金家樂茶餐廳

營業中

休息中

今次係第二次光顧此茶餐廳。佢俾我的感覺真的好非一般茶餐廳，因為去到好似去咗一間好抵食的海鮮酒家咁。有好多野食選擇，仲有江海鮮俾你揀。今次我同男朋友仔食咗一條魚, 一碟炒菜同炒蝦球。真的好有水準，仲一d都唔貴。平日食都好抵食...不過我唔係住近o個頭，要特登走過去食又唔係好就腳。

我也認為伙計的服務態度甚惡劣.明明是伙計落錯單, 但將責任推在客人身上, 行為極之可恥 .我也有同感, 話哂我都要俾錢唔係來乞!!!!!作為熟客, 我對金家樂的改变, 感到失望, 請老闆們関註.註: 特別是其中兩位穿綠衣制服的仪計.

我都係大角咀長大，由細到大去金家樂無數次。但印象越來越差。甚至已經好抗拒而間餐廳老實說，只從食物質素和味道，金家樂真是不錯的。但其他方面真係麻麻。價錢不便宜看看小菜價錢，普通一碟炒菜最少都要四五十蚊，而且份量太少了。比較特別的菜色價錢更貴但份量一樣不足。套餐毫無彈性例如早餐，不可以隨便配搭麵、米、通粉等，咩都唔可以轉。其實早餐間間茶餐廳都可以隨意配搭，因為所有餸料都一早煮好，只是到有order 時加上麵底，都唔需要由頭煮過，點配搭都唔係好費人力同金錢，最辛苦都係睇單個個o車。金家樂一點都唔會方便客人，唔理你感受，態度就係"你來而度有得你食就食，唔鐘意就唔好來，都唔恨做你生意"由老闆至洗碗態度極差以前細個都成日去金家樂，因為屋企人覺得o的野好食，而且o的伙計又好人，而且街坊生意大家都熟好熟面，客人同伙計至老闆都好有親切感。但而家........... 伙計惡到死，叫極都無人理你, 落order 講慢 d 都被人罵，攞碗筷就粗粗老老，搞到環境嘈到死。我都明茶餐廳係咁，但種種問題加起來真係好難頂。以前個幾個老細未揸benz 之前都好nice, 但人越來越有錢時，就唔記得以前班老街坊既支持啦!

食物食落肚感覺最直接,但係唔係只追求飽肚感覺，抵食夾大件是否最重要,價值觀因人而異，最近大事件非匯豐供股,差不多全港打工仔變成股評人，匯豐伴港人成長惜 惜相關是也，我想每個區也有伴著大家成長的食店,家住大角咀的人,我想冇人不適金 家 樂,口啤有異，有人覺得貴，有人覺得Ｄ餐set死哂冇得轉吳夠彈性,但本人覺得金家樂選擇已很足夠，食店要有自已堅持,先可keep著質量麻，基本上金家樂食物出品可分茶水檔,燒味檔,小菜館三部份自早餐開始金家樂已川流不息地運作,豐儉尤人,除一般早餐有粉,麵,麥皮,米線,配腸,腿.蛋,餐包外.還有十幾廿種配料選擇的麵餐,細食或keet fat 女仕可選一眾只有多士配炒蛋,煎蛋,煙肉,奄列,牛扒,吉列魚,雞翼,的輕型早餐跟茶啡才十六元再加五元又可加配迷你粉，午餐每日轉有五款$29有熱飲或中式湯,不過其實全天只要點選廚出品,粉麵飯,燒味飯也可加錢3-8元跟熱凍,特飲,自制餐.下午茶時間特長到6;30, 價錢$14-27食物質量冇變但平幾蚊,晚餐變成小菜館,每一個小菜加幾蚊都有飲品,每晚有兩款糖水送(假日除外)唔會因為免 費而求其,就算一個人只食碟頭飯都有得送夠窩心,小菜

朋友帶了去這茶餐廳食海鮮，初初諗住茶餐廳點會有海鮮，但原來這茶餐廳真的有海鮮食。當晚食了條蒸海班，真的一流，蒸得剛剛好又有鮮味，好過好多海鮮舖。 其它食物都好好味，老闆又好好人，有意外驚喜。

成日叫佢外賣,快靚正!唯一希望佢改善既係早餐唔好set死米就米,麵就麵,餐包可改多士就正喇

我諗金家樂刀係大部份大角咀人既飯堂.由細食到大,佢地無論咩時段,永遠坐無虛席.不過加左好多價咁既..但我仍然覺得係好值得.續1介紹下啦-老火湯，真係老火,無落師傅,記得有時佢送個湯黎無乜味,同d waiter反映,佢地叫我地落鹽,話廚房唔記得落,點知落完鹽真係同平時既一模一樣.可想而知有冇落師傅.-粉麵餐，最鐘意呢度既早餐,足料得黎又夠味,唔會求求其比d野你食.必食沙嗲牛同雪菜肉絲.意粉同公仔面絕對唔會過唸.下午茶刀好多款,我好鐘意食多士加炸雞翼.佢地既炸野係1絕.豬扒飽西多刀好好.金家樂係絕對唔會好似普通茶記求求其其咁.-粥粉麵飯同意下面食評講, 必叫甜酸既食物.好味得黎又唔會一味死甜.d炸野加甜酸汁刀唔會變唸.仲有沙嗲肥牛炒河.河粉又滑,沙嗲好惹味.呢個連我Bf呢d超級奄尖既人刀讚好.-小菜，好有鑊氣,必食煲仔菜.魚香茄子好出色，雖然好簡單既1個送,佢地真係會放鹹魚,好正宗好夠味,送飯1流,基本上佢地所有煲仔菜刀好出色.仲有菜膽雞,呢個無乜人推介既點解?好滑好清唔會膩,唔會得幾條菜,佢地會用菜墊住d雞不過好似半隻起.多人先叫,唔係1定食唔晒.我諗好多大角咀人大時大節刀未必會去酒樓.

奧運站上班，不得不提「金仔」。簡單說，這裡快、平、正！這裡簡直是公司飯堂，除了午餐 (每天 A-E 餐)、還有家樂餐和營養餐，適合胃口較小的女同事。不過 12:30- 13:00 就比較多人，要食請早啦。

今日(26/8)係同肥肥人預早慶祝生日的日子, 不過只有我(腰傷)同肥肥人(唔知胃痛定喉嚨痛)一齊食飯, 因為祖安(病0左), 威威(眼腫)個個都周身病痛. 聽日肥肥人就要出團, 所以順便買埋禮物俾佢, 其實之前都睇0岩0左0架啦, 點知今日周圍搵都搵唔到, 好失望呀, 不過佢當然冇介意啦, 最後我地仲去0左威威推介, 而且係佢由細食到大的<金家樂茶餐廳>!!! 1. 椒鹽肉排客飯($40) ~ 分量適中, 肉排炸得0岩0岩好, 配上辣椒絲同蒜, 味道更好!!! 2. 沙爹牛肉炒河($32) ~ 呢碟河值得推介, 因為食落口味道好好, 牛肉夠嫩, 夠滑, 而且夠大碟. 青椒爽, 唔生. 菠羅切得薄, 正. 加埋惹味的沙爹汁同有口感的河粉, 炒出一碟有水準的河粉!!! 3. 腐乳通菜及蠔油生菜 (各 $9) ~ 平, 大碟. (腐乳唔夠多, 呵呵)P.s. 食完飯後, 收到一個消息. 我0既反應就係：「好彩買唔到.」, 究竟係咩禮物呢???將在下次補祝生日的食評上揭曉, 哈哈!!! 整體評價：價錢合理, 質素不俗!!!

環境與普通茶餐廳差不多,只是座位比較迫,等位時間比較長.次次嚟都係食粟米魚塊(煙肉汁), 呢度既魚同出面做法一樣都係上粉去炸,但佢粉既厚度岩岩好,唔會好似大部份茶餐廰咁D粉厚到好似食緊炸粉而唔係魚. 而且的魚好夠味的,加埋個汁真係完美.聽聞D燒味亦相當不錯,下次再去一定要試下.服務就可以接受(茶餐廳JA)

男友推介之作.果然無介紹錯.點了叉雞飯,蟹肉扒西蘭花,黑椒牛仔骨煲,樣樣都係高水準之作.....尤其係一碟普普通通GE燒味飯..竟可配有超滑GE雞件...YUMMY叉燒係半肥瘦之作...唔錯....黑椒牛仔骨煲--唔會好似大排檔咁咸.......整體來說.得噃!最後評論一下,飲品凍咖啡麻麻地...可能期望高左.所以相對失望愈大...估唔到係大角咀區........會有一間咁旺場ge 茶餐廳,犀利呀...

自出世至而家..18年離都住o大角咀..對金家樂十分熟悉..亦都有種好親切既感覺..細個既時候..爸爸媽媽都會帶我離金家樂食個早餐先番學..有時亦會買佢既3文治番學校食..一直感覺都唔錯..金家樂真係長做長有..成日都好旺好好生意..特別係晚市同假日..如果唔留定位..真係分分鐘要等一段時間!!雖然光顧左咁多年..都係第1次寫食評..話說高考以後..搵到份工作..出左第1份糧..就決定請屋企人出去食餐飯啦..我地1家4口通常出街食晚飯..而右廢事搭車去太遠既地方食..都會離金家樂..個一晚我地就叫左雀巢芒果鴛鴦柳..炸生蠔..雜菜粉絲煲..楊州炒飯..椒鹽白飯魚..仲可以跟餐叫湯或者飲品..凍飲就好似要加2蚊..雀巢芒果鴛鴦柳..呢個好正..芒果幾甜..配埋d牛柳肉食都幾夾..唔錯唔錯..呢個都係試過2,3次..好味!!炸生蠔..份量好足..我地4個人食..冇記錯的話..平均人人都食到2隻.好大隻..幾好食..雜菜粉絲煲..依舊好足料..好豐富!!椒鹽白飯魚..份量都足夠..亦唔會太咸..楊州炒飯照舊幾有獲氣..亦都好大碟..金家樂做生意都做左好一段日子啦..好多waiter都好熟面口

有天去吃午飯.有個 d餐是 x鵝飯.於是我便叫伙計過來寫飯.叫 x鵝飯. 於是有飯來便吃 .吃的時候有街坊見到我的碟和他們不同, 我也不以為然,吃完後便埋單.我的d 餐是29元.但是單上沒有29元.於是便叫寫單人過來查詢. 他還用責備的口吻話我說得不好. 應該說"d餐" 他才明白叫什麼? 我說 x鵝飯,他以為是"不是跟餐' 有無搞錯,因我們時常去吃飯,不和他吵. 走了後和同事說起,他們都說我沒錯, 一: 因當時我一手拿住單,一邊叫的 二;你做伙計都唔記得;x鵝飯;是否d餐.是不是要客人提你. 完全將責任推給客人. 請你們評論他是否有問題?

基本上它是大角咀開得最夜的茶餐廳5:30am - 12:00am 食物的種類都幾多不過價錢就不是茶餐廳的級數幾個人叫小菜就已經成二佰幾比起去大角咀市政大樓的新錦園就相差好遠而且碟頭都唔多而且伙計叫極都唔落單成日都話等陣又等陣試過一次坐低後被人叫轉位多達三次之多...咁嘅服務真係唔得

上朋友屋企食飯，費時兩手空空，走了來呢度加料。叫京都肉排外賣。完完全全揾笨。一打開(就系得張相0甘多)，個個都華一聲。$50得果幾塊，好似卑人食左0的0甘，非常激氣。至從果次之後，都少幫親金家樂。