今次同朋友去咗深水埗「越萊」食晚飯，裝修簡潔清新，入到去有種小清新嘅氣氛。坐低先送咗杯熱菜蜜，係免費嘅，甜度啱啱好，又幾暖胃，對住冷氣環境嚟講幾窩心。我叫咗越萊經典撈檬，一上枱就見到配料超豐富，有香茅牛肉、香茅豬扒同豬頸肉，再加生菜、青瓜絲同花生碎。魚露汁酸酸甜甜，撈埋檬粉一齊食，清爽得嚟又夠惹味。香茅牛肉煎得入味，牛肉軟腍唔鞋口；豬扒有少少焦香，肉質實在；而豬頸肉最正，肥瘦相間，咬落去爽口又多汁，三款肉加埋一齊食，層次感好豐富。另一個主角係越式傳統鵝肝醬手切扎肉包，個法包外脆內軟，入面夾住扎肉同香濃鵝肝醬，食落又香又滑，幾特別。再加一碟「西貢馬拉盞炒通菜」，火喉夠，通菜爽脆帶蝦醬香。飲品方面，我叫咗梳打水，配埋啲比較濃味嘅餸菜啱啱好。跟餐送熱菜蜜，甜度啱啱好，幾暖胃。…查看更多
