遊園

營業中

休息中

海南雞就食得多,文昌雞就真係第一次食。呢間既雞,色澤好明顯有別於平時見開既黃色皮既雞。文昌雞皮薄、滑、嫩,可能雞油都唔同D,連雞油飯既色、味道都好唔同。除此之外,就連醬汁都有六款咁多,中意既仲可以加青檸汁,每樣我都有試,好有新意,個餐仲有例湯添,好飲。飲品我叫左紅豆冰,簡單既食物見功力,紅豆都係煮到好好,我食晒,好滿足。呢度既佈置同粵劇好夾,好有遊園驚夢既感覺,古色古香。連上菜都令我有返左古代既感覺。

喺戲曲中心嘅餐廳，原本以為係sell高級路線，但呢間餐廳嘅門面比較普通。一入到去，先發現裝飾得非常有心思，令成個感覺好有置身傳統戲劇嘅環境。最令我驚喜係個前菜﹕桂花話梅溫室蕃茄！望落似平時食嘅蕃茄仔，但食落去就得番好濃嘅話梅味，感覺係食緊juicy版嘅話梅！真係好少喺出面食到！呢碟係焦糖菠蘿西班牙黑豖叉燒，見到賣相已經覺得好有心思。肉好嫩，再加埋糖同菠蘿，咸甜之間掌握得唔錯。遊園小炒皇就中規中矩~最後叫埋餐廳新推介嘅芫茜拉麵，喺濃湯再加大量芫茜情況下，芫茜味非常突出。仲有牛丸、墨魚丸同魚片。當然唔少得黑牛同紅豆冰呢啲港式飲品~雖然價錢唔平，但係係非常滿足嘅一餐~

估唔到戲曲中心入面竟然會有d價錢唔貴，質素又幾好既中菜～～～遊園素鵝同平時見到既素鵝唔同，呢個係腐皮入面再包左素菜既素鵝。成個卷都好入味，但又唔會太咸，蘿蔔絲令到佢多左咬口，幾好～焦糖菠蘿西班牙黑豚叉燒普通叉燒就食得多啦，配菠蘿，仲要用西班牙黑豚肉黎做既叉燒都係第一次食！可能因為加左菠蘿，肉質好鬆化，而且揀既部位係半肥瘦，成件事更加香口。再加上焦糖，個叉燒變得更香甜更好食～～～酸菜龍躉球龍躉球超彈牙，而且塊肉都唔細架！成盤入面有勁多酸菜，再加埋其他配菜同薯粉，粉量超澎湃！！！不過略為咸左少少，但感覺應該幾好送飯～而且佢地做得唔油膩，值得欣賞～莞茜湯牛丸墨魚丸潮洲魚片拉麵呢個就犀利啦，推介比愛茜既朋友😂新鮮莞茜超多，仲要成個湯都係莞茜蓉🙈不愛莞茜既我都試左少少，意外地好飲喎！佢係有種魚湯既味道，加上我本身可以接受落左莞茜既湯，所以都覺得幾唔錯～

「落花滿天蔽月光，借一杯附薦鳳台上。」即使是千禧後的一輩，也應該懂得哼上這兩句經典粵劇曲詞吧？出自粵劇戲寶《帝女花》「香夭」一節的首兩句，充滿意境，活現眼前。如果細心閱讀這段折子戲的全部曲詞，更會感嘆辭藻瑰麗典雅，詩白及唱詞情景交融，是整個劇本的精華之處。敢説差不多所有嶺南地區人民及懂粵劇的海外華僑都懂得如何唱出此節。雖然今天有不少年輕一輩廣東人認為粵劇老土，但同樣也有少數後生仔女醉心粵劇文化，努力承傳。香港政府積極打造西九文化區，第一幢投入營運的建築物就是戲曲中心。外觀別樹一格，以一盞傳統中國彩燈為概念，但同時運用了現代建築物料；整體設計糅合了傳統與現代元素，為中國傳統戲曲打造了富時代感的新形象，以承傳具有千年文化的中國各地戲曲藝術。室內地面首層是個大空間，加上樓底超高，有效營造空氣對流作用；沒有冷氣系統，只採用低耗電通風系統，既節能又環保。雖然室外天氣炎熱，戲曲中心內亦只是稍為和暖，環境並不高温悶熱。戲曲中心內共有四間餐廳，講特色、講迎合主題一定係「遊園·茶記」。門面設計以木門柵為主，高位襯上著名粵劇場景圖畫，並標註劇目名稱及最為人所熟悉的部份曲詞。本來很有心思，只是位置未夠顯眼。

記得2年前朋友請我食過呢間『遊園·茶記』，印象深刻，只記得D食物好精緻，好吸引，環境亦好中式，話說呢度嘅室内裝潢以戲曲<遊園驚萝>為中心概念，配埋開放式庭園設計，刻意重塑<牡丹亭>中場景，展現古時候的中國。久別重逢，再次來到揀咗『桂花話梅溫室蕃茄』為前菜，話梅係靚話梅，溫室蕃茄已去皮，用心機醃製的蕃茄，帶有少少桂花清香，非常之開胃。呢度嘅招牌菜『金牌燒鵝』(例牌)上次食過，依然記得的好滋味所以必叫，D皮好脆，食落有聲而且表面光澤吸引，鵝肉好juice，亦配有酸梅醬點缀。芫茜係近排食肆時常見到，呢度的『芫茜湯牛丸墨魚丸潮州魚片拉麵』亦好好味，墨魚丸更得我歡心，彈牙之餘亦食到墨魚粒粒，果然係真材實料。『遊園小炒皇』有韭菜花，蝦乾，銀魚乾，菜甫，叉燒絲，腰果，有咁多材料咩營養都齊晒。

見到網上這間餐廳出了海南雞飯食，趁假期即刻叫埋朋友飛來試，碟雞飯一來到檯，哇好大壇野呀😳。 賣相都幾吸引，好多颜色，見到好開心😊醬汁有六款，雞油芫茜羌蓉，秘制甜豉油，酸辣魚露醬，蒜蓉，海南黃炮椒，紅碎椒粒，另外還有粒來自海南的青檸仔用來混醬用，混出自已喜愛的味道，都有排玩😅妙!試了個熱辣辣湯先，用雞骨同蘿蔔淆成清雞湯，清而鮮甜；另外最緊要個飯，香氣十足，並無香茅味，飯用雞湯、蒜、雞油煮成，粒飯都包住雞油，份量剛好，不太油，蒜香味也不太搶😊主角出場，雞皮爽，肉質嫩(當然無黃油雞咁滑，這是文昌雞啊），又無骨(現在好似變了基本😂，因D骨去了淆湯？🧐）師父用了秘制汁浸熟，味道剛剛好，沒有濃調，配合埋不同醬汁有不同味道，更妙🥰最後居然嘆多杯雪糕紅豆冰估我吾到🤤完

遊園．茶記  不一樣的茶記呢度雖然晚市一樣咁熱鬧,住附近既人都會過黎食飯開左咁耐儲埋唔少客,仲吸引好多食客到訪我地一於試下佢有咩咁吸引先!呢度係食中菜同小炒,燒味,走港式風味為主既食左一份招牌蝦籽海參豆腐煲 食材豐富,口感爽彈既海參,有營養又味道好,整體上好食份量亦夠多,豆腐香嫩,個汁好滋味芫荽牛肉炒飯,全綠!好誇張!牛肉碎加唔同食材,炒香炒得好爽身,食到好香既芫荽味之餘又好夾味道唔會好奇怪,仲出地奇有驚喜焦糖菠蘿西班牙黑毛豬叉燒黑毛豬叉燒夾住菠蘿再焗香,肉質鬆嫩有肉汁,酸甜開胃好出色甜品選擇多,試埋薑汁撞奶,夠香滑之餘薑味濃郁,加埋特別既紅糖水配埋一齊食!好滋補~

戲曲中心已化身美食中心,有好多餐廳在這開業,吸引一眾食客到訪你以為佢無人食飯?晚市坐滿呢!焦糖菠蘿西班牙黑毛豬叉燒 以今期大熱既波羅入味,睇賣相已吸引,叉燒厚切夾波羅肉再焗香酸甜鬆化口感豐富,睇得又食得,味道也好得帶點焦邊燒得更香口,鬆軟口感肉質美味蝦籽海參豆腐煲 百搭健康食材,豆腐也十分有營養,平平無奇既食材同樣煮得出色海參彈牙,豆腐外脆內軟,個汁將味道提升,食落味道夠之餘亦唔會過濃甜品必食椰子雪糕,透心涼之餘仲解油膩薑汁撞奶 $38養顏滋補加薑汁,暖胃也提味

戲曲中心富時代感的外貌糅合了傳統與現代元素，位於地下的遊園．茶記門面古色古香，彷如穿越時空回到古時。室內裝潢以古時驛站為中心概念，加上室內栩栩如繪的三米高「牡丹亭」，重塑《牡丹亭》中的《遊園驚夢》場景，再現優雅古典的詩意場景。裝修頗有特色，可以讓食客在傳統民間氣息濃厚的氛圍下，細味經典港式美食。菜單上薈萃一系列香港人專屬的療癒美食，當中不乏懷舊菜式。於中式亭台樓閣下品嚐港式美食，別有一番古風儒雅的詩意。焦糖菠蘿西班牙黑毛豬叉燒 $208菠蘿造型的黑毛豬叉燒為傳統港式燒味一新耳目，外貌趣緻，幾可亂真，當然要第一時間相機食先。黑毛豬叉燒色澤鮮亮，帶有焦香燶邊，肥瘦度適中，油脂分佈平均，口感比傳統叉燒的更細緻鬆軟，完全發揮豬種的優點，伴以酸甜開胃的菠蘿切片，叫人食指大動 。茉莉醉香雞 $88夏天吃醉雞冷盤清涼又開胃，冷卻後雞皮與雞肉間的空隙形成QQ果凍狀，富含膠原蛋白。酒味的醇厚與雞肉的鮮嫩相結合，非常入味，酒香味濃郁而不苦澀。台山手工黃鱔煲仔飯 $168一開蓋立即香氣四溢，從頭吃到底都可保持熱燙溫度，撒上海量芫茜，僻走鱔的腥味，還能帶出其獨有鮮香。黃鱔正值夏季最為肥美，鱔肉細嫩沒泥味，煲仔

舊年因為疫情，經過幾次都無開，今年突然諗返起，可以去食芫荽麵~!! 於是book枱同朋友一齊去試下，唔使成日飲茶咁悶 去到門口有職員招待，安排咗我哋坐卡位，舒服！ 環顧四周，裝修同個名都好襯，好有茶莊feel，以竹木材料為主。講到餐牌係有驚喜嘅，因為個名叫茶記，點知佢有上得大場面嘅菜式架喎！酸菜魚個魚係龍躉，叉燒係西班牙黑毛豬等等。今次食飯人少少而且係lunch，所以叫左咗幾碟少少地就算。蝦籽海蔘豆腐煲西班牙黑毛豬叉燒拼油雞，食完終於明點解人哋話佢個燒味好味薑蒽大蝦粉絲煲再嚟就係最期待嘅芫荽湯粉 眼見枱枱都有叫呢個粉架真係！入面有魚片，牛丸同墨丸，最正係個湯係香濃荽魚湯，超正！最後仲嗌咗甜品share，一個檸檬雪芭，一個薑汁撞奶，兩個都好出色。平時食飯大家都總會有啲評語，今餐真心難得係無comment樣樣都滿意  已經約好埋下次幾時又再嚟食過，下次要食晚餐先得！

今次同大家介紹我嘅另一間食堂，佢係位於尖沙咀嘅戲曲中心，如果大家行開行埋可能去睇戲都可以食到通常去親戲曲中心食飯都係食lunch，如果大概12:00入座的話通常都會有位，不過大概去到12:30就開始見到人龍要排隊了講得飯堂就梗係有佢嘅招牌名菜啦呢個芫荽湯拉麵可以轉配米線不過我自己偏愛拉麵所以我就叫左拉麵啦大家喺圖片都睇到呢碗麵真係好多好多芫荽除咗好多芫荽之外，佢嘅牛丸墨丸魚片頭都好好食，所以芫荽控千萬不要錯過餐後感：食得芫荽太多，食完有啲暈🤣

是日慶祝朋友生日，壽星女同另一位朋友係芫荽愛好者😂簡左呢間有芫荽野食嘅餐廳～首先當然要叫左我兩位朋友最期待嘅野先🤭佢地簡左芫荽滑蛋三文治烘底，三文治一黎到，大家都哇左聲，啲芫荽多到睇唔到啲蛋😹鐘意食芫荽嘅真係要黎試下，兩個朋友都話個味勁芫荽，好滿足🤣🤣跟住我地叫左個桂花話梅梅酒溫室蕃茄，見到個名幾得意所以叫，呢個真係好有驚喜，冰冰涼涼，酸甜度岩岩好，絕對解到膩，強推🤙🏻🤙🏻🤙🏻另外叫左半隻貴妃雞、九層塔薑蔥粉絲海蝦煲、椒鹽豬扒同炒菜心（唔記得左係咪用xo醬炒😂）呢啲都唔係咩好特別嘅菜色，就唔特別介紹了，但係整體食物都係有水準嘅發揮，食到我地好滿足😋加上係戲曲中心，人流唔會多，同家人朋友黎食飯慶祝係好推薦🤙🏻🤙🏻🤙🏻

遊園．茶記Peony Garden 芫荽大餐 芫荽迷唔食走寶 芫荽炒牛崧飯芫荽滑蛋煙三文魚三文治蝦籽海參豆腐煲焦糖菠蘿西班牙黑毛豬叉燒薑汁撞奶 ,椰子雪葩遊園．茶記好出名芫荽菜式今次再進一步,炒飯同出左一款三文治出奇地好食,我唔係重芫荽人士都覺得幾好食#芫荽 #芫荽怪 #芫荽美食 戲曲中心呢度好多餐廳,呢間最多特色菜以前都出過芫荽系列！食左個唔係芫荽既打打底先蝦籽海參豆腐煲有幾件煎過嫩豆腐，伴以海參片同蝦籽湯汁濃鮮咸，加上爽彈口感既海參嫩豆腐加上唔同食材豐富又美味唔洗天價都可以食到咁出色既菜式，很划算主角出場芫荽滑蛋煙三文魚三文治比起上一次出既時候芫荽份量多幾倍幾乎變左食緊芫荽滑蛋，每一寸既炒蛋都有芫荽，味道濃烈，加上咸鮮既三文魚片估唔到呢個配搭味道係咁突出同夾芫荽炒牛崧飯一上菜就超濃郁既芫荽香氣加上牛肉碎同蔥等食材，切細打汁炒香應該係全香港最重芫荽味既炒飯每一口都係食緊芫荽但又唔會完全蓋過食材既味，炒得乾爽有鑊氣，飯身粒粒香份量有3人份,兩個人食剩一半打包返屋企食完全不油膩,味道仲好夾焦糖菠蘿西班牙黑毛豬叉燒用上西班牙黑毛豬燒製既叉燒厚切叉燒中間開一刀放菠蘿片再焗香叉燒肉質軟嫩有肉汁

從朋友口中得知，西九戲曲中心裏面，有間裝修得古色古香嘅餐廳，但食嘅嘢就中西合璧裝修係唔錯，有啲特別佈置，但如果係餐廳嘅中間位置，就冇特別嘅裝飾佈置下午茶餐中價位另外其他嘅餐牌，聽聞呢度最出名係芫茜滑蛋三文治，不過本人唔食芫茜嘅關係，所以有叫😂招牌蜜汁叉燒+化皮燒腩仔飯$62叉燒肉質鮮嫩，肥瘦適中，不過冇燶邊嘅叉燒就差啲😂燒腩仔皮脆肉嫩，整體唔錯！但份量就好似少咗啲😅檸檬雪葩$58我頭先嘅Menu搵唔到呢個甜品，係因為我睇過之前人哋嘅食評，所以就問店員，味道清新，酸酸甜甜臨走嘅時候出去櫃檯埋單，見到原來佢哋有另外一本Menu，應該係晚餐時段嘅餐牌

近六時經過這間餐廳，肚子不覺餓，看見只得三枱人，坐得疏落，又不想回家煮飯，相公和我對望後便走進去坐下，點了一窩酸菜魚，魚塊大而厚，有口感，放了些雜菜，酸菜味不濃，窩裡放了些粉皮很爽，連湯帶粉皮一起食，很惹味；最後看見一粒似蕃茄仔的紅色辣椒仔，在好奇心驅使下，夾起它來嚐嚐，嘩！很咸呀！離開的時候客人已坐滿大半了。