酔々炭火燒居酒屋

山林道呢間樓上居酒屋♡酔々炭火燒居酒屋♡的環境十分舒適，散發著濃厚的日式居酒屋氛圍。木質的裝潢搭配柔和的燈光，讓人感到放鬆，彷彿置身於東京的小巷中。餐廳非常適合朋友聚會或小型慶祝活動。食物極具吸引力而且性價比高，無論是酒水還是料理都有很高的水準。店員人數好足夠，服務速度非常快，態度亦好好，整體餐飲體驗非常愉快。坐低和友人先喝一杯，🍑白桃 Soda清新的口感，酸甜適中，是開胃的絕佳選擇，Suntory Beer 黑白啤Mix搭配燒烤菜式更添風味。串燒種類多💛⭐️甲羅燒: 餡料豐充滿海鮮風味，鮮甜可口，配搭多士， 絕對是佐酒佳物。⭐️醬燒魷魚筒: 外焦內嫩，香味四溢，搭配特製醬汁更是美味。⭐️明太子玉子燒：柔軟的蛋卷配上鮮明的明太子；一口咬下，令人陶醉。⭐️肉類串燒: 鶏皮、牛肉春菊卷**、*萬苣豚肉卷、豚肉腸、牛小排等烤肉類，每一款都有獨特的口感和味道，經典的炭火燒製讓肉質更加鮮美。⭐️燒茄子：軟滑的茄子加上醬汁，令人慾罷不能。⭐️芝士年糕：拉絲的芝士搭配Q彈的年糕，口感極佳。⭐️海鮮類串燒例如蟶子同白鰻，烤得同樣出色，用料新鮮。⭐️鮟鏮魚肝：獨特的風味，滑嫩又帶有濃郁的海味，一啲都唔腥。⭐️三文魚茶潢飯：香氣撲鼻，米飯吸收了海鮮的鮮味，十分美味。配上蘿蔔及wasabi，風味更加提升。⭐️明太子醬栃尾油揚：外脆內嫩，餡料配搭得宜味道鮮美，令人回味無窮。呢個有驚喜。…查看更多

一入去就俾佢濃濃復古和風吸引✨ 昏黃燈光、木系裝修、開放式炭燒吧枱，仲有陣陣炭火香～完全係日本地道居酒屋格局，好適合同朋友嚟 chill 下、飲杯清酒、食即燒串燒！🔥⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀🍢 串燒全即叫即燒，炭火香超加分！全部串燒都用真炭燒製，火候控制得好好，外微焦內鎖汁～明太子玉子燒厚身玉子燒捲住滿滿明太子醬，蛋香軟嫩帶微鹹鮮，一啖爆餡好滿足😍特色燒茄子原條茄子燒到腍身，面層舖滿木魚絲同特製醬汁，入口滑溜帶炭香～萵苣豚肉卷爽脆萵苣捲住豚肉片，口感層次分明，豚肉焦香得嚟唔油膩！牛肉春菊卷牛肉薄片包住清香春菊（即日式茼蒿），菜味解膩，牛肉嫩滑🥬牛小排油脂均勻，炭燒後外香內嫩，肉汁豐富，簡單灑鹽已經好出色🥩大蔥雞髀肉雞髀肉超 juicy，夾住燒到微甜嘅日本大蔥段，絕配！白鰻皮燒到脆身，鰻肉肥美無腥，塗上秘製鰻魚汁，入口即化～牛舌厚切牛舌芯，爽嫩彈牙，炭火香完全逼出牛舌濃味👅⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀⠀🍚 主食推薦如果串燒未夠飽，必試 燒飯團！外層燒到脆脆嘅飯焦，內裡軟熟❣️❣️…查看更多

採用真炭燒製串燒，睇住幾位廚師不停燒 🍗火同煙全晚無停，轉頭又見廚師同客人乾杯熱熱鬧鬧，日本居酒屋氣氛 🍻🔹大力推介 🔷🔅鱈魚乾🔅免治雞皮燒得脆卜卜，好香口，傾偈、送酒一流🔅牛肉春菊卷🔅萵苣豚肉卷牛肉同豚肉燒過後充油脂香卷住大量爽脆多汁嘅蔬菜，即時減低油膩感覺 🔅白鰻魚皮燒得微脆，肉質細膩又有點彈牙不過小心佢有幼細骨仔🔅甲羅燒配法包唔止有蟹膏，重放入蟹柳蟹籽鮮味濃郁，而且鹹香十足🔅茶漬飯 (明太子)加入芥末，鹹鹹辣辣又帶點清爽可以解一解串燒嘅膩食完有遊戲金幣，可以夾「公仔」，有機會夾中折扣優惠。交重學費多年嘅小編，成功夾到，抽中A4和牛肉眼一份，又要再去喇✌️✌️✌️…查看更多

今日約咗好耐冇見嘅朋友食飯朋友一早訂定位帶我食好嘢, 呢間係一間好有特色嘅日式居酒屋,裝潢好有日式風情, 炭火燒烤香港少有，好似去左日本咁。 呢度主打串燒同佐酒小食， 師傅即場炭火燒烤， 即燒即食，好有風味火喉十足。除咗串燒，居酒屋仲有多款日式靚酒，啱晒三五知己約埋傾偈聚餐。醬燒魷魚筒：魷魚筒大大隻份量十足，表面沾滿醬油，魷魚新鮮，食落爽口彈牙。明太子玉子燒:玉子燒蛋味香濃，質地好棉密，表面明太子醬更添惹味。大蔥鷄脾肉：雞髀肉嫩滑，大蔥新鮮香口，配埋特製醬汁，真係食到停唔到口。甲羅燒：蟹蓋裡面有蟹肉蟹膏好鮮味加上蟹籽 ，放上香脆嘅多士上面食，口感層次豐富。自家製免治雞肉燒日本季節蠔：肉質鮮甜飽滿，炭火燒蠔火候剛剛好唔會乾水。紫蘇墨魚卷：墨魚卷柔軟鮮嫩配上紫蘇獨特香氣，上面嘅蟹籽粒粒飽滿， 口感清爽不油膩。最後仲送兩枚扭蛋金幣 ，可扭蛋抽唔同嘅優惠券， 我哋抽到免費甲羅燒券可以留返下次用，正！…查看更多

好朋友生日，揀左呢間串燒店，入到去已經好有日本feel, 感覺好正 😍😍地方唔算大，不過都坐得好舒服，只係爭左小小冷氣，但係佢地都另外加左風扇，所以都ok嘅，好明白炭爐燒，的確係有啲熱嘅，辛苦員工們燒啲咁好食嘅串燒俾我地😁😁食物方面非常新鮮好味， 燒豆腐，雞腎，雞頸肉，豚肉包生菜，呢幾樣都極力推介👍🏽👍🏽😋真心好味道😋😋雞腎大大粒，好有口感😍豚肉包生菜上面仲有啲牛油果醬😍我地仲開左3支sake 最後不得不讚，每個服務員嘅態度都超好，又玩得，又好笑，重點係呢間餐廳冇限時，而家想搵間餐廳無限時，真係有啲難度，下次一定會再幫襯👍🏽👍🏽👍🏽今晚真係玩得好開心😁😁…查看更多

訂座當天下雨，六點準時到達，入座安排二人火爐前Bar枱，應該在兩組客人之間，可能炭燒引致該位置非常悶熱，地下安排了風扇通風也無幫助該區通風。強烈要求下，才改為另一區冷氣充足，空氣質素好二人枱。…查看更多

實在好耐冇去日本咁啱今次朋友生日想食炭燒串燒就決定嚟呢一間喺尖沙咀山林道嘅上樓居酒屋呢度地方細細但相當似去咗日本一打開門已經見到師傅喺開放式玻璃廚房燒緊串燒非常有feel ！食物款式唔算好多我都係隨便點咗幾樣心水食物前菜點咗個蕃茄仔同埋鮟鱇魚肝蕃茄感覺唔係日本甜蕃茄仔似係本地大蕃茄燒豬腩都ok 但炭燒味唔係好出🧐之後都點咗好多唔同類型嘅串燒同埋小食每樣個質素都OK嘅但唔知點解就係冇乜炭燒味明太子蛋同燒雞皮最啱我胃口😌年糕就唔係太好食口感硬又dry 芝士年糕個外型幾得意嗰啲似菠蘿包😛不過就有少少漏紫蘇墨魚嗰個配搭比較得意好可惜食嘅時候上面啲飛魚子就跌晒出嚟整體嚟講食物就不過不失不過都要大讚佢哋個氣氛係相當好嘅👍🏻👍🏻地方細細裝修好有日本地道風味員工們都好Nice我喺訂枱嗰陣安排咗生日蛋糕當我試佢哋拎出嚟嘅時候員工仲即刻播生日歌所有員工都一齊唱生日歌（包括整緊嘢食嘅師傅）所以個服務體驗係唔錯嘅😸好warm 好有人情味呀！不過可能我哋錯位嘅關係前方係洗手盆有時師傅洗手會彈咗啲水出嚟我地塊面到😹…查看更多

尖沙咀的 酔々炭火燒居酒屋 是一家主打日式炭火燒烤餐廳使用備長炭燒烤，肉類（如和牛、牛舌、雞肉串）火候控制得宜，帶有炭香，肉質鮮嫩多汁   - 推薦菜式：鹽燒牛小排、白鱔、紫蘇墨魚卷环境：居酒屋氛圍濃厚   - 裝潢充滿日本風情，適合朋友聚餐或下班小酌   - 設有吧檯座位，可近距離觀看師傅燒烤過程   - 典型居酒屋格局 空間有限  但座位較擠  性價比：價格偏貴   - 人均消費約 HKD 400-600肉類單價較高，份量偏少  清酒選擇豐富   - 提供多款日本清酒、燒酎 適合搭配燒物個別服務員態度一般 其他都不錯油煙味較重   - 因炭火燒烤，餐廳內油煙味較明顯…查看更多

彷彿置身日本居酒屋🏮主打高質串燒同佐酒小食師傅即場炭火烤串燒 火候十足🔥非常適合收工同朋友同事飲返兩杯🔸醬燒魷魚筒｜白鰻魚高度推薦呢個醬燒魷魚筒‼️ 魷魚筒真係非常巨型 份量十足，燒完之後非常香 $88真係超級抵食🥹🥹 白鰻魚都燒到皮香肉嫩，仲鎖住魚汁🫶🏻🔸肉類串燒｜牛肉春菊卷｜黑豚腩｜月見免治雞肉棒｜鷄脾肉｜羊架｜牛舌｜牛小排｜萵苣豚肉卷真係點咗非常多肉類😂😂 而且樣樣都真係好出色🥹想又食肉食菜嘅朋友就要試吓牛肉春菊卷同埋萵苣豚肉卷，入邊都包住大量蔬菜，所以都幾清新 而且食多幾件都唔漏黑豚腩牛舌同牛小排都採用高質量日本產地嘅肉，油脂豐富🤪 同埋師傅火候真係控制得好好👍羊架更加係出色帶有少量蘇味，烤過後肉質依然好嫩😍🥰🔸甲羅燒配法包作為蟹高雄見到格羅燒一定要點🤩 又係冇得輸嘅菜式配埋法包一齊食令蟹膏食落冇咁鹹，而且配埋蟹柳蟹籽真係冇得彈🥰🫶🏻🔸燒茄子｜豆腐｜醬油燒年糕燒茄子好大條😱 而且調味做得好好 面頭鋪上嘅木魚同埋五味粉食落好開胃 真係要連皮食埋😆🔸明太子茶漬飯唔算好大碗，飯嘅份量同一個飯團差唔多 但係夠㗎啦因為食咗咁多串燒🤣 茶泡湯底好清 食完比較油嘅串燒飲返啖清湯真係好舒服🔸🍶柚子酒|青森蘋果梳打清心蘋果梳打較甜，但係一路飲溶咗冰之後就啱啱好👍 柚子酒非常適合女生飲都係比較甜嘅酒類🥰…查看更多

哩間主打日本串燒，可以近距離欣賞師父燒烤的功架😍😍而且材料高質，師父燒得好好食👍🏻👍🏻推介❤️🥩鹿兒島A4和牛肉眼和牛肉味濃，而且肉質鮮嫩，雪花脂肪分佈平均，入口即溶😳😳係成塊肉眼上菜，好好食🦪榮螺榮螺肉質鮮嫩，口感彈牙，仲加左湯頭同海帶去煮製🥰🥰連埋榮螺殼一齊上菜，湯頭同榮螺都好鮮甜🍢自家製免治鶏肉用新鮮的雞肉為主要原料，雞肉棒子經過精心調味和烤製，沾上半生熟溫泉蛋蛋黃，一定要試試😍😍🐔雞頸肉雞頸肉燒烤至外脆內嫩，質感真係好嫩滑每一啖都散發著豐富的口感和雞肉香氣🤤🦀甲羅燒配法包超大堆蟹膏同蟹肉😍😍好正，超鮮甜惹味，再配埋法包，好正另外推介💕🌿春菊牛肉卷🍶磯自慢 多田信男 純米吟釀🐷醬燒日本梅頭肉🦪燒帶子🍳明太子玉子燒🍞燒年糕🍢厚揚豆腐…查看更多

好掛住日本呀，今日約咗朋友仔食串燒，我哋嚟咗位於尖沙咀嘅酔々炭火燒居酒屋。居酒屋裝修好日式，牆身有好多日式雜誌，好似處身於日本咁。而且廚師會喺食客面前燒串燒，同日本嘅一樣。我留意到餐廳用上炭火燒串燒，所以串燒食落更有風味。除咗串燒，居酒屋仲有大量日式靚酒，啱晒大家一路飲酒、食串燒同傾偈。醬燒魷魚筒 $88魷魚筒好大條，表面沾滿醬油，食落甜甜地。而魷魚新鮮，食落爽口彈牙。明太子玉子燒 $38玉子燒好香蛋味，質地好棉襪，表面有明太子沙律醬，好滋味。雞皮 $38雞皮燒到外脆內軟，充滿油脂感，真係必點！大蔥鷄脾肉 $46呢款一樣加上咗醬油作條味，食落甜甜地。雞髀肉好嫩滑，雞肉肉質厚實，大蔥香口多汁，兩者配搭得非常好。牛小排 $62牛小排本來質素就好好，見到燒之前牛肉油脂分怖平均，紋絡好靚。牛小排牛味濃，食落肉質軟腍又Juicy。豚肉厘茄卷 $42豚肉包住新鮮嘅車厘茄，食落好fresh。豚肉燒香後特別油，加上甜甜地又多汁嘅車厘茄，多，能夠解膩。牛舌 $48牛舌充滿油香，都幾厚切，食落非常彈牙！牛肉春菊卷 $56店員有同我哋介紹春菊係指皇帝菜。估唔到牛肉配搭皇帝菜咁夾。牛肉薄薄一層，燒香後包咗大量皇帝菜，皇帝菜非常Juicy，而且有特別嘅味道，非常有好味。萵苣豚肉卷 $48而萵苣就指唐生菜。豚肉一樣充滿油脂，表面帶少少脆，。生菜都好Juicy，又有點脆口，兩者配搭得非常好。黑豚腩肉 $48腩肉好厚切，燒到脆脆地，一咬落去油脂感十足。雞翼 $42 雞翼好大隻，好飽滿，啖啖肉。內裡肉質好滑，好juciy。燒帶子 $88帶子大大粒，食落好鮮甜，內裏充滿海鮮汁。配上紫菜後，多咗一浸鹹鹹地嘅風味。牛筋 $42牛筋必點，非常特別！牛筋好淋，有滿滿開嘅膠質感。另外，仲沾滿咗醬油一齊燒，所以食落甜甜地。…查看更多

今日嚟到尖沙咀，經過見到呢間炭火串燒居酒屋好吸引，就決定入去試吓餐牌有好多選擇串燒即叫即燒，用備長炭明太子玉子燒內部柔軟細膩，帶有微微的焦香。明太子均勻地夾在玉子燒的中層，每一口都能感受到鹹香與鮮甜的完美融合。玉子燒的甜度恰到好處，搭配明太子的鹹味，形成了絕妙的平衡，讓人忍不住一口接一口鮟鱇魚肝魚肝質地細膩，入口後的濃郁油脂感瞬間在口腔內化開，帶著大海的鮮味卻不腥膩。搭配的日式醬油和醬汁提升了魚肝的層次感，酸鹹之間的平衡恰到好處，非常值得一試雞髀肉、雞肝、雞皮雞髀肉外皮微焦，內部卻保留了多汁鮮嫩的口感；雞肝則經過完美火候的掌控，雞皮則烤得酥脆金黃，脂香四溢，每一口都充滿罪惡感但又讓人無法抗拒。這三款串燒展現了在炭火料理上的實力牛肉春菊卷這道菜將薄切牛肉與春菊結合，牛肉經過精緻的火候掌控，鮮嫩多汁，肉香濃郁。春菊的清香與微苦與牛肉的油脂完美結合，去除了油膩感，讓整道菜更加清爽。每一口都能品味到牛肉的醇厚與春菊的清新，是一道平衡感極佳的料理免治雞肉棒雞肉餡料滑嫩多汁，加入了少許日式醬汁進行調味，提升了整體的鮮味。外層烤得微焦，增添了香氣翠玉瓜翠玉瓜切片薄而均勻，口感爽脆，帶有自然的甘甜。搭配一點點鹽巴，突出了食材本身的甜味suntory生啤最後不得不提的就是這裡的生啤，冰涼爽口，帶有濃郁的麥香。啤酒的泡沫細膩柔滑，喝上一口，瞬間洗滌了味蕾，與店內的炭火串燒和重口味菜式形成了完美的搭配價錢合理…查看更多

今次同朋友去咗「酔々炭火燒居酒屋」，嗌咗好多串燒同小食，整體來講幾有驚喜，炭火香氣夠晒突出，而且有啲菜式真係平時好少見，值得一試！ 同埋我地係坐吧枱，可以睇住師傅點樣燒，好有火候🔥🍽️ 燒白鰻 魚肉厚身又嫩滑，皮燒到微微脆，仲帶少少焦香，醬汁唔會太甜，啱啱好！ 🍽️ 免治雞肉、雞軟骨、雞皮、大蔥雞脾肉、雞翼 雞肉串燒系列全部水準在線！免治雞肉 juicy 又彈牙，雞皮脆到似薯片，大蔥雞脾肉嘅大蔥清甜，同雞肉好夾。雞翼就燒到皮脆肉嫩，簡單灑鹽已經好夠味。 🍽️ 黑豚腩 肥瘦適中，燒到外層微焦，入口油脂香爆棚，送酒一流！ 🍽️ 燒帶子 帶子大大粒，燒完依然保持到鮮甜多汁，最特別係底層墊咗塊紫菜，可以包住帶子一齊食，多咗份香脆口感，好有心思！ 🍽️ 燒多春魚 & 燒魚翅乾 多春魚燒到香脆，魚春爆晒出嚟，正！魚翅乾就真係第一次試，口感軟糯得來帶少少煙韌，好特別，值得一試。 🍽️ 明太子玉子燒 玉子燒煎得嫩滑，面頭嘅明太子燒到微微溶化，鹹香濃郁，同蛋香好夾，食落去有層次，唔會太膩。 🍽️ 牛舌、牛小排、牛肉春菊卷 牛舌厚切，咬落去爽口又香；牛小排肉質軟嫩，油脂分布均勻。牛肉春菊卷好驚喜，茼蒿嘅清新中和咗牛肉嘅濃味，食完唔會覺得膩。 🍽️ 燒茄子、燒蕃薯、汁燒大香菇 茄子燒到軟綿綿，面頭灑咗少少辣粉，惹味得來又唔會太搶。蕃薯帶天然甜味，好滿足！大香菇配上蘿蔔蓉，清新得來又入味，好有驚喜！ 🍽️ 甲羅燒 & 油甘魚鮫 甲羅燒即係蟹膏燒，濃郁鮮味，配埋多士一齊食，可以平衡返個鹹香。油甘魚鮫燒到外皮脆，肉質滑嫩，魚油香爆棚！ 🍽️ Suntory & Beer Mix Suntory 生啤夠冰凍，爽！Beer Mix 係黑啤溝白啤，味道比一般生啤淡少少，易入口，啱晒女仔飲。 …查看更多

最近喺尖沙咀發現咗一間隱世居酒屋😳雖然隱身喺一座商廈入面，但係就算平日都座無虛席🙈一入到去已經感受到好濃厚嘅居酒屋氣氛，加上舖頭係用真·炭火燒烤🔥簡直好似去咗日本一樣，我哋坐咗喺吧枱近爐嘅位置，可以望住師傅燒嘢食，款款都係即叫即燒，而且以日式串燒嚟講價錢唔貴（大概三十到四十幾蚊一串），性價比好高👍🏻首先叫咗兩款前菜，分別係鮟鱇魚肝同埋螢光魷魚，兩款都幾出色😆螢光魷魚仲係我食過最好食嘅螢光魷魚，唔會過分地鹹得嚟仲食得出魷魚嘅鮮味🦑而串燒方面，我哋都叫咗好多款，老實講絕大部份都係屬於高水準🤩尤其突出嘅有雞皮、牛筋、白鰻、牛肉春菊卷、同萵苣豚肉卷，雞皮少得脆卜卜🐔完全唔會覺得油膩，而燒牛筋更加係第一次見呢個做法，師傅將已經燉煮過嘅牛筋炭烤，牛筋入口時既有焦香，又入口即化🤤而白鰻非常之厚肉，兩款肉卷都係自家製，入面包咗滿滿嘅蔬菜，降低咗肉類嘅油膩感😋而飲品方面呢度都有好多款嘅日本清酒選擇，可以叫侍酒師介紹返合適嘅口味🍶…查看更多

暖黃燈光裹着炭火氣息充斥住成間店面。師傅係堂前炭爐上翻動串燒，油脂滴落時既響聲加埋火光四起，好似返左日本咁。免治雞肉串配埋生雞蛋黃既醬汁，蛋液裹着肉串好幼滑既口感。燒雞皮勁脆，油香滿溢。牛舌厚切得恰到好處，肉汁豐富。醬燒魷魚筒配特製醬汁，彈牙又香口。凍番茄冰涼清甜，解膩一流，剛剛好中和串燒的油膩感。最正同最有特色既係紫蘇墨魚卷，紫蘇葉纏着墨魚膠在炭火上燒，墨魚膠彈牙非常，加埋魚子超有口感同層次感。店舖座無虛設，想黎既朋友記得訂位，價錢都合理，最緊要夠日本風味。…查看更多