金家樂茶餐廳

營業中

休息中

在大角咀，又係一個很多又平又好食的重鎮，這裡有個好處，和我住的主場相近。很多的名店也有去過，只不過沒有寫過罷了，剛剛星期日的早餐正好在大角咀，本想去神廚館，可惜下午一點未開，車品品這些個性小店又未開門，於此選擇了另一有名的金家樂茶餐廳。這店可算是區内數一數二的茶餐廳斑霸，地方大，選擇多，而且還是舊式的茶餐廳，滿有懷舊的氣氛。星期一至五來，你會被這裡的人迫得水洩不通，周圍都是人，而且仲係全間餐廳充滿著工人，伯伯，叔叔等的色彩與氣味的一間茶餐廳。當然星期日就清靜下來，地方也較為舒適，所以也是明智的時間選這個地方吃下午飯。坐下來選擇很多，職員有老有後生，雖然是舊茶餐廳，但員工還是彬彬有禮的那種。坐下不久就有員工和你落單。同行的讚不絕口，不用想便從午餐中選擇了餐肉滑蛋蝦仁飯，我就選了類似常餐的營養餐，有豬扒麵和奄烈多士加飲品。午餐不錯，很大碟，是上佳的茶餐廳質素。滑蛋很滑而且滑蛋汁又濃又有很多的蛋，餐肉方面，餐肉的邊是脆的，可以證實其廚師的用心，不是太多人注意到的細節，廚師也兼顧，實在是很有心思。至於營養餐，就有豬扒一丁加奄烈多士。豬扒很大塊，是加了很多粉才炸的貨色。不過，雖然粉多，但也幾好食

早上十一時半，去到這家茶餐廳，還有早餐供應，即時入了去，雖然要搭枱，不過尚算舒適。早餐種類算多，叫了傳統的火腿鮑魚絲通粉配牛油麵包、煎蛋、腸仔，以及北菇肉碎銀針粉配牛油麵包、煎蛋、火腿，每份$25.5。牛油麵包想轉多士，怎料侍應說不行，加$也不可以呢!火腿鮑魚絲通粉的通粉不會過淋，不錯！牛油麵包幸好十分軟熟，沒有烘多士吃也OK！北菇肉碎銀針粉很少吃得到，肉碎很少（幾乎沒有吃到），但加了火腿絲，不如直接叫北菇火腿絲銀針粉更好！味道也是可以的！餐飲要奶茶。上次來的是午餐時間，記得奶茶不錯的，今次差了一點點，是人太多的關係嗎？走時差不多12 時還有人在點早餐，餐牌寫至11時半的，有彈性，值得加許呢！

今次我同ma食晚飯,叫左個set$138,食咗一條蒸魚, 蒸得過是,非常韌,食到牙痛,一碟鎮江排骨, 很生好硬, 一D都唔好食, 已講個瘦老板娘唔理服務質素是極之怠慢服務生態度不好

實在很久沒吃過這種從前曾經吃過，但現在已很少見到的舊式西餅了，這天在這茶餐廳店外的西餅櫃中見到，正好買回家做早餐回味一番。這西餅雖然談不上是什麼美味，不過鬆化的曲奇餅身，加上其中一面已經凝固成塊狀甜甜的朱古力漿，吃來感覺仍然不錯，多年沒吃，就當是懷懷舊，感受一下往日吃過的港式西餅味道吧！

晚上，由太太獨自送我父母同BB出美孚後，我們就決定了入黎大同新村尋找著名的食店。首先令我失望的，原本說只是打少少底才出來，點知佢打底打飽了，無暇食正餐。在大同新村逛了一大個圈，她說只吃甜品不吃飯，掃了我興之後，我決定求其找一家茶餐廳食個便飯先。在甜品店 "一半一半" 門前的我們，就看見隔幾間舖的一間大型茶餐廳，叫做金家樂.....我笑道仚家樂，之後被太太狂打..... 說我粗野....大大間的茶餐廳，似是以招待附近住的熟客仔為主，所以其服務質素是極之怠慢的，好不容易才看明白他們的Menu，好不容易才找到一位阿姐同我地落單。太太不吃，我就覺得白肉會比紅肉來得健康，於是我就選擇了一個洋蔥雞扒飯，而太太就來一個椰汁紅豆涼粉冰，而我就加多一杯檸檬茶。因為特飲跟餐有折。落單時，我們問了餐飲配飯點計，姐仔說特飲跟餐有折如牌上所寫，明白後我們就照舊的叫，點齊後，阿姐突然改口說，野飲係要跟小菜晚餐才有...之後又明白了一件事，我們就叫少一杯檸檬茶。我叫的洋蔥雞扒飯，她覆我時說蔥扒飯，她的入廚單也寫蔥扒飯.....我再三叮囑說我要洋蔥雞扒飯，她說就是蔥扒飯，廚房會明......事後，出番張大堂單俾我，$

試左早餐...25$ 沙嗲牛麵...牛係ok既..麵就都係咁上下...跟個 蛋同火腿..方包...普羅大眾既早餐la..唯一優勝其他茶餐廳我諗係環境夠寬闊..好多位比你行..而中間係茶水吧...好有茶餐feel...杯奶茶就失望左小小...仲有叫左波羅包..最近成世人先開始試唔同茶餐廳既包羅包..一切源於金華個間..但發覺大多數真係好一般...包括金華本身都係要熱哄哄端出黎個下先為之最好吃..呢間 波羅就差減d..但都唔會生疏得去邊既..服務都算幾醒快..環境加一分就純因為空間大..

假日的中午，使用openrice贈送的電影戲票，在附近看過早場後，就在這間街坊茶餐廳吃個經濟午餐。這附近的茶餐廳午餐價大部分都維持在$33水平，這間也不例外。這天的午餐有五款，河粉、麵、飯都有。看過餐牌後，叫了兩個午餐與老婆仔一起分享。 「豉椒排骨炒河」水準尚算不錯，排骨正正常常，份量也不算少，獻汁雖甜了一點點，味道尚佳。 「豉油皇雞翼配生炒牛飯」在一般的生炒牛飯以外多奉上三隻豉油皇雞中翼，增加了整碟飯的價值。豉油皇雞翼的味道，我自己覺得頗為適中，不會太鹹或無味，不過老婆仔就覺得味道不多夠，我們兩人對這雞中翼的味道未能取得黃識呢！生炒牛飯炒得幾乾身，飯裡的材料除碎牛外，好像紅蘿蔔粒、蛋絲、芥蘭度、蔥花等也有不少，但牛肉太細碎，口感不足，水準只是一般。以前的午餐是有例湯和餐飲的，不知是不是因為通漲的關係，現在的午餐只能在例湯和餐飲兩者中揀一樣。這天沒飲例湯，喝的是「熱奶茶」。這「熱奶茶」水準平平，茶味欠香濃之餘，喝得後來更覺茶味苦澀，相信與茶葉不夠靚有關。不過這頓飯只花費了$66，便已填飽了兩個肚子，都算經濟相宜。

我幫襯咗金家樂都成十幾年. 佢d野食都幾好. 不過四眼伙記的惡劣態度都係好唔點. 我就唔知佢係唔係叫阿輝. 不過條友都係好串. 問佢野又唔多想答你, 答你又好晦氣. 問多幾句, 佢覺得你好煩. 琴日去食HK$22 tea set, 我order 時已講得幾清楚, 條四眼友話我''叫我大聲d'' 條友d語氣幾串. 講真條友都行到我個邊...都唔問我食咩啦...係我自己講ja....其他茶餐廳係大角咀都無咁唔禮貌. 可能佢覺得hk$22 tea set咁小...點解要好似serve 到你酒店服務. 不過條友都唔係琴日先係咁...平時都一樣無禮貌. 所以我今日都開始盡量唔食金家樂..轉食其他such as 點心,車仔麵 or 3洋....貴幾蚊..起碼服務好d. 老板娘係唔會理咁多...間野日日都咁好生意..唔會理一個半個客....我對金家樂完全失望....

通o左一日頂，自個兒八點走到呢間大角咀o既名牌茶餐廳，歎個寧靜的早餐人不多，與平時一至五的午餐時段截然不同細心選好了早餐配搭來錯了，是煙肉加蛋，不是雙份蛋看來多士是必然烘底的，落單時專登叫烘底佢都無話我知……好脆好香銀針粉唔係死鹹，good煙肉唔韌亦唔係脆條，合格招牌奶茶是偏向多奶，茶味唔算濃，有點想像以外食完，要返屋企好好訓個覺

己光顧這餐廳成2年。早餐每天都在這餐廳食。晚餐都1星期2-3次。有一朝早終於頂唔順條四眼伙記的惡劣態度。之後己沒有再光顧。這條四眼伙記態度惡劣，見都熟客(大部份是老人家)就烚熟狗頭地招呼，因為有報紙攞！其他的他最喜歡视而不見。擧手也費事望你一眼。條友好似叫亞輝。記得以前被老板炒過，後來又返來做。但態度变本加厲。之前见他经常針對另一個新伙記，差不多每天都鬧人、但奇怪是個瘦老板娘竟视而不見。個瘦老板娘经常對伙記訓話。起初以為很重视服務態度，但見佢地幾個老細(應該是幾兄弟姊妹及家人)的態度亦不見得友善。知道出聲都沒有用，所以索性不再光顧，轉去鄰近三洋。食物無疑是金家樂較多元化。但三洋水準也不差。最重要是不再俾錢都要受伙記氣。所以食物好並不是大哂。金家樂老細應檢討了。

最鍾意金家樂嘅家樂餐第間茶仔好少咁配炸雞髀+叉燒通+餐飲,承惠$28近年來香港啲茶仔都縮皮改用細雞髀難得金家樂配餐都堅持用大髀叉燒通又係大大碗餐飲要了好立克,無乜特別好後悔減肥期間仲走嚟食宵夜,食完飽到上心口友人order花菇鴨掌西芹腰果肉丁兩個白飯兩杯飲品承惠$84

一個人10點幾起身,未到食LUNCH時間,又想醫肚, 於是去金家樂食早餐...金家樂既好處係11:30仲有早餐食, 好多去到11點就無..我其實仲耍係遲過11:30先落到去, 所以問定侍應有無早餐先坐低, 好彩佢話有姐..要左份雪菜肉絲米 + 腸仔炒蛋 + 熱HOLIK 實在太正, 雖然星期日要食白面包(平時有餐包), 不過米粉大大碗, 炒蛋又香...仲要係20蚊雞, 真係唔係大角咀都好難有呢個質素平時夜晚都有黎食晚飯, 不過都係覺我早餐值得推介一D. 剛剛寫左一餐勞氣TEA, 都係寫番D開心野等自己開心番..ANYWAYS, 住左廿年有多, 大角咀最近真係愈來愈多選擇, 好開心...不過最懷念都係以前新九龍廣場既馬來餐廳, 佢既下午茶炒貴刁真係好食...依家好難揾番lu

今日同朋友去食，雖然好似好多野食，但不大吸引。叫咗個茶餐， 雪菜肉絲 + 扎肉上海麵。味道一般，扎肉比魚生還要薄， 雪菜肉絲又凍，成碗都係低下貨式。飲品就係一般茶餐廳。$21不太值。同區其他茶餐廳更好。

我不時都會上呢個網睇下邊到有好嘢食，睇到呢間餐廳啲食評，有D評語讚口不絕，有D就食評惡劣，就好奇去試試。去到餐廳門口，已很多有人等位，有位女仕安排座位，等了不久便可入座。呢晚我叫咗一個晚餐($38)，仲叫咗個清炒菜心($28)，D份量都夠食，味道都可口，最重要係個服務態度，我本人同朋友都覺得OK，一般茶餐廳感覺，無咩特別，無想像中噤差。下次放假都會去試埋個早餐。

今次係第二次光顧此茶餐廳。佢俾我的感覺真的好非一般茶餐廳，因為去到好似去咗一間好抵食的海鮮酒家咁。有好多野食選擇，仲有江海鮮俾你揀。今次我同男朋友仔食咗一條魚, 一碟炒菜同炒蝦球。真的好有水準，仲一d都唔貴。平日食都好抵食...不過我唔係住近o個頭，要特登走過去食又唔係好就腳。