影片
更多
2022-07-13
61 瀏覽
📍今日我哋嚟到粉嶺聯和墟嗰邊睇吓有咩好嘢食，經過呢一間辣辣屋見到有烤魚同臭豆腐，自從香港封咗關疫情之後都好少上去食呢啲惹味麻辣嘢，一於入試吓。🔻餐牌選擇都好多。佢哋係直接喺張紙上面tick，跟住比店員，我哋初嚟報到唔係好識填呢份嘢，以為烤魚可以揀下面啲配料，個店員都好有耐性咁同我哋逐一講返，原來剩係得串燒拼盤先至係會加料，服務態度一百分💯🔻1. 蒜香黃金皮蛋（$42）最快上到嚟嘅，都幾靚幾Fresh，又黃又綠又紅，又有啲芝麻鋪上面去點綴下，都幾開胃嘅。啲皮蛋並唔係全熟，最中間頂頂嗰度會有少少溏心，介意的話一定要事前同佢哋講啊！不過我係覺得幾滑，同啲蒜蓉match得好好，食落好似喺條脷上面融化咗咁👍🏻🔻2. 流口水臭豆腐（$48）聞上去係的確有淡淡臭味。呢啲嘢梗係要趁熱食，一咬落去就外脆內軟，冇誇張，真係「刮辣」一聲。而入面係蜂巢形狀嘅，個樣好似豆卜咁樣。隨碟都有甜醬辣醬，而上面嗰啲碎鹹鹹地脆脆地，都幾過癮的。🔻3. 嫩滑少骨江圍魚（$298）我同枱嗰個唔太食得辣，但又人小膽大，叫咗個小辣大麻。一上到枱勁大條，有手掌到手臂咁長，上面鋪滿芫荽，跟住之後就係滿滿嘅花椒同辣椒，十分過癮。條魚非
🔻
餐牌選擇都好多。
佢哋係直接喺張紙上面tick，跟住比店員，我哋初嚟報到唔係好識填呢份嘢，以為烤魚可以揀下面啲配料，個店員都好有耐性咁同我哋逐一講返，原來剩係得串燒拼盤先至係會加料，服務態度一百分💯
🔻
1. 蒜香黃金皮蛋（$42）
最快上到嚟嘅，都幾靚幾Fresh，又黃又綠又紅，又有啲芝麻鋪上面去點綴下，都幾開胃嘅。啲皮蛋並唔係全熟，最中間頂頂嗰度會有少少溏心，介意的話一定要事前同佢哋講啊！不過我係覺得幾滑，同啲蒜蓉match得好好，食落好似喺條脷上面融化咗咁👍🏻
🔻
2. 流口水臭豆腐（$48）
聞上去係的確有淡淡臭味。呢啲嘢梗係要趁熱食，一咬落去就外脆內軟，冇誇張，真係「刮辣」一聲。而入面係蜂巢形狀嘅，個樣好似豆卜咁樣。隨碟都有甜醬辣醬，而上面嗰啲碎鹹鹹地脆脆地，都幾過癮的。
🔻
3. 嫩滑少骨江圍魚（$298）
我同枱嗰個唔太食得辣，但又人小膽大，叫咗個小辣大麻。一上到枱勁大條，有手掌到手臂咁長，上面鋪滿芫荽，跟住之後就係滿滿嘅花椒同辣椒，十分過癮。
條魚非常滑，以為咁大條會好似酒樓嗰啲魚咁，可能會鞋鞋地，但食落有驚喜，尤其是係個魚肚，好似食緊花膠咁，會jam住個口，配埋啲麻辣汁真係頂癮。但提提你會越食越辣㗎！
個姐姐捧咗上嚟之後，就擺咗上個爐到，叫我哋滾左再食，2分鐘都唔使。我覺得都幾貼心，因為舖頭嘅冷氣都比較凍，如果就咁擺喺度都會凍哂，咁個爐就可以俾你一直keep住保溫。
🔻
4. 藍妹
食呢啲點少得啤酒，佢啱啱好做緊第二支半價，兩支夾埋都係$87，大大杯！飲到對面嗰個塊面紅晒，返屋企嘅時候大家都wing wing地添啊。🤤
🔻
間隔裝修都舒服，嘢食都唔錯，又唔貴，所以好適合成班friend嚟食，極推👍🏻
張貼
