通達食店

營業中

休息中

從來想食魚旦燒賣腸粉雞旦仔都唔會亂食，皆因中伏得太多次，心目中已經有一份最好食嘅街頭小食嘅清單，每逢工作要經過清單美食附近都會去幫襯。今日就剛剛經過開油麻地，一定要去通達滿足一下想食街頭小食嘅慾望🤩腸粉加燒賣多醬係我最愛，皆因通達啲甜醬同花生醬係特別好味，碗仔翅加魚油加生菜三溝都係最愛，加少少醋又係好好味👍🏻其實魚旦燒賣碗仔翅唔難做，但係做得好就必須要有鑽研，香港即使經過這兩年多的風風雨雨及疫情，特別係喺油麻地區的通達仍然屹立不倒，不過這次來幫襯，眼見生意已經大不如前，希望大家能多啲支持，否則就會少咗一間好食食店。

💁🏻‍♀️經過油麻地，突然好想食油渣麵記得中學嘅時候成日都同朋友仔嚟太耐冇食啦，估唔到變左🥲😌以前佢哋嘅油渣麵，唔係寫住話脆油渣依家變咗炸左金黃色嘅脆油渣我覺得炸得麻麻哋好食🤨🤨一咬落去都成口油🥲🥲🙅🏻‍♀️炸得唔夠透身，唔夠脆！我真係寧願食返以前嗰種🥲至於辣魚蛋一樣都係咁好食，😙😙仍然都係好彈牙，好夠味！😆🤪😜

呢日老公收早，出左旺角搵佢行下街，但係由於我訓得太晏先起身，未食野就出左黎，所以捉左佢同我食左d野先開始行街；.呢間舖唔知有無轉過手呢，以前細細個媽咪喺附近返工，所以如果出開黎有時都會帶我黎食呢度嘅魚蛋燒賣，印象中都好味架；同埋果時又無受疫情影響啦，真係多人到要排隊買架；.不過可能人大左，接觸嘅野多左，又或者餐廳轉過手定退步左啦，真係覺得無以前咁好食；.魚蛋燒賣都可以話係不過不失啦！碗仔翅就覺得太稀，d配料少同碎，食落個口感唔夠實在

經過油麻地，偶然都會幫襯呢間通達小食店，皆因佢哋既辣魚蛋味道真係唔錯，夠辣之餘魚蛋又彈口咁岩今日又經過仲要未食lunch，所以就走咗入去堂食，一共叫食4 款野食辣魚蛋：仍然可以保持水準，跟以前沒有太大分別燒賣：感覺好似食緊一舊粉團，下次未必會再叫糯米飯：以前冬天想食糯米飯，都會來呢度幫襯，今日再叫的確有點失望，糯米不夠軟糯之餘，唔知係鼓油唔夠定係無臘味關係，整碗糯米飯吃落實在有點單調，乾爭爭咁凍奶茶：茶有點澀，唔夠順滑唯一會再去光顧的就只有辣魚蛋😔

聽講呢度既燒賣唔錯，今日行過，即管試下！呢度既魚肉燒賣賣$11/5粒，應該係機製燒賣，食落口感幾煙韌，唔會好有粉感，咬落都帶點魚香，不過不失的質素，對得住價錢。

放工去油麻地上堂做瑜伽，上堂前填左個肚先，hea食之選一定係選通達通達都食咗好多年，任何時間都坐滿人，門口企滿人食咖哩魚蛋串咖哩魚蛋真係招牌，個汁好白好入味，咖哩魚蛋亦都好彈身今次我叫3寶，4條腸粉+1串燒賣+1串咖哩魚蛋要留意堂食有最低消費腸粉保持到水準幾好滑身，一定要必溝甜醬+麻醬+豉油撈埋晒食，真係無得輸今次食既呢串咖哩魚蛋，魚蛋無味，咖啡滲唔到入去，外面有陣咖哩香味帶辣，不魚強尚算挺彈，勉強合格啦店入面姐姐態度正正常常，野食種類選擇都ok多不過價格加到就愈來愈貴，相比起係同區咖哩魚蛋+燒賣相對上係貴既座位算多唔使等，直入直出，位置夠方便，味道都ok，Hea 食實屬不錯之選咖哩回頭指數高，不過真係愈賣愈貴

好耐無來 估唔到變成咁油渣麵 啲油渣係炸豬油完全同以前係兩件事 我唔會再幫襯問佢地咩事 同我講 話好耐啦自己炸 返唔到貨 仲問我係咪好油 根本做唔返果樣野 就唔應該拎出來賣無諗過 會食啲咁既野落肚為左一定要劣評 我唯有一定要打夠二百字真係真係唔想再食 完完全全 做唔返以前既質素 我幫襯左超過十年 今日起 除左辣魚旦 我一定唔會再買其他野我仲要好遠水路 屯門出到來油麻地次次出親旺角 我都九成會食佢估唔到一個疫症 攪掂左個招牌菜深感遺憾 可能 以後都食唔返果種味道

每次嚟呢間小食店我都會叫齊呢3⃣️樣食物：腸粉、魚蛋及魚肉燒賣。我建議大家要求分開三碟，因為每樣食物各有自己應配嘅醬汁，唔好混在一起。腸粉熱騰騰送上來，好燙口，食嘅時候千萬要小心，腸粉配上花生醬、甜醬、豉油，仲撒上芝麻。腸粉滑溜彈牙，花生醬味道濃而不膩。魚蛋彈牙爽口，辣度唔會讓人受不了，是很舒服的辣，加上咖哩醬汁，簡直令人回味無窮😋。魚肉燒賣雖然魚味唔係太濃，但勝在夠彈牙，加少少豉油食已經OK！

油麻地通達由細細個已經食佢，每樣野都好出色，最近經過再食番，食物質素依然出色，咖哩魚蛋仍然爽口彈牙夠哂辣，栥飯非常足料，燒賣亦都保持水準！豆漿豆味香濃，甜度岩岩好！

7月中開始疫情變得嚴峻，返工都儘量叫外賣或者買返公司食減低人與人之間嘅接觸，分分鐘一星期有幾日留家工作！咁啱做完嘢路過油麻地，拿拿臨買定外賣返公司食，因為公司附近食到悶。忽然好掛住掃街美食，所以又黎幫襯！已經係老顧客，食左好多年但仍然保持準，店內重新裝修店員多左仲好有禮貌，而家仲有八達通收錢真係無得彈！掃街必食：🍢🍢腸粉- 呢度嘅腸粉醬多腸粉滑，可以揀大或細，大咪多兩條！我呢碗係大因為同同事share ！lunch 真係食得哂架！  🌶️🌶️辣魚旦- 呢度嘅辣魚旦強烈推介！入口係香濃咖哩味，食完回辣有D辛辣味！ 魚旦唔係果皮魚蛋但有咬口非常入辣味！🍚🍚糯米飯 – 唔好以為冬天先有得食糯米飯，呢度嘅糯米飯超香，配左勁多花牛蝦米仲有醬油！好飽但真係好味👍👍 

今日有啲嘢做經過附近，趕時間之下晏晝嚟食碟腸粉快手搞掂中午飯，通達魚蛋不嬲都唔會令人失望，有咬口之餘我鍾意個辣度，腸粉都幾滑嘅，但係我覺得麻醬唔夠麻，如果可以重少少味更加好，整體來講OK嘅，但係可能因為喺旺角旺區，覺得咁樣直接魚蛋腸粉都已經$38 ，有少少貴。

因為要等人，時間尚早，自己又有點餓，剛好見到這間小店，它的傳統豬油渣麵深深吸引了我視綫，把心一橫就衝入去叫了一碗豬油渣麵加凍檸茶小冰少甜，首先豬油渣麵已經好夠料，又有火腿又有冬菇加上了辣菜圃，非常惹味，豬油渣真係罪惡感十足，因為真係好唔健康，但真係炸得好脆，唯有呃自己啲油已經炸哂出嚟啦，依個麵完全勾起了我阿母的兒時回憶。好想試埋佢啲混醬腸粉，辣魚蛋，但因為時間唔夠，唯有等下次啦！想講依啲小店真係可遇不可求，買少見少，真係要多啲幫襯下

旺角街頭小食好多，究竟邊間先好食？等小妹幫你拆解啦！😏先讚一讚「通達」裝修過之後，環境衛生好左好多，食得都更放心！食過旺角咁多間魚蛋燒賣，「通達」嘅燒賣算係數一數二嘅好食，價錢都算合理，$10有5粒，燒賣雖然似係機製貨色，但勝在幾有咬口，外皮厚薄適中，魚肉餡帶少許柔糯嘅口感，唔會鬆散或太粉，帶少許魚香，食嘅時候可蘸上辣椒豉油，或外加甜醬，不錯吃！美味指數：😋😋😋不過之前食過魚蛋就普普通通，冇燒賣咁出色。

新裝修完第一次試，鋪面同室內光線充足，兩間鋪連一起非常闊落！ 今次叫左早餐外賣自取，叫咗兩串勁辣魚蛋兩串燒賣、一份黐飯開雙、兩杯熱豆漿、一份腸粉，總數都系$94 ，之前都淨系收現金，宜家有埋八達通比錢都方便🕞輪後時間🕤 不得不讚，呀姐記性好好，同一時間接幾台客一次過聽，無紙無筆都無拎漏推介食品食物品質中上，黐飯比以前料好似少咗，可能百物騰貴，不過魚蛋爽口彈口味道 😋😋😋賣相 👱🏻‍♀️👱🏻‍♀️👱🏻‍♀️價錢 🏦🏦🏦(5分最高）✨餐廳環境✨：裝修完衛生情況大大提升🧑🏻‍🍳侍應服務🧑🏻‍🍳：服務員效率高反應快🔆總結一下🔆：性價比高既早餐

呢間小食店以我所知已經營運多年每次由油麻地地鐵站出口去旺角一上樓梯都會見到呢間小食店出邊好多人所以有時候經過又肚餓就會食他的小食令我最深刻印象就是第一次吃他的辣魚蛋醬汁真係無敵好食鹹得來夠辣雖然他是用千年醬汁煮成但是在街外食都不顧忌太多了另外他的燒賣也是真魚肉燒賣不是一些很Hea的店舖所賣的假魚肉我也試過他的粢飯雖然材料不算多但是粢飯是即叫即整如果想過吓口忍都可以在這裏買到因為我發現只剩下很多舊式粥粉麵店或上海店才有粢飯但這個小食店都有如果需要堂食就要有最低消費只食一串魚蛋不會給你堂食通常人們都是在店舖外快快吃完就走值得推介他的魚蛋燒賣