通達食店

營業中

休息中

以前中學嘅時候好鍾意食呢間通達魚蛋 最出名就係魚蛋同埋腸粉都好食😍😍😍魚蛋燒賣 ❤️❤️❤️叫咗辣魚蛋同埋燒賣 不過唔知係咪而家忙得滯，佢啲魚蛋唔係太辣，而且冇以前咁彈牙☹️燒賣就不過不失 幾煙靭但無咩魚肉味 腸粉 ❤️❤️❤️❤️❤️腸粉好滑👍🏻👍🏻而且好索汁🤓🤓佢配埋佢嘅辣汁甜醬花生醬好香同埋甜豉油有啲小失望，不過可能忙中有亂 都會俾機會再試始終香港依家呢啲好食小店都好少。五個心心為最高分通達食店 (油麻地)油麻地碧街48號地舖

油麻地A2岀口呢間食魚蛋好受歡迎，因為我好餓所以買咗碌粢飯。堂食最低消費每人$22。Minimum spending of $22 for dining in. I bought a huge sticky rice roll for $23. It’s piping hot and freshly made from the kitchen. Inside was stuffed with a very generous amount of pork floss, savoury pickles and a pair of deep fried Chinese crueller. That was tasty!粢飯 $23，真係好大碌，即口即包，左邊姐姐包好係廚窗熱辣辣遞俾你。糯米蒸得透，重點係溫度夠熱！辣手！好味！個飯唔會壓得太實，個餡有粗碌油炸鬼、榨菜、大量肉鬆。好食。食到最後啲榨菜好似有少少咸得濟，下次要買多支豆漿先得。

俾錢嘅時候請留意收費是否同Menu一樣。我俾錢之後發現收銀呀叔收多咗錢，於是問佢點解收我呢個數，佢第一時間答冇收多。好彩我俾嘅係八達通，部機有記錄，先至講句唔好意思退返錢俾你。如果我俾嘅係現金，佢應該會繼續堅持唔認自己收多咗錢。

平時係度食開車仔麵，今次試下食油渣麵，帶囡囡過黎一齊食，豬油揸炸得好開，揸到脆卜卜食落就唔覺油膩，而且無豬「蘇」味。唔錯，不過我都係中意佢地既車仔麵多啲，最中意叫咖哩汁撈埋米粉食，正😋

每次經過都唔留意到通達食店，今次行過見有生菜魚肉就一於入去食個快餐，叫左豬扒米線同生菜魚肉，叫完好快就送到過嚟。大大塊豬扒即炸熱辣辣夠脆口，配粗身上海麵🍜都正常發揮，$40蚊醫肚啱啱好。生菜魚肉切成方塊，魚肉似地鐵站嗰啲，實在又煙銀，兩者之間。環境衛生就茶記質素，不能要求太多，性價比高。

**進店叫食物前，一定要認真看看餐牌😅**確係明碼實價，醬汁另上加$2,麻醬加$5,辣菜甫加$2,轉其他某些麵類加$3-5,堂食最低消費$20,而食腸粉$18四條，即早餐時段，只進店食腸粉也不合資格🤣員工服務態度也有禮，但在價錢上，昔日的香港小店親民情懷，感覺已經蕩然無存-- 懷舊脆油渣麵 -- $42很久也沒有食油渣麵，雖然非常邪惡，毫無營養可言，但又無必過份約束自己，又唔喺暴飲暴食。偶爾也要品嚐懷舊美食，追回巳遺失的情懐🤭這間店的油渣比較輕身和透身，微脆，份量也不多，口感略為失色，亦沒有菜脯免費送上，但配上火腿絲，冬菇絲，大量葱粒，仍能尋會油渣麵的味道。

探味道嘅旅程又黎到啦！今次我行埋花園街，撞正一間人氣嘅食店。第一時間我揀咗煎魚餅嚟試，食落去魚味香濃，又唔會太乾，外皮微微嘅酥脆感，正到爆！一路嗌冷飲，一路食魚餅，嘩！美味非常。唔得唔提，呢度嘅辣魚蛋真係別樹一幟。每一粒都辣得黎又唔失魚蛋嘅原滋原味，彈牙得嚟翻啖喱辣，估唔到辣嘅世界入面仲可以咁有層次。最後，我叫咗油渣麵嚟打低，講真，油渣酥脆得黎又唔會賊油，同扎實嘅蔬菜條條喺麵裡交織，食落真係一流。每一啖都攞到我嘅心😍！餐廳雖然唔係乜高檔地方，但係每樣食物都做到夠味夠真材實料，真係令人回味無窮。如果你想睇少少地道香港美食，記得唔好錯過呢度喇！🍜🔥🌶️

魚蛋燒賣呀！😋🍤去了一家馳名小吃店，點了他們的招牌菜─魚蛋燒賣。小小的點心像極了以前的味道，讓我回味無窮！👌首先，魚蛋燒賣的外觀非常吸引人。一口大小的燒賣外皮金黃酥脆，彷彿在嘴裡炸裂出滿滿的幸福感。🔥✨咬下去後，魚蛋的鮮香在嘴裡散開，讓我感受到海鮮的鮮味。魚蛋本身軟嫩有嚼勁，口感豐富多汁，藏著魚肉，為整個燒賣增添了豐富的口感層次。🐟🥢重點是，魚蛋的汁也非常美味。每顆魚蛋都帶著濃郁的咖喱，足夠滋潤卻不過分。一口咬下去，滋味立即充滿了整個口腔，讓人垂涎三尺。🍲💦整體而言，這家小吃店的魚蛋燒賣 是一道讓人無法抗拒的美食。我毫不猶豫地推薦這個小吃店的魚蛋燒賣給所有愛好點心的朋友！👍👍👍

自從小紅書大力推介後，呢間小食及車仔麵就更旺。呢間絕對係快靚正既必選，地點係油麻地地鐵站一出，人流好旺。如果想食車仔麵可以去隔離鋪。之前已經食過招牌豬油渣麵，今次試吓其他小食。💜魚肉翅兩溝 $31 （⭐️⭐️⭐️/5）魚肉翅都幾大碗，但唔算好足料，雞絲比較少，冇傳統會落嘅冬菇絲，但味道都好地道，唔會好稀。佢嘅魚肉唔係平時嘅一條條，而係一舊舊立方體，食落就冇咩魚肉味，比較多粉，魚肉份量十足。整體味道ok，但未去到好好食。💜腸粉（4條） $18 （⭐️⭐️⭐️⭐️⭐️/5）腸粉蒸得剛好，所以會比較彈牙煙韌及好滑，夾埋豉油、麻醬和甜醬，味道一流。麻醬好香，唔係杰撻撻嗰種，份量都十足，整體來講💯🍴整體評價：✅上枱快靚正✅推介腸粉✅適合早餐、下午茶或者宵夜❌魚肉比較粉💰人均消費約$50

昨天首次幫襯諗住快食試咗魚肉翅$31同魚旦$12（6粒）加凍檸茶$9D食物不過不失但碗翅甜咗啲而魚旦也是甜味重過魚味埋單$52價錢唔算平但俾錢果下真心嬲係冇前傳嘅前提下同個收銀講俾八達通佢完全唔睬人佢自己開咗個支付寶佢叫我嘟果時我以為佢整好個八達通付款叫我嘟果吓佢勁rude 話「支付寶呀！」跟住再用普通話重覆同我再講「支付寶」（但我全程用純正廣東話同佢講嘢嘅）我話我頭先同你講俾八達通喎佢完全唔睬我最後我被迫用支付寶俾錢跟住後面俾錢個男人問佢八達通俾錢佢立即開八達通俾佢如此惡劣的服務態度無下次啦！

次次黎旺角一定會諗起通達，由我讀書開始就係度，最鍾意食佢嘅魚蛋，今次黎到花園街再食，因為得花園街有魚餅，油麻地個間無。今次叫左1:辣魚蛋兩串，$10蚊六粒辣魚蛋一如既往，辣得好入味，口感彈牙好食🤤鍾意辣就一定要叫2:煎魚餅$22煎魚餅有三塊，塊塊都好大塊，即叫即煎，入口彈牙，有魚嘅香味，唔係成口粉，點佢碟裡面嘅豉油，已經好入味，好好食，次次都要叫🥰3:油渣麵$42油渣麵都幾好吃，油渣炸得啱啱好，唔會好乾身，食落口又脆又香，非常邪惡😈，配埋大量菜脯、火腿絲、冬菇絲等，成碗油渣麵咸香十足，同埋份量都幾大，男仔食都夠飽😎消費價錢：2人84結論：去旺角會食餐廳名稱：通達食店餐廳地址：旺角花園街172號地下

以前中學成日去旺角油麻地補習通達既辣魚蛋真係由細食到大💓每次行過經過都會忍唔住買🤣🤣！今日做完yoga等gel甲有空檔就走去食個快dinner～🫧🫧🫧🫧🫧🫧🫧🫧🫧🫧🫧🫧🫧🫧🫧今次依舊叫左每次堂食必叫既豬扒麵 ⁽⁽ ◟(∗ ˊωˋ ∗)◞ ⁾⁾ 豬扒係原塊油炸無另外裹粉 偏薄身但算大塊由於係即叫即炸所以上碟時仍有餘溫🥹保留住肉汁而且醃味亦夠～值得一試再試而麵底唔係⼀般粗麵油麵幼麵麵質爽口彈牙好食🤍除左佢地既豬扒麵之外，另外仲哎左佢地最岀名既辣魚蛋🤍！($12/6粒)一如以往咁彈牙惹味咁多年都咁岀色～大推👍👍

今日收工遲左少少，所以趕住返學就唯有食車仔麵。呢間車仔麵都好耐歷史，我記得最初頭一次食已經係2012年，個時做野耐唔時都會經過呢頭，一定會食佢個魚旦同燒賣，都係好食之選。▪︎潮州魚旦＆鮮冬菇 配 油麵▪︎ $30車仔麵早幾年都有食過，味道一定都唔錯既。今次都係揀返咖哩湯，佢個咖哩湯濃而不膩，不過都算幾辣但好惹味，會令人想繼續食既開胃湯底，配埋油麵真係相當唔錯。潮州魚旦爽滑彈牙，都好耐無食過呢個質素既魚旦喇，本身睇剔餐紙寫鮮冬菇，心諗有幾鮮，點知一食落去真係食到鮮既味道，嫩滑入味好有菇味，講返油麵軟硬適中，好味好味。成碗清曬🤣下次要試佢沙爹湯！

喺呢頭掃開街掃埋呢間 平時都會食下魚蛋 喺呢度叫咗辣魚蛋同埋魚肉燒賣 魚肉燒賣食落都有魚肉味 偏腍身同濕身啲 辣魚蛋$12六粒為返兩蚊粒都幾貴 個汁都唔錯幾幾辣 不過魚蛋質地偏硬 一般

油麻地地鐵站一出就見到，好方便魚肉菜翅三溝唔夠渴， 料多就夠多，但個魚肉好粉，好似食緊年糕咁，有麻油落，但唔好預佢有咩味道變化招牌狗仔粉個菜脯好食，夠爽脆魚蛋燒賣腸粉咖哩魚蛋 同 燒賣 正常腸粉係好食，夠熱，夠柔軟