金家樂茶餐廳

營業中

休息中

呢間係我成日叫tea 既地方.. d野一般啦!唯一係佢地既鎮店飲品比較特別!! 元菊蜜(元肉, 菊花, 蜜糖), 好清潤, 我地個個同事都喜愛!

金家樂真係好好食架..由於我男朋友住係大角咀..所以我有機會食....第一次食完之後...就鐘意左去食...無論早, 午, 下午茶至晚餐\..都好好食..本人最鐘意去金家樂食晚餐\..因為真係好好食...比好多酒家更好食....又唔貴...佢\地蒸出黎既魚簡直一流.....你地可以既話真係要去試下...每逢星期日金家樂就會full晒..要等架..我地每逢節日一大班人都會去金家樂做節架....依到既員工服務態度仲幾好添...

今日放假朝早黎食早餐本來想叫沙嗲牛肉麵轉米線但原來default就無得改最後叫左個北菇肉碎銀針粉跟餐有火腿炒蛋拼齋包個銀針粉湯底好清甜有冬菇絲,火腿絲,肉碎,蝦米銀針粉份量亦多有特色又好味炒蛋真係少油到加少少鹽同埋火腿一齊放o係麵包面食包雖然唔係特別軟熟但都唔錯凍檸茶夠茶味食完真係好夠飽

俾媽媽激到滿肚冤屈今朝去接朋友仔收工近近地又o係屋企附近食個早餐朋友仔推介加上上次試過呢度d小菜都唔差一於翻炒叫左兩個精選早餐(@$18)雪菜肉絲上海麵拼火腿炒蛋餐包同沙嗲牛肉湯意粉拼腸仔煎蛋餐包雪菜肉絲上海麵～雪菜肉絲鹹鹹地,但撈埋上海麵食剛剛好,份量又大,食完飽足一日火腿炒蛋～火腿無煎過,炒蛋無蛋汁流,幸好唔算多油,加d鹽食都ok既牛油餐包～雖然只係薄薄既片裝方飽,但出奇地軟熟,唔錯沙嗲牛肉湯意粉～沙嗲牛肉淋又夠沙嗲味,意粉唔過淋有咬口,都幾好腸仔煎蛋～腸仔係炸既,賣相唔靚,煎蛋保留左中間既蛋汁,好似ok跟餐要熱檸茶,夠茶味服務一般明明請佢炒蛋少油但見住佢無寫入單度好明顯又係應完你就算要扣分食完早餐同朋友仔呻下苦條氣先至順番晒

今晚同朋友仔黎食晚飯叫左兩個小菜set分別係咕嚕龍鳳球($49)同晚餐既西蘭花炒肉片($39)跟餐有飯同湯或者熱飲不過唔知點解兩個餐都叫凍飲係加左5蚊(明明寫住一杯加2蚊架??!!)咕嚕龍鳳球～龍鳳球即係雞球同蝦球,兩樣都炸得脆而皮唔太厚,蝦球有鮮味而雞球又唔會好多肥膏,甜酸汁亦做得唔錯,起碼唔會一味酸,配料有洋蔥,青椒同菠蘿,overall都幾好食西蘭花炒肉片～西蘭花新鮮但份量偏少,肉片唔韌但鮮味無乜,加九王一齊炒幾野味,ok啦如果個set係包湯同飲品而唔係二選一會更加好同埋明明叫佢少油但唔覺真係少左囉因為即叫即炒關係都要等左一陣先有得食

每逢節日,全家總動員都定必到此吃團體飯。全因喜歡這兒價錢合理，甚至比一般酒家的收價較低，但食品的質素無論上至奶茶凍檸水，下至餐蛋飯及各種清炒小菜都是水準十足，而且晚飯惠顧不定期還有湯水或甜品免費贈送呢。這兒的衛生環境也較一般的茶餐廳好，自從沙士過後，一直都為剛到步的客人提供熱茶再清洗碗筷，但說真的它所提供的碗筷的是爽爽的，沒有一點油蹟的啊。員工的服務也值得一提，就是較為親切，落單快又齊，無論你點多少個小菜飲品，都從不會走漏。聽說那裏的老闆對員工的工作態度非常嚴謹，若有兩至三次的犯錯，痛罵一餐之餘，更會跟他說拜拜的啊，但都是出於對顧客服務的要求，對客人絕對不會如此啊!!^^本人強烈推介金家樂茶餐廳的酸甜菜色，味道是吃十次也不會膩的，還有剛推出的青檸梳打，與咖啡室調製的能比疑啊^^

雖然金家樂一直以黎賣點都唔係平，但差不多每一個時段佢都可以坐滿，直頭係一隻"大同新村的金蛋"，就算不至於值得聞名全香港，住得大角咀或者o係附近返工做野既應該都冇邊個唔識金家樂。我幫襯得最多就係晚餐時段，但其實佢地早午餐同下午茶都好多人兼質素幾好，晚餐小菜更加算係幾抵食兼且有酒樓水準，自從幾年前做過內部裝修之後多個魚缸做多幾樣海鮮，中型海魚百零二百蚊有交易都抵過附近酒樓。近年大角咀一帶越開越多食肆，但有一部份都唔做得長，金家樂都可算係呢一區茶餐廳既典範。

Lunch 時間呢間野例多人,多人到迫晒響門口佢地d午餐唔錯,份量夠多,叉燒同雞翼都幾好味

我見佢成日咁多人，所以幫襯過一次食下午茶，叫左碗通粉咁簡單嗟，等左成兩個字，黎到仲要一D都唔好食，所以以後我冇再幫襯過啦。

基本上自從四五年前朋友介紹後,每一次同朋友出街,都是會去呢個飯堂食飯,無論去街去到幾遠都好,一個禮拜有四五晚係金家樂,果到有咩吸引我地呢班年青人?(21歲),第一: 小菜正,第二,侍應以經變為我地既朋友,第三,食完飯,任你吹水吹到幾時都得,第四,附近有公園踩板!p.s這就是我們每次例叫的炸雞比(已經在我們肚裏了!哈)大家不妨試試這裏的炸雞比!!真的,我們在這裏最小都吃掉他500隻!無講大話!

呢度的set lunch 都係廿幾蚊，但係佢就會俾足料，大大碟，女仔的話二個人share 食都幾飽。set lunch 日日轉，間中有個叫牛柳紅飯(加左茄汁變紅色)好好味。而且食物好快就到，最適合趕時間填飽肚的人士。

我相信金家樂的老闆一定赚到笑...每天lunch定必坐無虛席, 他們的快餐真係好出色, 效率十分高!!價錢又只係$25, 真係物超所值. 有時我們在office會叫tea食, 佢地連生菜魚肉都整得好好味~ 正呀!!

我由出世到而家都係住大角咀o既金家樂簡直由細食到大啦~d 野食的確係正雖然同區d酒樓可能平過佢不過食物質素真係無得比唔知幾時起星期一至五, 晚餐仲有糖水送tim !

同爸媽+一位親友食午餐/下午茶幾乎坐滿人...雖然未到下午茶時間但都可以叫...好~點了:西多士+咖啡$12豉椒雞球炒河+奶茶$25旦治+奶茶$12炸魚柳+熱杏霜$12Total: $61個炒河幾抵...的野夠大碟奶茶唔夠熱可以再熱的.旦治旦夠多...正.出餐都快...侍應好人幾搞笑

有朋友講, 在大角咀有間餐廳叫金家樂是全大角咀最出名的餐廳, 我唔係幾信. 但係都想試吓.... 食物果然有水準, 我最喜歡晚飯小菜, 蒸魚恰到好處, 價錢好低.