醉藥雞 (啟志樓) (已結業)

路徳圍又一新頂手舖，上手好似係龍門？見好似有啲裝修，又主賣藥膳醉雞，好似頗有好評，一試無妨。下午五點來到，無客。主要都係配麵同睇個湯底嘅組合，亦有單點，咁行法都係好合理。有紙巾提供真係好評。點了醉雞，藥湯，加蛋，刀削麵。5分鐘左右到，合理時間。熱好夠熱，眼見有啲藥材，當歸，淮山，圓肉。顏色好奶白，無味精，但同時亦都無乜味。我諗應該係用啲浸完雞，起出來的雞殼再大火煲滾到爛晒，隔出來再煲啲藥材，所以本身湯無肉味，得當歸個苦味，簡單啲講，得個樣，自己加啲辣油先食到個麵。刀削麵，759貨式，正常發揮。溏心蛋，好夠溏心，黃夠紅，用嘅係紅心湖北蛋。但就無乜醉酒個味，如果你唔溝埋啲酒汁，隻蛋係無味嘅，唔知係浸唔夠時間定點。個酒汁係ok嘅。所謂醉雞，起咗大部分骨，原全唔掂。首先雞就無味啦，雞味又無，冰鮮就唔洗講啦，你浸佢都俾味丫。然後又原全唔入酒味，即係浸完雞，斬好一份份，有單就淋啲酒汁落去，咁叫醉雞咩？咁叫酒同雞咋喎。醉汁同蛋個個係同一隻味。同場加映廚房師傅上演籍著兩點說愛你😘明白廚房好多都又熱又污糟，廚房大佬食煙唔載口罩乜都有，不過大佬呀，你都搵嘢遮一遮丫，個個都知係污糟邋遢，但唔好俾人見丫嘛。整

之前食過深水埗店一試難忘，作為荃灣友見到開到黎荃灣真係好興奮可惜疫情下叫外賣，兩次都幾失望第一次app 雞既份量已經少今次諗住試多次到店買外賣，返到屋企打開真係再次失望醉雞份量少，多骨少肉，湯又係好少，就算分湯擺左個米粉落去，似撈米粉多啲⋯😑呢個份量絕對唔會喺堂食見到，亦唔係我心目中既醉藥雞希望廚房可以認真看待外賣，因為顧客畀既係一樣價錢，尤其疫情嚴峻都係無可奈何要買外賣明白小店而家經營困難，只是溫馨提醒，堂食外賣都盡力做好，路才走得遠💪🏽

今天來到荃灣路德圍覓食，看見一間名叫「醉藥雞」的食店，看過餐牌感覺這裡的菜色頗為養生，疫情下需要健康的身體，決定在這裏享用我的午餐。室內空間頗為寬敞，粉色和木系色調的配搭，讓人感覺舒適休閒。牆上貼着各式各樣的菜餚圖片，還有一瓶瓶藥酒和一些古色古香的碟子作裝飾。點了「砂鍋雞翅湯米線」($68)，還加配了「溏心醉蛋」($10)和豆漿($8)。「砂鍋雞翅湯米線」($68)。用砂鍋盛載着的「砂鍋雞翅湯米線」到！熱騰騰翻滾著的雞湯看起來很吸引呢！先喝一口雞湯，感覺鹹淡適中，鮮香而且不覺得油膩。雞塊和魚翅份量也不少，雞肉和雞皮口感嫩滑，魚翅帶點膠質有咬口，米線質地也爽滑，整體味道不錯。「溏心醉蛋」($10)。這醉蛋一上枱，立即聞到極度濃郁的酒香！溏心蛋汁配合濃烈的酒液，苦中帶廿，口感柔軟，讓人感覺如果多吃幾口，就真的會醉呢！偶爾想吃一些養生的菜餚，這裏也是個不錯的選擇呢！

見到餐牌上面嘅米線都係用砂窩上枱嘅而且價錢唔貴🔹招牌 砂窩醉藥雞 （煮雞酒）$68緊係要叫呢度嘅招牌喇幾乎每個人枱面都有一碗見到menu寫有「行氣活血」嘅功效😹🥰一於試吓喇而麵都有好多種選擇，不過鐘情於米線所以都係揀咗都用咗好多材料煮呢個麵，紅棗、雲耳等，亦有啲啲藥材味，但唔苦，完全可以接受到湯底有較重嘅薑味，飲落去淨係知道好暖身💕雞嘅份量都有好多，而且仲要係雞脾，滑滑的，米線份量就啱啱好一個人嘅份量🔹砂窩雞湯翅 $128 （半隻）湯就咁望都知係濃啊，呢種黃色完全係精華😀飲落發現係超濃啊！好鐘意呢種超濃嘅湯飲好多碗都得啊😆原來半隻雞都有好多，低估咗嗰份量🔹口水鵪鶉蛋 $36口水汁麻麻辣辣，配鵪鶉蛋都夾啊！🔹皮蛋豆腐 $28豆腐上面係甜甜哋嘅醬，連埋皮蛋一齊食皮蛋彈牙配埋超嫩甜豆腐，可能因為甜，所以我感覺似食緊甜品咁哈哈😄

荃灣站📍醉藥雞-醉雞/花雕雞/藥膳雞等等永遠係女朋友至愛，荃灣呢間醉藥雞成日都好多人排，又近路德圍，泊車方便😎砂窩醉藥雞米線（$68）呢個係店舖推薦，當然試試佢。用砂窩上有個好處就係上台都仲滾緊，熱辣辣。先試一試湯底，清甜滋補，眼見有紅棗、杞子、淮山、木耳等等材料，淡淡藥材味，更多係清甜味😋雞件嫩滑，而且厚肉。米線如果再多d仲正，d湯都比女朋友清晒咁濟😹砂窩胡椒豬肚雞飯（$68）我中意胡椒豬肚，梗係試下呢個口味。湯底夠胡椒味，配飯一流，吸晒湯嘅精華。豬肚有幾件，雞件就比較多，同樣嫩滑。下次想再加多碗飯🍚個湯好送飯😍😍醉三鮮（$75）呢個小拼盤有鮑魚、蝦、花螺。鮑魚得一隻😩同女朋友兩份分，鮑魚爽口彈牙。蝦有三隻，蝦肉唔會死實，酒味夠濃。花螺有六隻，女朋友唔肯出手又唯有我挑埋d肉出黎，肉細細粒，爽口入味。醉薰蹄（$48）呢個同醉三鮮一樣，酒味香濃，薰蹄爽口。口水鵪鶉蛋（$36）呢個係我指定要叫，不過一上台就後悔了！因為有成19粒😩😂女朋友又唔食，我食晒，膽固醇超標😅😅😅不過配埋口水汁真係幾惹味😛環境方面，店舖新開冇耐，新裝修坐得舒服😌

餐廳最近在荃灣路德圍開了新分店， 佈置簡潔明亮， 座位舒適， 加上店員友善招呼， 人氣滋補砂鍋雞、養生藥膳雞鍋，價錢優惠，吸引不少街坊粉絲支持 。 醉肝鮑 $75分別有三片鵝肝、 一隻鮑魚及一隻 溏心醉蛋。原隻鮑魚，色澤亮麗 ， 鮮味帶嚼勁， 突出鮑魚爽口滋味。 鵝肝質感嫩滑細緻，入口綿化。金黃色的溏心醉蛋， 滋味滑溜， 每件都帶香濃的酒香 ，不消一會， 已經給我通通吃清光了。砂鍋醉藥雞配米線$68招牌砂鍋醉藥雞，我最喜歡養生藥 膳湯底，滑溜雞件， 配上滋潤的紅棗、北芪和𣏌子等，用料豐盛，行氣活血， 夠曬滋補養顏，先呷一口雞湯，啖啖濃郁藥材香，寧神正氣，紅棗又補血，最適合女士冬天 進補。 軟嫩滑溜的米線， 吸塑了醉雞湯底， 份外滋味吸引，食完成個人暖笠笠。砂鍋雞湯翅半隻雞$128熱燙燙砂鍋雞湯翅，湯底一片金黃， 並且香氣十足， 湯底用上大量雞殼、雞腳、豬骨筒、金華火腿等，熬上12小時製作，用心製作 ，先呷一口湯底， 香濃鮮甜， 半隻三黃雞用濃湯浸熟 ，雞肉特別軟嫩滑溜， 還配上爽爽的魚翅， 完美配搭， 每口都是色、香、味俱全，滋美得令人停不了口。豆漿/一支裝(追加) +$8豆漿甜度適中

可以堂食嘅舖頭越黎越少，是日經過醉藥雞見有開門，又唔算太多人等，就入去試下佢。卡座滿了，揀了坐面壁位，對住牆坐感覺安全啲？哈哈。叫左呢個口水鵪鶉蛋，無估到一碟有咁多粒，嘩嘩…好彩有朋友share食，細細粒嘅鵪鶉蛋，沾一沾口水汁辣辣地幾正。跟住仲叫左口水雞半隻，朋友本來想食口水雞麵，但佢又話唔想撈麵，咁就當小食咁叫半隻雞先。雞件吸晒辣汁好入味，辣辣地夠刺激。主食方面呢，朋友叫左砂鍋人蔘雞湯麵，上到枱真係幾香蔘味，個窩超熱，滾下滾下飲啖蔘湯真係幾正。雞件嫩滑，本來仲有少少紅，放係湯一陣就全熟，唔知係咪咁所以咁滑。自己叫左呢個砂鍋醉藥雞，叫佢係招牌咪試下佢，麵條同朋友一樣揀左刀削麵，煙煙韌韌有咬口。湯底有啖啖酒香，仲有濃郁雞味，招牌野果然無失望。雞件同樣嫩滑，仲有啲藥材香添，好味好味。跟餐仲有得加醉蛋，超濃酒香好正呀，蛋心綿綿的好好味，十蚊優惠價超抵，一定要加。食左好多雞，哈哈，啲雞真係好好味，大滿足。

酒精可以消毒，花雕應該都有小小功效掛😖今日難得鼓起勇氣出街食飯，一於食翻個醉雞殺下病毒🦠先黎一個招牌嘅沙窩雞湯瀨粉+鮑魚湯勁熱👍🏻👍🏻 撲鼻而來嘅香氣，帶有陣陣雞味🤤 雞肉勁嫩滑，加埋個雞湯，簡直好似屋企老火湯咁🤤再黎翻幾個小食就走唔甩啦，先黎一個醉三鮮，鮑魚+大蝦+花螺🤤 酒味濃郁，海鮮嘅甜，花雕嘅香，融合得恰到好處👍🏻 作為雞蛋愛好者，當然要一人黎翻粒醉蛋🥚啦🤣 糖心超正，香滑軟糯👍🏻川味皮蛋，麻辣得有得勁，食開小辣嘅我有啲頂唔緊😟 鐘意辣嘅你可以挑戰下。反而麻辣雞腎嘅辣度剛剛好，fit曬我🤤飯後一杯肥仔水，快活過神仙🙆🏻‍♂️🙆🏻‍♂️ 所以可樂係必不可少的

係深水埗食過醉藥雞, 當時岩岩新開, 個時已經覺得好好食, 果然疫情下都仲做得住, 係荃灣開埋分店!醉鵝肝必點! 食過番唔到轉頭, 鵝肝軟綿入口即化, 花雕已經滲哂入去, 鵝肝香加埋花雕香超超超好味!醉芥蘭第一次食, 估唔到菜都可以做到醉菜式, 用芥蘭又真係夾到喎, 芥蘭本身既甘甜同花雕酒味好夾, 根部保持到入口爽脆, 好特別。陳醋木耳清爽開胃之選。建議大家upgrade個湯底, 因為佢個湯真係飲得出足料, 而且無味精飲完唔口渴!醉雞配雞湯翅醉雞皮薄肉嫩, 雞帶鮮味唔會雪到無哂味, 花雕入哂味, 堅正! 雞湯翅熱辣辣味道鮮甜, 唔會有層油咁, 無負擔咁一啖湯一啖米線, 清哂超飽!口水雞配人参雞湯翅依度既醉菜式已經唔洗質疑, 試過既都覺得好好食, 而佢係連口水雞都好好食, 重點係佢個醬度, 香濃得黎夠辣又有種惹味係度, 自己炒出黎既係唔同d! 人参雞湯翅除正鮮甜之外, 仲多左種回甘, 人参味慢慢滲出, 好飲🤤依間野堅好味又用心, 絕對會再幫襯!

朋友話醉藥雞喺荃灣開左分店，叫我一定要黎食。呢度裝修有心思，乾淨企理，坐得舒服。有名你叫，有用酒烹調既冷盤，有藥膳既湯底，有雞做主菜。呢度出名砂鍋生滾麵，無添加味精，我地叫左砂鍋雞湯翅米線，人參雞湯，胡椒湯浸娃娃菜同埋醉肝鮑。全部食物都好好味，不過佢地都幾多選擇，下次要叫多幾個朋友黎食埋其他餸。砂鍋雞湯翅米線-用左完美配搭，金華火腿雞同翅熬製既湯再砂鍋上，個米線入晒味，啖啖咸香火腿，濃郁湯底，隊友仲話啲翅食極都仲有。人參雞湯-人參味夠濃夠甘，個湯充滿骨膠原，雞肉煮得恰到好處，夠晒嫩滑，滋補養生。胡椒湯娃娃菜-胡椒湯補中益氣又暖胃 ，啱晒冬天飲，用黎浸娃娃菜都非常出色。醉肝鮑-有三片醉鵝肝，一件醉鮑魚同一隻醉糖心蛋，再舖上脹卜卜既杞子同新鮮蟲草花，啖啖酒香，鵝肝又香又滑，鮑魚爽口唔會韌，醉蛋一睇就知用靚蛋，同埋係流心既。

醉雞套餐(配藥膳湯)1.雞份量足夠，大大件，冰涼口感，吃得出微濃的酒味2.很喜歡碗湯，看到湯表面起了皮就知道濃度也足夠，飲落都充滿藥膳味，應該幾補幾真材實料3.飯的粉量也足夠，都大碗

今日經過路德圍見到一間新開張嘅餐廳「醉藥雞」，祝賀嘅花牌仲喺門口旁邊，應該剛剛開業不久。餐廳主打藥膳嘅食品，趁今日天氣凍凍地，即管試試佢。招牌砂鍋醉藥雞服務員捧住熱辣辣嘅砂鍋行到旁邊上菜時，就聞到酒香味。第一時間試試個湯底，洒嘅份量適中，沒有蓋過其他藥材嘅味道，感覺十分補身。雞肉也渗入了甜醇既黃酒味，肉質還好嫩滑，沒有煮得過火。最後當然將整個湯底飲晒，個身即時感到暖笠笠，真係有料到。糖心醉蛋跟餐加$10就有一隻醉糖心蛋，隻蛋熟成度剛好，夠流心，而且充滿醉香味，呢個必叫。醉鴨舌另一碟酒香撲鼻嘅小食，味道醇厚甜美，沒有腥味。而且份量很多，起碼有二十多條鴨舌，呢個價錢來講，CP值極高。

叫外賣，揀咗半隻沙薑雞，呢張相一件都未食過，但係得5件雞，即係每一件差唔多$40 ，想打電話去問清楚，打咗幾十次都冇人聽，其他食物冇問題，但係呢一款真係太離譜，大家叫之前真係要諗清楚。

<冬天滋補醉藥雞>😋係荃灣路德圍附近新開了一間主打砂鍋/藥膳雞線, 仲有其他醉冷盤小食, 選擇頗多. 近期天氣凍, 去食番個滋補又暖笠笠既砂鍋雞就啱晒😎<砂窩醉藥雞煮雞酒> {$68}😋 份量超大, 雞件多而且淋身, 一上枱已經有好香既雞酒味. 成個鍋上, 仲keep住好暖. <醉乳鴿半隻> {$78}😋, 仲可以選擇配米線, 刀削麵, 銀針粉, 白飯等. 酒香滲入乳鳻一齊食好惹味. 另外再order 左<雞絲粉皮> {$38}😋 ~ 粉皮爽滑, 雞絲嫩口, 味道很夾. 整體所有食物高質好味, 份量大, 而且價錢合理, 係呢個凍冰冰既天氣食完暖暖個胃, 正! 絕對係一間值得回頭再試的好餐廳.😎🍲餐廳 : 醉藥雞🥘地址 : 荃灣路德圍8號啟志樓地下

外賣: 砂鍋雞鮑翅，砂鍋醉藥雞.又唔記得影相😅😅下次食會記得影返😂😂.砂鍋雞鮑翅: 湯底入味，但有少少太油，雞很滑，鮑魚比想像中細，不過都有鮮味。會再叫嘅。😁😁.砂鍋最醉藥雞：佢嘅招牌菜，但係唔知係咪因為太多人叫，佢冇晒湯，加咗水，所以味道好淡，怪怪地。建議如果湯賣哂就唔好溝水啦，如果淨係食呢碗無買砂鍋雞鮑翅，一定唔會有下次。🙃🙃.希望下次再食都會有驚喜，同埋可以維持到水準啦！🙄🙄🙄