金家樂茶餐廳

營業中

休息中

金家樂餐廳大角咀呢間金家樂餐廳，藏喺大南街大富樓地下，就好似個隱藏嘅寶藏地，等住人去發掘。店面裝修真係好街坊，簡簡單單，充滿住生活氣息。今次叫咗碟燒味飯，一上枱就好有睇頭。燒鴨皮色金黃，油光水滑，咬落去皮脆肉嫩，皮下嗰層脂肪唔肥膩，反而增添咗香味。臘腸切片整齊，咸香適中，腸衣有少少彈性，肉質紮實，味道好濃郁。半隻鹵蛋，蛋白嫩滑，蛋黃微微流沙，好入味。配菜嘅青菜，炒得剛剛好，保留咗爽脆口感。個蒜蓉汁好加分，蒜蓉新鮮，加埋適量嘅油同調味，用嚟點燒鴨同臘腸，味道更上一層樓。白飯粒粒分明，口感軟硬適中，吸收咗啲燒味汁，簡直絕配。同我之前喺一間主打廣式燒臘嘅連鎖店食過嘅燒味飯相比，嗰邊味道雖然標準，但呢間金家樂餐廳嘅燒味更有家常風味，好似阿媽煮嘅飯菜咁親切。價錢方面，呢碟燒味飯唔貴，性價比算高。不過有個小問題，餐廳人多時環境有啲嘈雜，而且出餐速度有啲慢。燒味飯對我嚟講，就係童年回憶嘅味道。細個時，阿爸成日買燒臘返屋企加餸，一家人圍住食飯，充滿溫馨。金家樂餐廳嘅燒味飯，雖然有小瑕疵，但嗰種熟悉嘅味道，又勾起咗我好多美好回憶，希望呢度可以一直保持住呢份家常嘅溫暖！

嚟到大角嘴搵野食，見到呢間食炒餸食飯，就入去試吓我叫咗霸王雞、蝦醬通菜炒牛肉同埋菜心炒斑片🤤霸王雞🐓霸王雞份量相當大碟，雞肉嫩滑，仲附送蔥油，點住嚟食相當滋味🥳蝦醬通菜炒牛肉通菜相當有咬口，蝦醬炒但一d都唔辣，咸咸地幾好食👍🏻牛肉都好新鮮同埋軟熟😚菜心炒斑片呢個餸有埋芡汁撈埋一齊食，個調味令我本身唔中意食斑片都覺得好好食🤪菜心亦好爽口，呢個餸簡直係健康推介💕今次食呢個晚市套餐係送埋例湯同飯，例湯好足料！有青紅蘿蔔、蜜棗、同埋豬骨等等天氣凍飲翻碗暖笠笠嘅例湯相當暖胃❣️總括而言，呢間茶餐廳都幾值得食，雖然夜晚時段都幾爆人，但係都即刻有得入去坐👍🏻 呢間茶餐廳係好適合一家大小或者同一大班friend去食嘅中餐，上菜速度亦都快手🥰推介指數：⭐️⭐️⭐️⭐️

經常去呢度食嘢，味道都算得上係唔錯，重點係你點啲乜嘢嚟食？如果你係食一般茶餐廳嘅食物，你只可以預期佢水準普普通通，餐蛋麵似餐蛋麵，午餐碟頭飯亦可以食飽你，只係味道普通。不過如果你夜晚嚟食佢嘅小炒套餐，就會發覺廚房的功夫真係唔錯，特別係佢嘅老火湯，食得出冇味精，但係材料豐富味道十足。小炒亦夠鑊氣，睇得出係有功夫底。份量唔算大碟但足以食飽你。最鍾意佢食飽你之後仲有一個糖水送。兩舊水兩個人食小炒仲有老火湯同糖水，算係一個相當經濟實惠嘅好選擇。計我話，日頭去食，佢只係一間好普通好普通嘅茶餐廳，但夜晚去食就係又抵食又好味嘅小炒飯店。至於佢哋嘅服務態度，你要知道香港嘅茶餐廳就係咁嘅服務，人係會睇心情，佢心情靚就對你好啲，佢心情唔靚就粗聲粗氣，因為佢真係當你係街坊。

除了好難泊車，炒牌要走鬼，有枱疑似其中一位老闆娘3位女人放大喉嚨be lee bra la 外，食物係一流的。呢間外表係老茶，內裡食物質素奇高，食物質素好似食緊酒樓/大排擋感覺。湯好早己沽清所以試唔到。聖子-正，個汁都好正。椒鹽九肚魚，皮簿鬆脆。九菜花蓮蕅豬頸肉，爽脆有鑊氣。粉絲蒸蝦，豐富的粉絲，足料了葱蒜，蝦也非常新鮮。芋頭臘味煲，芋頭粉，椰汁香，臘味份量足，全部餸菜也是水準之作。佢地既服務也非常好，老闆，老闆娘好親切。

餐廳有一半坐位都係卡位，一半係大圓枱，坐得都幾舒服係大角咀比較出名而且有歷史既茶餐廳🙈🙈香港最經典早餐沙嗲牛肉公仔麵🍜🍜餐肉抄蛋+牛油餐包🥚🥚包仲可以自己選擇，有餐包/多士/方包🍞🍞仲可以+$2轉蘿蔔糕包熱飲，奶茶好飲👍🏻👍🏻落單幾分鐘就已經上齊快靚正返工前早餐必選

＄35 下午茶 +$2凍飲香茅雞中翼🐔🐔+迷你西多士🍞🍞西多士即叫即整，上枱熱辣辣外脆內軟，麵包比一般茶餐廳鬆軟好多好香蛋味，完全停唔到口雞中翼好脆，不過偏細隻同乾，有D柴下次可以試下炸全翼會唔會好D

我食嘢係比較厭尖，好多地方都覺得唔好食，但來這間通常都會滿意，特別係晚飯。他們的小炒很有鑊氣，份量較少，啱我。如果來食晚飯，通常都會叫個老火湯套餐，貪佢個湯夠味。這類街坊食店當然不可能要求有好的服務，待應通常都能夠做得到基本服務水平，叫佢攞嘢可能就要叫多兩次。其實老闆一直都在看鋪，管理上都算係咁。店舖衛生只係一般，所謂街坊店就係咁樣水準，不過我幾欣賞佢哋會畀一大碗滾水你洗餐具，算係唔錯。整體嚟講，我都會推薦。

餐廳都幾多座位，仍然午飯時間經常爆滿，有時仲要搭枱。食金家樂係情意結，味道不算太出色，特別對凍檸茶情有獨鍾。🍚銀魚仔蒸肉餅飯金家樂的肉餅比較薄，個人喜歡厚厚的。銀魚仔有啲硬，講真冇乜味。肉餅味道正常。伴碟的有幾條菜心，份量有誠意。🍚窩蛋免治牛肉飯兒時回憶，細個成日食，味道可以，佢係配青豆（有其他餐廳配菜框），碟頭飯唔會差得去邊，但談不上好食🥤凍檸茶金家樂嘅凍檸茶一直都係我嘅至愛，有啖啖茶香但又唔係好濃，叫開少甜，諗起都想再飲（個人口味）😌

返工慳錢帶飯都差唔多兩年幾，真係好耐冇出過街食lunch。撞啱冇帶飯，又有新同事唔知食乜好。突然間就諗起金家樂，因為實在太掛住個家樂餐。基本上嚟到如果平時啲快餐唔係真係好想食都一定會揀家樂餐，因為佢嗰餐加$3轉炸脾真係好吸引。唔知邊個魔鬼同事之前教多士加層薄薄㗎砂糖，釣一釣味真係唔同啲。呢個餐叉燒通粉配辣椒油真係唔錯，唔好睇佢隻炸髀炸到一啲都唔乾，再加包茄汁點嚟食真係好Juicy~皮脆肉嫩，咁耐冇食都冇退步。係唯獨價錢真係高咗少少。不過耐唔耐食吓都唔錯。

一踏入這家「金家樂」，廚房飄出來的香氣就已經令我食指大動🍴。拉開菜單，選擇是困難的，因為真係每樣嘢都好想試！點左個「家樂餐」，是日應該唔會錯！湯底叉燒通粉好足料，叉燒火侯啱啱好，帶點甜味，肉質腍滑，通粉背後隱約有股底湯嘅鮮甜，味道純淨又有層次。啖啖肉，口感真係過癮。雞翼配的不是常見的白醬汁，而是自家特製的輕微甜辣醬，外皮烤得啱啱好，啖啖肉，香脆惹味，單單就係雞翼都有食到停唔到口既感覺。黎到牛油多士，外皮烤到金黃酥脆，牛油味濃郁，一咬下去，外酥內軟，香而不膩，實在係配咖啡既最佳拍檔☕。每次黎屋企陣陣都喺度掙扎，到底下次應該繼續食返個「家樂餐」真係好抵食，定者試下其他新鮮嘢？呢個問題，可能每一個幾鍾意我咁鍾意呢度嘅食客都會遇到。千祈唔好以為茶餐廳就只得茶餐廳既味道，「金家樂」證明晒，家庭式嘅溫暖同埋細心烹調，可以將平凡食材變成難忘嘅享受。🍽️

南乳吊燒雞嘅雞肉非常鮮嫩，雞皮嘅香脆同雞肉嘅鮮嫩完美融合，非常美味。雞肉嘅肉質非常細膩，而且非常有彈性。雞肉嘅鮮味非常突出，幾好。我覺得南乳醬汁非常香濃，南乳嘅香味非常出。醬汁嘅味道非常均勻，都好入味，醬汁嘅甜味同鹹味非常平衡，非常正

態度差到一個點！！！打電話叫外賣，叫咗一個餸嘅餐。接線生：就問你係咪食得一個？ （個語氣好似同你講，你一個人食得一個餸咋😯）。之後就同你講，飲湯呀嘛？我問：係咪有糖水呀？（平時都會揀糖水）佢就好晦氣咁講話（有.....）乜唔係有得揀嘅咩...😵‍💫🧐之後就問你攞電話，佢自己聽得唔清楚，問咗兩次，就好炆憎咁。講完個電話啱左，就發脾氣cut線。態度極為惡劣，好似爭佢錢咁樣，我係街坊幫襯咗咁耐，都真係頂唔順🤢🤢🤢🤢。如果鍾意受氣嘅朋友歡迎幫襯。

海鮮無得頂，蟶子多肉多汁、粉絲好入味。南非鮑魚好大隻，炸蠔香脆（吾用喼汁都好食）、甜品芝麻糊石磨很滑。老闆娘非常熱情招呼😍，上菜速度很適合，一碟接一碟，不太急。👍👍喜歡海鮮，值得一試！

一入嚟見到紅色頭髮嘅員工50幾歲態度極差擺杯嘢飲好似掟炸彈咁，唔知以為好似賭場做咁， 另一個四眼阿姐紮馬尾既不停偷食， 又插隻手落個鼻度先拎餸菜比人食， 嘩你食埋我嗰份，呢間嘢個老細應該睇睇員工既質素， 人哋嚟食嘢唔係畀你員工黎發洩， 冇心情做可以唔好做， 都唔使咁樣對啲客嘅

這間餐廳已食開十幾年，無論早餐、晏晝或者夜晚都經常幫襯，由平食到貴。佢嘅小炒餸份量不是太細份，有鑊氣很好食，而且晚飯還贈送糖水，比較出名的是燒味。今天主要食午餐，加埋飲品都是五十零蚊一位，食物水準都可以。