越蘆越南牛肉粉

營業中

休息中

喺上環水坑口附近的這間越南餐廳，開咗好多年，係區內少有主打地道越南風味嘅老字號。相比起一般越南餐廳，呢度菜式更貼近當地原味，款式多元，下午茶選擇豐富。街頭辣沙甸魚法包 — 麵包外皮鬆脆唔刮口，夾住沙甸魚、肝醬、扎蹄同辣椒，每啖都層次分明。辣椒帶勁但唔會搶味，好有越南街頭小食風味。會安蕃茄蟹檬 — 湯底微酸帶鮮，蟹肉鮮甜，配上扎肉、蝦丸同肉碎，口感豐富，食落清新開胃。生牛肉牛肉丸湯河 — 牛肉薄切，入口即化；牛丸彈牙，湯底清甜有層次，是經典越南湯粉的代表。椰青 — 清甜解渴，飲落自然清香。西貢啤酒 — 口感清爽，配香料味重嘅菜式剛剛好。話梅鹹桔水 — 鹹甜交錯，帶陣陣話梅香，飲完非常解膩。

閨蜜放假，我約她去位於上環皇后大道西2-12號聯發商業中心地下B號舖的《越蘆越南牛肉粉》食下午茶餐，裝修簡潔，富有越式風情。我地點左：🥢主食📍生牛肉牛展牛肉丸湯粉 $78湯底鮮甜，牛肉鮮嫩、牛展有咬口、牛肉丸好彈牙，河粉順滑，口感十分豐富。📍順化香茅牛肉伴檬粉 $68牛肉烹調得香口入味，檬粉幼滑，淋上泰式醬汁，口感不錯。🥢追加小食📍會安烤豬頸肉 $38豬頸肉烤得外脆內嫩，沾上泰式辣醬，好惹味。📍河內傳統蝦卷 $26用米紙捲住蝦、粉絲、蔬菜，配芒果醬（帶少少辣味），清新又好味。🥢飲品：📍鮮椰青 $28 x 2椰青清涼好飲。

呢日嚟咗呢間喺上環嘅越南🇻🇳餐廳諗住食個 early dinner 🤣入到餐廳仲未夠 6pm 仲有「下午茶」咁就嗱嗱聲叫「下午茶餐」🤣$68「順化香茅豬扒湯粉（鮮雞湯）」加 $30「牛肉丸」：「香茅豬扒」分開上，肉質軟熟，外邊仲竟然有少少脆，香口好食🤣；河粉滑脫脫🤣；鮮雞湯底幾鮮甜🤣；另外加嘅牛肉丸幾爽口彈牙🤣$75「咖喱牛腩煲 配 法包🥖」：咖喱汁夠濃滑又唔係好辣，牛腩炆煮得好軟熟，法包🥖沾埋咖喱汁食好好食🤣跟餐加 $38「會安烤豬頸肉」：豬頸肉烤得夠香口🤣跟餐加 $38「馬拉盞炒通菜」：：通菜新鮮幾爽脆，馬拉盞炒味道濃郁幾好食🤣套餐配飲品 加 $8「薄荷青檸梳打」：幾清新🤣套餐配飲品 加 $18「雞蛋咖啡」：越南🇻🇳咖啡味道濃郁，上邊嘅雞蛋成泡沫狀態，又輕身又滑🤣真係高質素嘅「下午茶餐」🤣

今日去咗間越南餐廳🇻🇳 – 越蘆，真係好正宗嘅越南風味呀！居然連鴨仔蛋都有😋 我哋叫咗兩碗粉 生牛肉牛肉丸湯檬粉 同埋生牛肉牛展牛肉丸湯河 🍜🐮！兩碗粉嘅湯底都好清甜，帶有淡淡嘅香茅味，好清新！😌 生牛肉🥩好新鮮，淥一淥就食得，肉質鮮嫩！牛肉丸🐮彈牙爽口，牛展炆得入味，好正！👍🏻 檬粉同河粉嘅口感都好唔同，檬粉比較幼細，河粉就比較粗身，大家可以按自己嘅喜好去選擇！除咗湯粉之外，我哋仲叫咗個「地道鴨仔蛋」🥚🐣！我知道好多朋友仔都唔敢食，但係身為一個Foodie，梗係要挑戰下啦！💪🏻 其實個味道都OK嘅😂 飲品方面，我哋叫咗杯薄荷青檸梳打🌿🍋🍹。酸酸甜甜，非常解渴！👍🏻

之前嚟過呢一間已經覺得幾好食，一直記住咗。咁啱呢日同朋友去上環文娛中心聽中樂演奏，聽完之後差唔多7:30啱啱好大家肚餓就去食飯。朋友話想食越南河粉，我就即時帶佢行前少少去呢一間食啦！《 生牛肉牛展牛肉丸湯河 $88 》個湯底好鮮甜，而且好大碗好足料。牛丸鮑汁爽彈、牛展有膠質、牛肉唔韌，越南河粉滑溜。《 順化香茅豬扒湯粉河 $82 》湯底清甜，香茅豬扒分開上好大塊，肉完全唔乾身而且入味好食，加少少越式酸汁仲提味！《 清沅粉包 $72 》唔係間間越南餐廳都有得食，呢間啲粉包餡料好飽滿，有豬肉碎冬菇粒等等，有調味，落埋酸汁更加惹味。《 凍青檸紅茶 $28 》晚上只有散嗌，如果有dinner set就好啦。*加一服務費*

上環都真係好多好野食，呢日等埋朋友收工，就過黎呢邊一齊食，呢間餐廳係朋友揀嘅，佢話平時lunch都有食，話都幾抵，所以特登同我黎食晚飯等我試下。 餐廳都算大，感覺都幾乾淨舒服，我地點了以下食物： 生牛肉湯河呢款湯底清徹得黎都幾香同鮮甜，河粉吸收了滿滿湯汁很美味，亦可以轉檬粉，生牛肉份量都幾多，而且口感柔軟，肉味香。 峴港手打蝦財蝦肉是手打的，所以爽口彈牙，這種蝦餅和平常吃的蝦餅造型和做法不同，這款類似魚餅，加入了香蔥等等，很香口。 越南蛋餅香茅豬扒飯豬扒，肉質鮮嫩，炸得香口，而且份量都多，廚師已經切好一片片，方便進食。第一次吃這款蛋餅，是有木耳餡的，非常特別，增加了爽口的口感，很美味，蛋味亦很香。 凍香茅鮮橙茶這款茶飲很美味，帶有橙的清香，不會酸，但很清新，和茶非常配搭。 這間餐廳很抵食，價錢不貴，份量都多，而且美味。

Encore 系列😋 之前都提過上環呢間越南菜又好味又抵食❤️最緊要地方寬趟坐得舒服😌今日放工又過嚟呢度食下野Me Time 一下上次試過越式牛肉湯粉🍜跟牛油果🥑沙冰今次試新野😛🥗香茅豬扒撈檬 $82即叫即炸豬扒,熱辣辣肉質鮮嫩夠Juicy～一口咬下就感受到濃厚嘅香茅香味～這裏的檬粉偏軟身容易掛汁豐富嘅色彩繽紛又爽口蔬菜🥬顏色十吸睛配上撈檬粉必備的酸酸甜甜魚露十分清爽開胃🤤☕️雞蛋咖啡 $32第一次飲雞蛋咖啡😆 賣相都幾特別唔知點解就是覺得很有越南風味🤣頂層是蛋黃加糖發成的泡沫帶有雞蛋布甸嘅香味～底層則是十分濃郁的咖啡口感順滑～未試過又喜歡新奇食物嘅朋友值得一試唷😌

平時返工都會經呢頭，今日好想食越南嘢就去食啦，餐廳啲選擇都幾多有飯有麵有小菜小食等等，環境都好闊落，可以坐低舒舒服服咁食！🍴傳統越南法包 $78叫完都要等一陣，證明佢係即叫即整好新，個份量都幾大，外皮非常之脆，入面有胡椒豬肉扎肉鵝肝醬豬肉丸等等，蔬菜方面就有蘿蔔紅蘿蔔青瓜，口感都好豐富，尤其是底部嘅鵝肝醬好惹味！🍴芒果糯米飯 $68雖然價錢係有啲進取，食落都好滿足嘅，糯米飯加椰奶熱辣辣，面頭啲花生碎令口感更豐富，芒果好鮮甜！

女兒考完試，和她到上環食下午茶，越蘆有下午茶餐供應，價錢合理👍餐廳座位多，我地坐卡位好闊落，十分舒適。女女食生牛肉牛展牛肉丸湯河，我試一口湯底，味道正宗濃郁。我就食會安蕃茄蟹檬，番茄🍅味道酸甜開胃，蟹肉份量多，仲有扎肉同肉丸。份量好大碗，食得非常滿足。餐牌有升級小食優惠，選擇了牙車快和馬拉盞炒通菜，前者清新，後者惹味，食多d蔬菜更均衡👏🥤飲品：薄荷青檸梳打女女大讚好飲，大量薄荷也，好清新。鮮椰青冰凍美味。

喺公司附近有呢間越南嘢收工就過嚟試一試，餐廳坐得好舒服。手切牛柳湯河 $88果然係每日限量，牛肉輕輕用水灼熟好嫩滑， 一開始見咁厚身以為好難熟，但湯好夠熱，真係熟得啱啱好。順化香茅豬扒湯粉河 $82我自己好鍾意食越南炸豬扒湯河，因為豬扒唔會好厚粉，亦都唔會炸得太老， 我覺得比吉列豬扒更好食。芒果糯米飯 $68差不多到芒果當造的季節 芒果好甜，糯米飯放了一陣再吃糯米飯仍然好暖， 食完好滿足。熱話梅咸桔水 食越南嘢最鍾意就係飲咸柑桔水，解膩又有益， 完美的一餐。

收工突然之間好想食越南嘢係公司附近搵到間越南餐廳 所以一個人就去咗越蘆食飯咁啱嗰晚唔想食湯粉，我見到個越南法包好吸引🤤所以就叫咗個越南法包食🥖下次要再試其他野或者越南河粉😍✨傳統越南法包🥖$78法包充滿住餡料🤣好大個入邊有肝醬，扎肉，扎蹄，胡椒豬肉，酸菜，青瓜，食落去好豐富，配上酸菜同青瓜好清新😍真係好好食✨新鮮椰青 $43食法包一定要叫野飲～椰青好清甜，又好大個😋好食指數⭐️⭐️⭐️⭐️⭐️

生牛肉牛展牛肉丸湯河：湯頭清澈、鮮美，牛肉的鮮嫩與牛展的豐富口感，牛肉丸彈牙，搭配河粉的滑順，讓整體口感層次豐富，再加上香菜和檸檬的點綴，提升了整體嘅風味經典越南法包：法包裏面有肝醬.扎蹄.烤肉丸.酸菜.青瓜，法包外脆內軟，餡料豐富，當然要配返杯越南咖啡啦清遠粉包：係呀，傳統嘅越南菜，粉皮裏面包住啲肉碎一齊去蒸，再配上魚露，感覺好清新會安烤豬頸肉豬頸肉外焦內嫩，經過醃製後的香料味道深入肉質，帶有一絲煙燻的香氣，再配上泰式辣醬雞蛋咖啡是獨特的越南飲品，濃郁的咖啡搭配輕盈嘅雞蛋奶泡，口感順滑且香氣四溢，適合喜歡咖啡控嘅朋友牛油果沙冰這款牛油果沙冰滑順細膩，牛油果天然香甜與冰沙清涼感交融，讓人感到十分解暑。非常適合夏天享用，既能解渴又能補充營養

唔知食乜見呢間環境好似寬敞 於是試下繁忙時間 要搭枱的話真係比較逼夾了落單時 2個人叫1個餐+2個小食職員話呢個時段要最低消費 每人要叫 1個餐（但個餐牌無寫明話要最低消費🥴）無嘢既 咪叫2個餐呢豬扒湯河個豬扒都幾大件 都唔差春卷 正常發揮問攞個外賣盒女職員 快到唔知佢講乜轉頭都唔記得卑我 叫第二次先記得卑卑錢時又排左4，5個人 連埋外賣客有個客搞個電子支付 do既部機都無反應搞左好一陣都未卑到錢 呀收銀女職員先開始處理下一位仲要個面口+態度呢。。。收完錢 都無講一句多謝呢度眼見3位樓面女職員面口態度 認真麻麻返而負責攞餐食既 帶眼鏡女士態度良好 面口和善

這間越南餐廳在上環已好多年，他們的菜式有點驚喜，除了常見的生牛肉粉、檬粉，還有一些少見的小食，讓人眼前一亮。 🏅家鄉煎蛋餅**（$72）外皮金黃香脆，內餡有木耳絲和豬肉碎，口感豐富，帶點蛋香和微微焦香，搭配魚露更添風味。 🏅清沅粉包**（$72）是另一個亮點，Q彈粉皮包着滿滿餡料，木耳、豬肉碎、紅蘿蔔粒、蝦米的組合，鹹香微甜，蘸上魚露後更清爽開胃。 🏅生牛肉湯粉**（$75）湯底清甜，牛肉薄切鮮嫩，搭配香草和檸檬，簡單而美味。 意外發現🏅芒果糯米飯**（$68），雖然是泰式甜品，但這裡的版本芒果香甜，糯米軟糯，椰漿濃郁，作為飯後甜點剛剛好。

餐廳：越蘆越南牛肉粉地點：上環皇后大道西菜式：越南牛肉粉餐牌：星期日都有茶餐，主菜有湯粉，撈檬，飯類，街頭法包，配飲品4選1。可以追加地道小食，或者加錢要特飲。傳統越南法包 $68 另加一一大件烤得燶燶地法包切開左，包住肝醬，扎肉，扎蹄，胡椒豬肉，酸紅白蘿蔔絲，青瓜，芫荽等，肉眼見到已經係爆餡。個包好脆，麵包味香，食落味道都幾清淡，唔會太多醬汁。生牛肉湯粉 $65 另加一生牛肉湯粉大大碗熱辣辣上枱，牛肉多片，真係粉紅色上枱，肉質都好嫩，唔會太肥。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有芽菜，洋蔥絲，金不換，蔥條同蔥花，加添口感同味道。另上青檸同辣椒比你。越南蛋餅香茅豬扒飯 $72 另加一好大碟，香茅豬扒一大塊開6件，整得皮脆肉嫩豬味濃，味道甜甜地，面頭加上脆脆同蔥花，下底墊有生菜絲。兩件越南蛋餅好厚身，係濃濃蛋味配有好多有咬口扎肉粒，食落多汁。伴有酸甜紅白蘿蔔絲解膩。白飯份量唔少。會安烤豬頸肉 $38 另加一呢個會安烤豬頸肉係跟餐小食。豬頸肉一客8片左右，熱辣辣上枱，燒得外脆內嫩，好食呀。配另上既酸辣汁更好味。面頭加上脆脆，伴有酸甜蘿蔔絲同