影片
招牌菜
西九龍中心food court 野食勁多選擇，海南雞飯，煲仔飯，大廚咸雞，泰國菜，pizza等等應有盡有，今次就揀咗屯門同元朗都有分店的醉滋味，始終唔係住大西北唔係成日入去，小店既然開到出西九當然要支持支持。小店主力賣花甲粉同醉雞，一人套餐包括左辛香花甲粉（再配一餸）再配椒鹽炸燒賣4粒同汽水一罐都只係 58蚊一個人食唔通去街市買斤花甲食咩，邊食得晒所有黎食花甲粉就最好，仲可以配多樣餸龍蝦丸生菜肥牛海蝦蜆肉等等仲可以揀添我揀左配生菜，另外花甲粉仲可以選辣或不辣，花甲隻隻都新鮮味甜，而且唔會有沙，湯底清甜唔過咸，滿滿海鮮味。想食海鮮粉面我覺得幾不錯。套餐跟的椒鹽炸燒賣，即叫即炸，勁煙韌，咸咸地，口感一流又唔怕太多太熱氣。套餐可以以40蚊追加醉雞卷，一客份量超多，10大件。最重要係雞卷咬落唔柴又入味每一舊雞仲好細心地塞左粒杞子入去。幽幽的酒香浸住嫩滑的肉，真材實料杞子花雕醉雞翼39同場仲買埋花雕醉雞翼，同樣地都係好重花雕味, 酒香撲鼻、雞翼嫩滑可口😍😍正正，I like it. 港式燒味煎餅另外仲叫左個港式燒味煎餅， 可以係燒肉燒鴨同叉燒三揀其一，我揀左叉燒。 燒餅即叫即整，滿滿的甜醬味，入面另外仲加入了生菜，雞蛋，芝麻，花生等等食一塊已經讓人超滿足，怕pizza 又滯又膩，呢個係幾好的alternative ar😊LikeComment
繼續閱讀
真係超級耐冇食過花甲粉，通常呢啲風味小食都係元朗屯門限定，終於有間開到黎深水埗西九龍foodcourt!主打花甲粉、醉雞、豬手小食等。花甲粉套餐有小食有飲品都只係$59辛香花甲粉+任選1餸+4粒炸燒賣 +汽水$59湯底麻而不嗆喉，愈食愈癮果種辣，麵質亦爽滑彈牙！花甲大概8-10隻左右，加了蟹柳！炸燒賣炸得酥脆有調味，少有食到的口感！慢煮醉雞卷 $45醉雞卷肉質嫩滑入味，酒味香醇唔會有苦味！有10塊左右，大推！脆爆煎餅 （腩肉）$40+$10芝士腩肉肥膏部分爽口，加入填鴨醬減膩感，餅皮加入菜甫增加咬口！食物質素及價錢都合符水準，不過foodcourt環境衛生較差，建議外帶買回家慢慢歎！
繼續閱讀
外賣時間，今次去了西九龍中心的Food court，其中一間醉滋味，以花甲粉為名，全部即叫即煮，新鮮熱辣。燒鴨脆爆煎餅有點似台式片皮鴨餅，餅皮煙韌，中間包著燒鴨配上甜醬，加上芝士及菜，新鮮食芝士半溶。旋風薯條份量十足，炸得香脆。慢煮醉雞卷雞皮既薄又爽，皮下脂肪少，雞肉嫩滑有酒香。梅香醉豬手有淡淡酒香，豬手爽口，外皮爽彈，骨膠原豐富。這裏最出名的辛香花甲粉，花甲完全無沙，非常新鮮，鮮甜無比，粉絲吸收了花甲鮮甜及湯底的川辣味，十分惹味，粉絲爽口。
繼續閱讀
西九龍中心8樓嘅美食廣場一向都係美食天堂，我最鍾意呢個food court絕大部份都係小店，選擇亦多，呢排在家工作，都少咗上嚟尋寶，今日難得同飯腳喺Office相遇，所以就上嚟兜返轉，今次就睇中咗呢間醉滋味。飯腳話之前喺屯門總店食過，辛香花甲粉同醉雞卷都係必食推介！首先我哋揀咗其中一個套餐，包括有辛香花甲粉連一款餸、炸燒賣四粒同汽水一罐。花甲粉湯底香而微辣，裏面有八隻花甲，我哋再加錢揀兩個餸，不過始終係花甲最好食！炸燒賣有驚喜，外脆內軟，灑上少許椒鹽稍作調味已經夠味。我哋仲加咗炸壽司🍣，感覺有啲似煎糭咁，糯米飯軟綿綿，炸咗之後非常香脆。原價$45嘅慢煮醉雞卷跟餐只需$40。呢個醉雞卷真係必食推介，總共有10件，因為佢係慢煮嘅製法，所以雞肉非常嫩滑，而且充滿酒香，非常入味，我哋成盒清哂！我哋仲叫埋梅香醉豬手，豬手肉質爽口，凍食唔錯。脆爆煎餅我揀咗配燒鴨，入面有甜醬、生菜、菜脯粒，而外皮就沾咗雞蛋，再加入脆脆黃豆粒同芝麻，相當香口。今次好彩遇上大胃王同事，令我可以一口氣試哂「醉滋味」嘅美食！😋
繼續閱讀
西九龍中心既food court 有好有heart既小店啊！今次去左一間充滿港式味道既小店食lunch。呢間小店有好特別既辛香花甲粉，可以自己配唔同既餸，佢既湯汁調味非常好，食落去有啲麻香味，勁惹味！呢度既慢煮醉雞卷係必試既野啊，雞肉慢煮過後好嫩滑，啲酒香滲哂入去啊！另外仲有全港首創既港式燒味 x 煎餅果子，夠哂特別！煎餅入面夾左燒鴨、燒腩同埋叉燒，岩哂食肉獸啊！煎餅即叫即煎，熱辣辣，好味道！價錢唔算貴，抵食！
繼續閱讀