影片
更多
2011-12-23
62 瀏覽
媽咪生日當然都係由媽媽揀食乜啦，今次就揀咗去大圍嘅＜金曼谷泰國餐廳＞食，其實再早於爸爸生日已經想去呢到食，不過果次因為人太多又冇Book位所以先冇去到，所以呢次預早Book咗位，食６點喎，早到呢....。記得上年媽咪生日已經想去食泰國野，不過好運果間又執咗，想去大尾篤＜忠誠茶座泰國菜＞架，不過又嫌遠咯，咁呢間＜金曼谷泰國餐廳＞佢地又食過話幾好食，唯有退而求其次揀呢間囉。我地一行５人好準時６點就到，當時已經有２、３枱客人喇，我地坐入店內後揀揀揀咗６款食物。以下食物順次序上枱為：﹣① 馬拉盞媽媽菜 $38② 泰式拼盤 (細) $68③ 冬蔭功 (大) $88④ 黃咖哩雞 $60⑤ 泰式蝦餅 $45 ⑥ 泰式菜炒飯 $40總計(連加一)：$373①號媽媽菜其實係乜野菜呢？食落似係通菜，味道還好。②號拼盤都係一般啦，冇乜邊樣特別好食，只覺好油淋淋...。③號冬蔭功勁足料，好飲喎，只略嫌唔夠辣o者。④號咖哩雞同樣係唔辣嘅，雞都幾嫩滑，洋蔥薯仔都好食。⑤號蝦餅的確彈牙，仲幾大件添。⑥號菜炒飯睇落好普通好濕咁，原來食落又唔係喎，只係材料普通啫，都幾受歡迎o番。菜式味道一般都接受架喇，可是佢地廚房抽氣
記得上年媽咪生日已經想去食泰國野，不過好運果間又執咗，想去大尾篤＜忠誠茶座泰國菜＞架，不過又嫌遠咯，咁呢間＜金曼谷泰國餐廳＞佢地又食過話幾好食，唯有退而求其次揀呢間囉。
我地一行５人好準時６點就到，當時已經有２、３枱客人喇，我地坐入店內後揀揀揀咗６款食物。
以下食物順次序上枱為：﹣
① 馬拉盞媽媽菜 $38
② 泰式拼盤 (細) $68
③ 冬蔭功 (大) $88
④ 黃咖哩雞 $60
⑤ 泰式蝦餅 $45
⑥ 泰式菜炒飯 $40
總計(連加一)：$373
①號媽媽菜其實係乜野菜呢？食落似係通菜，味道還好。
②號拼盤都係一般啦，冇乜邊樣特別好食，只覺好油淋淋...。
③號冬蔭功勁足料，好飲喎，只略嫌唔夠辣o者。
④號咖哩雞同樣係唔辣嘅，雞都幾嫩滑，洋蔥薯仔都好食。
⑤號蝦餅的確彈牙，仲幾大件添。
⑥號菜炒飯睇落好普通好濕咁，原來食落又唔係喎，只係材料普通啫，都幾受歡迎o番。
菜式味道一般都接受架喇，可是佢地廚房抽氣真係極之唔惦，我地係店內食食吓都可以四周都係油煙味仲灰茫茫一片添，好難頂喎，係咪要搞搞佢呀！？其實平日收工晚搭車經過都見到幾多人幫襯，星期六日更要等好耐位添，今次我係第一次食，不過都係覺得質素只屬一般，以價錢來講又未算好抵食，只是如果想近近地食泰菜唔想去太遠都可以幫襯下，如果唔係當然揀間好Ｄ嘅來食吧！？
話哂都係畀錢食落肚，食野都有quota架嘛，當然揀Ｄ好食嘅落肚啦。７點我地已經可以埋單交返張枱喇。
張貼
