簡左泰國嘢食，呢頭都好像有好多嘢食咁。有lunch set 嘢飲再加四蚊雞。我叫左份泰式乾炒牛河好肥大條既河粉，整體有點油，味道一般，帶點甜，牛肉不是太多，有點碎。加了四蚊雞要了杯龍眼茶，有點茶味，龍眼味較淡，有三粒龍眼乾係入面，食落無咩味，整體感覺都較一般。

1）已幫襯好多年，食物愈黎愈唔掂，例如串燒可以燒焦了都照上枱，唉......2）全無服務可言，比預期黎多人，佢又唔想我地轉枱，最後要自己搬嘢轉枱。另外，臨近3pm收爐，枱面仲有未食晒嘅嘢，但侍應無表情，催落跟餐飲品，嫌我地阻佢收工，勁趕客。難道真係生意旺到唔憂做？真的無下次了......

這家店每年總會幫襯幾回，因為真的好味，與友敍餐多數都會來這裡吹水，個人推介明爐蒸魚，因為味道一流魚亦新鮮，其他菜式亦星星相惜不比鮮魚遜色。餐廳位置交通亦算方便，唯一是人流旺服務相對一般。

食過好幾次金曼谷，整體嚟講質素都幾好，唔會大上大落得好緊要。今次我哋兩個就叫咗：燒豬頸肉，肉質爽口，可以點佢哋隻酸酸甜甜嘅醬汁一齊食。豬肉生菜包，肉碎唔會炒得太乾太濕，食起嚟辣辣哋都唔錯，不過啲生菜就細塊咗啲，比較難包。冬陰公，每次食泰國菜都會叫，呢度仲會連埋個爐仔，一邊慶住一邊飲，飲到最尾個湯都仲係熱嘅。墨魚桶飯，差唔多食晒啲嘢先嚟，墨魚燒到好香，入面就釀咗啲炒飯，都幾惹味。最後就有份甜品跟埋，係椰汁糕嚟。

田心村路邊，多人去，睇落似街坊食開。價錢中挺。飛天通菜，原本真係飛曬鑊，相傳係泰國大排檔用來吸引食客嘅手段。咁係田心村緊係無人同你飛鑊，但道菜本身都有基本要求，就係要用指天椒爆炒先夠香、爽。點知呢度用紅燈籠椒，仲要得一細條，以為係唔小心跌咗，濫竽充數，是是但但。豆醬唔夠惹味，所以成道菜無驚喜，但好彩通菜當做，所以菜身夠嫩之餘有通菜要嘅爽。金邊粉，泰國菜基本盤。呢度鑊仔上，咸、亂、無層次。係咪好難食？又唔可以咁講，味道有，料亦足，但食落口就係，喇埋一舊，得個咸字。香呢？微辣呢？落咁多花生都唔覺。啲粉唔彈唔爽，一pat pat，聽落好似好高要求，但無嘅，女朋友話食落去以為擔擔麵，我覺得fair enough，擔擔麵都未和稀泥到咁，無所謂嘅話其實ok。壓軸出場，當晚精選。學名：也甚文咖喱羊架；價錢：＄88第一眼見到，見到佢又鑊仔上，以為新鮮熱辣，點知鑊下面無蠟燭。第二眼見到鑊上面啲黃色塊狀物，諗住係咖喱薯仔，點知係菠蘿，又辣又酸。羊架都四件，不過嚴格來講唔係羊架嚟，叫做係，羊肉夾啲骨，十二成熟，唔記得熄火級嘅軔。臨走飲杯龍眼水，甜到漏，糖漿唔洗錢。龍眼肉好咬口，但其實求其搵粒桂圓都彈牙，所以

相信不少香港朋友都是「識食」泰式愛好者，冬陰功湯、明爐魚、生蝦刺身幾乎每每必「點」。金曼谷泰國餐廳，路過好幾次，亦聽聞已開業很長時日。終於又再一次路過，就「唔放過」。店舖有兩邊門口位置，較喜歡左邊舖的店外位置，泰式感覺總是露天街邊海邊，才有感「爽YY...嘆象啤...」，不過當日客人較多，最後只有右邊舖內位置。泰式菜餚「冬陰功」必定是最具代表性。跟據泰語，「冬蔭」即酸辣，而「功」即是蝦。點了一客「小」冬陰功湯，份量較想像中驚人，二人同行，每人可分到2-3碗，椰汁味較重，喜歡椰汁配上厚厚香茅、酸辣味。另外，每每必「點」生蝦刺身，超驚喜，推介推介再推介。超喜歡這味不浪費而「香口」的烤蝦頭部份，所以推介推介再推介，蝦膏更是令人回味，超驚喜，不過生蝦醬汁於我而言太辣，但蝦肉新鮮「搭夠」，必食之選。再來一客「魷魚筒飯」，眼見很多客人都有「點」，雖然很有特色，魷魚亦有焦香，魷魚面有少許的醬汁，味道跟焦味亦很搭，不過筒內的飯較想像中散，而且必需趁熱進食。總括而言，它的生蝦刺身幾乎是必「點」，希望下次早到可以有外面座位可享受別具一番風味。

帶爸媽去食泰國菜 唔想入到九龍城咁遠就試下屋企附近既金曼谷 泰國菜必備 生蝦刺生蝦好新鮮 又好甜 個烤蝦頭好正 可以吸哂d蝦膏出黎 見到有其他人客食 就跟住叫壤雞翼 雞翼入面壤左豬肉碎 粉絲同香葉好「野」味！炸到脆哂都好吸引！另外仲叫左生菜包同香葉炒飯兩樣都好正宗 不錯！

由於一早訂左位所以唔洗等位，都好多人等。由於以前都係大圍讀書所以食過好多次，宜家都會特登番尼食。1）.椰青，正常味道2）.椰汁涼粉冰，還可以，略嫌細杯3）.蒜蓉包，找不到蒜蓉既存在，得個脆字，冇味4）.燒豬頸肉，硬到爆，超乾，好鞋！5）.蝦餅+墨魚餅，墨魚餅好難食，蝦餅還可以接受6）.黃咖哩豬肉飯，咖哩稀左超多！豬肉勁鞋！！！仲細兜左好多同以前比水準差左好多，唔會再尼食了，完全唔值三四百蚊，早知水準變成咁唔會叫咁多野食

平日想來食飯要等好耐位，今次改變攻略，傍晚六點便來等位，不用等位便入坐。今次試了泰式咖啡炒蟹，蟹有膏，肉質很新鮮，咖啡很香，不算很辣。蒜蓉包要推介，serve的時候還是暖暖的，應該是整定的，雖然如此，但仍然很脆，好好味。炒通菜一般，油了些少。

第一次入村揾食, 選擇唔少, 巡咗一圈, 最後決定食泰菜.餐廳有室內和室外的坐位, 因為有陣陣涼風, 我哋要求坐室外, 感覺就好似去咗西貢, 正!  雖然我哋只有4人, 但食量都不容忽視.鑊仔蝦膏炒雜菜 ($65), 蝦膏味唔太濃, 分量略嫌少.冬蔭公, 入口微辣, 越飲越過癮.炸蝦餅拼墨魚餅 ($58), 外表炸得脆卜卜, 配甜酸醬入口, 醒胃.酸甜軟殼蟹 ($98), 軟殼蟹炸得脆口, 十分野味.泰式海鮮炒飯 ($60), 呢個炒飯因為有汁, 唔會覺得好乾, 加上有太陽蛋兩隻, 感覺滿足.炒貴刁, 唔油膩, 喜歡食當中的欖角, 爽口.椰汁綠豆冰 ($20), 中規中矩, 呢個價錢算抵嗎?椰汁芒果涼粉撈 ($25), 泰式涼粉跟港式涼粉係唔同架.  味道似台灣o既仙草.香芒椰汁黑糯米飯 ($40), 上枱時個黑糯米飯仲係熱熱地, 如果凍D就更正.瘋狂過後, 完來仲有免費甜品.  呢餐真係好出事.