辣宴

營業中

休息中

發現旺角有間新開的川菜湘菜餐廳，樓下有個姐姐派傳單拉我哋上去，鐘意食辣嘅我哋貪新鮮去試下先😍 一走進店門，頓時感受到濃濃的熱鬧氣氛，寬敞明亮的空間唔錯👍🏻 菜單上的選擇多到讓人眼花撩亂，揀食咩都揀咗一陣😆首先有口水雞，皮脆肉嫩，咬下去就是一股豐富的鮮香辣味。大盤手撕包菜也是一絕，脆爽鮮甜的包菜混合著肉片，佢個調味好得！好惹味！還點了份金湯酸菜魚，這份量太多了吧，酸辣爽口的湯頭，配上鮮嫩可口又大片的魚肉，簡直超抵吃！最後滷水拼盤更是讓我驚喜😍 精心熬製的滷汁，浸泡出了豬手、雞腎、豬肚、豆腐的原汁原味，味道不會太咸剛剛好👍🏻👍🏻所有食物都可以揀辣度大小，真是不錯！

辣宴 - 旺角今日去旺角豉油街波鞋街行街街 順便食晚餐 突然辣癮起所以去咗呢間辣宴到試試 一上到餐廳門面好特別 好似去咗古代客棧咁老醋海蜇 酸酸地又爽口 作為前菜開下胃農家大盤有機花菜 花菜同鹹肉炒埋一齊 好有鑊氣川香辣子雞 雞粒斬件炸香 再用乾椒伴炒 送啤酒一流XO醬臘味石鍋飯 呢個飯好有驚喜 每一粒米都粒粒分明 包裹滿臘味嘅油脂 石鍋飯仲有飯焦 非常香口又飽肚而家仲有小食送 鹵水拼盤 有豬手 豆腐 牛肚 雞腎青島32蚊一大支 仲有買二送一 成個冰桶上 夠曬冰凍又抵飲埋單500蚊有找辣宴旺角豉油街50號富達大廈1樓A號舖2489 8899

收工又和Foo去了食川菜，麻辣的口感，會令人不自覺地越食越辣，越食越多。再加杯凍飲，「爽」了吧！辣宴是新開的川菜館，地方超大，又有電腦看，裝修擺設視藝佈局全部都好有地道特色。落單上菜速度都好快，有效率。人均消費$214左右。特價烤魚（青江魚）$188重慶麻辣烤活魚原本要$298，見特價$188，一於叫來食。果然不負所望，一大條，已開邊的青江魚就在眼前。魚都頗大條，又有很多配料，例如薯仔條、魔芋丶洋蔥、芽菜、花生、西芹、豆皮等等，賣相都幾澎湃。肉質嫩滑，不感腥味。重慶口水雞$68冷盤小食，但份量都算多。鮮紅辣油，未食先興奮。雞控必試。清炒萵笋絲$68有鑊氣，夠火喉。每條粗幼相若。清爽翠綠，健康菜式。白飯$12一碗王老吉$16可樂$15

有個不能吃辣的人說我昨晚吃辣不叫😦所以決定今晚讓他吃個夠😂找來了這間在旺角的辣宴～雖然某人在就只能叫小辣，但看名字阿婆還是十分的期待🤭滿滿的小辣椒粒，加熱後更香更辣♥️黃牛肉味濃郁，肉質脆嫩不乾柴🌟味道正宗♥️肥腸有先過油，迫出了大部分油脂，減低了罪惡感～很有嚼頭而且乾爽不油膩🌟乾辣椒不辣但很香～調味適中不咸♥️配飯很合適👍🏻每次吃川湘菜都點的大盤花菜～和乾鍋一樣惹味十足，配上五花肉片的肉香～葷素搭配，肉嫩菜爽～愈吃愈順口♥️蛋花絲又美又香🌟臘腸碎和飯粒一齊加上醬油在石鍋中邊加熱邊拌，入口很香的臘腸香氣，米飯粒粒分明，滿滿的醬油香，很好吃♥️阿婆不自覺地吃了兩碗🙈

一個特別想吃辣的日子，我和友人走在旺角路中心時，被一間紅紅的招牌吸引住了，我們決定進去解決晚飯 餐廳滿滿的中國文化氣息，位置寬敞舒服，十分有風味。現時還有一碟鹵味送。烤魚 $188正在做特價，這個價格對於一整條魚來說非常吸引，我們選擇了麻辣BB辣口味，上桌的時候，青江魚開邊處理，兩邊無論魚肉和魚皮都是被煎得卜卜脆，金黃誘人，發出脆脆的聲音，當我們咬下去時，卻驚喜地發現內裡的魚肉卻是軟綿綿的，肉質細膩，鮮嫩可口，幾乎沒有刺，一點也不乾柴，入口即化，並且一點也沒有腥味。而辣味也是剛剛好，我們不太能吃辣也能接受，讓人欲罷不能，辣椒和香料的結合帶來濃郁的辣味，還有大量配菜，豆皮，蓮藕等等，最喜愛豆皮，完全吸收了湯汁精華，越吃越過隱。涼拌土豆絲 $38冰冰涼涼的土豆絲切得非常細緻，每一根土豆絲都沾滿了麻辣醬汁，微微辣辣的滋味，清爽又開胃。農家小魚蝦 $88小魚小蝦是主要食材，每一條魚蝦都炸得香脆，每一口咬下去，都十分有河鮮味道，搭配上大量的辣椒和香料，口感豐富多樣，令人愛不釋口。大杯檸賓 $38 和 大杯咸檸7 $42吃辣是不少得清爽飲品，這裡都是大大杯，非常貼心，兩款飲品都帶有濃郁的檸檬香氣，

在地鐵站附近非常就腳的重慶四川麻辣餐廳，地方好廣闊，裝修就非常明顯的中國特色。每台一坐低就有一盒紙巾，不過原來是要收$3的。【金沙鮮魷】脆皮又點硬，鹹蛋黃香味濃郁，魷魚都幾爽口，份量就不算多，兩個人都不太夠吃。【肥腸雞煲】等了一個鐘才上菜，原來是廚房裏機紙沒有了，我們的單都沒有編出來，所以一直漏單。不過店員笑容滿面，而且十分好禮貌，所以條氣順了很多！肥腸份量很多，雞件又新鮮惹味，半隻雞的份量應該夠三個人吃，不是太吃得辣的建議選BB辣。【小饅頭】饅頭炸得金黃香脆，沾着甜奶吃可以解辣。

今日係旺角行街見到呢間川湘農家菜幾吸引，一進門就聞到濃郁的辣椒香氣，令人食慾大增。餐廳環境寬敞，裝潢以大紅色為主調，紅噹噹的佈置特別醒神。入座後，店員免費送上一碟滷水拼盤，滷味純厚，鮮香可口。重慶口水雞 $68雞肉鮮嫩多汁，配上獨特嘅香料炮製，味道十分濃郁，好惹味。金湯老壇酸菜魚 $238 (例牌)主角出場，想食酸菜魚好耐啦～湯頭又香又酸又麻，起骨魚肉切片，魚肉大大片肉質嫩滑，用料確實豐富，有多款配料吸哂湯汁，薯粉吸收了湯的精華特別入味，非常開胃。黃金小饅頭 $58熱辣辣炸起，一個個金黃色的小饅頭入口好酥脆，配搭甜甜的煉奶，食到停唔到口～

今晚約了朋友在旺角吃晚飯，想起辣辣的川菜，特別開胃，於是選了豉油街的「辣宴」。餐廳在一樓，面積不小，門前裝飾得古色古香，有個趣緻的流水擺設，很特色。裏面掛上川劇變臉的面譜，木雕座椅，一派四川風格。餐牌上有多款川湘菜式選擇，也可自選辣度。“牛肉餡餅”，新鮮即製，外皮鬆化香口，內餡牛肉味道濃郁，一啖之中，獲得雙重口感。“涼拌青瓜”，辣椒配青瓜，微辣而爽脆的青瓜，份外可口。“臘味石鍋飯”，原鍋上枱，熱焫焫，香噴噴，上面蓋滿炸蛋絲，飯中有臘腸，米粒分明，爽口彈牙，味道濃郁，食到不能停口。“奇味雞煲”，雖然只是半隻，但雞件不少。原鍋滾住食，散發出陣陣四川香料的味道，雞肉特別入味，微辣醒胃，啖啖滋味。這裏環境、氣氛不錯，菜式選擇多，味道香辣得宜，是食川菜的好去處。

在旺角搵到一間川味小館。我同家人都好喜歡食酸菜魚。所以就是衝住酸菜魚而來😋✪ 金湯酸菜魚叫了個例牌的金湯酸菜魚搭配上香噴噴的白飯。當盤子端上桌時，金湯的香氣撲鼻而來。第一啖入口，有酸辣味帶著微妙的麻感，口感豐富。搭配著白飯，能中和辣味，使整道菜更加均衡。✪ 酸辣土豆絲酸辣土豆絲賣相很好。土豆絲炒得脆嫩。咬落清脆的口感。帶來一種麻辣鮮香的味道。辣度適中，刺激但不過分，非常惹味。✪ 大杯檸檬七一杯「大杯檸檬七」很巨，帶來清新味道，非常解渴。【 辣宴 】📌旺角豉油街50號富達大廈1樓A號舖

本來想去花園街食辣野，不過餐廳執咗。經過呢間上一層，諗應該少啲人。入面寬敞，職員有禮。叫左個水煮魚。午市一人餐㴝講，份量唔細。夠大碗。職員話小心滾。魚係盧魚，唔係嗰啲cheap龍利。試過去有啲餐廳午市水煮魚係肉散假龍利（有報道叫人唔好食）。$58包熱飲無加一。份量足。味道唔錯。座位寬敞。會再去試其他。

我們約下午1:00落單，等上菜超過30分鐘，多次催促仍然沒有改善，員工也是敷衍回應，員工人數（樓面連同廚房）未能應付大量客人，食物質素一般，奶茶和咖啡的味道也怪怪的，不建議午市用膳

琴日黃昏時間經過旺角，突然好想食辣野就係旺角行下睇下有咩食咁啱行過見到間叫辣宴既餐廳見佢128蚊 半隻雞煲 好似都幾抵食 就走左上去樓上試下 門面裝修都係中國風 客人唔算多 一半左右因為唔知佢辣度有幾辣 所以就叫左個中辣既半隻奇味雞煲雞煲味道唔錯 而家肉量都幾足 唔會骨多過肉份量啱啱好兩個人 辣度方面 如果鐘意食辣野既朋友 可以食再辣d 另外再叫左個涼拌土豆絲 都係中辣土豆絲幾好味 不過建議大家食之前 再撈下佢 因為D辣油大部部沉晒係底 再撈下咁就可以平均翻d辣味餐廳門口 有3種免費飲品 冰水 不知名非鮮榨橙汁 同埋 酸梅湯 當然 免費野就未必好野 飲唔飲就自行決定 餐廳每枱亦有提供熱茶飲用既總括黎講 食物質素係唔錯既 裝修乾淨企理鐘意食辣既朋友都可以去試下

香港人越食越辣，旺角又有新開食辣專門店。旺角女人街附近轉角位樓上一樓，入內已經聞到香噴噴嘅麻味辣味......，地方闊落，坐得舒適，店員都好友善，樂意為食客講解餐牌。麻辣雞絲涼麵~早前於國內旅行，在重慶食過呢款涼麵，這陣子香港天氣好悶熱，好啱食呢款涼菜，這個味道好惹味，麵質舊爽口。金湯老壇酸菜魚~香港越嚟越多食店可以食到酸菜魚，呢度嘅金湯唔錯，加入螺絲粉，味道比較獨特，片片魚柳啖啖軟滑，越食越滋味。川香辣子雞(bb辣)~見到隔離枱食，又香又辣非常可口，紅卜卜嘅辣椒顏色好吸引，令人更加開胃。點咗兩杯特大特飲，特大杯檸茶&特大杯檸賓~估你唔到最少應該有一公升，食辣就一定要搵消暑解辣嘅凍飲啦。。

去辣宴食午餐同事話幾抵食，所以去試吓附上Menu一份，午餐係唔需要+1嘅同同事不約而同點左酸菜魚飯同埋叫咗碟夫妻肺片小食先講吓個酸菜魚個湯OK嘅，係金湯嚟，而且都幾好味不過啲魚切得太厚，所以煮得耐左，而且有骨，又好鞋唔知點咁淨係啲魚有骨，同埋好鞋已經扣晒分個湯點好味都冇用啦個小食一般般，都係麻辣夫妻沸片咁不過就唔係太入味好似啲辣醬後來浸住佢咁（唔識形容）見到隔籬枱啲炒粉麵全部都好大碟，本來諗住不如下次試吓炒嘢，但係我覺得應該都唔會下次再嚟嚕

這天晚上我約了朋友在旺角吃晚飯，經過家人的推薦，我們便決定來到這間川菜餐廳試一試，環境十分寬敞和清潔衛生，店內座位與座位之間有一定的空間，非常舒適農夫烤活魚青江魚($298)我們選擇了蒜香的味道，大量的炸蒜頭，豆芽爽口微彈，金菇煙韌，瓜濕潤順口，豬紅稔香軟彈，蘿蔔香稔軟嫩，腐皮條軟彈煙韌，青江魚嫩滑細密，非常新鮮，非常大條，爽口涼拌青瓜($46)用蒜頭，芫荽做陪襯，青瓜爽口微彈，十分新鮮，切到細細粒，很易入口，味道酸酸甜甜，令人非常開胃整體來說，食物的質素非常高，食物的份量非常多，食物的選擇非常多，食物的用料非常新鮮，食物的賣相非常吸引，食物的定價相對合理，而店員亦有良好的服務態度和積極，所以我認為這間餐廳是值得再去惠顧