醬缸韓國料理

營業中

休息中

親友喺外國返咗嚟，想食啲喺外國平時食唔到嘅嘢，於是就訂咗呢度食晚飯訂枱時已預先留咗醬油蟹同醬油蝦各一份期待咗成個下晝，已經好肚餓，但因為太多客人，所以就算到咗本身預訂嘅時間，都要等多半個鐘先入到座。一坐低就即刻嗌咗預留嘅醬油蟹同醬油蝦，每份都會跟碗紫菜拌飯，真係醃得好唔錯，同韓國食嗰陣時好似，畢啲飯落去個蟹蓋嗰度，連埋啲蟹膏一齊食真係好正另外我哋仲嗌咗人蔘雞、燒牛肉同埋芝士炒年糕食物整體嚟講都唔錯，屋企人都好滿意

之前有咗BB，一直唔可以食生冷嘢，平時上網睇到流晒口水生咗BB坐完月，終於可以食啦！就即刻嚟左呢到，事關個個朋友都推介好好食，果然真係不負所望我哋首先嗌個醬缸醬油蟹，我覺得醃料醬恰到好處，食落個醬油蟹係唔太鹹，突出到海鮮嘅鮮味，非常之夾個紫菜飯！首先我將醬油蟹嘅肉用手指力撳出嚟，再yam 個汁，食晒啲肉先再食蟹膏，用蟹膏撈飯真係一流！食完唔夠後再叫個醬油蝦，食完蟹後，個醬油蝦即刻好失色！不過都好食嘅個海鮮煎餅都好好味，都好大份。另外我哋仲有個大醬湯，不過冇影到相，不過不失啦！

今日心思思想食韓國菜，於是就同朋友嚟咗佐敦都幾出名嘅醬江韓國菜食lunch一坐到埋位，就有好多免費嘅小食，例如韓國必會有嘅泡菜、醃蘿蔔、海帶等等，每款都好好食！睇完個餐牌就叫咗豬肉石鍋拌飯 $60首先望落去已經覺得好足料，而且石鍋都燒得好熱，擺咗一陣已經有飯焦，正！食落口感豐富之餘亦有淡淡嘅飯焦香，正！

🔹佐敦//醬缸韓國料理 🔹人均約$200🔹▫️醬油蝦 $268/5隻唔係間間韓國舖頭都有醬油蝦，多數都係淨係有醬油蟹🫢依間就啱晒唔鍾意搣蝦嘅女仔🦐🫢可以就咁夾啲蝦肉嚟食，已經幫你切好咗一粒粒🤫味道好入味好食👍🏼唔腥！▪️醬油蟹 $368/2隻都好食！佢會跟埋紫菜飯，撈埋啲蟹膏好好食🫣🫣▫️人蔘雞湯 $75(lunchset)我覺得都幾好食，lunch set 幾抵正路野～▪️炸醬麵 $70(lunchset)我唔係成日食炸醬麵，唔知點樣比較😂😂但係我覺得都幾好食嘅味道都幾重🤣正路～🔹好飽評語態度差到以為自己搭緊的士😂😂- 落單嘅時候我嗌嘢食佢一句都冇應過我唔知佢有冇聽緊我講嘢🌚🌚even 講ok 都冇🌚一粒聲都冇出🌚我講完嘢佢就走咗🌚勁似我上的士啲DC9聽完我講去邊就開車一句都冇應我咁🌚🌚- 之前打過去既時侯，聽電話既女士都態度唔係咁好，唔知係咪因為夜晚好好生意好full，唔洗好態度都大把人食🌚🌚- 有個Staff係咁想收我哋未食完嘅嘢🌚利辛冇人等緊枱有吉位🌚我哋話未食完佢就話陣間有個人蔘雞湯嚟緊好大碗🌚我以為真係好大碗會成個煲咁上🌚點知佢嗰碗人蔘雞湯仲細過收既碟🌚？環境方面，距離佐敦站都路係

第一次食醬缸係差唔多6年前嘅事嗰陣時醬缸仲喺舊鋪位 記得嗰時第一次食炸醬麵 之後就愛上咗💗之後都帶過唔同朋友嚟食醬油蟹🦀大家都讚好好食今次同爸媽嚟做冬🍴緊係都有訂醬油蟹啦生醬海蟹$368因為爸爸唔食醬油蟹🦀所以嗌咗啲燒肉👇🏻王牛排$258牛舌豬腩肉菜包首先講講王牛排🐮$258價錢嚟講 佢嘅份量幾合理👍🏻調味好香 食落會有啲咸咸地 唔使再點醬料牛舌就正正常常👍🏻肉質ok最意想不到係豬腩肉菜包🐷🥬豬肉味極濃超香🤤由於我哋開咗個爐 就算個豬腩肉本身已經係熟 都照放落去燒嚟食燒咗同未燒嘅香味都幾有分別 一家三口爭住食😂建議大家試吓豬腩肉菜包👍🏻最好燒一燒先食呀👍🏻👍🏻

最近身邊朋友不停去泡菜國未有得去嘅我唯有同朋去試韓國菜今次試朋友介紹依間位置係尖沙咀柯士甸道西其實近山林道個邊再行前一個街口轉入去 就係一條大直路 行到接近見到老翁火鍋店 隔離有條樓梯行上去就見到晚市5點半開門 唔想排好耐 就早過六點到啦醬油蝦5隻店員會剪開一舊舊 又起哂殼 好貼心味道方便都好重醬油味 但就遮蓋左蝦嘅鮮味但蝦肉好實同好彈牙 都唔錯醬油蟹2隻睇落好多膏 食落蟹肉好鮮味 啲蟹膏簡直就係白飯小偷 可以食哂一大碗紫菜飯海鮮蔥餅雖然厚身但一啲都唔厚粉 好足料嘅海鮮而且餅邊煎得好脆身辛辣拉麵炒年糕不得了 個汁辣到流鼻水 但越食越滋味年糕煮得好淋 吸哂啲辣味辛辣麵嘅硬度又唔太淋 唔會散唔開變一餅野豬腩肉菜包豬腩肉用鐵板上 可以保持住熱度另外份量唔少 每件都好厚身 肥瘦均勻配埋生菜 辣汁夾住食 真係好好食💛食物質素唔錯 但因為用餐時間只有一小時其實上得檯食得黎 都無咩時間可以傾吓偈而且店員會係咁望住你張檯 比signal你要走唯一係依樣差 多半個小時都合理啲最後食完仲去左朗豪坊影貓

韓國餐廳 ｜醬缸韓國料理 ｜佐敦 ～海鮮蔥餅～即叫即整 熱啦啦海鮮充足有厚度，餅邊仲好香脆～韓式豬手～超大碟 豬手個皮煙韌勁有骨膠原配埋生菜蒜頭 可以包黎食 超正～五花肉 牛小排～燒肉方面 肉味好重 燒到焦香 好正不過生菜要再加錢就好貴了～生醬海蟹～唔算大隻但好新鮮 鮮甜完全唔鹹包埋一碗紫菜飯 一齊食好幸福————————————————————————📍佐敦柯士甸道118號業廣商業大廈1樓————————————————————————Overall 💗💗💗💗#佐敦#佐敦美食 #韓國餐廳 #hkfoodie #food #delicious #hk #hongkong

食到成肚氣，比錢買難受😵‍💫印籍/菲律賓籍既一位員工由一入門口就黑面，又成日扮聽唔到 仲要客人未食完就收碗又飛menu 又大大力扔啲碟落tray逼客人快啲走講左食左淨返個舊就會走， 佢繼續黑面。😵另一個高高位既staff又過黎再催客人離開，其實只係坐多左5分鐘。 一入門口又無提醒客人得返50 分鐘可以坐， 如果唔係同朋友就唔會叫咁多野食啦🤮食物黎講 唔係話特別好食， 醬油蟹都幾咸，唔多膏 香港黎講一定有其他更好既選擇，加上價錢都唔平，唔會再黎！

Bookmark 左醬缸醬油蟹一段時間，好多人話CP值勁高，而且主理人係居港多年的韓國夫婦。今日同朋友即興想食，就即刻過去。但因為星期五六晚上都只有walk in, 我地6:45 過到前面已經有20人左右🤣，不過餐廳都控制好好，大概20-30分鐘就可以入座。呢個白飯小偷「醬油蟹」真係唔講得笑！三百幾蚊/2隻，隻蟹醃好鮮甜，醬油入哂味，仲要係爆膏嫁！我地兩個女仔，一人一碗紫菜飯，清哂🤣🤣另外仲有叫左碟牛小排，不過都唔夠隻蟹咁精采。遲下再黎Encore!

醬缸韓國料理尖沙咀佐敦間高汁醬油蟹地點都幾容易搵😆，6點鐘到入面已有8成滿一黎到店員已同我地講，淨係可以坐一個鐘🤣🤣睇黎佢晚市都幾好生意☘ 醬油蟹 🦀👍🏻$358➪ 400蚊唔到有兩隻食其實好抵🤩🤩，配一份紫菜飯醬油蟹果然係米飯小偷，黃夠飽滿，啖啖肉🤩正$360有兩隻蟹幾抵，食落反而係飯既份量唔夠 有呢隻蟹我可以送多兩碗飯🍚😙☘ 拉麵炒年糕 🍝$118➪除咗蟹，佢其他餸都價格合理😙拉麵好大份，口味都好正宗好韓國，係偏甜偏辣既辣醬黎🍝小編嫌佢太漿太甜太辣🤣最後食唔晒呢間嘢食物的確好好食，好地道😆不過佢就真係好趕人，似食緊韓國澳牛，一個鐘後即趕你走😆🙎🏽‍♂️🙎🏾‍♂️，仲借意幫手收碟～我地落單完，想轉返個麵去撈飯，佢用‘個麵已經煮緊’呢個籍口拒絕🤣😮‍💨食物好食，但趕人呢下就…🤣好影響心情

返工食Lunch去咗醬缸韓國料理，環境就還好，但午餐都好多選擇！我揀咗海鮮豆腐鍋 ($60)﹐上台個陣熱辣辣。個鍋都幾抵食，入面都足料，入面有兩隻蝦﹑兩隻蜆﹑少少魷魚，帶子﹑仲有大量豆腐同一隻蛋。味道係好食嘅，唔算太辣，好食！下次食Lunch都會再encore!

话说上堂成日见间鋪排队排到出街，以为口碑一定有返甘上下，終於約齐一班同學仔去试菜，由於食店五接受订台，只接受WarKiN，好好彩我地一行7人排头位，准时5点半入客，由入门一刻到出门全程无听过一句客套话，点完菜埋埋单都无听過一句多谢，D侍应全程黑面，撇嘴，一开台就话用餐时间系9O分钟，更火滚既糸由5点4O分开台，6点25分就要求埋单，外边有客等，6点36分埋完单我地未食完已经清台收碗筷，簡直糸赶客，点解今时今日既服务态度變成甘？

疫情咁耐都好耐無得去旅行啦，掛住韓國，唯有就去食一食韓國餐廳啦，懷念懷念下，順便約埋朋友聚一聚，呢間韓國餐廳一直都好高人氣，啲店員都係韓國阿朱媽嚟，所以我地食之前都有book位，仲順便order埋醬油蟹，驚當日先Order就賣哂啦。醬油蟹$368 /2pcs滿滿既蟹膏，再撈啲飯，一流！唔會有海鮮既腥臭味，每人食左一隻，差啲唔夠喉，要 encore 啦，不過諗諗下，我地兩個女仔雞仔胃，仲想食其他野，留一留肚先！牛舌$118目測起碼都有成十塊，好爽好好食，可以慢慢燒慢慢食。海鮮豆腐湯$98呢個較為遜色，覺得味道可以再濃啲，不過豆腐好滑，very good!

好耐冇去旅行，好想食返之前去韓國食醬油蟹個風味。朋友推薦話醬缸嘅醬油蟹好好食，所以決定去試一試！因為星期六日只可以walkin，6點去到巳經排哂長龍，企樓梯排隊有啲危險而且要小心冷氣機滴水好彩等得唔耐，排咗40分鐘就有得食！排隊企住等，等到好肚餓，一口氣叫咗醬油蝦醬油蟹芝士口排骨拉麵炒年糕準備大快朵頤，但係醬油蝦醬油蟹都唔入味，好似自己點豉油咁飯好食，我鍾意自己撈。芝士口排骨，唔錯，但有啲鹹。拉麵炒年糕，好食，年糕煙韌，但拉麵太鹹。其實我想食埋成碟，但太鹹，我驚食落去會傷腎，所以最後放棄。講真真係好失望，朋友極力推薦，OpenRice評價唔錯，黎到見咁多人排隊，一心期待可以食餐好嘅韓國料理…但食完今次唔會再嚟。

自從韓國試過醬油蟹之後就返唔到轉頭，返到香港都周圍問朋友有冇咩香港食醬油蟹嘅推介，真係問十個九個都會介紹位於佐敦嘅呢間醬缸俾我。———————————————🌟生醬海蟹 $368呢個價錢包左兩隻海蟹連同一碗紫菜飯，唔係話好大隻嘅蟹但都絕對唔細，啜落去嘅時候可以感受到啖啖鮮甜嘅蟹肉。佢個醬汁其實調得好好，一般都係會以甜為主，但我試過調到好甜嘅亦都試過調得好鹹嘅，而我覺得呢間真係調得啱啱好。蟹蓋果度就咁望落去就已經見到鮮橙色嘅蟹膏，建議大家可以直接將飯𢳂落蟹蓋到加啲醬汁撈埋一齊食，真心係試過返尋味，平時唔食飯嘅我仲專燈加$20要多碗飯。提提大家蟹蓋兩邊嘅角仔都隱藏左蟹膏，食得唔好嘥啊😆！.🌟泡菜餅 $128醬缸嘅韓國簿餅真係出色，餅邊煎得香脆，仲落足料好厚身，熱辣辣再配埋佢特調嘅醬汁食真係冇得輸。但我個人會建議大家叫返海鮮蔥餅($138)果個會再正啲，因為泡菜呢個相對比較寡，上次食海鮮成個味道更豐富，性價比上都覺得更高。.🌟鐵板韓式烤肉 $98呢個烤肉本身會附送一碗珍珠米飯，但呢個菜式真心唔係好推薦，肉本身份量其實都幾多，但係真係好乾身幾乎冇肉汁，同埋呢個烤肉調味方面似乎落得太多糖份，食落