越風味地道越南料理

營業中

休息中

今日同男朋友響朗豪坊睇完戲，諗住慢慢行返屋企附近嗰頭食晚餐，點知唔覺意行過呢間新開嘅餐廳，見到晚餐時段都只係50幾蚊一碗生牛肉湯河，好似幾抵食咁，就一於試吓~ 其實都有諗過買外賣食，因為8折完姐係$40幾蚊就搞掂一個晚餐，真係平到笑不過男朋友話好肚餓，加上堂食點都新鮮過外賣，咁就堂食算啦~ 可能因為新裝修嘅關係，地方好新淨乾淨，位置闊落唔算逼夾，環境都十分光猛~ 我哋嗌咗四樣野食: 串燒拼盤，生牛肉河，豬頸肉撈檬同椰青，全部味道都唔錯，份量都幾大，就算大食嘅男仔食一碗都一定夠飽，所以我哋食三樣野係勁飽總括嚟講雖然地點唔算非常近附近嘅商場，不過響旺角同油麻地中間都尚算方便，如果食厭咗商場野食，行過都不妨一試呢間算係性價比幾高嘅越南菜

旺角越南小店，同朋友行行吓街覺得攰就隨機入咗一間越南嘢，一直覺得越南嘢食好夜魅，今次就試試啲小店。餐廳環境簡樸光猛餐牌選擇好多，基本上你腦海中諗到嘅越南嘢，呢度都有。我就叫咗個蝦餅撈檬，醬汁偏淡，如果你係崇尚健康口味嘅人，應該會幾鍾意。朋友仔叫就叫咗個雞扒太陽蛋飯，望落去都靚靚囝囝，雞扒都大塊滑嫩。另外我哋仲單獨叫咗個香茅豬扒小食， size同碟飯嘅雞扒差唔多大。質感上就雞扒更勝一籌。我哋仲叫咗個芒果軟殼蟹紙米卷，原來佢裏面嘅粉絲、菜、紅蘿蔔同撈檬嘅材料係一樣🤣雖然撞機，不過佢嘅芒果好甜，軟殼蟹都脆口新鮮，紙米卷嘅皮煙韌有味道，毋庸置疑係今日嘅首選！埋單兩個人250 ，正常價～～～

隱世正宗越南菜🌸蕃茄蟹肉香葉燒肉卷湯“Banh Da”粉$82⭐️⭐️⭐️⭐️⭐️超香濃蕃茄湯，配搭鮮甜炸蟹腳、越南扎肉、索爆汁既豆卜、嫩滑豬肉球仲有超好味香葉燒肉卷。Banh Da粉其實係有蟹肉成份黎整，係健康既粉類，傻婆T食落既感覺覺得好滑，口感有點似金邊粉。這款粉超索湯，食晒之後餘下好少湯汁。🌸越風味珍寶火車頭湯檬$88⭐️⭐️⭐️⭐️⭐️材料非常豐富，有半肥瘦牛腩而且嫩滑唔癡牙、超濃郁重牛味既牛丸、半生熟牛肉同樣重牛味、還有越南扎肉。配搭越南檬粉，粉質可口彈牙，跟平常檬粉不一樣，這款口感有點似廣東米粉。湯底清甜帶點微辣，飲完一啖都想再飲。🌸越風味香茅豬頸肉$68⭐️⭐️⭐️⭐️⭐️外脆內嫩，會見到肉質有粉紅色而且十分juicy🌸龍眼紅棗杞子茶(跟粉麵半價優惠)⭐️⭐️⭐️⭐️⭐️甜度適中，非常滋潤，內裡有數粉飽滿龍眼肉及去核紅棗，還有些杞子。🌸自家煲椰汁珍多冰 (跟粉麵半價優惠)⭐️⭐️⭐️⭐️⭐️超香濃椰汁，甜品適中，珍多冰幼滑。=========詳情==========越風味地道越南料理 (旺角)旺角砵蘭街108號地舖=======================#yummy #香港美食指南 #香港美食 #hkfoodi

前排先同朋友講起之前去越南旅行啲野，今日同佢出街就見到大大間越南餐廳，人諗有無咁橋呀見咁有緣就二話不說入左去試下，順便緬懷下之前既旅行餐廳環境唔錯，地方好闊落光猛，坐得好舒服望下menu，仲唔到呢到都幾多野食揀，連塊越南必食既法包都有睇見就諗起我地個時一日一法包咁食不過今次我地就無叫法包，想試下第二啲野食咖哩雞排飯，飯粒食得出係用返東南亞米，係咪越南就唔敢講但係偏向乾身既。咖哩有少少辣，雞扒就夠嫩滑一啲都唔鞋，唔錯豬頸肉沙律，呢個超級驚喜沙律加入左平時食檬粉個啲湯，變相好似食緊檬粉咁，但其實係青瓜同蘿蔔絲，酸酸甜甜勁開胃，食到停唔到口芒果軟殼蟹米紙卷，芒果軟身多汁夠晒甜，配上脆卜卜軟殼蟹好夾蝦餅，望落去似係炸過但食落係軟身，蝦味濃郁好好食！

旺角真係好多野食，今次搵到呢間係食越南野，都好多野食簡架，而且老闆好好人，又會推介下有咩好食。呢到上菜都好快，叫完冇耐就黎曬，店員仲好好會主動問我地要唔要碗分黎食。主食叫左個香茅豬扒配河粉，個湯係牛骨湯，仲可以轉濛粉。香茅豬扒另上，煎到好似有少少炸既口味，表面係有少少脆，而且好入味。湯底都好好味，豬扒份量好多，本身會切定比你，唔洗自己落手。芒果軟殼蟹米紙卷，芒果好甜，軟殼蟹好多，而且唔會擺到淋曬，食落仲係脆架! 米紙卷大到大啖食唔曬，要分開食。蝦餅都好好食，好香口。野飲就叫左凍越式咖啡同椰青，椰青大大個又清甜，仲有好多肉食! 價錢都好抵食!

呢間越南餐廳係信和對面，行過去都唔使5分鐘環境整潔光猛😌咖啡軟殻蟹飯咖哩份量都唔細👍🏻👍🏻👍🏻少少辣，好夠香另外仲叫咗個鮮蝦米紙卷同出面唔同，出面好多一夾就散佢卷得好實，咬完兩啖都唔會跌哂出嚟老闆好好人，介紹我地試吓點沙律醬又唔錯喎～酸酸甜甜幾特別有機會嚟都可以主動問佢地拎沙律醬佢地唔會驚訝，仲覺得你識食😎新鮮椰青係滿滿嘅椰青水啊～好清甜好舒服😌我連肉都唔放過放心，真係新鮮一手椰青🤣

去開旺角行街，行到甘上下要食晚飯，朋友話想食健康小小，唔食油膩野，誤打誤撞之後嚟咗越風味食越南菜。首先是有一個鮮蝦米紙卷，都包得幾大嚿，配料好足，而且一嚿入邊有兩隻蝦添！牙車快沙律：越式沙律配獨有既花生同醬又幾夾，一食就上癮。雞絲湯矇：湯底十分濃郁，但唔會太咸，值得一讚。與其話係雞絲，叫雞肉會貼切啲，啖啖肉而且好滑。雞扒蛋飯：雞扒好大塊，煮得唔錯，唔會乾爭爭，而且好大碟飯，抵食呀！如果下次黎旺角，會再黎幫襯！

呢間越南餐廳都有好多唔同種類食物，價錢親民，新裝修，所以環境都幾乾淨企理。越風味珍實火車頭湯河/檬（2位用） $118食越南野梗係要叫越南河，雖然影相睇落去唔係好大碗，但真實係超級大碗。湯底清甜，配料有軟熟嘅生牛肉、牛丸、牛腩、扎肉和蘿蔔。越風味香茅豬扒 $22 午市及下午茶追加小食 ( 11:30-17:30 )香茅豬扒炸得好出色，外脆內軟，香脆之餘入口仲有啖啖香茅味。越風味濱海串燒拼盤 $98串燒分別有雞、牛和豬各兩串，配有秘製醬汁可沾上串燒一齊食。但小編覺得不沾也可以，本身串燒都醃得入味。熱柚子蜜熱菜蜜兩個人食都幾飽，好滿足呀。餐牌如下。

話說局長最近去完越南公幹對PHO念念不忘 決心要係香港食返越南既味道見到哩間越風味入面坐滿哂人 味道應該非常有保證一於試下佢都好企理 而且有D越南ELEMENT係度 令到局長掛住越南了非常之多選擇 但局長都講過我今日黎係要食PHO, 所以我就揀PHO!上到黎嚇親局長 點解會嚇親?因為係勁大碗 你望下隔離個細碗同PHO比係成個洗面盤咁大 局長感動到落淚但份量 就好似民望咁唔係話越大就越好既味道先係重點! 但可以話比大家知佢味道都係一流大家見到個牛骨湯底 係非常之清我講緊清既意思係 佢好純粹既牛骨味唔會好油 唔會有其他添加既味道係清一色係鮮甜既牛味 心機野黎局長飲哂個湯(爭D)然後麵底亦都揀得好好 我食到最後都唔會淋哂你諗下WO 咁大碗 去到最後都唔會淋哂就知佢揀麵底係揀得唔錯牛肉絕對唔係用CHEAP牛肉有肉味 而且係幾嫩口 牛丸一睇就知係心機野同你係出面食到果D牛丸係唔同佢係爆汁 有好濃肉味 彈牙仲有札肉果D 都係唔錯!越式小食拼盤炸物熱辣辣 魚餅蝦餅彈牙 有鮮味春卷係必食! 建議散叫一份春卷勁足料 爆哂出黎 好味!珍多冰! 好飲OVERALL哩間野比我到99.21分無100分係因為要留

入到去個店主好friendly 主動問我哋想食咩又介紹我地食咩好！最後我哋2個人叫咗2碗粉加1個芽車快同沙冰🤭埋單啱啱好$250!!性價比非常高😙蕃茄蟹肉香葉卷babn da粉 $82Babn da粉係越南粉黎，個樣有啲似粗麵但食落就無咁硬嘅！店主話係越南先有㗎，特登買！一上菜，店員提我地要快啲撈下先，否則會變麵餅🤣我反而好鐘意個蕃茄湯，好香好濃蕃茄味好開胃，個蟹肉係一隻蟹腳，啖啖肉🤩用油泡過好香口好脆！牙車快 $68勁吸晴！賣相好得咼！好大碟！勁多雞肉同青木瓜好refreshing!!我就覺得有啲辣嘅，不過好彩有杯沙冰中和下🤣香茅雞扒湯檬 $62有一大塊雞扒，好夠味！煎得好香口！湯檬勁勁大碗，湯底似胡椒湯！牛油果沙冰 $38好大杯🤣🤣🤣夠哂凍，飲到食完餐飯都仲有得飲！不過有略略覺得甜甜地，牛油果味唔算好重🤣不過解辣就啱哂！！下次會試吓佢地自家制飲品😍😍

路過旺角，見有間越風味地道越南料理，環境清雅又干淨，位闊好坐。喜歡吃越南風味菜我就迫不及待地進去了。點了個香茅豬徑肉捞檬 $68豬徑肉脆而唔燶，香茅味重惹味。檬粉是越南米粉,口感爽滑。最精華係湯底的調製清甜又香又開胃。經濟又好食。下次一定再同朋友來幫襯，咁就可以叫多d特色款式

早前同媽媽去旺角行街行到有啲攰，見到呢間越南菜舖頭細細地，但係見到出面嘅Menu 款式多，而且價錢經濟實惠見到仲做緊外賣有八折，非常抵👍🏻Menu如下：有飯有湯面有撈檬有炒飯，有炒粉/飯，仲有多種類嘅小菜揀，越南菜黎講款式都算多叫咗個香茅雞翼牛骨湯檬本身諗住撈檬嘅，不過又想飲啲湯熱熱地嘅嘢暖下胃，所以就嗌咗湯檬杯面上到黎大大杯，不過麵份量不算多，湯底牛骨味濃😋😋好飲香茅雞翼炸得好食😎4隻份量都算多😊另外叫左個豬頸肉湯檬，豬頸肉嘅份量非常多，口感都幾脆😋😋見呢個小食拼盤幾吸引😋😋所以叫左個黎食，有春卷、扎肉、墨魚餅、蒸粉包. 個碟都有啲似越南嗰啲帽，好有越南風味。蒸粉包有啲似酒樓嗰啲粉果，餡料同春卷差唔多，有蘿蔔絲、木耳絲、豬肉碎，個人覺得配合春卷脆硬既外皮黎食更好味個餐包嘢飲㗎，我哋嗌咗杯熱檸茶，一杯熱西洋菜蜜買單免收+1 ，經濟實惠，上菜速度快，味道好味，會再encore

好耐冇食越南野，心血來潮想食春卷牛肉河咁，同fd 子係油麻地搵到間抵食嘅越南菜，係旺角同油麻地中間嘅砵蘭街近登打士街，叫越風味地道越南料理，餐廳環境舒適買四正正，食物價錢好親民，我哋叫咗個 越風味小食併盤，咖喱軟殼蟹飯同香茅豬頸肉沙律。香茅豬頸肉沙律，大碟仲有埋大蝦，味道酸酸甜甜，豬頸肉咬落唔un ，好淋身咖喱軟殼蟹飯，咖喱都大碗，2個人share 食，份量剛剛好，軟殼蟹都有一隻，炸得好脆口，咖喱味道唔太辣，偏向青咖喱嘅味道併盤有炸墨魚餅，炸魚餅，春卷，蒸粉包，扎肉，墨食餅出面越南餐廳好少有，每樣小食都好好食最後仲叫咗兩杯鮮榨芒果沙冰 同菠蘿沙冰，沙冰飲落口感好細滑，味道好清新，唔太甜沙冰係跟主食+$25 就可以飲到，抵讚

新年前 周圍都咁多人 晚上係旺角做完野 係砵蘭街搵食 咁岩好耐冇食過越南野就試下 同朋友叫左一人一個主食 同一個小食share 蕃茄蟹肉香葉燒肉湯 Benh Da粉店員話Benh Da粉係粗少少既粉 但比平時食開既煙靭少少黎到好多料 扎肉 肉丸 豆卜 最有驚喜既係蟹肉係真蟹肉 連蟹腳個種配埋番茄湯 好甜 Benh Da粉我覺得似粗麵 同番茄湯都夾越風味珍寶火車頭湯檬 朋友叫既火車頭 都好大碗 好足料 湯頭雖然同番茄湯原全唔同 但都好甜 牛肉都勁嫩蒜蓉牛油雞翼食越南既必點 鐘意佢外面炸到好脆之餘食落又會好香牛油味 呢到都做到 叫主食可以半價加飲品 叫左杯熱檬茶解膩 又係滿足既一餐

係旺角行完街，女朋友剔起條根想食越南野，即刻openrice 下邊到有好食既越南野，見呢間食評不錯就黎左試試佢環境係不錯既，屬於男士既櫈都坐得舒服，唔會係好硬既木櫈，亦唔係面好細既斯文櫈叫左個咖喱炸軟殼蟹飯，小食拼盤，豬頸肉沙律個咖喱汁咖哩味唔濃，偏椰奶味，冇咩咖哩香味，個人偏向日式咖喱，薯仔唔夠淋，但個炸軟殼蟹係出色既，放左入咖哩汁到都仲係脆口，唔會有個油氣味，so nice，飯就略硬。小食拼盤好食既，其中個蒸粉包好既，有點似厚少少既腸粉皮包住d肉咁既，係少見既，但好食呢間既豬頸肉沙律係驚喜既大碟，好多肉，菜類係新鮮清甜，非常好