通達食店

營業中

休息中

通達食店🍢嚟得油麻地行街，無理由唔去通達食店🥰🥰話你知...佢嘅辣🤤🤤🤤係最好食🤤🤤🤤🤤因為鋪面較逼，由其🦦麻煩，所以多數外賣，唔堂食嘅🙇🏻‍♂️🍢燒賣$12 @5燒賣係真魚肉嚟🤤🤤🤤唔同出面嘅假魚肉，咬落去個口感好實🤤🤤撈埋咖哩汁真係一流，唔洗加辣油🥳🥳🍢魚旦 $12@6魚旦大大粒，彈牙！我多數食辣嘅，你望到魚旦嘅色係攝哂入去，你可以從魚旦個面知到...粒魚旦有幾辣🤤🤤🤤真心！唔食得辣嘅🐣都愛上。佢嘅辣係令你上癮🤤🤤🍢腸粉 $17 @4條腸粉正常，份量都夠，都可以唔洗加辣醬，直接用埋魚旦個辣汁，一流🤤🤤

油麻地老字號地道小食這間店由細食到大，每次經過都會聞到好香的咖哩魚蛋味，都會忍不住買來吃。價錢方面經濟實惠，因此吸引一大班街坊、學生、上班族前來光顧。咖哩魚蛋11元6粒秘製咖哩汁辣得過癮，魚蛋有魚味彈牙。魚肉燒賣11元5粒燒賣口感煙韌，質地唔會太粉。香滑腸粉23元6條腸粉很滑又挺身，帶點點米香，同時掛得上醬汁。食店家除了燒賣魚蛋外，還提供多款小食、粉麵、三文治。餐廳裝潢光潔企理，坐位不會坐得密密麻麻。

每次經過油麻地A出口，必定會聞到一陣特別的香味，口水直飆。今日經過都一樣，人不自覺地向右轉😂招牌咖裡魚蛋獨特在佢自己秘製的辣醬，未試過有重複味道的店鋪，只此一間忍唔住叫了一份魚蛋➕一碗三溝碗仔翅，作為tea的份量絕對夠魚蛋的味道完全冇變，食落由心辣到上口腔但很爽。由小學到宜家，每次食都引起快樂的回憶。三溝碗仔翅用料💯，魚肉超多，夾埋爽脆的生菜和鹹淡適中的仿翅，啖啖都很滿足總括而言，一間好食的小食店可以屹立不倒，一定係有佢獨特的味道，永遠不會失望的小店

說起上海傳統的早餐，相信大家一定會想起熱騰騰的粢飯配上豆漿吧。原來有很多賣粢飯的地方，並不是即叫即包，這間是即包的。如果粢飯的飯不夠熱，油炸鬼又淋又韌，令這個美食變得非常難吃。其實粢飯做法很簡單，有時候做午餐也不錯。一口咬下去，外層是粘軟的糯米飯，裏面是脆卜卜的油炸鬼，加上榨菜的鹹味和素肉鬆的酥香，口感豐富，真的十分滿足。個人認為素肉鬆更香脆好吃呢。

呢間已經開左好多年，今日口痕去整番碗油渣麵😆😆碗麵料好多，有冬菇、火腿，豬油渣，但我覺得靈魂係啲辣菜脯，見佢多菜脯要加2元，抵比😆😆充滿人情味又唔差既鋪頭已經唔多，聽講魚蛋都好正，下次會試下😁🤤

上次睇YouTube有魚蛋比擂台其中一間係通達 魚蛋個攝影師 推薦➕自費一串呢個印象深刻有無咁吸引丫🥴今次一試果然係有咁上下👍🏻🤩辣魚蛋夠辣少少麻香魚蛋夠彈牙👏🏻結: 好食辣魚蛋 頭5位❤️但一串$11算貴🙈串魚蛋明明化算D，但吳夠辣#辣魚蛋#通達食店

真係好食，足料，低食，下次經過要再食.其實食過幾次，通常都係企出面吉魚蛋燒賣，今次入去食，真係會上癮.因為佢啲汁，啲料都好足，價錢大眾化，比起其他絕對係性價比高。個魚皮有部分雖然會浸淋左，但一樣咁好食。終止下次經過要再食，見好蛋人都會叫腸粉，我又真係未試過，下次再試

性價比⭐️⭐️⭐️回頭率⭐️⭐️⭐️⭐️⭐️⭐️⭐️⭐️⭐️為滿分放工時間同晚飯時間有點距離，為食嘅小朋友，即係想偷偷地正餐之前來點小食辣魚蛋， $11一串，有六粒，通常一食就食兩串先至夠喉，如果好肚餓嘅話仲會要多串燒賣如果有食開魚蛋都知道，香港嘅魚蛋有分陳皮魚蛋同埋呢一種魚肉味重啲嘅魚蛋，鍾意佢大大粒又夠爽口彈牙。佢哋嘅辣汁魚蛋嘅靈魂，識食就一定要加少少甜醬，更加帶出到魚蛋嘅辣味地方唔算太好坐，但係食個快餐又有咩所謂呢

食過好幾間唔同店舖嘅豬油渣麵都係最愛呢一間偶爾經過呢度都總會心癢癢想食番碗油渣麵賣$36 麵質彈牙爽口湯底清甜又唔會好肥膩豬油渣炸得非常香脆配埋菜甫火腿冬菇絲同蔥花就算叫唔辣都好好食

還記得疫情前每次經過油麻地出口 呢間小店都人頭湧湧 每人都在門口拮串小食食而粢飯當時有個飯桶在出面 買既時候可以睇到佢即場包起捲起 熱辣辣的送到手上但係今次去見佢哋已經裝修過 做粢飯既位置已經轉為室內 雖然無得再近距離睇佢即場包起但係而家疫情 其實呢個做法都好好起碼減少在室外做食物不衛生嘅風險今次經過一如過往 照係買咗粢飯外賣雖然明白外賣入面條油炸鬼一定無即場食咁仲脆口但係而家飯多豬肉鬆少 連啲粢飯都仲硬掘掘失望 竟然裝修完 連食物質素都改變了😮‍💨

通逹總係有一顆攝人嘅魅力，每次行過路過，一定會入去坐坐，佢D車仔麵不過不失，叫個2-3餸麵當輕小食就最好不過⋯如果早上返工前經過，佢哋嘅黐飯同豆漿定係不二之選，近排還加推咗三文治，不過我就冇乜特別興趣想試⋯而全店當中我的致愛，就係佢嘅咖喱魚蛋，揸車經過，行過路過，我自己都唔知點解，我都一定會買來食，真係冇得頂⋯ ✌🏻✌🏻✌🏻

每次喺油麻地出閘經過呢間小店都會篤兩村魚蛋，呢個習慣由中學嘅時期已經開始到而家都冇變過。鍾意佢哋嘅魚蛋比較彈牙，其實喺出邊好少食到呢一種魚蛋，所以佢嘅魚蛋係比較吸引我，無論係蠔油味或者辣味我都咁鍾意食。蠔油味係偏甜，不過通常個醬汁都好入味，就算唔點甜醬都可以接受。辣魚蛋個醬汁香辣得來又惹味，自己最鍾意加少少甜醬，咁樣就可以帶出魚蛋嘅辣味。另外小店仲有提供粢飯豆漿或者車仔麵咁嘅麵食，所以想飽肚都有其他選擇

呢間街頭小店係香港出名咗好多年，身為香港人既我終於都去了一試叫咗雲吞撈麵，但太失望了🥲湯同汁都好咸，麵又痴埋哂一舊好難撈，食完之後好口渴要一停飲水另外叫咗一串燒賣，燒賣就幾好，但都未去到讚不絕口的地步，應該不會再去了

現在還可以坐著來吃腸粉和燒賣的地方已經買少見少了，因為租金真的太貴，所以只有人流非常好的地方才能這樣做，這家店大家一定不會陌生，就是油麻地A2岀口一岀就看到，他們的燒賣我一直都覺得好食，就是比較煙靭而不會好粉的那種，腸粉就是比較幼身容易吃的，腸粉雖然每家也差不多，不過我喜歡吃很多麻醬，落單時同佢講想要多麻醬，真的不會吝嗇的給很多麻醬，之前吃過車仔麵質素還可以，在附近經過時想快快地填飽肚子也是不錯的。

自己放工一個人去睇figure，揀左呢間快靚正食晚餐。燒賣比魚旦好食！腸粉口感唔錯，唔太粉，D混醬幾正！豬紅蘿蔔都唔錯自己一個人都食左成$50😂，其實都唔平。