辣辣屋

營業中

休息中

今日去聯和墟見朋友傾開食魚，屬於貓科類動物的我，朋友的喜好與我一樣，那麼我們就大快朵頤，找魚吃。 看見辣辣屋主打食魚，那麼我們就衝入去開心進行食魚大餐。餐廳細細但樣樣企理吸引，呵呵呵，冇選錯。韓式炸魷魚鬚：先來一客惹味魷魚鬚，微辣有蔬菜伴碟，三兩下就全部食完，欣賞魷魚鬚炸得剛好，炸粉不厚，容易咬開。 當一大盤江團魚上枱時，嚇了一跳，嘩真大，看到大量蔬菜在魚湯內，那麼就要試一試大魚湯，那湯十分鮮甜又多蔬菜，令人食指大動。 泰式酸辣味江團魚：材料豐富有肉碎，南薑，洋蔥，蕎頭，芽菜，黃芽白，香茅，芫荽，仲有大大條的江團魚，內裡仲有魚鰾超級開心。魚肉先烤好，肉質嫩滑，加上江團魚不算多骨，最主要只有一條主骨幹，想不到我們兩人可以全清。 檸薑蜜：冰凍飲料真合適辣味食品，廚師真材實料用半個新鮮檸檬加薑蜜，製成此。不好意思，害好友頂著肚子回家，下次再食過。。。

呢間店早餐就試得多，晚餐都係第一次試。走入去店員會好有禮貌地問你係咪食烤魚，如果係先安排你坐卡位，因為只有卡位先有爐放喺度。起初未知餐牌上有咩食，所以安排坐其他位，攞起個餐牌一睇，大部分晚餐都以泰國菜式為主，好似生菜包、串燒、豬頸肉等…烤魚有多種不同味道供選擇，最後點咗個冬陰功味烤魚，份量都多嘅，味道濃，當然唔少得叫埋杯啤酒啦，呢度啤酒第二杯半價，另外加左個淮山麵，唔知係咪啲麵太吸啲濃湯味，攪到成碗麵都非常咸，有少少影響咗成個晚餐。

今日專程入粉嶺做嘢Lunch break約埋住附近嘅朋友見下下聚舊本身揀依間餐廳因為睇到OpenRice呢度有串燒食😋但係去到先發現我哋太早到串燒同烤魚都係晚市先有㗎最後我哋叫咗常餐蜂蜜雞扒蛋沙律牛油炒野菌 奶油脆豬雞扒煎得唔錯 表面少少脆焦我地最鍾意食佢嘅炒野菌 好香喔另外叫咗一份先豬扒奄列 配雪菜肉絲米粉米粉湯底幾香濃 落咗麻油而且份量好大 細食女生表示淨係雞扒都夠晒飽配咗兩杯冰涼飲品 出面太熱一心黎到想食嘅串燒未有好彩依間餐廳嘅小食都幾多㗎咁熱嘅天氣我地都好想食涼拌野最後叫咗泰式酸辣鳳爪同埋手拍青瓜本身以為細細份點知係同米粉湯碗一樣咁大🤭又驚又喜嘅狀況 我地都對手拍青瓜讚不絕口睇佢賣相都見到青瓜嘅調味豐富酸酸辣辣好開胃而泰式鳳瓜比起出面食到嘅更辣

平時黎辣辣屋，都係食芝士麵同烤魚～今日有時間，又諗唔到食咩早餐，就入黎試下🤪睇Menu 本身唔覺太特別，大部分同茶記都差不多，咁就叫左個牛扒餐。點知黎到有驚喜，好豐富呀！牛扒適中，唔會太淋，略嫌有少少根位。有沙律菜，有蛋沙律，好好食！個底仲有牛油烤菇，好香當然唔少得必叫嘅凍咖啡，正！另外加$5加左個脆奶油豬，唔夠脆，不過味道可以。下次會再黎試下其他早餐值得一提，侍應們都好有禮貌，本身個位冷氣大，主動幫我地搬去第二個冇咁大風嘅卡位，讚

閒日收工唔想煮飯，四圍行下試新嘢早幾年前，曾去過深圳幾次食爐魚，現在香港也不難找到，這兒17:30後開始有烤魚供應6時半入座，不太多人，店內以卡位為主烤魚湯底有不同選擇，我們選了冬陰功口味（$298）烤魚上爐時，面頭有一大堆香茅、南薑、芫茜等香料，影相後夾入湯中，讓它們出味。魚開了邊，魚身厚，魚肉夾起大大嚿，啖啖肉！原本以為烤魚會採用肉質較實的魚種，但這兒用的江團魚肉質嫩而不散值得一提是江團魚在與冬陰湯一起上爐前，有先煎香，所以在既有冬陰功滋味的同時，也有煎魚的香口除了魚夠大條外，爐上也有不少配料，包括黃芽白、菇、洋蔥、豆芽等。而冬陰功湯惹味得來，也不辣，即使不能吃辣，都能飲上兩三碗另外還點了燒豬頸肉沙律（$68），燒得面頭脆脆地，下面墊了麻醬生菜凍檸檬百香果（$38）好抵，足1300ml，兩個人都飲唔晒！埋單人均$230，中價位，但每道都大大份，味道不錯，吃得超飽😋值得一試！

成日聽人講粉嶺辣辣屋幾好食~ 今次身親試下咩料子先🤭🤭入到去服務員幾Nice🤡 同我地介紹店內特色食物同新出推介🤫今次我就叫左冬蔭功味烤魚🐟SeaFood Spicy凍蝦🦐嗅豆腐🥡燒茄子🍆同埋其他火鍋料🍲當中有驚喜但同時都有失望1. 冬蔭功味烤魚： 份量可以接受，相比其他烤魚味道偏淡，沒太特出，魚質較淋2. SeaFood Spicy凍蝦： 價錢嘗算吸引，蝦質彈口，唯獨敗在醬汁方面不能突出「辣」，少失望3. 嗅豆腐 ：值得一試，味道香濃，配上甜/辣醬加強層次，十分推薦4. 燒茄子： 蒜香味十足，唯一問題就是偏淡。

佢開業到而家已經嚟過第四次😌，四次都嚟食呢到嘅烤魚🐟，因為呢度嘅烤魚有好多個味可以揀😋，每次嚟都揀唔同味去試，爸爸好鍾意食魚，今次帶咗佢嚟😉一坐低梗係嗌杯啤酒俾爸爸先啦，呢度有Hoegarden 500ml 叫🍺，一杯$68, 如果叫第二杯，仲有半價添，即係$34勁抵🫢爸爸唔係好食得辣所以叫咗個小辣嘅泰式，冬陰功味，個湯底一嚟到已經勁香，我哋係即刻第一口就試吓飲個湯🙈 佢有青檸嘅酸,香茅嘅獨待香味,南姜嘅嘅微辣，泰國地道夠晒香濃嘅辣椒膏,再加大量椰醬,飲落口感勁Creamy,佢用咗嚟做烤魚嘅湯底成個湯仲好鮮味，真係飲到一大碗🥣嚟到個主角，爸爸一睇就知係條班嚟，條魚仲要好大條，最少有1kg😳 勁多肉，啲肉好大舊好滑，魚夠鮮味，冇乜骨，魚皮煎左先勁香，一啲都唔會有腥味，食食下仲食左舊魚肚，好大舊好滑🫠好仲食緊花膠咁🤭 兩個人食真係好夠飽，個湯底仲有好多菇，娃娃菜同埋蕃茄仔🍅 非常足料👍🏻 另外自己再叫咗個唐生菜同萵筍，每碟都只係加左$22 有魚又有菜，叫埋個飲，2個人都食唔晒🙈 呢到仲有樣野係好值得叫，就係啲「so big」野飲，凍檸茶，凍梳打同特飲嗰啲係勁大杯，大杯到兩個人都飲唔晒嗰隻，

📍今日我哋嚟到粉嶺聯和墟嗰邊睇吓有咩好嘢食，經過呢一間辣辣屋見到有烤魚同臭豆腐，自從香港封咗關疫情之後都好少上去食呢啲惹味麻辣嘢，一於入試吓。🔻餐牌選擇都好多。佢哋係直接喺張紙上面tick，跟住比店員，我哋初嚟報到唔係好識填呢份嘢，以為烤魚可以揀下面啲配料，個店員都好有耐性咁同我哋逐一講返，原來剩係得串燒拼盤先至係會加料，服務態度一百分💯🔻1. 蒜香黃金皮蛋（$42）最快上到嚟嘅，都幾靚幾Fresh，又黃又綠又紅，又有啲芝麻鋪上面去點綴下，都幾開胃嘅。啲皮蛋並唔係全熟，最中間頂頂嗰度會有少少溏心，介意的話一定要事前同佢哋講啊！不過我係覺得幾滑，同啲蒜蓉match得好好，食落好似喺條脷上面融化咗咁👍🏻🔻2. 流口水臭豆腐（$48）聞上去係的確有淡淡臭味。呢啲嘢梗係要趁熱食，一咬落去就外脆內軟，冇誇張，真係「刮辣」一聲。而入面係蜂巢形狀嘅，個樣好似豆卜咁樣。隨碟都有甜醬辣醬，而上面嗰啲碎鹹鹹地脆脆地，都幾過癮的。🔻3. 嫩滑少骨江圍魚（$298）我同枱嗰個唔太食得辣，但又人小膽大，叫咗個小辣大麻。一上到枱勁大條，有手掌到手臂咁長，上面鋪滿芫荽，跟住之後就係滿滿嘅花椒同辣椒，十分過癮。條魚非

今日同朋友喺粉嶺附近挽完，之後就去到好出名嘅聯和墟嗰度搵嘢食～點知行緊嘅過程中，見到有一間比較特別，去食烤魚同埋串燒嘅舖頭🥰入咗去了～首先覺得餐廳嘅裝修幾特別，好modern✨而且店員禮貌好好！主動介紹唔同嘅菜式俾我哋～最後我同朋友叫咗個烤魚、涷蝦、串燒拼盤 同埋一串燒牛舌❤️‍🔥❤️‍🔥❤️‍🔥首先講吓佢個烤魚。見佢個餐牌寫佢哋係選用左鎮江魚。所以食起上嚟會比較滑身～‼️‼️我同朋友都覺得成條魚啖啖肉🫣🫣食落好滿足而我哋最鍾意嘅係涷蝦🫶🏻🫶🏻🫶🏻因為佢每一隻都好大隻同埋好彈牙🥰🥰🥰再點埋佢哋自己獨家調製嘅sauce 非常滿足！見佢呢度仲有好多人會特登入嚟飲啤酒～下次都想試吓

餐廳日頭係西餐夜晚做烤魚，今日先過黎試下西餐叫左個set lunch 卡邦尼煎雞扒意粉，另加5蚊配招牌咖啡份量超足！ 雞扒煎完仲好多肉汁，外皮脆脆的！杯咖啡真係非浪得虛名，大大杯，味道吾酸又吾算好甜調教得好好！順帶一提，呢度既店員姐姐個個都好nice下次夜晚黎試埋個烤魚先

辣辣屋（粉嶺）🌶之前朋友介紹過粉嶺呢間嫲嫲屋企的烤魚幾好食，所以今日放假專登嚟食，點知原來晚市先有🥹 一場黎到，都要照食ge!🤪🍗口水雞 $48雞肉很滑，辣味滲入雞肉，又又唔會太辣！底下仲有啲青瓜，食完非常開胃😍 份量多d 就好啦😆泰式酸辣鳳爪 $68本身以為得幾舊鳳爪，點知原來成兜都係，食極食唔完！啲鳳爪仲要已經去晒骨，而且酸酸辣辣，整得好入味！臭豆腐 $48今次係我人生第一次食臭豆腐，估唔到食落去幾特別，有啲啲似椒鹽豆腐，但又唔係完全相同，上碟嘅時候會跟甜醬，又係另一種風味！呢間餐廳假日仲有午餐，大約五十幾蚊，所以同朋友叫埋黎食！🧈佢ge 奶油脆豬都幾好食ga!🍔 下次一定會晚市黎食佢ge 烤魚😍

呢度嘅烤魚有辣有唔辣任君選擇，我哋叫咗個酸辣，既唔會蓋過咗魚嘅鮮味，又有少少辣吊一吊味，用嘅食材都十分新鮮，條江團魚又大又滑，尤其個魚鰭位，好食到欲罷不能！其他配菜都各有千秋，食到最尾嘅泰式酸辣湯底更加濃郁，落埋薯粉吸收左鍋底嘅精華簡直係完美嘅配搭！其他配菜例如土豆片同埋金菇都好高質，食過翻尋味😋另外要推介嘅就係鮮菠蘿冰，真係估唔到叫咗一杯，黎到嘅係成jar咁大!通常食辣店舖都只會提供好細杯嘢飲，而又由於有辣嘅食物，變咗就不停叫嘢飲，淨係嗌汽水都食窮你！但係呢度性價比好高，一杯菠蘿冰食全餐飯都飲唔曬，實在係少有嘅良心食店🤩總括而言，店舖都相當寬敞好坐，裝修亦都有心思，一份烤魚已經夠兩個人食到捧住個肚，北區嘅朋友一定要試吓😍

之前一直都好想食烤魚，但係本人係唔食得辣嘅，所以唔知邊間好食同有唔辣嘅烤魚。🤪跟住經朋友介紹辣辣屋原來有唔辣。我哋叫左爆蒜雜菌唔辣湯底，烤魚上面有好多炸蒜同炒過既菇，每啖魚配埋菇一齊食幾惹味！魚皮烤得非常酥脆,非常入味，😋皮脆肉香，最緊要魚夠鮮，同埋夠晒嫩滑多汁。條魚好大條，成條魚係我兩隻手加埋嘅size😍兩個人食一定夠食，甚至如果細食會食唔晒，咁大條魚但係冇乜魚骨，食得好方便。其實食完條魚都已經飽飽地，但係我哋唔可以浪費個湯，所以嗌咗生菜，可以吸收湯嘅精華鮮味。我哋以為唔夠食，我哋仲咗嗌咗個串燒拼盤。拼盤有豬柳串，雞肉串，牛肉串，豬頸肉。串燒個面好脆，好香口。加上埋秘製沙嗲汁，好好味！好juicy!燒完啲肉都好嫩滑。食串燒點可以唔飲可樂！😂一個字爽，兩個字絕配！

聯和墟一向好多好嘢食，今日就去呢度開餐， 見到有一間有得食巴蜀烤魚即係入去試吓「巴蜀烤魚- 雜菌未」巴蜀烤魚都有幾款口味，最近唔想食太辣，就揀咗雜菌味，試吓新嘢，估唔到都好香好好食等咗一陣條魚就到，條魚好大條，啖啖肉，都係鮮炸過嘅，好香同埋唔腥，上面嘅雜菌係超級超級咁多，而且經過蒜炸好香，食到超飽，好滿足「蒜香燒茄子」大大條，肥大肉厚，加上炸蒜，䓤，同埋滋然粉，非常之惹味，刺激味蕾「焗娃娃菜」香味拍得住茄子，惹野之選

今日好難得入到粉嶺搵朋友仔, 天氣又涼涼地又落雨, 令到個人好想食辣野同烤魚, 就揀左呢間試下😍話明呢間係烤魚出名，就梗係試烤魚啦~嗌左江團魚 (泰式冬蔭功) $298冬蔭功味道好濃郁, 猶如係泰國餐廳飲緊碗冬蔭功湯! 而且唔會覺得好辣, 岩晒D食唔到辣既朋友。而魚係用左江團魚，係烤魚店專用既魚類之一，魚質非常嫩滑，吸收晒冬蔭功既精華，令魚既鮮味更加突出！除左食魚之外，呢到食串燒都幾好食架！燒牛舌 $42/1串 : 牛舌非常厚身，而且師傅落左少少孜然粉，令牛舌更加入味，又嫩又淋~ 汁燒魷魚 $88: size非常大條，觸鬚同魚身都分開，方便進食，食落去好彈牙好有口感~泰北雞肉串 $38/2串: 用左雞脾肉黎整, 質感當然好嫩口, 每一串都有3大塊雞脾肉, 完全岩晒D食肉獸呀!Signature 水果茶 $45: 超級大杯, 我估計起碼有接近1L既容量，水果茶味道突出，亦唔會覺得好甜，侍應仲好貼心拎左2隻杯俾我地share。而且，原本我地仲諗住一人一杯野飲，佢都建議嗌住一杯先，因為真係好大杯，無謂浪費呀嘛~總括黎講，呢間餐廳既食物真係好有水準，而且份量亦都好大份！絕對岩晒胃口大既朋友呀！