越風味地道越南料理

營業中

休息中

今日開完O.T.路經旺角砵蘭街，見到間新開主打越南料理的小店，叫越風味地道越南料理。見到店內多食客，我又好肚餓，便决定幫襯下。入到店內，老板熱情招呼，介紹各種招牌菜。我見到好多食客都叫越風味牙車快，未試過便叫了一份試下。牙車快原來是雞絲沙律，有雞絲，花生，青瓜，椰菜絲等，入口清爽，有營美味，正!鮮茄蟹肉扎肉湯檬都好美味，湯酸甜開胃，檬香滑，加埋鮮甜的蟹肉，鮮蝦，扎肉，肉碎，豆卜和特色香料，食落開胃有風味，推介!芒果軟殼蟹米紙卷即叫即製，軟殼蟹香脆，和酸甜的芒果，青瓜，紅蘿蔔絲及米紙一起吃充滿層次和口感，鮮味，值得一試。用新鮮芒果打出來的芒果沙冰真材實料，好有鮮芒果味，令人回味。辛苦搵嚟自在食，今餐吃得很滿足，下次再來試其他菜式。

旺角新開業正宗Vietnamese cuisine越南🇻🇳菜👍🏻同家人經過見到新開 光猛， 即刻入去試吓一坐低睇吓menu, 比我想像中選擇非常之多相比其他越南餐廳。選擇真的多很多連軟殼蟹撈檬粉都有👌非常之特別叫左好多野食 店員推薦店內特色沙律🥗叫做「越風味牙車快」，味道有驚喜，沙律下邊仲有超大塊嘅炸蝦餅，芝麻味道加埋一齊食真係好正呢係手撕雞配上特別嘅醬汁少少辣同埋酸，好香 越食越想食👍🏻！自家春捲外脆內香，炸過色澤金黃👍🏼，入口極鬆脆呢！重要好大條 比坊間大好多呢另外推介椰汁飲品，超級香濃呀！椰香味好足夠👍🏻好滿足既一餐 ， 價錢都合理，晚餐$300 左右非常豐富🫶🏻位置都方便， 會再次回顧既餐廳👍🏻

同同事出去食晏 兜嚟兜去都唔知食乜好 這家越南餐廳老闆超好的 不停講解及介紹佢哋餐廳有咩特色美食 於是我哋就揀咗呢間餐廳食喇 以下所點嘅嘢食全部都係老闆介紹嘅特色正宗越南美食河內生牛肉湯河$56 食越南河最緊要個湯底湯底用鮮牛骨淆製 沒有味精 清澈鮮甜 食完唔口渴牛肉生熟程度剛剛好 肉質細嫩 吾嚡口素食火車頭湯河$88 多種以素菜仿製肉食 仿肉製品做得很吸引 有肉丸.扎肉.鮮蝦等等…口感方面亦同真肉相近 食落真係有驚喜湯麵隨個人喜好可選擇河粉或檬粉午市及下午茶追加小食11:30-17:30有優惠手打墨魚餅$36 墨魚餅真材實料 真係有粒粒墨魚在內 味道很鮮 質感爽口 紮實又彈牙 煎至兩邊金黃香脆 非常香口手工春捲$28 全人手製作餡料非常豐富 有冬菇絲 肉絲 芋頭 甘筍…即叫即炸上枱嘅時候仲係熱辣辣 個春捲皮脆到不得了 好似食緊薯片咁海防香葉豬肉丸$22 這款小吃非常難得 遇見了必定要吃 是越南空運到港 經常缺貨 老闆話香葉好難買 好難搵 好少地方可以食到 今次都係我第一次食 口感好好 香葉味道獨特 內裏包住嘅豬肉好彈牙 極具越南特色芒果沙冰$38 超好飲嘅芒果沙冰 真係用咗半個新鮮芒

剛開始秋風起同朋友相約去南丫島榕樹灣行一行, 因為平時壓力工作大都要假期唞一唞吸下新鮮空氣！去完行山行埋街市去埋酒店Lounge happy hour係時候都要依一依個肚, 行完山當然胃口大開...朋友介紹砵蘭街開咗間新嘅越南風味嘅越南料理, 話之前食過好好味介紹咗好多朋友, 佢本身係一個freelance廚師, 好鍾意整嘢食, 佢介紹得到我諗一定唔會太差！於是乎我就跟佢行一趟, 餐牌都有好多粉麵同飯食餐廳都好大可以容納到十幾二十人, 我揀咗一碗豬頸肉牛骨湯河粉, 加多一杯我非常嘅至愛芒果沙冰, 而我朋友就叫咗個鮮茄蟹肉扎肉湯檬同埋一杯熱嘅龍眼紅棗杞子茶...我要求侍應攞啲泰式醬畀我, 而佢哋就冇呢樣醬而畀咗一碟蝦餅汁我去點, 有啲酸酸甜甜, 加埋啲豬頸肉有啲開胃嘅感覺, 啲豬頸肉大大塊但如果啲豬頸肉係燒出嚟咁就更加和味, 而芒果沙冰打出嚟好似奶昔咁打到溶曬已經冇冰更加好好飲！而我朋友嗰叫嘅鮮茄蟹肉扎肉湯檬, 就成隻蟹腳畀你食, 我朋友都食得好酸辣加埋啲香草同埋紅椒更加覺得惹味可口, 我朋友年紀細細, 但都好識得補身, 佢話龍眼潤肺同對眼好, 所以叫咗啲滋潤嘅飲品, 老闆好好人, 見我