辣辣屋

營業中

休息中

這家早餐選擇豐富多樣，令人難以抗拒。雞扒餐價約40多元，肉質醃過，味道更為入味，令人垂涎。沙嗲牛麵汁濃郁香濃，令整體味道更上一層樓。不僅飽肚又滿足味蕾，是享受美味早餐的絕佳選擇。

聯和墟食早餐有好多選擇，茶餐廳都有好多間。辣辣屋都算係新派港式餐廳，咩都有啲咁。餐廳menu個style同隔離街滿屋差唔多feel。 辣辣屋嘅港式早餐類黎講，老媽咸排骨湯米粉🍜就比較少見，應該話係第一次見。食落其實係炸菜肉絲嘅味道，不過就唔係肉絲，亦唔見有炸菜，係用左排骨，咸香味都幾特別。米粉唔係鋼線feel嗰隻，係比較軟身有彈性。 另外再配左午餐肉同太陽蛋🍳，個多士🍞都唔錯。整體黎講不過不失咁啦。

冬蔭功烤魚好正👍🏻👍🏻 $298個湯夠濃夠多 食到最後都無加過湯😋而且足料，有南姜，香茅啲基本野入面仲有秀珍菇、洋蔥、蕃茄仔同埋大量芫荽鋪面👍🏻佢哋係用江團魚 無乜骨條魚都ok 幾大條 都滑仲有食到個魚鰾（？）想額外加料就$20/款我地懶得逐個揀就柯打咗個拼盤B $68生菜+冒菜+木耳+午餐肉+鴨血冒菜個口感幾得意lol 爽爽的 鴨血也不錯嘢飲方面 佢哋係超大杯㗎！大個個頭😆😆😆 見到時嚇襯#估唔到好味青瓜梳打 $38真係估唔到佢咁好飲 成件事好fresh！入邊仲有青瓜碎粒粒 多啲口感幾好𡁻🤣👍🏻#鮮菠蘿特飲 $38正常發揮 個人認為甜咗少少燒茄子🍆 $38呢款麻麻地 整得有啲乾同埋唔係鋪滿蒜嗰款 唔夠蒜無咁惹味⚠️另外留意返 只收現金🆗如果可以收其他epayment就更方便了

👍第一樣要讚嘅就係服務好好✌️第二樣要讚嘅就係佢杯嘢飲好大杯✌️👍第三樣要讚嘅就係冬陰功好味🥇好耐未見過咁有熱誠嘅員工呢間野開咗好耐，但從來冇入過嚟食，中午想試吓嘅時候又好多人。有一日突然想食雞煲，就突然間諗起咗佢，一入到黎全部人都食緊烤魚，所以最後都係諗住試吓個烤魚點知一個月入面就食咗佢兩次冬陰功烤魚！一開始冬陰功都諗咗兩下要唔要試下！點知…好食對我嚟講個湯底味道岩岩好，當然要食好辣好酸嘅人可能就會覺得佢唔係好夠

今次入左粉嶺食烤魚↘ 嫩滑少骨江團魚 50Hz麻辣味（少麻少辣）$298烤魚原條上，約重1kg。烤魚鋪上大量花椒，附芫荽、娃娃菜、大豆芽、洋蔥。如試味後想挑戰更高辣度可要求加辣。↘鴨血 $20嫩滑彈口，如果可以厚切口感會更好↘肥腸 $48份量好多，如圖↘薯粉 $20口感煙韌↘Signature水果茶 $451300ml大大杯，用新鮮水果清新解膩

母親節黎到呢一間超級驚喜嘅小店😳開頭落單嘅時候 姐姐有提醒我哋嘢飲好大杯仲以為係平時雞煲嗰啲大檸茶咁上下size 嚟到真係嚇親🤭🤭🤭30幾蚊一杯超低飲🥳大大杯又靚 打卡一流🥰冬陰功烤魚超級香🥰配啲簡單嘅配料已經索曬湯汁超正😋 連身為泰國人既媽咪都食唔停口👍🏻👍🏻👍🏻配料方面有拼盤選擇$58就有幾種配料👍🏻臭豆腐比想像中大碟 上菜時夠熱夠脆好香口👍🏻配甜辣醬一流😳😳😳

已經第二次食辣辣屋，上次食咗觸電烤魚，果然幾辣下～老公唔食辣，今次唔叫烤魚叫串燒🍢（🐒馬騮仔係自備！）🐒強烈推薦～～芝士焗蠔！！咬落蠔身有汁，肥美juicy✨️（焗蠔有唔同口味揀，我試過其他味都係芝士最好食）串燒拼盤（細）🍢🍢🍢，有齊🐷豬 🐮牛 🐔雞，右邊係一大堆豬🐷頸肉，毫不吝嗇，🔥火喉又足，88蚊有呢個份量確實抵串燒配沙茶花生醬同泰式燒汁同樣可口👏臭豆腐跟兩種醬，甜醬同辣醬水果茶1300ml大揸到飲唔曬，滿足的一餐

自從冇得返大陸食嘢，我就成日搵辣嘢食，見到呢間店名有兩個辣字，我就立刻🐕衝叫咗個招牌麻辣烤魚，由於第一次嚟，保守地叫咗中辣，果然好夠麻好夠辣，冇令辣妹失望！！！但個烤魚用緊打邊爐食到後段就好鹹吓，建議加多d湯先再落料燒生蠔必叫，肥美，芝士好香有好多款飲品都1300ml，大大杯40幾蚊可以4個人一齊飲，好超值（喂喂咪笑我地窮🙊）呢杯水果茶好好飲，我地仲食埋d生果落肚冇浪費皮蛋唔算出色，過下癮咁啦整體都滿意，可以二刷

路過跟家人一起來試試烤魚，200多一份多江團魚比巴辣仔便宜！魚剛上來時好期待，試了一下店員推薦的泡椒味，剛剛吃發現狗辣，一吃魚肉就發現魚不新鮮，肉質是那種不新鮮的魚肉，而且有腥味！有跟店員反饋魚不新鮮，不過也沒人做任何處理，不會再去光顧的一家店！

平時去辣辣屋，都係一家大細食早餐。今次趁紀念日，同老公兩個人去試晚餐嘅烤魚🐟！少骨江團魚有好多口味，愛辣可以試50Hz麻辣🔥、香辣泡椒🌶️、泰式冬陰功或者泰式酸辣，唔辣都有老壇酸菜＆蒜蒜蒜雜菌味🍄！今次先試［泰式冬陰功］味，一上枱已經嘩一聲！好大盤！煎香過嘅烤魚，微微金黃色💛，上面大量配菜，包括香菜、蕃茄仔🍅，紅紅綠綠，顏色好吸引！湯底有南姜辛辣味，陣陣泰式青檸嘅酸，特愛見得到嘅大量地道辣椒膏🌶️，加上椰醬，香濃又帶點 Creamy 嘅口感，酸酸辣辣，愈食愈開胃🤭。主角江團魚，標明每條平均重 1KG，真係好大條，兩個人食好滿足～肉質夠厚又非常嫩滑，啖啖鮮甜魚肉🐟！烤過嘅魚皮都冇放過，全部俾我地食晒🤤！係連墊底嘅芽菜、娃娃菜我地都冇放過，索晒啲泰式冬陰功湯汁，好惹味🤭。我地額外加咗蒿荀、貢菜，為嫩滑江團魚額外增添爽脆蔬菜🥬～烤魚點少得鴨血，每件都係嫩滑彈牙😍。食辣就諗住嗌杯凍飲解辣，點知，原來係勁大樽！$38 就有咁大壺凍檸檬百香果汁🍹，真係勁抵！！兩個人分享啱啱好🤭～下次一定再黎試下其他辣辣口味江團魚🐟！

［粉嶺］出色惹味麻辣烤魚見近日天氣好涼，就唔知點解好想食川菜，想食d 重口味野，好似都好耐無食。好彩有fd 陪我即興☺️ 我就上Openrice 睇下，原來粉嶺有間川菜🤩，仲有主打推介多款烤魚，就試一試佢裝修方面，見佢都好有心機，有colourful 的牆，有鐵罐樣式的椅子🪑☁️烤魚-嫩滑少骨江團魚 $298餐廳淨係烤魚已經有6 款，好專業🤩，我地就揀左50Hz麻辣味，小麻小辣🙈。我想講，條魚真係好大，2個人食，滿足感極大，好飽😆。餐廳再將花椒八角辣椒鋪滿係金黃色嘅烤魚的表面🤤，真係睇到都流晒口水。侍應提我們，滾左就可以食。魚肉好嫩滑，細骨又唔多，非常適合我這些懶人🥰。魚片一夾就起，烤魚越煲越辣，越惹味，越香麻辣味，一個字「正」‼️☁️臭豆腐$48面頭鋪滿炸蒜，豆腐聞落唔臭，但食落有臭豆腐的味道，而且外脆內軟，配埋重要‼️甜醬同辣醬，好好食，仲要熱辣辣，新鮮炸，無得輸👍🏻☁️燒雞泡魚乾 $48好好食，有孜然粉，辣辣地，好有𡁻口，而且燒得好香，送酒一流🤣，但我覺得如有埋個沙律醬可以沾，就會滿分💯☁️牛肉串2串$42牛肉好入味，多汁，又嫩口，唔會韌，非常好。有兩款汁做配搭：燒汁和沙嗲汁，任君選擇。🥰☁️蒜

今日朋友話好想烤魚，所以今次黎左位於粉嶺聯和墟嘅辣辣屋啦！一向都知道聯和墟係多野食揀，但有間主打烤魚嘅又好似真係冇，依到除左烤魚外，仲有串燒同小食😋依到烤魚有六款味道揀，包括：麻辣、泡椒、冬蔭功、蒜頭雜菌、酸辣同埋經典嘅酸菜魚！今次叫左個泡椒味嘅烤魚、涼拌茄子、炸魷魚鬚、勁蒜娃娃菜同埋水果茶。1.烤魚係用上江團魚製作，食落冇泥味，而且肉質鮮嫰，經泡辣湯底煲過後，魚肉吸收左泡辣味，食落更加惹味，送酒一流😋😋2.涼拌茄子經典口味，茄子屬於受物，所以涼拌下，可以吸左好多醬汁，辣油同醋比例控制得好，食落酸辣味十分夾，味道一流😋3.炸魷魚鬚炸粉唔會太厚，食落魷魚爽口彈牙，調味亦都岩岩好，真係好惹味好食😋4.水果茶一壺1300ml只係40幾蚊，超抵！而且仲要足料，除左茶底外，亦都加入左橙汁同百香果汁，另外都放有生果，飲落仲好飲過出面d手搖飲品店，正野！😋5.勁蒜娃娃菜蒜頭足料，而且仲要拎過去焗，食落蒜味十足，非常之正，好岩好蒜嘅人士整體黎講，餐廳食物質素高，而且十分低食，冬天同三五知己食返個烤魚就非常之正啦

由於封關關係好耐都冇食烤魚而且香港好多烤魚餐廳都唔係好食所以今次想再同朋友食烤魚餐廳睇下有冇驚喜好多款式唔同味既烤魚仲有好多野食選擇朋友就揀左冬蔭功湯烤魚 $298不得不讚 第一個湯好特別好好味可以一路食一路飲第二條魚都好滑 大大條又好食一定要連埋個魚皮一齊食烤魚入面仲有好多料有白菜 菇etc.雞泡魚乾 $48厚燒 甜甜地 好味道賣相都好靚 食烤魚又點少得薯粉 $20燒豬頸肉 $78大大份 厚薄適中燒得啱啱好 個調味都調得好好仲有d生菜比埋減低肥既感覺2個人食好飽了直得一提既係餐廳環境好闊落不過位置可能比其他餐廳冇咁顯眼真係好食 值得有更多客人可以做多d宣傳

今日天氣轉涼，諗起聯和墟多野食。行行下就搵到一間串燒店，係天冷既不二之選入到去環境乾淨又闊落，同朋友聚一聚舊夠哂舒適餐牌都好多選擇，除左串燒又有好多特色小食，見到佢地招牌菜烤魚，但今日天冷無乜胃口　，烤魚留番下一次先食今日主要食佢地既串燒。相機食先，食物大合照。串燒拼盤有豬牛雞加豬頸肉，燒得好好，唔會燒到乾，肉汁鮮嫩。肉香加埋佢地既醬汁配合得好，一碟份量已經夠兩個人食燒雞泡魚乾。燒得岩岩好，又香又入味，再配佢地既調味粉簡直perfect match燒茄子係每次到燒烤店必點之選，又平又大碟，蒜香再加上佢地舖頭既調味粉令人食慾大增，好快就清哂佢地一碟燒牛舌牛肉質地夠淋細嫩又香滑，燒得又有焦香味。羊架肉多，肥同肉比例均勻，中意食羊既話佢地羊肉味又足夠又香。食完一隻之後如果唔係同朋友食會想成碟食哂佢

平時日頭經過都唔發現原來呢度有烤魚食，今日朋友提議話晚上去呢間店食烤魚，一開始都聽到我r晒頭。後尾聽返店員講日頭佢哋呢度係做茶餐廳，夜晚5:30後就主打食烤魚，所以如果想食烤魚嘅朋友記得要夜晚先嚟！打開Menu發現都幾多款式，除咗烤魚仲有小食、燒烤等等。不過我哋今次主要嚟食烤魚，所以我哋叫咗個麻辣烤魚（小辣小麻）。一上枱即刻食咗一啖魚肉先，肉質又嫩又滑，而湯底就唔算好辣，對我哋來講簡直係輕鬆，不過慢慢就會越食越辣，味道調得好有層次感！呢個烤魚仲有好多芫荽，簡單係芫荽愛好者嘅天堂！入邊仲有唔少洋蔥蒜粒之類，令到個烤魚更加香！配菜盛盒入邊會有土豆、蓮藕、腐皮結、海帶、金菇，甘多款菜都只係$58，食烤魚叫埋可以用嚟吸下湯汁！嘢飲配埋凍檸檬百香果咁就啱啱好啦，檸檬同百香果酸酸甜甜，加埋茶底非常解膩解渴！佢仲有一個好特別嘅係估唔到好飲青瓜梳打，聽個名就覺得好特別不過我就無試，但好多枱都有叫！