醬缸韓國料理

營業中

休息中

食物唔乾淨，含菌量極高一坐低食咗醬油蟹 不過不失五花腩 店員燒得唔好 鐵板未夠熱就開始燒完全浪費咗個肉水冷麵 酸酸地 嘔完之後我懷疑係佢出事米酒 樽裝貨色冇特別海鮮蔥餅 唯一覺得正常幾好味叫咗個燒牛肉 啲醬汁很甜係冇晒牛味㗎店員負責燒肉 但完全冇燒肉嘅效果似係喺塊熱板上面整熟咗嚿牛就完成工作最後就叫咗個辣豆腐湯 冇特別四個人埋單$18XX餐飯本來就完咗啦所有菜都冇一樣有好好味嘅感覺冇乜特別 幫襯一次都唔會再幫襯冇乜特別嘅餐廳都唔值得我去OpenRice嘥時間寫評論㗎值得我寫評論嘅原因係因為我返到屋企開始個胃唔舒服跟住就嘔晒成餐飯出嚟本人腸胃一向OK明顯係含菌量超高嘅嘢先會嘔出嚟我嘔 我朋友就屙 一間餐廳啲嘢食冇乜特別都唔緊要唔乾淨 食到人屙嘔就真係好有問題完

閒時同🐢🍯諗唔食咩，韓國料理就一定係我哋嘅首選🇰🇷叫咗個鐵板烤豬五花🥓，賣相既吸引，五花肉配上特調醬汁，肉味突出，香氣四溢，鐵板上嘅吱吱吱聲，絕對令人食欲大開🤤泡菜煎餅都基本係我哋must點菜式😋 煎餅煎到脆邊香口，咬落去有啲微辣，係不能缺少嘅開胃菜🌝，食完一件就想再嚟一件👍🏻另外醬油蟹🦀都係令我心心念念嘅食物，蟹膏多之餘，蟹肉鮮味十足，撈埋紫菜飯食，就係幸福🈵🈵每一啖都係enjoy嘅happy moment🫶🏻最後緊係要飲埋米酒Makgeolli先至係圓滿啦🍽️

四個人今天食飯叫咗雪花牛肉，人蔘雞湯，醬油蟹，海鮮蔥餅，海鮮炸醬麵首先嚟咗醬油蟹有一個紫菜飯，醬油蟹超細隻，味道很淡很失望，人蔘雞淡而無味，當我哋食緊醬油蟹的時候，服務人員就幫我哋燒牛肉，服務人員燒完了牛肉之後就叫我哋馬上食，但這時候我們食緊蟹又怎能馬上食呢，最後牛肉比服務人員燒到乾晒。服務員完全冇問我哋一聲就立即同我哋燒牛肉。從未寫過食評的今次真係忍唔住唔會再有下次，是次體驗總體覺得差

咁呢間韓國嘢都食過幾次㗎啦，今日終於呢都得閒寫一寫返對佢嘅感覺咁呢前菜就有三碟嘢嘅就係海帶邊、蘿蔔絲和泡菜（係可以任fill 㗎）食完叫職員加就可以😌咁呢差唔多次次都係你食呢一個辣牛肉湯咁佢指定動作配角飯嘅職員態度呢就唔算特別好嘅不過勝在食物好味同都坐得舒服嘅，咁呢特別係lunch hour時間嚟食，簡直抵到爆好多個lunch set都係$60至$78左右，不過寄住呢lunch淨係收現金第一次搵呢可能上咗少少難搵嘅，因為佢就係要喺條橫巷上樓梯

我同媽媽第二次嚟哩度食晏。因為我鐘意食生野！我本來想試辣醬蟹，但原來要訂，所以只好叫原味。可能韓國開始入秋，都有幾多膏，不過同去韓國當哋食，我估可能又未算好多。生牛肉對我嚟講算好有肉味，但覺得鹹咗丁點。炒牛肉似乎落咗太多糖，完全食唔出牛肉味記住午市只收現金。哩餐一共食咗$606，份量適中。可能係我大食啦，亦因為我無食到飯，只食肉，仲未算好飽。對於鐘意食生肉，味覺又敏感嘅我，能夠搵到一間信得過又好味嘅餐廳實在唔易！

今日去附近睇醫生 見咁早就去食下 第一次食lunch 平時都係要排隊仲要都要等幾耐下Lunch 12:00 到 星期六 直入唔使等Lunch set 選擇都好多下 揀左海鮮豆腐set 一上台 嘩 熱辣辣 超正 個湯既海鮮唔多 但都幾有海鮮味🤣豆腐超級滑 都幾辣下 配飯食一流 仲要食左一段時間 佢都仲好熱 幾好食 而且都係60蚊 幾抵另外講下佢d配菜 有3款泡菜係唔算好酸個隻薯仔我覺得好似都比較少食到 而且個味道都算係好唔錯唔會夾起就散 但又唔會超級硬 幾好食

私人珍藏 數唔到食咗幾多次嘅醬油蟹🥹收埋咗咁耐決定分享俾大家🫶🏻醬油蟹 $378/ 2隻你冇睇錯，每隻醬油蟹只係$189出邊間間都$200-$300幾一隻呢個價錢我諗香港冇乜韓國餐廳可以做到你唔好以為佢價錢平質素就低佢係質素超高質好飽滿嘅蟹膏 橙橙金金咁樣入口超級濃郁 蟹肉非常晶瑩剔透拆出嚟食份量，一啲都唔少叫醬油蟹佢仲會送一份紫菜飯醬油蟹食一碗飯完全唔夠🥹唔係好食澱粉質嘅我都起碼食兩碗😋之前假日過嚟食，成日都要排隊排好耐而家提早book枱就OK 生牛肉$188第一次試佢呢個生牛肉真係相逢恨晚晚生牛肉超級肥美 加上雪梨意外呢個組合非常配搭雪梨清新嘅口感配上生牛肉嫩滑佢仲有一粒蛋黃俾你撈埋一齊食 味道非常濃郁重點係佢嘅麻油椒鹽一定要點呢個嚟食幸福感upupup-推薦指數: 🌟🌟🌟🌟🌟/5 (爆分‼️)鍾意食醬油蟹嘅真係唔好錯過-📍醬缸韓國料理 (佐敦)🔎佐敦柯士甸道118號業廣商業大廈1樓☎️23759805

坐係門口等足 90 分鐘，都還未出現﹗四眼姐姐都忍唔住問我仲要等幾耐呢？姐姐我已經等到出晒汗成身濕晒，我見您舖裡面大把座位，可否比我入去坐住先呀？好熱啊！難得今次位四眼姐姐好好人，批淮先入內坐低，我梗係即刻叫支真露降降溫先！煙灰缸放正門口，微風送來惡嗅！嘆著17.8 度的真露韓國燒酒，女神終於都降臨喇！怕叫得太多，先食醬油蟹及醬油蝦，飲多個滾熱辣靚湯，其後才考慮。再次比迷你枱兩座位迫迫夾夾我，那會夠放食物？我地唔係黎食碟頭飯、食燒味飯。搞到醬油蝦、醬油蟹再次要轉用細碟，我仲有碟烤肉、滾湯及兩個紫菜飯﹗食物質素非常滿意，但坐得真係好辛苦頂手頂腳唔舒服，而且未齊人不準入座，我想飲住真露燒酒等都唔得﹗侍應態度趕客姿態，服務未如理想。計一計在七日內被淋濕條褲三次，我依家好面目猙獰咩？上水林德記，雲吞魚蛋河腩汁、紅磡皇后冰室，羅宋湯，到依一分鐘係佐敦醬缸，熱茶﹗韓國四眼老闆不在？全場只得阿嬸們在工作，是否已轉手呢？連餐牌都縮減多款小菜呢。土豆絲、辣泡菜、海藻絲，款款滋味可口，開胃菜十分到位。燒王牛排烤得嬌嫩彈牙，醬汁甜美不濁，還食得到天然牛脂牛甜味，用唐生菜捲住食就更加清新滋味。烤醃肉眼都係親手

再分享一間收埋係心底嘅韓國餐廳比大家🫂因為呢間餐廳由疫情前市道好到而家市道唔好 都仲係要排隊㗎🥹🥹佢個地點非常隱蔽😶‍🌫️基本上你行過路過都唔會見到呢間餐廳😵‍💫佢位於佐敦柯士甸道 由彌敦道行入去會經過條小樓梯要行上一層所以啲客人都係朋友介紹+朋友介紹個個聽到話好味嚟試吓 越做越多客✨✨「醬油蟹（2隻） $348」每次嚟食都係為咗佢個醬油蟹(⁎⁍̴̛ᴗ⁍̴̛⁎)首先醬油蟹係一樣有食安危機嘅菜式一定要搵間靠得過嘅先好試我食親啲蟹都新鮮無腥臭味 食完唔會肚痛其次價錢上真係好合理💰$348 有兩隻‼️ 係兩隻🦀🦀係某啲大形超市嘅冷藏醬油蟹講緊都要$300得一隻呢個價錢真係良心價🥹🥹🙏🏼最緊要佢嘅蟹真係好食又多膏又多肉個醬油唔會太死鹹 好鮮美✨✨配埋碗紫菜白飯 超級送飯☺️☺️☺️難果韓國人會醬油蟹做「白飯小偷」～～平時食唔曬一碗飯嘅我一次過對曬兩隻蟹加碗白飯🦀🦀🍚Yum yum😋😋😋我覺得仲好食過我係韓國廣藏市場買到嘅蟹另外醬缸仲有辣味蟹揀！🌶️係香港超級少見！鍾意食辣嘅朋友仔一定要試下「石窩拌飯 $98」呢個石頭窩飯都好味 😋不過無味特別 味道中規中矩價錢CP值唔算高 不過食完生野再食幾啖熱飯落肚好C服😮‍💨

有時諗唔到lunch食咩就會去呢度食韓國嘢👍🏻叫咗個豆腐海鮮湯配飯！呢個係我最鍾意食嘅lunch set😋個海鮮豆腐湯送飯係一流，入面有啲金菇、泡菜、蝦、蜆，加咗呢啲配料令到個湯底更加好食！下次lunch都會再返嚟食！

終於俾我喺香港搵到性價比好高嘅醬油蟹!!!!呢間韓國餐廳有韓國人主理，入邊啲員工全部都係用韓文溝通，彌補咗疫情冇得去韓國，對韓國嘅思念。一入座，首先就會送上餐前嘅小食，都不外乎係泡菜同薯仔絲。我哋order咗呢個必叫嘅醬油蟹，三百幾蚊有兩隻再加一碗紫菜飯。啖啖肉又多蟹膏，好鮮甜好好食。同埋啲醬汁唔會係死鹹，啱啱好撈飯一流。我哋仲要唔夠飯，另外再加多一碗添。另一個推介係呢一個生菜包五花腩，唔好俾佢個賣相呃咗，一層肥肉一層瘦肉間距分明，包埋生菜，連埋啲醬汁食落口，超Juicy超嫩滑。平時唔食肥豬肉嘅我都俾佢驚艷到。

可能因為價錢較親民，所以好多人嚟食？如果你問我，更好食嘅一定有，但係我只可以講佢係對得住個價錢嘅，但服務就麻麻地如果只係過下口癮想食醬油蟹都不妨試吓如果下次再去開嗰頭我都會再食多次嘅

幾年前第一次食呢間餐廳嘅醬油蟹，覺得驚為天人！果種甜味同鮮度齒頰留香，令我回味無窮！心裡面時常記掛住，前幾日同朋友講起，兩個都好興奮話要搵晚食。於是我地都懷住興奮同期待嘅心情，齋戒沐浴咗幾日，Happy Friday 一放工就9衝去「醬缸」。之前有book位都要係門口等好耐先有得食，今次無人等位之餘，入到去仲見到有空位🤔✍🏼 生酱海蟹(2pcs) $378今次食兩隻蟹都細隻左，蟹膏唔算多，最重要係無左之前一食落口果種好新鮮好甜，好失望🥲✍🏼 蒸海鮮 $358食完呢個辣味蒸海鮮，我同我朋友兩個都嬲左😡因為佢得一個味，就係辣！海鮮唔係overcooked 就唔新鮮！佢個蟹肉係好似霉咗咁，咬落去一「pat」野，而其他海鮮例如鮑魚，扇貝、魷魚全部都係考你牙骹力，overcooked到勁硬，零鮮味。呢個價錢，咁嘅質素🤦🏻‍♀️ 覺得自己交左智商稅🤦🏻‍♀️呢啲全部都係我地感覺，可能有人鐘意呢種質地同味道總括而言，成餐最好食係佢個紫菜飯。。。呢間唔會有回頭！亦都明白佢點解無人等位。。。

好好好耐之前已經bookmark左呢間食醬油蟹聞名既餐廳，全部侍應都係韓國人，感覺夠晒地道。醬缸應該暫時係我食過咁多間最抵食，價錢最平同岩我地口味，食完個刻已經邀約左朋友仔下次再食☺️🦀生醬海蟹蟹仔選用蟹乸，肉質結實偏細隻，同係ig上睇既大細差唔多，但味道醃得剛剛好，鹹鹹甜甜仲食得出蟹既鮮甜味。蟹膏份量適中但好甘甜，撈埋紫菜飯食好順口。蟹肉唔爆滿但勝在夠新鮮又唔腥。熱情既阿珠媽仲好建議我地配埋蒜頭同青辣椒一齊食，不過對我同朋友仔黎講太重味嚕🙈每一份都會配一碗麻油紫菜飯！🦐生醬海蝦一碟有五隻原隻海蝦，店員隨之會幫客人將蝦剪成一粒粒易入口既大細，仲要已經剝左殼，就唔會整污糟手仔🥰同醬油蟹用同樣既醬汁去醃製，但無蟹咁新鮮，蝦身都比較梅口，要靠旁邊既配料去辟味，不過蝦頭有唔少蝦膏，撈飯食都係極佳既選擇！📍醬缸韓國料理佐敦柯士甸道118號業廣商業大廈1樓

呢間餐廳由韓國人主理，提供多款韓式料理同韓式燒肉，主打招牌醬油蟹🇰🇷💗先送上泡菜、涼拌海帶同薯仔伴菜，全部可以無限refill💗生醬海蟹 ($378/ 2隻)醬油蟹爆膏又新鮮，醬油調味好出色，蟹肉滲透醬油香，完全無腥味，亦唔會搶咗醬蟹嘅鮮甜🦀再將附送嘅麻油紫菜飯一起拌入蟹蓋，甘甜嘅蟹膏混入飯粒🍚💗生醬海蝦 ($278/ 5隻)醬油蝦爽口黏糯，醃得好入味，可以配埋生蒜頭、青陽辣椒一齊食🦐💗韓式菜包肉 ($188)五花肉炆煮得軟嫩，再輕輕火炙表面焦香，一層脂肪一層肉相間🐷再用生菜﹑ 辣蘿蔔泡菜、生蒜、青陽辣椒、韓式包飯醬、辣蝦醬一齊食，口感好豐富🥬