金曼谷泰國餐廳

營業中

休息中

我一落飛機就飛奔黎大圍食返餐好, 因為我真係好肚餓. 唔好彩撞正dinner time, 等位我都等左半個鐘, 只好利用呢段時間決定好要食乜好, 唔使浪費時間. 雖然溫度有d低, 要坐室外, 但無損我要怒食野既決心! btw, 坐得出面就要預住個衛生有點兒那個~青檸soda佢原來係自己俾罐玉泉soda我自己黎, 咁點解我自己唔過對面ok定旁邊既7仔買?! 呢個有d呃錢喎! 仲要收成$12... 好在佢俾既青檸份量還好, 否則我一定唔會放過佢~酸辣鳳爪整碟顏色非常靚, 加上有點亂, 而且有好香既辣味, 令人一見就即刻夾一舊食~ 非常辣+酸, 但同時甜味亦有少許, 使人開胃非常. 另外唔乾身, 仲有點汁伴住, 非常正~ 但佢既辣係真係辣, 要不停咁飲野黎降低辣感~海鮮咖哩 + 蒜茸包唔好睇佢顏色咁深, 仲有2條辣椒係面, 呃人架~ 一d都唔辣, 相反仲係甜甜既, 有d似日式個隻, 但好在唔係話好甜好 "漏", 咖哩味不論聞定食都非常濃, 所以用又熱又脆既蒜茸包點真係一流. 蒜茸包仲要有返咁上下厚, 加上好香既蒜茸味, 真係好味~ 海鮮咖哩內有薯仔 (已經煮到好 "林" 又入味, 非常好食)

我覺得好食過九龍城金竇~~大件夾抵食...最正係o係我屋企附近食過一次...試過幾次帶朋友一齊再去食過, 朋友都係認為好食過金竇最鍾意就係果個墨魚餅,個面炸到脆卜卜,非常香口~餅身真係有粒粒墨魚仲要勁大件,,,極力推介!!! 朋友個個食到"lam lam"脷!!!冬陰功,酸辣度適中!呢個我朋友一飲即刻話好過金寶好多呀!我地一行5人叫個大既~~每人都可以分到2-3碗仲有叫左明爐烏頭, 泰式炒粉絲 ,馬拉盞通菜,海南雞 ,燒豬頸肉所有野味道我地全部都好滿意~我已經翻兜過呢間野幾次都仲未厭!不過唯一一樣我地覺得麻麻就係佢個咖哩炒蟹..呢個真係麻麻啦~

As friends' gathering (9 adults 1 child), we would like to try Thai food and be recommended to this restaurant.No disappointed that the Thai food is average good...YUMMY and the location is convenience to go which car parking at the opposite of Lung Hang Estate or took MTR at Tai Wai station with 10 mins walk near Tin Sam/Lung Hang Est. Well I like the environment that i have reserved the outside area....ummm seems more space & quite relaxing to chat n eat there!Anyway I will be back with famil

中學年代冇錢一人吃一個午餐, 通常都5個人叫四個餐share食.到而加, 午餐仍然係28蚊一位包一杯野飲. 通脤?? 似乎唔關金曼谷事.28蚊冇變, 不過員工既態度就變晒. 由以前主動過來落單, 變成裝聾. 聽到仲慘, 黑晒面喝你.所以杯水要慢慢飲呀, 唔係喝死都冇人理哦大圍一帶好少泰越菜, 最近就要過番新城市. 隨便算了金曼谷. 四人份是日晚餐:- 冬陰公(小)>> 材料夠晒多, 蝦彈牙, 個湯都唔係話得個辣字. 叫一個小的, 4個人份都好足夠. 咖哩炒蟹>> 送飯or蒜蓉包一流, 個汁唔係太漿又唔會太水. 蟹肉多, 最麻煩係蟹殼好硬, 知你夠新鮮喇.... 泰式拼盤串燒>> 選了牛肉, 沾特色沙嗲醬唔錯, 本身個肉醃得都ok.春卷>> 入面有云耳, 粉絲等, 一定要沾甜酸汁先好味, 如果唔係好淡.外皮脆, 夠熱.雞翼>> 冇特別, 仲覺得個皮好硬添~~ 最遺憾冇得配蝦餅.. 生蝦刺身>> 第一次食, 沾埋個酸辣醬好少少, 就咁食一d味都冇. 又唔係特別鮮甜.最慘係一大碟兩個人食嘛..好食

金曼谷泰國餐廳隔離開左間 "馬來西亞", 都係同一個老細....琴晚就同左男友仔去左試...其實個 menu 都差唔多...不過多左 D 馬來西亞菜...我地叫左小小野試下... 青檸梳打 泰式生蝦 蝦醬炒爸爸菜 (通菜) 海南雞哪唦 串燒雙併 (牛x2 / 羊x2)食味方面... 青檸梳打 - 最快上枱, 杯入面有幾片薄切青檸, 仲有半杯糖漿, 梳打水就自己加...唔錯! 不過開頭既時候會覺得甜左 D (因為杯低底有半杯糖漿), 飲左 D 再加返梳打水之後就好 D... 泰式生蝦 - 幾新鮮, 伴住既炸蝦頭都好香...唔錯! 蝦醬炒爸爸菜 (通菜) - 無咩特別, 而且蝦醬唔夠香, 太多油...no good! 海南雞哪唦 - 呢個要讚!! 哪唦好滑好香, 香矛味唔重, 海南雞已經去骨而且肉質滑滑~ 串燒雙併 (牛x2 / 羊x2) - 明顯食到落左 "鬆肉粉", 肉質唔得無咬口, 有肋...

見評價幾好又近近地，就黎試下，但失望而回。鹽燒烏頭 ($60)：魚肉嫩滑，但味道淡左d。南瓜海鮮焗飯 ($65)：見到隔離兩枱都有點呢個餸，賣相又幾靚，唸住好味啦，點知好難食，食唔出個sauce有咩味，只是鹹鹹地。泰式炒什菜 ($38)：炒得幾有鑊氣，但又係無香味，只是食到鹹味。酸辣脫骨鳳爪 ($32)：酸辣醬開胃清新開胃，鳳爪爽口。招牌咖哩炒蟹 ($150)：咖哩唔夠香辣；蟹大隻但肉少，蟹肉頗算鮮味。燒蒜茸包 ($18)：外脆內軟，蒜茸味多些會更好。千層薄餅 ($20)：見有咖哩汁，要左一客店員推介既薄餅，但無味又唔酥化。另外，要左菠蘿沙冰和啤酒，菠蘿沙冰清香幾好飲。唔知係咪好有期待既南瓜海鮮焗飯太難食，而且其他菜又唔夠特別好味，所以對呢度既感覺麻麻地。

我們一行三人，約7時30分到達，在等候期間我們已看memu並選出食物，８時20分才輪到枱，那枱是非常細的，約4呎x4呎，落單後等了30分鐘才有第一個菜，每個菜相距都要等一段時間，隔離枱仲漏單仲催單添！我們叫了：(1) 串燒牛＋雞沙嗲半打$48(2) 泰式燒雞半隻$50(3) 蝦醬炒通菜$38(4) 泰式海鮮炒飯$45(5) 泰式炸蝦餅$38+ 送椰汁糕結果：(1) 串燒好..."鞋"，同埋好..."韌"，好..."燶"(2) 泰式燒雞又係好..."鞋"，好乾(3) 蝦醬炒通菜，賣晒通菜，waitress叫我 蝦醬炒其他菜，如小唐菜、西蘭花、椰菜花都得，我選了西蘭花，但炒出來完全無晒蝦醬味(4) 泰式海鮮炒飯，正如之前的食家所講，得幾粒蝦、魷魚等等，炒飯尚算乾身(5) 泰式炸蝦餅是最正常，OK好味彈牙合計$31X

都幾個月冇黎食, 今日遇著星期六再黎食下啦! 先係個串燒 - d牛肉超靭勁乾 唔掂!接住係泰式海鮮炒飯 - 有魷魚兩片, 蝦仔兩至三隻, mini蜆兩三粒, 係多兩舊魚囉... 飯就勁囉, 多到食唔晒!見黃ge咸魚炒芥蘭 - 味道尚可, d汁好味, d菜真係好黃泰式炸蝦餅 - 總算保持到水準, 幾好食 壓軸登場 - 椰青兩大個, 好多肉, 汁好甜好清涼, 全晚唯一可以叫得做"正"ge贈送甜品兩舊椰汁大菜糕 - 唔駛錢, ok咁啦兩個人埋單 $210(p.s. 好彩我5:55pm入定去霸位, 有冷氣嘆, 出面熱爆!)

午餐分別有泰式炒飯, 炒粉, 粉米, 咖哩等, 揀左好耐, 叫了肉碎炒飯;朋友則揀了 炒米粉;跟湯或飲品; 我們都揀左湯.都幾快有得食, o岩呀, 好餓.個米好正, 足料, 仲有d 粉紅色的蝦仔, 好正呀!!!我的飯肉比較少; 唔夠辣, 港式化左了但炒得唔算太油, 一讚!個湯不錯, 有幾粒豆腐仔, 好熱;服務正常.會再來的!下次指明叫泰式的辣度!

老公帶我去試一間未食過慨泰國棻菜,沙嗲串燒雞、豬很juice,::我個女就很鍾意炒粉絲,濕炒牛河,炒什菜也ok,去骨鳳爪我就最鍾意。下次要一家大小殺去再食過。

呢間野之前已經食過幾次, 野食係ok的, 但"服務"(其實係0服務, 甚至係負)態度真係差到未見過, 今次為甚, 實在令人氣結!!!!之前幾次都係同屋企人去的, 可能一家幾口食得下野, staff都唔敢亂黎, 最多都係好似樓下食家所言, 問一句答一句, 飛d餐牌過黎, 但阿媽鍾意食泰國野, 大圍又無乜選擇, 無辦法.到今次同女友黎, 就o岩時間來到9:40, 諗住食住等宵夜時段, 點知咁就出事, 可能佢見我地兩人食野唔係多, 真係完全無尊重過我地.5月份香港都開始熱, 身水身汗黎到梗係坐室內啦, 坐左無耐覺得好似仲焗過出面咁, 就舉手問可唔可以開大d個冷氣, 真係焗到頂唔順. (可能係因為我地坐最入面, 個位係冷氣吹唔到) 點知個staff話比第二個staff聽, 第二個staff同第三個staff講, 最後o個個聽完就無左件事, 走埋出去室外tim.心諗: 唔係咁呀嘛, 就咁就無左回事, 連同我地講一句都無? 已經頂住條氣, 再叫個staff埋黎講, 點知第二個staff連停o係度都無, 一路行一路講 "個冷氣已經開到好大架啦!" (語氣係勁差o個隻!!)嘩!! 呢下我真係忍唔住,

他說這家《金曼谷》已於大圍田心村立足多年（至少超過十多年吧，可是屬資深「沙田友」的他卻從沒光顧），聽說口碑不錯呢，每次走過都看到等待入座的人群！雖跟他多次來到附近，可是這裡一直都只被我們列入「waiting list」。今天晚上，突然覺得沙田市的東西都已吃「厭」了，於是襯機到來一試…下班後步行而至已八時多了，那時食客不算多，不用等候太久便可入座。嗯，於這種不冷不熱的天氣選擇露天的桌子也不錯啊，而且店子門外射燈滿佈，光猛十足，絕不需「摸黑」用餐。看過了menu後，雖很多菜式都十分吸引，可是是次我們都十分收歛，沒有作「眼闊肚窄」的決定，只是點了三道菜便收手…不久侍應端來了小size的冬陰公湯，湯以風味十足的小爐奉上且份量頗大的啊！內裡的湯料包括中蝦及磨菇等等的數量也不少，味道沒啥特別，不過不失。之後便是生菜包，我們選以「隱陣」的豬肉作配搭，帶點微辣及香口的碎肉做得不俗，且挺juicy的，我倆均覺得比上次於《芭蕉葉》吃到的更出色，若店子能選用質素比較好或面積比較大的生菜的話應該更佳，因是晚的生菜令我們「顧得頭黎顧唔到尾」，很難包、亦不方便進食！最後便是紅咖哩雞（內裡還伴以茄子），不知是不是來

3.16男友呢日同我講: 他昨日黎左呢間食泰國野, 無特價, 不過星期一至五幾抵食, 10點後都係半價。咁又唔錯啦, 所以我地就行一陣街, 夠10點先食晚餐。去到都有幾張枱做左人, 唔算冷清。我地簡左坐戶外, 呢晚空氣及天氣都幾好, 十分清爽, 有涼意。睇一睇餐牌, 都無講10點後半價既?!問一問先知, 原來係飲品半價, 同埋有某幾款特價小菜。男友個朋友真係唔太信得過.......叫左一個泰式炒蜆, 泰式炒時菜(當日是紹菜), 雞牛豬串燒各一串, 扎肉湯河,炸蝦餅及青檸梳打。泰式炒蜆: 唔係好大碟, 不過只係$20, 算係咁啦。都算大大隻, 肥美。不過有幾隻係得個殼, 有點兒那個。炒時菜: 原來呢個就係紹菜, 我都唔係太清楚。泰式就食不出, 反倒是中式時菜。食到用豆辦醬, 蒜泥炒出來, 而且好油。 掛羊頭賣狗肉的時菜......雞牛豬串燒: 普通, 這個應該很難會弄到難食。扎肉湯河: 我吃了少許河粉, 幾滑。炸蝦餅: 與炸墨魚餅作二選一, 最後也是選了蝦餅。一客有四件, 是即炸的, 有蝦味, 最低限度見到有很多蝦肉, 而且彈牙。 普普通通的泰國菜, 沒有什麼特色, 也不見得特別便宜,平

尋日去呢到食lunch,叫左2個餐..1個係泰式炒金邊粉,幾香口,色都幾靚!另1個係黃咖哩雞扒飯,d 咖哩都幾香呀,不過我嫌佢d 汁唔係太多,唔夠送飯...$28 1個餐其實係抵食ge:]唯1唔好就係冇人serve 我地,我地企左響門口10分鐘都冇人理過我地...

今日我地帶埋隻狗仔去田心村金曼谷泰國餐廳試下，我地差唔多7點30分去到，排晒隊等位，好在都唔係等左好耐。我地都係第一次試呢間餐廳，加上唔係好肚餓，我地只係叫左南瓜海鮮焗飯、冬陰功湯同埋串燒。最先上的係串燒，我地要左雞同牛，味道幾好!個冬陰功湯就唔驚喜，好似酸多過辣，材料只有蝦同磨姑。不過一試無妨。最後係個南瓜海鮮焗飯，賣相唔錯，只要有魚同魷魚，原個南瓜上，整體 ok。我地食到9點左右就離開。呢度d 食物都ok，服務都幾好，坐在室外，感覺幾好，我地都不約而同諗起之前在泰國 Mango Tree 晚餐0既情景。 最開心係可以帶埋我地隻狗仔! 我地下次都會再來!今餐共 $166，每人都有一件椰汁大菜糕送。