農耕記 湖南土菜 (黃埔天地)

營業中

休息中

真係同一個商場，呢度六點半後都已經坐🈵好彩我係五點入座🤣環境同國內一樣，空間好大而且每張枱之間好寬闊 👍🏽 場內店員都唔小要服務既時候都會好快過嚟幫手，而且職員都好nice 二個人叫咗四樣野食 茶油土芹菜炒黃牛肉 到店必吃和牛肉，我都叫咗份，牛肉新鮮，下飯菜配個飯👍🏽👍🏽魚湯白豆腐 - 香港好小食到咁滑嘅豆腐 😱😱😱小炒豬肝 -廚師功力幾好 豬肝煮到剛剛好，唔會乾，而且落咗好多蔥，好香口小辣惹味老麵花卷 - 鬆軟及煙煙韌韌同時都帶，而花卷帶要小甜

服務極差 上菜奇慢 味道極鹹但唔好味第一。不負責任問心佢有冇海鮮 韭菜 佢話唔一定我話敏感 可唔可以check 佢話敏感就一定冇第二。發脾氣 態度差問佢拎餐具 佢極大力 推跌餐具第三。廣東話唔friendly用廣東話落單好似聽唔明送菜聽唔明第四。食物好鹹得黎 唔好味 好油 重道味

呢間由內地攻港嘅餐廳最近開咗幾間分店，今次去咗黃埔天地嘅分店，環境寬敞舒適，菜式份量非常大，適合幾個人share，多啲人一齊食可以試多啲唔同嘅菜式🥰.非常推薦魚湯豆腐，豆腐嫩滑入味，魚湯味道鮮甜！鮑魚辣椒小炒肉非常惹味，送飯一流，鮑魚軟冧，肉塊好入味👍🏻👍🏻👍🏻脆炸小酥肉口感非常鬆脆，調味唔錯🫶🏻🫶🏻🫶🏻.最後甜品點了冰糖燉雪梨，甜度適中，非常滋潤❤️❤️❤️.📍 農耕記 湖南土菜 (黃埔天地) (紅磡)紅磡黃埔天地美食坊(第8期)1樓115號舖

最近黃埔花園開咗啲內地超出名嘅餐廳，全部都多人，我同朋友今次就決定試吓湖南土菜，講到明話直銷門店有超過100間，聽個名已經覺得好犀利！我哋今日7:30嚟到，剛剛好仲有兩枱未坐滿，餐牌都好多選擇，辣同唔辣都有，更加有啲係期間限定嘅季節野。我地今日唔係太肚餓，所以淨係揀咗幾樣嘢嚟食，但係全部都好好味喎！魚湯白豆腐個魚湯好濃郁，完全係我心目中魚湯應該有嘅味道，不過唔知點解自己喺屋企煲，永遠都整唔到呢隻味，加埋個豆腐超級滑，用嚟中和一下我哋叫咗嘅辣嘢，都幾好。其中一樣我最鍾意嘅魚就係酸菜魚，呢到有經典酸菜鱸魚，份量好多，酸菜好好食，d魚冇骨，食得好方便。擂辣椒皮蛋係我朋友提議話食嘅，個樣幾得意，上到枱原來仲要自己用手中吓佢，又食得又玩得，幾特別！原來茄子同皮蛋都幾夾，有少少醋嘅味道，加埋白糖，都幾開胃！鹹蛋黃燒賣都幾好，鹹蛋味夠重，超大粒！整體嚟講，覺得喺香港都可以食到呢個水準嘅食物，坐得又舒服，以呢個價錢嚟講真係勁抵食！

今次我地去左黃埔碌齡兼朝聖一間大陸過江龍既湖南菜館，如果有去開深圳玩多數都聽過呢間餐廳，依家開到黎香港唔洗過關食咁好，梗係要試下😛酸辣雞雜（$68）雞雜就真係比較少食，算係前菜，所以size唔算大，佢呢個雞雜好惹味，酸辣爽口開胃，仲可以揀少辣少油，就冇咁重口味😋皺皮辣椒炒牛肉（$168）呢個牛肉係用一個叫吊龍既部位去做既，大陸既潮汕牛肉火鍋都有呢個部位食，肉質偏嫩，呢個炒牛肉仲用個超大既碗裝，又型份量又多，味道比較似辣子雞，都係可以揀少油🌶️油豆腐燜拆骨肉（$128）呢味菜係用砂鍋上，底下開住火去保溫，keep住溫度，油豆腐即係豆卜，索曬d汁勁好味，拆骨肉肥而不膩，對比另外兩款乾食，呢個有汁撈飯食會比較夾🐷呢間湖南菜野食算偏濃味，少油之後岩岩好，價錢幾抵食，唔洗過境有得食都幾好，鐘意食辣既黎食就仲開心😄

農耕記開第一間店ge時候 整個網路上都是打卡照 不愛追熱度所以等熱度散去後才到訪黃埔店在戲院隔離2樓 店舖內開闊 座位間距很大 給人悠閒的吃飯體驗選擇下午茶時間 整間店都無太多客人 也不需要排隊餐單上招牌菜 水煮魚 酸菜魚 辣椒炒農家豬肉etc 通通沒有點今次反而試了餐牌上好小眾的菜式 -  魚湯白豆腐 大碗花菜 手工艾葉糯米 霸氣玉油柑魚湯白豆腐 - 內容真係一碗浸在魚湯中白豆腐，豆腐與市場上不同，口感很明顯濃厚，而且味道完全無添加這道菜完全沒有辣味 適合口味清淡嘅客人大碗花菜 - 花菜是港式湖南餐廳熱門菜式 味道中規中矩。好處是可以根據自己飲食喜好加辣辣度or少油少鹽 or減少不喜歡的食材手工艾葉糯米糍粑 - 趕在春天的尾巴吃到了改良版青團。不會很甜也不會很軟糯，咬下去是滿口淡淡的青草香（超級健康，沒有內餡，但要趁熱食，因為一降低溫度糯米的部分會變硬。霸氣玉油柑 - 很好喝（全餐最驚喜 飲料星人超愛 因為很大杯，一直喝也喝不完最後要講一下服務，這裡喔所有的姊姊都超貼心，一個人來這裡食飯會有家的感覺。下次還要來！

🇭🇰農耕記 湖南土菜·鮑魚辣椒炒肉$158 l 招牌辣湖蝶魚$128 l 大碗花菜$68呢間餐廳嘢食都唔錯 不過因為佢係湖南菜 我自己就覺得佢偏油少少 大家記住要嗌少油🫢🫢😂佢個辣椒炒肉都幾惹味 而且入邊超多鮑魚仔 雖然佢地好細粒 但係口感好好😌之後個湖蝶魚都唔錯 佢個魚係超脆 口感好好🐟最後我地仲嗌左個花菜 呢個都惹味🥦·霸氣玉油柑1L $29雖然我哋已經嗌咗小辣 但係佢個辣係會累積上去嘅 食到最後都幾辣🥵佢哋呢度所有嘢飲都係1L嘅 兩個人分啱啱好 好解辣☺️🍋·#rbyeat#rby中菜#rby北角 #rby佐敦 #rby黃大仙 #rby黃埔·📍紅磡黃埔天地美食坊(第8期)1樓115號舖📍黃大仙龍翔道136號黃大仙中心北館1樓N133-N134號舖📍北角渣華道146-166號嘉威大廈地下6-10號舖📍佐敦佐敦道23號新寶廣場6樓

平時食中菜都係食開川菜、滬菜、上海菜，湖南菜就無試過，行開黃埔天地，留意到依間「農耕記湖南土菜」都幾高人氣，居然座無虛席，店員就叫我同朋友可以喺門口飲杯茶等一等，等咗一陣姐，店員已經好快手執好張枱，我同朋友一行二人都坐到張卡位，環境寬敞舒適，食完辣嘢離開嘅時候可以喺店舖門口拎粒雜錦口味薄荷糖Refresh下個口腔。*此餐廳收取加一服務費。鮑魚辣椒炒肉（單點$158），鮑魚體型迷你，大約有三十多隻，肉質彈牙，食落有少少鮮味，辣椒食落真係辣嘅，會越食越辣，不過辣度仍可接受，瘦肉食落好入味，味道香辣，白木耳口感爽脆。香芋蒸排骨（單點$98），份量多，芋頭口感綿密，味道清甜，排骨肉質肥瘦均勻，味道鹹香。泰國茉莉米飯（兩碗$24），飯粒粒粒分明，口感軟硬適中。糍粑油條（單點$39），糍粑口感軟糯，食落充滿米香，略嫌油條口感軟腍，未能做到甜品口感外脆內軟，配以黑芝麻碎、砂糖食用，味道微甜。招牌檸檬茶（單點$26），味道酸甜，飲落好清爽。茶水（兩位$16），茶包內有紅棗、杞子、桂圓、菊花，茶味濃香，味道甘甜。

今晚放工打算去黃埔食熱辣辣湘菜 又想去食🐟😆 農耕記也算是同事們講比較多的，這次剛好路過品嚐一下招牌蝴蝶魚🐟第一次食，好特別，魚肉爽脆，有嚼勁而且沒有骨，有驚喜的感覺，但是上菜時不算好熱，如果熱氣騰騰應該會好香，味道還不錯😋👍🏻剁椒蒸魚頭🐟一次點兩種魚 食到飽🤭 湘菜必點菜式之一 這次叫了小辣 辣度剛剛好 除了剁椒香辣味還可以吃到魚的原味 魚肉嫩滑 好味😋 但小心有魚骨～昆布苗肉丸湯昆布苗有點類似海帶苗 好幼滑 我喜歡這種肉丸 mini版的獅子頭的肉丸 好軟好嫩 就是份量太大 兩個人喝不完🤣鹹蛋黃燒賣這個燒賣不同於香港的燒賣 是糯米做的 還夾有大大的鹹蛋黃 好軟糯 大概有手掌般大小 份量算大的～🥰有些菜品可以選擇少油少辣還可有其他要求備註 比較靈活 味道不錯 下次會再來～👍🏻

又一間內地過江龍黎香港，成個裝修環境都好有內地店既風味，店員服務態度都好好，又會推薦下啲菜式俾我地，風味滿滿⭐️招牌蝴蝶魚🌶️🐟呢個係用辣椒青椒紅椒去爆炒嘅魚片，魚肉鮮嫩，煙煙韌韌，好有口感，食落都唔會好辣，味道好香，而且都唔會好多油，越食越惹味！魚湯白豆腐🍲🐟中意飲魚湯既一定要叫呢個，魚味超濃，奶白色既湯底完全唔腥，加上滑捋捋既豆腐同埋肉碎，咩感更豐富，滋潤養顏！蘺蒿雞雜🥘🐤雞雜有雞膶雞肝雞腎等雞內臟，用爽腌既蘺蒿去炒，加上少少辣椒，味道香濃，送飯一流！農家小酥肉🍖🐷小酥肉就係炸脆既豬肉，豬柳一條條炸得好香脆，完全唔會油淋淋，咬落索索聲，再點少少辣粉黎食，更加酥脆！

本身想同好朋友上深圳食下野，但最後太趕無去到，結果為了滿足心理上須要, 就走咗去黃埔食農耕記😂農耕記啲野食真係又抵食仲好大份，我哋2個人叫3個餸，食完有d後悔叫太多，真係好飽飽啊！！😁🌟經典酸菜魚🌟大碗花菜🌟茶油土芹菜炒黃牛肉經典酸菜魚🐟好多魚和酸菜薯粉，最緊要仲有萵筍，魚又滑，酸菜好入味，薯粉吸晒湯同酸菜味😍，好正好大份2個人根本食唔晒, 性價比好高❤️大碗花菜🥦花椰菜加埋肉調味炒香，好香之餘而且肉仲唔少，可以用來送飯🩷茶油土芹菜炒黃牛肉🥦🐂用芹菜炒牛肉，本身以為個牛肉會好鞋身，點知出乎意料好淋好滑，芹菜好香，又係送飯既良伴，同埋上菜果時好細心開個蠟燭熱住個餸🤎農耕記既菜實在太大份，2個人我覺得只叫一個經典酸菜魚/1-2樣餸都夠食，如果好鐘意用餸來送飯真心要去農耕記，因為佢哋嘅餸真係用來送飯係very good😂而且茶水好好飲，用紅棗菊花泡茶幫助消化，下次我要再去encore先得🤤💯

同朋友約埋一齊去食lunch，揀咗佢最愛嘅家鄉湖南菜「農耕記」呢餐豐富😍我哋叫咗勁多嘢😆😆💠招牌蝴蝶魚魚好脆滑，鐘意食爽感嘅你一定好喜歡💕而且辣度可以自選💠乾鍋酸菜肥腸嘩！呢個係我十級喜愛🤩佢亦炒得好好食，香口！辣味我哋揀咗中辣，十分滿意👍🏼💠小筍炒臘肉筍～係用咗箭筍，通常係3-5月當造，幼身用嚟炒臘肉好夾💠鄉里蒸扣肉Wow!!蒸扣肉真係配白飯一流，唔多食飯嘅我都忍唔住因為啲扣肉食多咗飯！絕配👍🏼而且佢哋整到入口即化😍唔覺意會食多咗💠青椒土雞蛋朋友話呢個餸癲倒咗佢對炒蛋嘅食法🤣🤣話實，唔係另一個朋友係湖南人，真係唔知原來係佢哋嘅家鄉菜！佢係極度鐘意食！我食唔到太辣，所以我避開咗啲青椒，但真心個味道好好食😋💠蒜蓉空心菜呢個菜係用豬油炒，香味因此而比佢帶香晒🥰正！💠糍粑油條呢個係新款食品，即叫嚟食啦！估佢唔到咁鬼好食！脆油條+軟軟煙韌嘅糍粑，好正！甜度亦唔過份（少甜）下次都要再叫！不過會揀後上，可以熱辣辣咁食！💠招牌檸檬茶大大杯，冇得輸🙌🏻3個女人食咁多嘢，真係抱住個肚走😆😆諗諗吓，其實我哋有冇食得咁過份呀😅😅

好友邀約我到一間近期人氣連鎖餐廳嚐湖南地道農家菜。 我們今日就到了位於黃埔的分店。店舖裝潢走農場田園風，門口位置擺放了湖南土產。店內用上木枱、竹燈、農耕工具等裝飾，營造舒適自然的農場氣氛。這店大部分食材都來自湖南，從而呈現湖南特色風味。店內提供的花果茶，芬芳的花香滲入淡淡果香，不錯呀。 好奇之下詢問店員，原來他們找專人訂製花果茶包，內含菊花、紅棗、杞子等，怪不得入口清香。看看菜單，見到「八大必點菜」，那就不要錯過。湖南菜以辣味豐富見稱。我首次到來，怕辣得吃不下，既然點菜時可自訂選項，唯有要求好友遷就一下，把辣度降低一點。✨ 招牌蝴蝶魚無刺的蝴蝶魚，經爆炒後口感爽口，味道鮮甜。怪不得是招牌菜式。點的少辣，以香辣為主作提鮮之用，辣度輕微，下次可嚐嚐正常辣度，應該更滋味。✨ 茶油土芹菜炒黃牛肉茶油土芹菜炒黃牛肉放在蠟燭台上保溫，香氣濃郁。新鮮黃牛肉，味道鮮香。跟爽脆的土芹菜非常適合伴飯。✨ 鹹蛋黃燒賣以口感煙韌的糯米作餡，加入鹹蛋黃，鹹鹹香香的味道，頗特別的燒賣。✨ 手工艾葉粑粑軟糯質感，不粘牙。可沾點糖增添甜味。離開前，店員還讓我們嚐嚐糖果，甜甜清新味道，可清清味蕾。這店無論食物質素和服務

今日同男朋友心血來潮想食小菜，咁岩係黃埔附近行經過見到呢間農耕記😍因為之前喺大陸食過呢間小菜，都覺得幾好食。難得依家唔使返大陸就可以食到，就入去食梅菜扣肉 ❤️❤️❤️❤️佢係鹹鹹地，但係有少少辣。同平時係香港食既梅菜扣肉有啲唔同，呢個比較香口好適合送飯食🤓🤓同埋佢啲肉質超腍，用筷子一夾已經一分為二😂。男女老少都啱食，不過係有少少漏😂😂松茸雞湯❤️❤️❤️❤️❤️呢個湯真係我超鍾意飲👍🏻👍🏻又足料。有紅棗龍眼松茸同埋雞，飲落甜甜地又濃雞湯味😍😍好正！好似住家湯一咁好飲🤩1L檸檬茶 ❤️❤️❤️❤️❤️一杯先26蚊勁抵飲，而且檸檬味都幾出，佢嘅檸檬茶有少少似雀巢檸檬茶嘅味道，不過酸少少，飲落好開胃。一杯都可以兩個人share飲🤣🤩鮑魚辣椒炒肉 ❤️❤️❤️❤️個鮑魚幾的骰😂😂😂不過口感都幾有嚼口，而且啲辣椒都唔會太辣好啱男女老少食都得😍啲肉都幾入味🤤不過略嫌有少少鞋，整體係都幾好食。👍🏻大碗花菜 ❤️❤️❤️❤️❤️叫咗咁多肉類，梗係要嗌碟菜試吓啦。真係幾入味，甜甜地有少少孜然香味，而且啲菜唔會炒得過冧。幾爽口👍🏻整體黎講都幾滿意🤩🤩好有係大陸食既風味，質素同水準都一樣保持到👍🏻👍🏻有時返唔到大陸食都可以去試吓過吓口癮🤓🤓👍🏻五個心

之前返內地嘅時候，好多時候都見到好多大商場都有農耕記，以前都食過幾次，最近發覺喺黃埔天地都開咗一間分店，咁就梗係要來試吓啦，今日大概7:30嚟到，已經勁多人等位，十分之熱鬧，呢度嘅服務態度都唔錯，坐位亦都算係舒服，食物質素都絕對比得上深圳食嘅！大家記住留意做會員，消費可以當積分咁樣換禮物，然後註冊做會員都可以有$50優惠券！首先要講吓呢度個八寶茶好好飲！食物當然質素都好好，好好味啦！鮮燜腐皮可以選擇要少油，呢個有炒蛋燜過所以特別香滑。招牌蝴蝶魚我哋要咗小油同小辣，魚片口感有d脆口，我超鍾意！！加埋好多蒜同蔥同埋辣椒一齊炒，所以超級惹味！蒜蓉空心菜都係要少油，份量勁多，平時出街點菜多數都覺得唔夠食，今次食到勁飽！湖藕龍骨湯原來都好大喎，仲要個煲都好有農家風味，用嚟打卡都幾好睇，個湯飲得出冇味精，勁正！