影片
更多
2017-11-04
3469 瀏覽
自從大家各散東西後，這個圍內人飯局已經停辦了好一段日子，難得這晚齊腳，所以今次就由我發辦，選了來 Mira Moon 對面的「金公館」一聚。其實之前同朋友已經來過一次，覺得食物幾有特色，加上店裡嘅菜式，有辣有不辣，適合唔同人嘅口味，所以就提議大家嚟呢度試吓。因為一早已經訂咗房，所以到埗後，便可即時入座。友人很慷慨，為大家帶來了多瓶美酒，今晚就一於不醉無歸。餐前小吃先來兩款開胃的涼菜小食，有紅油豬耳絲 ($58) 和烤椒桂花蚌 ($88)。前者豬耳絲麻辣鮮香，十分爽脆；而後者桂花蚌就用上野山椒一起烹調，味道酸酸辣辣，咬下彈牙入味。接著是一客金銀饅頭 ($36/半打)，其實所謂金銀饅頭，即三個蒸、三個炸；而個人就較喜愛炸過的饅頭，咬下酥脆，蘸點煉奶，口感香甜。之後是一客麻辣水煮桂魚片 ($268)，廚師先用辣椒王、炮椒和花椒煮煮成血紅色湯底，再放入比較滑身的桂花魚炮製。嘗一口，辛香氣味逼人，非常刺激，魚片鮮味滑溜，對我這個想試吓，但又怕太辣的小女子來說，味道恰到好處。馳名樟茶鴨 ($138/半隻)，鴨肉外脆內軟，食落有肉汁，而且煙燻味幾突出，帶樟木和茶葉的香氣。木盤乾蔥雲耳蒸雞 ($168
自從大家各散東西後，這個圍內人飯局已經停辦了好一段日子，難得這晚齊腳，所以今次就由我發辦，選了來 Mira Moon 對面的「金公館」一聚。其實之前同朋友已經來過一次，覺得食物幾有特色，加上店裡嘅菜式，有辣有不辣，適合唔同人嘅口味，所以就提議大家嚟呢度試吓。
因為一早已經訂咗房，所以到埗後，便可即時入座。
友人很慷慨，為大家帶來了多瓶美酒，今晚就一於不醉無歸。
餐前小吃
先來兩款開胃的涼菜小食，有紅油豬耳絲 ($58) 和烤椒桂花蚌 ($88)。前者豬耳絲麻辣鮮香，十分爽脆；而後者桂花蚌就用上野山椒一起烹調，味道酸酸辣辣，咬下彈牙入味。
接著是一客金銀饅頭 ($36/半打)，其實所謂金銀饅頭，即三個蒸、三個炸；而個人就較喜愛炸過的饅頭，咬下酥脆，蘸點煉奶，口感香甜。
之後是一客麻辣水煮桂魚片 ($268)，廚師先用辣椒王、炮椒和花椒煮煮成血紅色湯底，再放入比較滑身的桂花魚炮製。嘗一口，辛香氣味逼人，非常刺激，魚片鮮味滑溜，對我這個想試吓，但又怕太辣的小女子來說，味道恰到好處。
馳名樟茶鴨 ($138/半隻)，鴨肉外脆內軟，食落有肉汁，而且煙燻味幾突出，帶樟木和茶葉的香氣。
木盤乾蔥雲耳蒸雞 ($168)，蒸雞用料好慷慨，除雞件外，還加入了不少乾蔥和雲耳等。雞肉大大件，醃得夠曬入味，入口滑溜，鮮味十足。
呢味蛋黃海蝦 ($238) 其實即係我地平日食嘅黃金蝦，蝦隻外層裹上金黃色的外衣，剝開蝦殼，蝦肉彈牙有蝦味，鮮甜無比，而蝦頭亦藏著不少蝦膏，叫人吃得舔舔脷。
青城山南瓜粉蒸排骨 ($138)，南瓜原個挖空，再放入粉蒸排骨，而排骨下面就墊咗南瓜肉。排骨軟嫩酥香、不澀不膩，而底層嘅南瓜，由於吸收了排骨的肉香和油脂，所以味道很香甜，超下飯。
接著是麻婆豆腐 ($78)，雖然筆者並不嗜辣，不過這道麻婆豆腐真係做得幾出色，夠麻辣之餘，仲有豆香和肉香，能吃出多重味道層次。
吃完麻辣豆腐，就嚟番一客唔辣嘅翠湖山根豆腐 ($88) 中和一吓。山根煙煙韌韌，好𡁻口；而豆腐亦頗嫩滑，加上吸收了味濃的醬汁，非常入味。
欖菜菜甫菜粒炒飯 ($88)，飯炒得粒粒分明，有水準，而菜粒亦爽口脆身，加上欖菜嘅獨特甘香，吃起來分外滋味。
靈芝菇炒萵筍絲 ($68)，這碟萵筍翠綠清甜，不油不膩，而且鮮嫩無渣，清爽怡人，是健康之選。
瓜菜食多啲都怕，再嚟多碟金釣白玉冬瓜 ($78)，冬瓜以圓砵盛上，浸煮得入味軟腍，而蝦乾的鹹鮮滲入了瓜肉，味道清新之餘亦不失惹味。
石頭鍋蝦醬芥蘭 ($78)，熱騰騰的石鍋，逼出蝦醬陣陣鹹香，上桌時香氣四溢，馬上一嘗，蝦醬與爽口的芥蘭很匹配，入口鹹香惹味。
五代同堂炒飯 ($138) 用料豐富，以蝦籽、蝦仁、蝦乾、蝦米及櫻花蝦等一起炒，飯炒得夠乾身，粒粒分明，味道均勻又不油膩。
甜品點了特色雪糕 ($38) 及擂沙湯丸 ($38)，其實還有我不懂欣賞、所以連相也懶得影嘅杏仁蛋白茶 ($38)，當然亦有解辣嘅西瓜汁 ($88/壺) 和可樂等。雲呢拿雪糕大人細路都啱食；而擂沙湯丸就以湯匙個別盛載，面層裹上擂沙粉，外皮軟糯、咬下煙韌，內裡有滿滿嘅黑芝麻餡，用作飯後甜品就最適合！
雖然筆者並非辣媽，但這晚都試了好幾樣辣菜，原來間唔中食吓辣，個感覺都幾過癮！
張貼
