越蘆越南牛肉粉

營業中

休息中

今日做野去到上環放工後搵個地方食飯見到有間食越南粉嘅餐廳叫越蘆越南牛肉粉餐廳內好闊落又有空位而且仲有lunch menu就入去試吓啦✨生牛肉牛展牛丸湯粉🍜🐮上菜時見到仲係鮮紅色嘅生牛肉🥩好快就俾啲熱辣辣嘅湯淥熟證明餐廳真係提供生牛肉最鐘意湯粉面頭有好多䓤🧅🥬美觀之餘又好有青草味啱晒鐘意食䓤嘅我湯粉會伴隨一小碟辣椒🌶️唔食辣嘅就咪搞佢因為食落真係幾辣😂生牛肉有三大塊🥩唔係全部都係肥膏食落似係牛板腱牛展有兩大塊🥩而且每塊又大又厚成隻手掌咁大食落好淋👍🏻牛丸咬落先有驚喜🤟🏻唔係普通牛丸係有好重牛味嘅牛筋丸湯底鮮甜，飲落唔會鹹食完碗麵都唔會口渴😋✨馬拉盞炒通菜🥬🔥 （+$38）上菜就聞到好香蝦醬味炒得好香食落通菜好掛汁菜唔苦亦冇渣少少微辣感好惹味🌶️而且仲好大碟✨熱滴漏咖啡☕️（+12）餐廳好有誠意地真係上一杯慢慢滴嘅咖啡成餐飯都聞到淡淡咖啡香仲可以睇住杯咖啡慢慢滴落去💧💧好得意杯底有煉奶飲之前將佢跟咖啡搞混可以一嘗滴漏咖啡嘅苦澀同埋煉奶嘅甜兩種味道混合喺個口度真係好享受餐廳環境整潔企理枱面同埋櫈都好乾淨通風亦好充足💨💨食碗熱辣辣嘅生牛肉湯麵都冇流過一滴汗侍應態度親切有禮🥳上菜都有提醒要小心熱對客人

去開上環個邊做野，隨意搵左間越南野食個便飯星期日唔算多人，兩個人都坐到卡位，叫左三樣食物，算得上幾精緻清遠粉包$72粉包外層粉醬順滑Q彈，內餡有香料豬肉碎加雲耳香菜等配料，好清爽傳統越南法包$78越南法包一向系大食妹最愛材料非常豐富，肝醬、扎肉、扎蹄、胡椒豬肉、酸菜、青瓜的配搭味道有層次會安蕃茄蟹檬$88蕃茄湯底濃郁可口，飲到用勁量蕃茄製成的湯底蟹肉、豬肉、蝦肉、扎肉材料唔少，蝦肉丸幾好食話梅鹹桔水$28叫左個滋潤之選，咸咸地幾暖胃

我今日約同好友去位於上環皇后大道西2-12號聯發商業中心地下B號舖的越蘆越南牛肉粉食越南菜，環境舒適，坐得舒服。我點左個 French Beef Fillet Red Rice 法式牛柳粒紅飯 $118，好友點左個 Shredded Chicken & Vietnamese Sausage Cold Vermicelli 雞絲扎肉撈檬 $78；追加小食係 Steamed Rice-pancake 清沅粉包$26，Rice Paper Roll Stuffed with Shrimp 河內傳統蝦卷 $26；餐飲係 Plum Salted Orange water 話梅咸桔水（跟餐）及 Young Coconut 鮮椰青 $28（跟餐）。法式牛柳粒紅飯賣相不錯，牛柳粒香口入味，伴碟的蛋餅好味，送紅飯一流；雞絲扎肉撈檬份量不少，清清涼涼，好適合炎炎夏天的開胃食物；清沅粉包熱辣辣，好好食；河內蝦卷材料新鮮豐富；話梅咸桔水好飲，鮮椰青是我的至愛。

今次黎到上環食越南粉，裝修好有越南情調， 還有大水吧，餐枱寬闊，都好適合傾計生牛肉牛展牛肉丸湯河上枱嘅時候啲湯夠滾，可以把生牛肉淥熟，生牛肉好軟熟，牛展有牛肉有D軟根， 軟熟得黎有口感，牛丸打得好QQ彈，重牛味，啲湯都好清，唔會肥膩順化湯檬順化檬嘅餸有牛展，扎蒂，牛丸和扎肉，扎蒂好特別會有黑椒喺裏面增添口味，扎肉有少少似午餐肉，好軟淋淋，湯底小辣越南素春捲撈檬素春捲有配素醬汁，適合食齋嘅人士，春捲裏面有好多唔同嘅餡料，春卷新鮮炸，好香脆， 最抵仲有生菜，成碗檬粉份量都好多

<越蘆越南牛肉粉> 📍上環🔸越南粉就成日食，越南火鍋又幾過癮🔸咖喱牛腩炆得幾腍 😋越南帽子火鍋 ($228) — 最近減肥決定食少啲醣，食越南野唔想叫一碗粉 🍲 但又想過下癮，所以就轟頂直上越南火鍋 😂😂😂 用牛肉湯底打邊爐又幾過癮喎～ 火鍋配料嘅牛肉、牛丸、扎肉、牛腱足料對得住個價錢，感覺係二人份量，仲會附上生菜同小束嘅越南河粉。咖哩牛腩煲配法包 ($148) — 本身預計一個法包嘅份量，上枱得四片蒜蓉包有啲少 😌 不過減醣的我就覺得唔打緊。牛腩炆得好腍，咖喱熱辣辣食法包都好送口。唔貴又抵食，唔怪得知平日咁多街坊幫襯啦～

呢晚去開上環買野，天氣咁熱好想坐低食啲野、飲杯梳打。即時諗起呢間越蘆，因為都成日嚟，貪佢地方比大，坐得舒服啲，野食又唔錯，價錢仲要唔貴～ 職員又幾好禮貌，每每有客人進店都會主動歡迎，有時又會聽到佢地講byebye。 《 清遠粉包 $72 》 佢每個粉包都幾大個，皮薄餡料飽滿，有豬肉碎、炸蒜片、木耳絲、甘筍絲等等，再加啲越南酸汁仲正～《 生牛肉牛肉丸湯粉 $82 》好大碗，湯底清甜，飲咗都唔渴。 生牛肉有肉味，牛肉丸好彈牙仲好有肉汁！《 薄荷青檸梳打 $28 》 夠晒湖暑，爽呀～

呢晚放工心血來潮好想食越南河粉但公司附近嘅越南餐廳坐得唔舒服放工之後輕輕鬆鬆，當然係想坐得舒服，食得好味我決定直接去上環覓食！呢一間我曾經去過一次，喺我記憶中係好味嘅一於帶埋朋友再訪！佢啲pho幾大碗，所以我哋一碗share食🥘《 生牛肉牛肉丸湯粉 💲82 》牛肉份量好多，有肉味～ 牛丸都好正，每咬一下都爆汁～湯底好好香，我地都有飲～ 🥬 《 馬拉盞炒通菜 💲78 》 啲菜唔老，好有馬拉盞味嘅咸香～ 🧈《 越南素春卷 💲68 》熱辣辣好香脆，中間嘅素餡好飽滿，隨碟附有生菜同洋蔥條，可包住春卷再點酸汁食～🥤《 椰汁珍多冰 💲28 》 ～ 🥥《 椰青 💲42 》 好大個又清甜，份量好多我諗有3杯嘅份量，所以椰肉都好多～～ 服務： 職員對客有禮，上菜亦快～

餐廳：越蘆越南牛肉粉地點：上環皇后大道西菜式：越南牛肉粉餐牌：星期日都有午餐，主菜有湯粉，撈檬，飯類，街頭法包，配飲品4選1。可以追加地道小食，或者加錢要特飲。生牛肉湯粉 $75 另加一生牛肉湯粉大大碗熱辣辣上枱，牛肉幾片，真係粉紅色上枱，肉質都好嫩，唔會太肥。湯粉類可選河粉/檬粉。河粉好幼身，非常嫩滑，配個清清地既牛肉湯好味道。配料有芽菜，洋蔥絲，金不換，蔥條同蔥花，加添口感同味道。香茅豬扒撈檬 $78 另加一香茅豬扒撈檬有大大塊豬扒一切6片，整得外皮脆口，肉都好嫩。下底係多多檬粉，伴有生菜絲，青瓜絲同蘿蔔絲，仲有脆脆同蔥花。可以自己加枱上既魚露，呢度魚露比較辣，好醒胃。順化香茅牛肉伴檬粉 $78 另加一順化香茅牛肉伴檬粉大大碟用碟上，牛肉好多片，熱熱地，食落香茅味十足，肉質夠嫩。檬粉加上蔥花同脆脆，伴有唔少生菜絲同酸蘿蔔絲。會安烤豬頸肉 $38 另加一呢個會安烤豬頸肉係跟餐小食。豬頸肉一客十片左右，熱辣辣上枱，燒得外脆內嫩，好食呀。配另上既酸辣汁更好味。面頭加上脆脆，伴有酸甜蘿蔔絲可解膩。跟餐飲品選擇都唔少，冷熱都得。今餐三杯飲品都唔錯。話梅咸桔水 跟餐話梅咸桔水酸酸甜甜，好重話梅

越蘆越南牛肉粉上環皇後大道西2-12號聯發商業中心地下B號舖經開上環，老友推介地道越南菜，餐廳環境舒適，食材新鮮有驚喜。😸傳統蝦卷配料有海蝦、生菜、青瓜絲、蘿蔔絲，新鮮爽口，米卷皮原汁原味又夠薄。酸酸甜甜的醬汁提升層次，好開胃。😋傳統越南法包配料有肝醬、扎肉、扎蹄、胡椒豬肉、酸菜和青瓜，大廚調配得恰到好處，肉汁豐富，口感煙韌。法包外層香脆，內層鬆軟，推薦！🤤生牛肉牛展牛肉丸湯粉生牛肉新鮮嫩滑，肉汁豐富，牛展口感煙韌，牛肉丸爽口彈牙。面層加了蔥花和香草香氣四溢。湯底鮮甜，可以直接飲用，湯粉爽滑，吃到中段可以加青檸、辣椒提升層次，必食！😻會安蕃茄蟹檬配料的精華融入湯中，有蟹肉、豬肉、蝦丸、扎肉、芫茜和蕃茄，湯底鮮甜惹味，好味道，喜歡蕃茄的朋友不能錯過。😍芒果糯米飯糯米飯口感煙韌，記得趁熱食，撈埋椰汁食好邪惡，芒果香甜爆汁。😚特飲叫咗話梅咸桔水、椰汁珍多冰和鮮椰青，夏天飲消暑解渴，甜度適中，飲完好舒暢。越蘆越南牛肉粉 環境舒適，食材新鮮夠地道，侍應服務態度好，還會再來。😎🤘🏻

呢間越南餐廳食物Ok，價錢略貴都不緊要，但服務態度真係唔得囉，我叫杯野飲講明走甜，落單位女仔無寫，飲第一啖已經有甜味，立刻搵人更換，男侍應話張單無寫叫我照飲，咁既服務下次不會再去

每逢午餐時間已過、而晚餐又預咗要早食嘅話，都傾向嚟個輕食下午茶頂肚。輕食嚟講，呢間越蘆就係其中一個選擇，佢嘅湯河對我嚟講可以話係啱啱好頂肚又唔會太飽。今次食嘅係順化香茅豬扒湯粉配鮮雞湯，豬扒同湯粉係分開上，唔會令到豬扒俾湯浸淋曬，keep到豬扒嘅熱度同香脆口感。豬扒口感非常好，外脆肉嫩，唔鞋唔韌，入口易咬味道好。佢嘅湯粉除左粉外，仲有芽菜、蔥絲、乾蔥同九層塔。精萃係佢嘅湯底，平時我食麵多數唔飲湯，但佢嘅湯係其中一間我會一啖麵一啖湯咁食，而且飲完唔口渴。另外，佢仲有一碟仔嘅辣椒同1/4個青檸跟上，等你可以根據自己喜好調味。飲品方面都算多選擇，今次飲左熱話梅咸桔水，底係柑桔蜜，再加左一個青檸同一粒話梅，酸酸甜甜好醒胃，記得要攪匀先飲。餐廳多卡座位，坐得都算舒適。有一排嘅燈係用越南斗笠做裝飾，但得一排咁多，唔爹唔吊咁。

外賣有分湯，貼心拎到返公司食都好好味05係三拼，牛丸彈牙，牛肉有牛肉味，以前的牛腩就轉左牛展，都好食！午餐時間餐廳好繁忙，到咗先嗌就要等10分鐘左右，最好提前打電話落去嗌定，到左有得攞

食物質素味道不錯，但全店職員服務態度奇差，特別係落單嘅帶眼鏡男侍應及收銀男士！家中長輩只不過問句「唔該請問春卷撈檬有冇得轉湯檬？」「有冇凍奶茶？」帶眼鏡男侍應即答「你睇個menu有冇？有就有，冇就冇！」唔係要求態度要有幾好，但起碼可以有禮貌咁答句「冇」即可，唔使好似鬧翻客人轉頭咁嘅，唔講以為得罪咗佢，收銀男士更連多謝都無句！食物幾好都無用，員工態度如此趕客，永遠不會再幫襯，簡直是比錢買氣受！極度失望，明明早幾年食印象幾好⋯

頭先我在上環越蘆Pho Nhat食午飯，搭枱，對面兩個互相識嘅女仔食飯，其中一個女仔食左2/3碗河粉，仲有1/3，稍停左手，同朋友傾計，點知職員已經埋黎問食完未可否收碗碟。頭先我入座13:11，完全唔洗取票等枱。我唔明啲職員趕乜。剛剛我飲杯野淨返一半又俾人催走，要我搬位！13:36趕我走！出面等枱嘅客少過店內嘅座位！香港人唔幫襯香港食店真係唔係冇原因！我食大快活大家樂都唔會咁俾人趕法！食飯食到一肚氣！貼錢買難受！食大快活大家樂都好過幫襯佢！食唔夠半個鐘已經俾人催趕！13:11入座，13:13落單，13:46埋單。仲有，今日啲飯好削！#係咪吹凍咀嚼吞嚥嘅時間都唔俾？Phở nhất 越蘆

I went there at 545pm and ordered the take away. I ordered from the manager n sit next to the manager counter with my receipt with order number on the table and waited. it was not particularly busy tonight and I wait to 620pm and still no one calling my receipt. So I have to go to the manager n asked about my order, then he brought out my order and said that he didn't noticed me I was there. I have seen that order has been laid there for over 15 mins. I sit next to the manager counter n left my