通達食店

營業中

休息中

一定要支持下呢一間香港嘅小店，每次經過都見到好多人買魚蛋燒賣，今次終於坐低左試吓啦，兩份魚蛋，碗仔翅同埋糯米飯～魚蛋好香好辣真心好正！價錢又唔貴，來香港玩嘅話一定要試吓！！應該係香港少有好食嘅魚蛋！碗仔翅，叫得金牌碗仔翅一定有啲質素，試完之後感覺都唔錯，加咗醋食酸酸地好好味！糯米飯就OK啦，唔算真係勁好食，但係啲蝦米加落去都香嘅，for飽肚都要食少少米飯嘅!呢間平民美食我好推薦比大家，唯有坐得幾舒服唔會話好迫，希望大家得閒都係試吓食啦！

#朋友仔 正一 #工作狂，每次約佢食飯都例遲🥺 晨咁早去到 #油麻地 嘅 #小秘書 都唔知做乜好？唯有掃下街，睇吓有咩好嘢食😅 油麻地地鐵站A出口一出嚟，就見到 #通達食店，一間我 #小朋友時代 成日嚟幫襯嘅 #小食店，生意依然係咁旺場，但係裝修就有啲改變。其實過一陣就食飯，只係貪得意、過吓口癮想擺啲嘢落肚😅 所以最初只係想要一串 #燒賣 就夠、但到最後又加咗串 #魚旦... 唔係咁先係一對咩？#魚蛋 我唔要辣汁，撈埋啲 #如果燒賣豉油一樣好食😋 彈牙嘅 #魚蛋、熱辣辣嘅 #燒賣... 好有回憶呀！

來到這家小店，點了香港經典豬油渣麵及碗仔翅。平時唔多食呢兩樣野，但今日有人話想食就黎試下。豬油渣麵好香，唔油膩，是我一直誤解左佢，好味道呀！碗仔翅多料，好豐富既口感，加醋仲正！平靚正的小店

油麻地地鐵站出口依間「通達食店」經常都好多人係出面排隊買燒賣同魚蛋食。佢哋其實都有堂食，仲有腸粉，車仔麵、三文字等等食。坦白講，價錢品算平/抵依，勝在行旺角行到攰，可以入去食下港式小食同埋休息下咁啦。魚肉燒賣：$11 五粒。 其實唔係平嫁，不過都算好食嘅，有魚味同彈牙。香滑腸粉：$15 四條。亦都唔平，腸粉同平時街市買到嘅差唔多，醬亦唔算得好出色/特別。豆漿：$12 一支。唔唔咩牌子嘅香港製造品牌，普普通通啦。

放工約咗人飲嘢 ，未夠鐘又唔想食飯，去咗通達食碗生菜魚肉翅 ，一場嚟到口痕又唔夠喉，再加埋腸粉辣魚蛋燒賣！ 真係大滿足😋!呢度出名冇服務 ，座位迫 ，但味道始終不變，變就係價錢就貴了很多🥺，兩樣野加埋共60蚊！懷舊小食童年回憶係無價寶💪🏻 !咁多年通貨膨脹，位置又喺地鐵出口 ，價錢算係尚可接受!

放工約了人在附近等，因早到，便趁機入去食腸粉燒賣，基本上，我冇諗过要幾好食，只用平常心，諗住只係普通香港地道小吃，不会差得去边，點知....燒賣竟然吾熱，吾好話暖，边皮係乾，就係冇野講，咁都俾人食。

通達魚蛋係香港未有自由行之前就已經係街頭小食名店,  以前最鐘細細個意食生佢嘅生菜魚肉翅同魚蛋燒賣。魚蛋燒賣都仲係咁好食，但其中辣魚蛋尤其出色，原因為其辣汁教得好好，好濃巴東咖哩香味，味偏辣帶少少甜，另外魚旦質感，彈牙，有魚味，食落唔會死實。但講真佢同十年前比真係無咁好食，人客多咗啲態度更加差，嚟得通達食野都預咗受啲氣。

每次行過都見到呢間小食店人來人往，令我今次都忍唔住坐低試下，叫咗碟燒賣，魚肉油渣麵同埋凍豆漿，食完就覺得：不了！先講油渣麵，放係麵上面嘅魚肉好乾身，食落冇咩味，亦唔彈牙。同埋由於我叫咗辣嘅關係，所以佢喺上面加咗一啲辣菜甫。我自己就覺得加辣油或者其他辣椒醬會夾好多。菜甫又係十分乾身，而最主要係浸落湯後個湯依然係好淡。重點：油渣麵嘅精髓豬油渣係完全冇炸過嘅，一啲麵唔好食。咁另外面底就正常嘅，但整體就好一般。燒賣亦冇咩特別，普通隨便一檔燒賣都一樣，可能仲大粒啲添！但係呢度環境就親民，價錢就啱啱相反。店面服務態度亦係令我最失望！個日坐隔離嘅一對情侶寫車仔麵紙個陣好似有啲亂 跟住黎錯咗 情侶講返個陣店員就破口大鬧個對後生仔，話佢地寫到咁梗係錯喇🤷🏻‍♀一路拎返走碗野麵繼續鬧。最後總結：食物質素普通到極，價錢貴，店員態度極惡劣，不去也罷！

難食! 魚蛋嘅汁落了味精，魚蛋本身死死實實，完全冇魚肉嘅成份！油渣麵的油渣完全冇炸過，碗麵嘅湯底冇味！此店設最低消費每人$15。$20 得半個手掌size的粢飯！份量太少。

本來都幾鍾意呢間嘅魚蛋，有時經過都會買，堂食仔麵都試過一兩次，覺得都好食嘅。今日同朋友又去。嗌左兩碗咖喱車仔麵，一碗係雜錦咖喱，一碗係自己寫紙嘅，有圈要咖喱汁。兩碗一上都係清湯咁款，只有少量咖喱汁喺面，但撈完成碗湯都係清湯，冇色冇味。嗌加汁，點知佢加一碗唔加一碗。加左嗰碗加完係變左色，有咖喱嘅顏色，但係勁稀，冇咖喱嘅味道。雖然依家食碗好食嘅車仔麵都要平嘅都要四五十蚊，呢度嘅價錢算係平嘅，食物都冇伏，但已經不如以往。

呢間通達由我中學食到出黎做野，今日放工行過見到就想再食返啲回憶。以前最鐘意食生菜魚肉撈翅同腸粉，今次就食返佢啲魚蛋燒賣仲叫多左個粢飯黎食。魚蛋燒賣都仲係咁好食，唯一分別就係個價錢都貴左好多，不過都只係關通漲事。粢飯我自己就鐘意走油炸鬼，貪佢俾多d炸菜同肉鬆😂最後仲外賣左腸粉返屋企添❤️

到油麻地mtr出口，就會見到一間叫「通達食店」的舖頭！.重會見到有人排隊買魚旦食！.🐟💬：.呢間店舖ge魚旦有分辣同不辣（11蚊6粒）！.阿魚叫咗串唔辣ge魚旦黎食！.魚旦質感好彈牙！有魚味！亦有魚膠的感覺！即使唔辣，都好夠味！唔洗加其他調味料。.🐟FISH'S REMINDER🐟💡阿魚提醒💡.（1）留意返，叫2串先會有盒比的.（2）賣魚旦的位置分2邊，所以不一定集中在mtr出口，向右望下就會見到～～～.（3）旺角花園街都有分店架.🐟📝：8.5/10.🍽🐟📝📌通達食店 (油麻地)📍 油麻地碧街48號地下⏳營業時間：星期一至日07:00-21:00

唔知點解好似染上毒癮咁 會成日都好想去食通達以前返學嗰陣差唔多日日都會走佢幫襯串辣魚蛋先肯返屋企到依家返工 山長水又遠要行15分鐘先去到都要堅持食個lunch(但講緊得1個鐘時間食飯)基本上menu入面嘅 我都食勻哂 名副其實dead heart fans一樣 我都服左我自己🤣如果成間舖頭只可以賣一樣嘢 我諗我會揀【魚肉油渣麵】❤❤❤❤❤▪麵地係上海麵 少少淋剛剛好▪魚肉+豬油渣=絕配▪從未食過如此爽口魚肉 完全無粉既感覺▪豬油渣唔硬 直情好似無炸過咁 好嫩滑▪加埋冬菇絲火腿絲 口感好滿足▪辣菜甫為成碗麵錦上添花 味道即時提昇180度**溫馨提示▪落少少麻油會更香更有層次得閒經過一定要去試下 真係好好味㗎🤤

通達魚蛋聞名已久 今日剛好出旺角行街 特意搭多一個站於油麻地站落車 試的不只是魚蛋而是車仔麵食店位於油麻地鐵站A2出口 地理位置非常方便等候時間由於時間是晚飯7點 門口早已排滿一堆買外賣的顧客至於店舖方面 通達食品有2個鋪位 今次進入了右邊的鋪位 店內食客不少 經店員協助「調動其他食客」後 成功進入店鋪餐牌晚餐選擇了吃車仔麵 餐牌簡潔 選擇不少 價錢分為每款餸$9及$10 麵底一律為$10 揀了馳名的魚蛋+豬皮+粗麵共$29店內環境: 2分 店內衛生: 2分店內環境:店內環境略為擠迫 必需要搭枱 但店員會協助調動食客騰出空位 搭枱身邊多為大陸人 店內衛生: 晚飯時段客人眾多 埋位時上一手的食物未及時收拾 所以衛生情況一般味道: 3分 食物: 魚蛋+豬皮+粗麵+沙嗲汁:魚蛋: 坦白講期望過高 但水準已經算中上豬皮: 口感偏硬 不推薦粗麵: 份量較少 味道可接受沙嗲汁: 門口賣魚蛋加落去做車仔麵的湯底 味道不差 抵食: 4分一碗2餸車仔麵份量不算多 食完只有7成飽 但以晚飯$30埋單 性價比高 適合留肚食糖水之選!重點來了!!!!!!!!!!服務: 0分 (OPENRICE最低只可俾1分)

油麻地港鐵站一出就見到有間通達見有啲餓就入去食下小食有好多野食想叫腸粉魚旦燒賣黐飯但得一個人食唔到咁多野只係叫左碗車仔麵+豆漿車仔麵有清湯，腩汁，沙嗲汁，辣汁選擇要左3餸+粗麵+沙嗲汁必叫車仔麵3寶辣魚旦，豬紅，羅白辣魚旦好入味羅白夠淋，吸晒啲沙嗲汁好juicy豬紅無腥味，唔會一夾就散開，好味粗麵麵質不會煮得太淋，軟硬剛好湯底夠濃味，每食一啖麵都會伴隨飲一啖湯，所以食完有啲口渴要多支凍豆漿黎解渴不過豆漿略嫌豆味唔夠香下次都係要返汽水/凍檸茶