越萊 (福榮街)

營業中

休息中

1） 牛萊了一碗河粉竟然有齊 生牛肉、牛腩、牛筋、牛丸 2粒、牛腩，還有另上的芽菜，九層塔等香料。湯底是牛骨濃湯底，食客亦可自由加添辣椒碎及青檸，為牛骨湯底加多點變化與層次。個人選擇了河粉（也可選檬粉），配料的生牛肉有手切牛肉的質感，幸好不是劣質的肥牛; 牛腩是偏瘦而淋身，十分容易咬開； 牛筋滷煮的時間充足，入味而軟糯；牛丸爽彈，肉汁豐富；牛𦟌一般，沒有驚喜。重點是這碗牛萊了的份量十分重磅，河粉底是一般粉面店的 1.5倍，男士來說份量絕對飽肚。咸檸七 （跟餐特飲 ＋$6）有點可惜罐裝 7UP 並非預先雪凍，雖然杯中的冰塊甚多，但整體冰感稍差。然而，咸檸的味道很強，稍為篤幾次已經咸味大爆發，甚至完全蓋過7UP既甜味，十分過癮。2） 自選河粉： 豬軟骨、冬菇、生牛肉同樣是牛骨湯底，豬軟骨滷煮時間足夠，但瘦肉的部份較多，軟骨反之較少，豬肉味亦十分濃郁。冬菇是以新鮮冬菇作材料，生牛肉也同樣是手切的質感，厚身而肉味足。3）馬拉盞炒通菜帶點咸鮮味的馬拉盞風味十足，配以蒜片，香濃的泰越風味融入了通菜，十分惹味，鑊氣十足的炒菜，的確和味。

餐廳用上竹製燈罩同木座椅，掛上特色圓錐體o既斗笠做裝飾，簡約之中不失風情。menu 提到佢係由兩公婆開，老闆學習越南菜多年，太太則係正式o既「越南新娘」！相信一定會好正宗喇，好期待呀~牛肉湯河似乎係餐廳重點推介之一，當然要試下。呢d 湯河可以自選嗌幾多款餸咁，或者佢都有d set set 好晒。牛萊了($68 無加一) 一次過包含多款精選牛肉，足料得讓人很滿足……最正當然係o個幾片生牛肉，半生熟口感尤佳，就算浸耐多少少佢都唔會韌，可見用料上盛。其他配料仲有牛腩、牛展、牛筋同埋牛丸，牛腩腍身得o黎啖啖肉，牛丸都實淨juicy。d 河粉企身分明，浸於招牌牛骨湯入面，味道清甜。薄荷葉、芽菜、辣椒同埋青檸全部都係另上，隨你喜歡落幾多。下午茶時份有下午茶餐，有一份主食、一個小食連同特色飲品，先$38，ok 實惠。燒扎肉撈檬同頭先碗粉一樣咁大碗，呢d o野大熱天時食一流，唔會話好熱，再淋上酸甜魚露，人都開胃d~我地仲叫o左個都係扎肉——越式傳統豬肝醬手切扎肉包，呢個幾特別，佢賣相似漢堡包，夾o左扎肉、厚厚o既蘿蔔絲同青瓜，o係面頭仲搽o左一層「豬肝醬」，似吞拿魚醬但味道又有d 唔同，值得一試！小食

牛萊了檬粉🍜依款集齊生牛肉、牛筋、牛腩、牛丸、牛𦟌，啱晒我依啲想一次食到多幾款配菜嘅人，湯粉可以揀檬粉或者河粉，不論係牛肉定係檬粉份量一啲都唔欺場，除咗牛丸列明有2粒外，其他肉類都有起碼3、4件🥢當中印象較深嘅係牛丸同牛𦟌，牛丸彈牙爆汁，牛𦟌煮得軟腍，即使係牛筋部分都唔洗用力就咬得開😋湯底有牛味得嚟亦十分清甜，飲落唔會覺得油膩，嗰份清甜應該係來自洋蔥同白蘿蔔，餐牌話牛骨湯底係用咗肋骨、筒骨、洋蔥、白蘿蔔等熬煮🧅越萊迷你精選拼盤 🍆食越南菜好多時都會想叫小食拼盤，但係人少少嘅話又驚食唔晒，見到餐牌有依個一人份量嘅迷你小食拼盤真係眼前一亮，可以食勻三款小食(潘良帶子明蝦伴茄子、蒜香牛油雞翼、炸春卷)，好滿足～香甜菜心苗🥬簡單蔬菜之選，正常水準越南黑咖啡☕️

📍越萊📮深水埗福榮街124號地舖.其中一個🙎🏽‍♂️最愛既食物就係越式生牛河, 所以有時出街唔知食咩好既時候, 呢個就會係我地one of option.當日食既係下午茶時段, 餐廳座無虛席, 但好似好多item都無晒, 唔知係咪人多既關係, 服務員態度都麻麻地🙁最後我地唯有叫午餐menu.生牛肉牛腩湯河🐮HKD48🙎🏽‍♂️湯底滿滿既牛味, 配埋辣椒青檸香菜, 令味道更上一層樓👍🏻生牛肉ok, 牛腩相比之下有啲比下去, 蘿蔔入味, 整體上都唔錯既.燒雞扒豬頸肉撈檬🐔🐷HKD48💁🏻‍♀️雞扒肉質滑, 唔會overcooked, 豬頸肉燒得幾香口, 檬粉有啲一舊舊, 要啲時間先可以將佢整散, 撈埋佢個sauce黎食味道都幾好.飲品·青檸梳打🥤+6甜度適中, 食親越南野必點既飲品.深水埗既餐廳出名大件夾抵食, 雖然今次無叫到下午茶menu, 但佢既午餐都好抵食, 係一間性價比高既餐廳.整體環境💭💭💭好味道：🧑🏻‍🍳🧑🏻‍🍳🧑🏻‍🍳服務態度🤵🏻🤵🏻性價比：🧐🧐🧐🧐🧐回頭基率💫💫💫.#nonstopeatingdiaryvietnamese #nonstopeatingdiary越南菜

今天HAPPY FRIDAY 來吃個越式下午茶，這家越箂位於深水埗福榮街，另外佐敦也有分店。店內空間感大，而且是有裝修的，主要藍和黃色為主，小店來說環境頗舒適。午市套餐HKD 42 - 108元，下午茶套餐只要HKD 38元，相比之下，下午茶價錢十分吸引，我們二人點了一款下午茶，一款午餐，分別是沙沙汁魚柳包，越箂自製手工春巻，另外是越箂經典撈檬 (香茅牛肉，厚切燒豬扒，豬頸肉)，河內蝦仁米紙卷，和越南咖啡。沙沙魚柳包沒有用上法包，可能怕食客接受不了太硬身。這款面包軟熟，似是豬仔包，烤了外皮有一點脆口感。入面魚柳較小和薄身，被沙律醬完全覆蓋，所以吃到比較多沙律醬味道，也有一些配料加強口感。春巻搭上青瓜生茶和酸辣醬，很開胃，如果脆身一點較好。午餐份量相對大份很多，越箂經典撈檬大大碗，有很多配料，香茅牛肉很嫩，濃郁越式醬汁的味道，有一點白芝麻，厚切燒豬扒很入味和軟身，豬頸肉爽口也很夠味，最推介! 三款肉類的咸味配上檬粉和酸味的醬汁很搭，蝦仁米紙卷感覺材料新鮮，可以解一下油膩。越南咖啡很濃，既不苦也有一種回甘的感覺，個人喜歡。總括來說是個性價比高既越式餐廳。

Set lunch, $40幾蚊兩個餸仲有埋嘢飲！係幾底食嘅，但係唔好食囉。完全唔係亦都唔似正宗越南牛肉粉嗰個味道，如果你唔諗越南牛肉粉，當佢係一碗普通嘅牛肉河粉就可以 ！失望嘅越南牛肉粉 😔

經過深水埗朋友想食越南粉就揀左呢間佢晚市套餐幾抵食加$1就有小食連埋特色飲品都係幾十蚊撈濛粉個汁都幾好豬扒好食但蝦餅有少少咸湯粉勁大碗又足料最好味係牛筋同扎肉反而係兩個小食偏油少少較為訊遜色總括黎講都ok飲品方面就算叫鹹檸七都唔洗另加錢真係好抵呢下次有機會會試佢地既飯

返工忙到痴線，冇時間食lunch直踩到4點先落街食飯！去咗黃金商場後面嘅呢間「越萊」呢個鐘數已經有下午茶啦，價錢平好多亦可以嗌返午餐， 由於我實在太肚餓所以一個人叫咗個午餐精選火車頭，再加多份小食，再叫多杯咖啡！首先嚟咗個小食先～我叫咗個河內蝦仁米紙卷（2件）+$10米紙卷個皮做得好薄，咬落煙煙韌韌！幾好！米紙卷入邊有隻爽口彈牙嘅蝦仁，有啲粉絲，有條青瓜仔，有塊九層塔！所以食落口感非常豐富～ 配埋酸蘿蔔絲，再點埋辣椒魚露，酸酸甜甜辣辣地咁樣，作為一個前菜係非常開胃！之後好快就上左碗火車頭，真係大碗到嚇親！心諗呢個份量應該係兩個人食㗎喎😨呢個越萊精選火車頭 $78 好足料！（有生牛肉、牛腩、牛筋、牛丸兩粒、扎肉、豆卜、雞絲、豬軟骨）生牛肉用本身嘅湯淥到三四成熟左右，本人覺得真係有啲生嘅，不過可能有人會接受到啦～ 至於其他配料，我覺得牛丸最正，好彈牙好有牛肉味仲有牛油脂香！另外蘿蔔亦都好入味嘅！呢杯越式黑咖啡 +$6 咋，好飲，齒頰留香！

今日放假，一個人去咗深水埗電腦商塲買嘢，行經褔榮街（高登商場對面），見有間越南餐廳嘅下午茶超扺食，咁就決定入去幫襯下。 餐廳裝修簡單，牆身以藍色為主，選擇有午市套餐／下午茶餐。 下午茶套餐每款都係$36，有橯檬、湯粉、豬扒包、魚柳包、豬肝醬手切扎肉包等選擇，小食一款（蝦餅／春卷雞翼，三選一），凍飲都唔使加錢。另外仲有數款平價小食。沙沙汁魚柳飽炸粉唔厚，魚柳肉厚，炸至鬆脆，入口軟滑，可以食到一絲絲魚肉，沙沙汁滿到瀉，撈有青瓜、生菜絲、紅蘿蔔，連軟熟麵包一齊食，入口青爽，美味。 海防炸蝦餅外層薄薄粉漿，包裹蝦肉，炸至金黃，香脆美味。河內蝦仁米紙卷，2件只加$10半透明的米紙卷，包裹大大隻蝦仁，入口煙煙韌韌，蝦仁脆口，加上青脆青瓜絲，越南米粉，蘸上越式醬汁，配搭簡單，入口清爽。 凍柑桔蜜酸酸甜甜，非常解渴

月尾又係洗大左要慳下錢嘅日子，只係想平平地食餐飯，去完黃金買完野之後見到呢間之前冇見過嘅越式餐廳，價錢勁平，就決定試一試佢！晚市套餐都只係$5x 起跳，依家呢個價錢都算係冇太多選擇，果然深水埗都係可以平平地揾好野食。我同朋友每人一個餐，佢就叫左牛萊了，勁多牛嘅材料，諗唔到要咩餸嘅話呢個真係可以滿足晒你所有願望！牛丸最有驚喜，彈牙多汁！牛𦟌都唔錯，對得住呢個價錢。牛腩大大舊，不過稍稍有D硬，可以再煮稔D。我就要左安格斯牛魔王牛骨湯粉，呢個牛肉真係好有驚喜，牛味出奇地香濃，肉質都算嫩滑，雖然係呢間餐廳黎講價錢算貴，但真係物有所值。 牛骨湯都幾好飲，唔重味精嘅感覺。重點係2個粉都勁大碗，唔叫小食就咁食其實都食唔晒，細食嘅女仔真係可以2個人share一碗再叫其他小食最最最最抵就係佢可以加一蚊配一個小食！真係抵到嚇死人。我地2個都叫左米紙卷，大大隻蝦，2件size叫正常，唔算細，加一蚊真係唔叫唔得！可惜個日冇椰青飲，我地就叫左一杯青檸梳打同咸檸7飲

深水埗不嬲出名多嘢食，今日我同屋企人就想搵啲新餐廳嚟試吓。單單喺福榮街已經見到有好多間食肆林立，我哋揀咗間望落去都幾乾淨企理嘅越南嘢，佢就係越萊啦舖頭啲裝修都好有越南feel因為我哋接近3點先入座，所以我哋可以揀叫午餐定係下午茶我叫嘅係感覺好抵食嘅下午茶，我就揀咗雞絲雞骨湯河粉配兩件蒜香牛油雞翼，包一杯凍柑桔蜜($36)。柑桔蜜微鹹帶酸甜，非常開胃解渴呢餐飯我最欣賞嘅就係呢個蒜香牛油雞翼，外皮薄脆，鋪喺面嘅蒜粒同濃郁嘅牛油味配搭得非常好，減緊肥嘅我食到覺得有啲罪惡感雖然係下午茶餐，湯河嘅份量都唔少，雞骨湯底都幾清甜屋企人叫嘅係午餐menu入邊嘅越萊精選火車頭($78)，大大碗得嚟有好多唔同種類嘅配料。我最鐘意係佢個牛丸，咬落去好多汁，而且算係比較多筋位會彈牙啲，好想再食多粒啊！個牛骨湯湯底都非常香濃，落咗少少辣椒落去之後更加惹味同我碗下午茶湯河一比就知道呢個火車頭有幾誇張午餐可以優惠價追加小食，我哋就加咗一份越萊自製手工春卷($10)，入面有滿滿嘅牛肉，再加少少菇同埋粉絲我哋呢餐最後$130埋單，餐廳唔需要加一，真係幾抵食呢

成日路過都比佢吸引到 今次同朋友黎試試佢最吸睛當然係menu上面既晚市套餐加$1有小食🤤🤤我同朋友都係牛魔王 所以兩個都簡左牛既湯河🤣我簡左安格斯牛魔王牛骨湯粉一上碟已經覺得份量非常驚人😱旁邊亦有青檸、芽菜同香料牛骨湯底非常鮮味安格斯牛牛味濃，值得大家比多少少錢轉佢👍🏻牛丸亦多汁夠彈牙朋友既牛萊了就多左牛筋同牛腩，味道都不錯，不過比起安格斯牛就略為遜色跟餐加$1要左份米紙卷加$1就有小食，本身期望都不高但入面非常足料而且唔會包得太散，旁邊亦有醃蘿蔔，作為$1小食非常有誠意👍🏻👍🏻👍🏻另外叫左一份牛油雞翼，夠晒香口跟餐飲品方面簡左咸檸七同埋青檸梳打

星期日中午隨意之選竟意外遇上嘅間大件夾抵食又好食嘅餐廳乾淨企理，枱與枱之間距離適中不焗促叫左個午市H餐撈檬有牛肉，燒雞，豬頸肉🐓🐂🐖分量十足，豬頸肉超～級好食！蒜香牛油跟餐叫只係10蚊黎到見到賣相似乎麻麻，好似好多油但食落口勁香，皮勁脆惟一可改善的就是上碟前溺乾淨啲啲油吧💦另外我岀街食飯十分重視服務態度比之食物質素更甚呢間餐廳服服態度很好👍👍店員落單上菜均有禮貌臨走前見到有客人好似落單上有誤會店長(?)有禮貌有耐性處理另外值得一提餐廳內有位坐俾食客等位等外賣🪑🪑🪑十分thoughtful👍

午餐份量充足，有一碗粉麵、一個小食和餐飲。豬頸肉和豬扒香脆檬粉爽、有很多配菜。牛油雞翼超香！柑桔蜜好飲，是新鮮柑桔。很久未吃過這麼好吃的越南菜了！十分有驚喜！一定會再來！

價錢抵，份量足，款式多，最緊要都好好味！外賣都做到咁好，堂食應該仲好。我叫左個雞扒豬頸肉撈檬，豬頸肉起碼有4-5塊，雞扒有一大塊。我最欣賞佢個靈魂醬汁，其他越南餐廳d醬汁我覺得太酸，食道最尾已經得個酸味。但哩間d醬汁調得剛剛好，食到最尾唔係一味得個酸或甜。真係有清爽既口感。我老公食火車頭，一路食就一路讚👍🏻湯底味道清甜，除左有生牛肉，牛丸，牛根，仲有扎肉雞絲豆卜。佢一向好大食都差唔多食唔曬。個價錢已經好抵仲要包埋野飲。