越萊 (福榮街)

營業中

休息中

好即興今晚同屋企人食越南菜🥳 深水埗呢間分店星期六日都好多人，今日係平日嚟到，都好快可以入得😋😋Staff安排我哋坐卡位，啱晒屋企人😛😛餐牌有好多款式，我見比較出名嘅係牛肉河、又有越式法包😌 我哋睇中左其中一款法包，原來下午茶時段先有🤣🔍招牌撈檬！我哋揀呢款因為佢配料好充足，豬扒豬頸肉牛肉樣樣有，有好多青瓜絲同紅蘿蔔絲，好fresh🌝🌝🔍春卷都係佢哋嘅招牌菜式，好似台台都有叫🤣 炸得非常之香脆，底下果一片青瓜可中和油膩感😬😬🔍 呢個小食好特別，有茄子帶子同鮮蝦😛 先先以為佢下邊嗰啲係油，但原來係魚露🥰 個配搭都幾好🤣🔍食咗咁耐，差啲唔記得仲有杯特飲😋 好cool！餐飯價錢好抵👻 可以推介！

好耐無食越南菜啦，咁啱朋友住深水埗附近，見到呢間主打越南菜的餐廳，就決定搵朋友一齊試下~😙 餐廳雖然不算好大，但佈置充滿越南特色，食物幾抵食，性價比都幾高~😎1. 🐣越式自選湯粉-三餸 + 送熱飲 ($52)我選咗招牌牛骨湯和河粉，湯底幾清甜，牛味香濃，河粉吸收哂湯汁，幾好食!😎 配料選了生牛肉、牛腩、豬軟骨，生牛肉浸一浸湯底就食得，幾粉嫩，😋👍，牛腩和豬軟骨偏肥，但都煮得幾軟腍，軟骨如果可以煮到好似筋咁腍就更好~😂河粉仲會有辣椒碎、青檸、芽菜及九層塔等配料俾大家自由加配~2. 🐷越式傳統豬肝醬手切扎肉包 ($36)麵包外層烤到脆脆地，麵包中間搽咗層🐷豬肝醬，味道好濃郁，有少少似食緊鵝肝醬嘅感覺😋再夾咗厚切扎肉、酸酸甜甜的蘿蔔絲和青瓜，多了份清新嘅感覺~又爆哂餡，好滿足! 大推!😍😝3. 🐣越萊蒜香牛油雞翼 ($26/3隻)一上枱已經聞到好香蒜蓉牛油味，🐣即叫即炸，外面嘅包住薄薄嘅炸粉，炸至金黃色，皮脆肉嫩😍，帶點juicy，不過食到最底嗰隻雞翼就油咗少少，建議隔多少少油先上碟會更好~🙉4. 越萊串燒 ($40/3串)有牛肉/豬肉/雞肉揀，我揀咗豬肉串燒，燒得幾夠火喉，燒得剛剛好，肉質

平時都去開深水埗覓食 因為d野食平又高質😋😋永遠都好多新驚喜！ 今次係深水埗少有搵到有好味又抵食既超越南🇻🇳菜！難怪閒日收工時間已經有好多捧場客食緊餐廳d侍應都好nice同有禮貌👍🏻 今次因為第一次試 所以當然叫咗佢地個招牌牛河試試佢！呢個「牛萊了」勁足料 完全唔客氣 岩晒完全唔想諗又想試晒🐮既人！入面有生牛肉、牛肉、牛丸2粒、牛腩、牛𦟌🐮🐮🐮🐮 不得不提d牛丸好juicy彈牙🤩 食完呢碗一個人已經飽飽地 （跟餐仲配有熱柚子蜜！）為食既我見到佢地仲有份小食拼盤 有好多款唔同越南🇻🇳小食 有炸蝦餅、雞豬串燒、春卷、蘿蔔etc總之嚟開深水埗 一定要嚟試試！！！！！！！！！！！！！！！！！！

今天約朋友在深水埗吃午餐 她介紹了這小店 雖然面積不大 但服務員有禮貌 只是餐枱較細 坐得不太舒服 幸好枱角設有小勾 可掛手提袋餐牌有很多不同配搭 我們要了2客午市套餐 分別是越式紮肉撈檬和厚切燒豬扒蝦餅撈檬 份量頗大 配搭顏色很漂亮 扎肉是大路貨 一般般 檬粉口感不錯 只是燒豬扒較硬和粗糙 蝦餅就ok 跟餐的熱柑橘蜜 味道有點怪 太甜呢很平淡的一餐 能吃飽就算了幸好不收加一 收費也算合理

估唔到深水埗都有間咁好食嘅越南野！同女朋友嗌左dinner set，分別嗌左「牛萊了」、「越式經典撈檬」、「胡志明綜合拼盤」，另外仲包埋杯熱柑桔蜜。先講個凍撈檬，一上菜大大碟！而且塊豬扒亦都好大塊！豬頸肉份量亦好多！牛肉亦都好有𡁻口！而檬粉亦都好滑，撈埋啲汁醬一齊食，真係好飽滿！完全岩晒大食+食肉獸嘅朋友！因為一個晚餐價錢絕對係好抵食！杯熱柑桔絕對可以中和飽膩感！另外個小食拼盤份量非常多，蝦餅都彈牙，炸得好香脆，而春卷係自家製，入面啲豬肉碎+蘿蔔絲～食落去雖然熱氣，但真係好香口串燒有兩雞兩豬，雞肉好嫩滑，再配埋個醬汁（仲有花生🥜添架），真係好夾！豬肉亦都唔鞋恰恰，幾好食！另外個拼盤仲有鮮蝦米紙卷！total 有4舊，每舊都有蝦肉係入面！真係好唔客氣好滿足呀食得！覺得太多肉嘅話，亦都有個蘿蔔俾客人中和下！食落去完全無根！亦好冧甜！絕對可以解膩呀總括然而，呢間餐廳晚市黎講的確非常抵食！因為都係幾十蚊！而且份量亦好多！只不過係我大食所以先嗌左個拼盤

深水埗就出曬名又多野食又抵食，今次就揀左一間位於福榮街嘅越式餐廳，慶祝中秋節越萊精選火車頭 $88呢碗火車頭材料夠晒豐富😍入面有豆卜，牛筋，豬軟骨，牛丸，生牛肉，白蘿蔔，個個餸都滿滿的，岩曬我呢啲有選擇困難症嘅人🤣啲粉都唔會話煮到好散同碎咁，湯底咸淡適中👍🏻👍🏻佢地都幾大碗家，3個人食都夠，如果想叫小食嘅朋友仔就一齊share 會好d🥰胡志明綜合拼盤 $168拼盤包括炸蝦餅，春卷，鮮蝦人米紙卷，串燒（豬🐽同雞🐣各2)😋蝦餅同春卷都炸到好脆卜卜，點埋佢哋自家制嘅酸甜醬真係好好食另外佢地嘅自家制紙米卷都好食，入面啲蝦好大隻連埋d 生菜同濛粉一齊食感覺好清新☺️越南咖啡雪山 （跟餐加$18）其實即係咖啡沙冰，咖啡味好濃，而且佢哋啲冰都仲係用咖啡來整成，完全唔會越飲越淡🥤依家跟餐仲會送杯熱柑桔蜜，如果想要特價都係加18蚊總括嚟講我覺得性價比幾高，價錢唔算貴啲野食又大份😊係上菜要等啲時間

今日難得同朋友出深水埗買電腦，咁就梗係去食街度搵吓有咩食啦😋點知就比我發現咗呢間位於福榮街既越南餐廳，果日去到都見到有啲人排緊隊老街脆皮乳豬配蝦仁米紙卷 加馬拉盞炒通菜$168乳豬即叫即烤，烤完熱辣辣，上枱果陣仲出緊煙😂食落去個脆脆卜卜👍🏻佢地嘅自家制紙米卷都好食，入面啲蝦好大隻連埋d 生菜同濛粉一齊食點埋個汁感覺好清新☺️佢啲馬拉盞炒通菜都好特別，甜甜地嘅，食落幾特別👍🏻越萊精選火車頭 $88呢碗火車頭入面好多餸菜😍有豆卜，牛筋，豬軟骨，牛丸，生牛肉，白蘿蔔，唔同餸都有啲，岩曬我呢啲有選擇困難症嘅人🤣啲粉都唔會話煮得岩岩好，湯底又唔會好咸👍🏻👍🏻青檸柑桔雪山（跟餐加$18）本身跟餐係包杯熱柑桔蜜，但我就想試下啲特別野😹所以叫左呢杯，呢杯野都用青檸柑桔整成，連啲杯都係，完全唔會越飲越淡，不過我就覺得甜左少少🥤總括嚟講我覺得好唔錯，性價比高，價錢唔算貴啲野食又大份😊味道又唔錯

越南嘢一向係我最愛，最後一次旅行咁啱係同朋友去Danang旅行，今次食飯算係回憶之旅🇻🇳深水埗不嬲有好多又平又好食餐廳，越萊都係其中一間，店員服務好好，一坐低就叫我哋勾起個袋👍🏻食物選擇都算多，我哋叫咗一碗撈檬、扎肉包、米紙卷，加兩杯飲品。枱面有啲細，放晒所有菜移動有啲困難😂😂厚燒豬扒蝦餅撈檬 $52份量偏大，蝦餅幾好食，炸到啱啱好，如果個汁可以多啲就好～越式傳統豬肝醬手切扎肉包 $36成餐最正係呢個包，我本身都怕豬肝味好難頂，但同扎肉混合好match，仲有青瓜清一清味蕾👍🏻河內蝦仁米紙卷 $48味道不過不失，蝦算係鮮甜，材料好足，一啖咬唔晒👏🏻食越南嘢梗係要飲coffee，我叫咗傳統咖啡，朋友就叫咗咖啡雪山。咖啡雪山好打卡-able，上面有塊Lotus餅乾，飲到最後都唔會好淡，推薦！最後我哋都食唔晒，人均$80食到咁多嘢好抵😋

約咗朋友喺深水埗食午餐 ，上網見到呢間越式餐廳評價都不錯 ，所以一於就試一試，由於我哋大約十二時就到達，所以唔需要等就可以入坐，小店雖然坐位不多，但餐廳環境不錯。兩個人分別叫了兩個自選湯粉，一個是清雞湯湯底配河粉，而配料有手撕雞絲和豬肉丸 。另一個是招牌牛骨湯湯底配檬粉，而配料是生牛肉和牛腩及手撕雞絲 ，加一杯熱柑桔蜜。牛骨湯湯底很濃郁又不會太鹹，配埋辣椒及青檸令整個味道更上一層。生牛肉薄薄一片好滑又有牛味，牛腩唔韌，手撕雞絲不過不失。清雞湯湯底有淡淡的雞味，豬肉丸彈牙，手撕雞絲一樣都係不過不失。

喺深水埗搵食，突然間好想食越南菜，發現深水埗超多東南亞美食，見呢間午餐好抵食，入咗去試下。一般都係$4-50零蚊，仲有飲品，性價比高。▧ Pho 自選3餸 （生牛肉，扎肉，牛筋）3餸都係$52蚊，揀咗生牛肉，扎肉同牛筋～勁大碗，試咗湯底，覺得牛味特別濃，另外不得不提餸既份量都超多，食極都有咁，見佢仲可以加麵，大食男生都唔洗怕路飽呀！▧ 照燒雞扒豬頸肉撈檬照燒雞扒有驚喜！燒得好香口，雞皮部份仲有小小脆～豬頸肉就一般水準，餸既份量都係一樣好多呀～啖啖肉好滿足▧ 越萊自製手工春卷午餐$10 加配小食，春卷炸得好香脆▧ 越萊酸辣無骨鳳爪當日好想食甜酸辣野，忍唔住叫咗個無骨鳳爪，份量算多，甜酸辣味味道齊哂！正！▧ 越式咖啡唔會太甜，有越南咖啡香濃既味道▧ 咸檸七消暑解渴一流！

深水埗交收貨物後已經六點多鐘,簡簡單單係福榮街呢間越萊食個輕便晚餐,又趕去上堂。餐廳新淨企理,都幾多人嚟食。叫咗四樣嘢越萊自制手工春卷(2件)炭燒豬頸肉越式自選三餸湯河熱柑桔蜜手工春卷用個小竹籃配尖頂帽裝住上檯,好特別!春卷皮薄香脆,內裡豬肉餡料多汁。點上甜酸醬趁熱食,好味!炭燒豬頸肉兩面都金黃色,質地軟腍加上少少彈性,香口又吾油膩。呢個手撕雞絲、唐生菜加蘿蔔清雞湯河粉,份量都幾大碗。手撕雞絲肉滑,生菜脆嫩,蘿蔔清甜無渣。最後飲埋杯味道吾太甜嘅柑桔蜜,食飽飽又趕下場。下次有時間會再來食特色扒飽、撈檬同其他小食等。

夜晚要去石硤尾打波 咁就順便去深水埗行街尋下寶 之後再喺附近食飯啦打波之前都係唔好食咁飽 所以就揀咗呢間越南嘢食粉粉麵麵 越南嘢嚟講都算幾多選擇 因為仲有其他唔同嘅小食 見到佢仲有乳豬等等嘅拼盤選擇不過等下次多人啲再叫 越萊經典撈檬有香茅牛肉 豬扒 豬頸肉，真係好足料 啲肉多到我要分左一半俾朋友 加埋撈檬必備嘅醬汁😋真係清新又醒胃呀朋友就叫咗個 招牌牛骨湯扎肉河粉 佢哋扎肉真係好好食 就同去越南旅行到街市必買嘅味道一樣 真係好想快啲有得去旅行呀佢嘅河粉又幼又滑 湯頭仲好香甜添蒜香牛油雞翼 佢嘅碟仔都好有心思好得意雞翼外皮脆香 但入邊嘅肉質依舊嫩滑多汁26蚊有三隻真係幾抵食馬拉盞炒通菜 24蚊就可以食到 二人份量剛剛好晚市仲送指定熱飲 都真係幾抵食

講起食越南野，我成日都同朋友推廌呢間「越萊」，又平又高質！門口睇大大隻字寫住「PHO BO」，就係越萊啦！之前返工成日過黎食佢個lunch，今次第一次食晚市，估唔到價錢都係差唔多，唔會因為晚市就加到勁貴。呢到比較似係越南版本既茶記，唔似得其他越式餐廳咁食外國野就閒閒都3位數起跳我叫左照燒雞扒豬頸肉撈檬，勁大份豬頸肉望落去好嫩，半肥瘦，好多肉汁，食落好重豬味，一啲都唔硬，好好食！照燒雞外皮脆卜卜，好香，同樣高質！撈檬啲配料都好足，好多花生碎，食落好有口感。朋友叫左照燒雞扒飯，啲肉碎好好味！有啲似大粒版既肉燥，夠咸餸飯一流！雞肉串燒配沙嗲醬，雞肉就有少少鞋，但浸多啲沙嗲醬淋返啲就好好食！沙嗲醬好出色，食完啲雞差啲想連碗醬都食埋之前去越南無食到豬扒包，見到呢到有，下次黎試下先！

"香港大廚💛越南姑娘的越南餐廳"9月來了~ 學生師兄師姐終於可以開學了，小編就忙到經常頭痛，就連食野呢排都無咩胃口，今日放鬆心情去黄金掃下電腦野順便搵食😋上網搵到間被讚賞為足料超抵食越南野，CP值高又平靚正，重要係肉食者至愛，簡直係我嘅忙碌過後嘅解放天堂!門外店員哥哥大熱天時殷勤介紹菜單，店內佈滿竹製燈罩以及木檯椅，時尚簡約帶著比兒時"小巴黎"更貼切的越南風情。講返愛情故事，老闆彭哥總廚研製越南菜多時，來自越南嘅彭嫂來到香港定居成為越萊的老闆娘，再將正宗的越南味道二合為一咁昇華，越萊Phobo就有如佢地用心投放嘅愛情結晶品👏=̶牛萊了=̶ $68推介:⭐️⭐️⭐️⭐️⭐️真係可以唔駛點講野! 係必點一款!精選生牛肉、牛腩、牛筋、牛𦟌及充滿牛肉嘅牛丸做材料，可選河粉/檬粉，上檯😍非一般咁大碗。先嘗頭啖湯，牛骨湯底以肋骨、筒骨、洋蔥、薑及白蘿蔔等熬煮，清香的牛味乃經十小時熬製，毫不油膩又不失濃香，正😋正宗配料辣椒碎、青檸、芽菜及九層塔等自由加配，生牛肉，呈現半生熟吸湯溫熟，牛筋軟熟入味，入口軟化滋味，牛丸驚喜爆汁彈牙，牛味香濃，牛腩牛𦟌部位問題感覺一般，但入口肉感味道合格。而份量就真係相當抵讚，一碗河粉

天氣咁熱有時食飲真係無咩胃口，所以一到夏天我特別鍾意食d帶湯既粉麵而當中最鍾意一定係越南粉！牛萊了召喚生魔王！呢一份牛量超豐富既越南粉作為牛魔王既我見到即刻被吸引。一碗牛萊了有生牛肉，牛腩，牛筋，牛丸及牛𦟌。生牛肉經牛肉熱湯浸熟令肉質唔會變得過老，入口仍然保持嫩香。帶點牛腩帶有香濃肉香再加上充滿骨膠原感既牛筋帶出唔同口感，亦令牛味更濃郁。牛丸爽彈而目咬入仲帶有肉汁！整體牛萊了既牛肉味香厚一定滿足愛牛既人。潘浪帶子明蝦伴茄子煎香過既茄子軟腍香甜，茄子上加入蝦仁及帶子新鮮爽彈幾有特色既小食。雞肉串燒串燒烤得金黃又唔會過焦，入口帶出陣陣沙嗲咖喱香味。再加上另配既花生醬令沙嗲味更濃郁香甜，入口仲帶粒粒花生碎。