通達食店

通達真係好多年冇嚟過，從前久不久會去，但漸漸地油麻地真的很多選擇，就將他忘記了⋯⋯今天到油麻地地鐵站，突然滂沱大雨，大雨到有傘都會濕，於是決定走進通達醫醫肚，反正有點肚餓。一進入店，被這兩張狗狗沙龍相吸引著，相信這兩隻約瑟狗是店主的愛犬吧！那笑容真的很甜美⋯⋯拿起張點餐紙看看，之後再拿起那本餐牌再看看，但很快就放低，因為餐牌實在立痴痴，所以都是決定是但求其吃⋯⋯生菜魚肉湯$35~先講魚肉切粒粒樣子真有趣，打破傳統，切粒粒，像是給小朋友吃！老實說，筆者是一個老派人，還是懷念童年時看著那些大叔，拿著一把小刀，一團團的片著一大碟魚肉膠，功架十足，魚肉團團肉片落那一大盆上湯，現在看見粉粒魚肉，從前魚肉湯的形象已不再⋯⋯桌上可以自行落胡椒、麻油。味道中規中矩，未見驚喜。牛腩撈麵$48~麵煮得太腍，反觀牛腩又未夠腍，三樣當中，牛筋比較吸引。支裝豆漿$12整體來說很久沒有到訪，食物和從前相比，已有一些距離。…查看更多

今日油麻地地鐵站落車, 一出地面突然又想食佢哋d腸粉, 見到入面有位, 就叫左20元4條腸粉同13元咖喱魚蛋, 等左一陣送上😁叫左乜嘢醬都要, 係唔要辣醬🥵, 用牙簽拮舊腸粉食😆, 熱辣辣又夠滑😋👍, 加埋d混醬同芝麻, 食落好香😃, 又吃粒咖喱魚蛋, 唔係好辣, 其實食落幾香😁, 而且d魚蛋唔係又硬又實個只, 入面個芯都好鬆軟👍😘, 食下腸粉又食下魚蛋, 簡簡單單又一餐😃😋而且今日收銀染左色的戴眼鏡短頭髮店員, 幾好禮貌又好笑容👍😁幫襯都幫襯得開心d😆下次再来食過🤩…查看更多

之前第一次試佢哋個招牌碗仔翅，其實味道都幾正宗，料足夠淋不過今日再幫襯，點咗咖喱魚蛋同燒賣，呢次真係畀我驚喜到！魚蛋彈牙入味，咖喱香濃得來又唔會蓋過魚肉本身嘅鮮甜，最正係個醬汁，同鴻福堂一樣係帶少少甜嘅，勁好食！燒賣就更不用講，皮薄餡靚，一啖咬落去仲有肉汁爆出嚟，我自己加咗啲辣椒油，個層次即刻豐富晒，辣中帶甜，真係停唔到口。​間鋪位置超方便，油麻地 A2 出口上嚟個樓梯就係，根本唔使周圍找。下次經過，一定會再試多幾樣！…查看更多

## 食評：旺角的快快脆脆晚餐放工後，我同老婆去旺角食晚餐，佢選擇咗以前試過覺得好味嘅魚蛋店。今次叫咗小吃拼盤同埋車仔麵。### 食物評價**車仔麵**：我選擇咗沙嗲味湯底，配豬大腸同墨魚丸。雖然沙嗲湯底偏淡，但墨魚丸同豬大腸都好味，所以值得一試。**小吃拼盤**：有腸粉、魚蛋同燒賣。因為之前試過佢嘅辣味咖喱魚蛋偏辣，今次選擇唔辣嘅。魚蛋有一點雪藏味，如果唔用辣醬掩蓋，味道有啲差。而燒賣亦有雪藏同凍肉嘅味道，味道差距明顯。腸粉質素還好，配搭甜醬、麻醬同豉油，味道都幾好。### 總結整體來講，性價比唔錯，兩個人$70多元就能食飽，雖然有啲小缺點，但整體滿意，值得再來！…查看更多

之前都有經過多次, 但每次見都好多人☺️都有d好奇😜🤔敢多人係咪好好食呢🤪今日唔夠時間試車仔麵, 叫左4條腸粉加咖喱魚蛋同一枝豆腐😂😘😍, 本身想飲少少, 想要杯装豆漿, 但得熱, 我又怕不夠時間😄, 都係要枝裝凍, 再之後送來腸粉加咖喱魚蛋, 賣相好靚仔, 拮舊腸粉食先😆, 好滑好滑👍👍加埋d醬汁同芝麻, 食落好香好香😀, 真係有驚喜, 再之後食咖喱魚蛋, 唔算好辣, 食落好香, d醬汁剛剛好, 唔會好咸好結身, 連d魚蛋都幾好食, 唔會好硬好實, 都好軟身👍👍, 二個都有驚喜, 就算係豆漿, 雖然係取貨返來, 但唔甜有豆味, 店員同疑似老細的收銀員態度好好, 有禮貌, 唔會大鼻好招積好串🤣🤣, 等我下次來試下佢d車仔麵先😍😘…查看更多

去完花墟買嘢，走去花園街逛一逛，好多店舖都唔同哂. 行到通達門口已經2點，有啲肚餓，雖然經過通達好多次，今次是第一次入去食嘢. 叫了燒賣（$13）及韭菜餃麵（$49）. 燒賣的質感有啲似小時候食的燒賣，但係燒賣嘅靈魂（豉油）完全不合格😮‍💨，攪到粒燒賣好一般. 韭菜餃麵有四粒韭菜餃，西生菜及烏冬，湯底落了麻油，都幾香，而韭菜餃就普普通通.見好多食客叫油渣麵及腸粉，下次要試一試.…查看更多

今日去到花園街嘅通達。平時經過油麻地嗰間都未試過。 店內好多上年紀嘅公公婆婆。我都係點油渣麵。咁一定係比較傳統嘅味道。 點了單3分鐘就出場 先試一個湯底 他的辣菜譜是比較辣那種 我都係勉強可以食得到 一口粉有湯加菜譜。湯底清味好香濃。雖然配火腿有點怪。 但是鹹鹹地又幾夾 再試他的豬油渣。份量也很多。 是比坊間的大條。 不是脆那種。 而是吸了湯那一種。 另外10分讚的是那些冬菇。 大大片。 好腍吸晒湯嘅精華。這間下次也會再試。 傳統的油渣麵也算大碗好吃…查看更多

間中想念的味道❤️大家嘅心目中有冇啲嘢食，一段時間冇食就會掛住呢😋呢間由學生時代就開始幫襯嘅小食店，我最愛就係佢嘅油渣麵。雖然好多人都係幫襯佢門口嘅魚蛋燒賣，但我最念念不忘嘅都係佢嘅豬油渣。久不久嚟到油麻地就會心思思想食🤭雖然佢唔係最好食，而且今次嘅豬油渣炸得有啲燶有啲苦澀味，但食完成碗都會非常滿足。有啲嘢食喺心目中始終有一定嘅地位，間中就會想念🐷🤑性價比：8/10🤤色香味：7/10🐖邪惡度：8/10🤗推薦度：7/10…查看更多

通達食店開店悠久～！經開旺角、油麻地附近的話…都會過黎買1、2串魚蛋食下😂😂買完就企係門口食😂.佢既辣汁同其他鋪頭唔一樣..係佢哋獨有既味道咁！！當然都可以自己加豉油、甜醬嗰啲～.魚蛋雖然唔係陳皮魚蛋..😌😌但佢既口感QQ的..唔會太軟～都唔錯～！！.魚蛋$13-6粒！！燒賣$13-5粒！！雖然係呢區可能唔係特別平～！呢啲小店環境都唔會特別好。但有陣時食嘅…就係一種情懷🙂‍↕️🙂‍↕️🙂‍↕️…查看更多

呢間真係好有地道風味嘅一間食肆嚟嘅！不過係呢度只收現金㗎，所以記住唔好唔記得帶錢出嚟，唔然就會好唔方便啦；第二樣就係服務態度方面，只能話麻麻哋，唔會好到邊，但都唔算太差嘅。再同大家講下佢哋嘅出品啦，佢哋嘅魚丸同燒賣都係 13 蚊一份。嗰個辣魚丸真係超級正！味道好濃郁，咬落去彈牙得嚟，又充滿嗰種香辣嘅味道，食落去真係好過癮。至於燒賣呢，我自己就覺得普通啦，冇咩好突出嘅地方，就普普通通嘅味道，唔算好驚喜，但都好食嘅。…查看更多

幼面加咗魚蛋嘅話，個湯會有啲辣辣哋，但呢個辣好過癮，同湯嘅鮮味配合得一絕。魚蛋每粒都好彈牙，咬落去卜卜聲，真係好正！我最鐘意嘅仲係嗰個幼面，條條面都掛滿咗湯汁，入口軟綿又有咬口，一啖面再嚟啖湯，哇，真係好好食，食完好滿足，一試就愛上！我每次去食都要追加一份面，真係食唔夠！…查看更多

通達食店有兩間分店，本身去到旺角分店，但竟然摸門釘，唯有轉移陣地去到油麻地嘅通達食店啦！不過，油麻地分店除咗無炸魚餅之外，呢度嘅油渣麵絕對係比旺角分店差少少，但今日真係好想食油渣麵，所以照殺啦！油麻地通達食店嘅油渣麵雖然麻麻，但呢度嘅咖喱魚蛋一向都好出色，每次嚟到油麻地地鐵站，都會心思思想督返串通達嘅咖喱魚蛋。不過，以前嘅辣汁好似濃啲惹味啲，辣到要去對面買杯珍珠奶茶飲；但今日感覺完全唔入味，非常失望。唔知由幾時開始，通達食店變成炸豬油渣。雖然大部份人都鍾意食炸過嘅豬油渣，貪佢口感脆卜卜，但我就係鍾意以前Q彈嘅版本。但講到底，呢碗油渣麵最吸引我嘅反而係佢嘅辣菜甫，好惹味架！其他配料仲有火腿同冬菇絲，至於麵底就係上海粗麵，但我始終覺得旺角分店係好食啲！…查看更多

油麻地呢間通達食店係學生年代已經有幫襯，不過佢既魚蛋好似好多人推薦，就再試真啲佢先😌🐷食後感：辣魚蛋又唔係好辣🌶️，旺角最好食既魚蛋？我覺得有其他選擇😅我都係鍾意幫襯佢既豬油渣麵多啲🐽🤑性價比：8/10🤤色香味：7/10🐖邪惡度：4/10🤗推薦度：6.5/10…查看更多

凡事在香港長大的老香港，必定最熟悉油尖旺的掃街熱點。往日的街邊檔消失了，剩下來還有這間街邊小食小店。我每次到旺角油麻地都必定想起他，今次來吃一番回憶的小食。腸粉是必須吃的，當中醬料還必須要加花生醬、甜醬和豉油；另外辣魚蛋是必須吃的，他的辣味不是咖喱的辣，而是地道的辣，所以千萬別錯過；最後當然要來過燒賣。這三寶是必備的，但是吃完後，已經不能再吃其他如魚肉生菜等小吃。終極就必須要加$9喝過香港人最喜歡的凍檸檬茶或凍奶茶或凍鴛鴦。…查看更多

就在油麻地地铁站A2出口，很多人排队、推荐辣鱼蛋真的很好吃，价格适中里面还有位置坐，鱼蛋只接受现金💰支付，辣鱼蛋越吃越过瘾，听说云吞也好吃、下次去试一下，面食的话我觉得没什么惊艳…查看更多