越式小廚

營業中

休息中

係香港要好食既越南菜真係好少見，今次去左呢間位於旺角既越南餐廳，佢地連店員都係越南人，不過佢地啲廣東話都okay又友善，唔怪得呢度既越南菜咁好味咁正宗啦！ 蒜蓉炒通菜炒通菜唔會油淋淋，加入蒜蓉炒香更惹味，入口爽脆，值得一試！ 蟹肉炒飯炒飯好有鑊氣，調味好好不會太鹹，啖啖蟹肉鮮味十足，另外仲有啲配料更豐富，飯粒好分明，同朋友share剛剛好，仲有quota試埋其他小食。 明爐烏頭魚烏頭魚大大條唔算好多骨，外皮有少少焦香，魚肉嫩滑，加入配料調味好好食，成條魚係越式煮 呢個值得encore，抵食又好味！！！

旺角抵食越南菜《越式小廚》通菜街一帶有很多餐廳這次選了食越南菜河內酸辣海鮮湯粉（+$5轉紅米檬粉）餐廳還提供紅米檬粉/蔬菜檬粉/紅米河選擇 更加健康有益選了第一次試的紅米檬粉無添加 無色素 無防腐劑口感比一般檬粉更滑溜 亦都更粗湯粉的湯底無味精熬製酸酸辣辣很開胃 但又不會太辣配料有賴尿蝦、蝦和魷魚賴尿蝦和蝦各有三隻 很足料雖然是酸辣湯 但湯底仍很清酸度主要來自蕃茄湯裡還有很多香菇 很讚👍河內鮮蝦豬肉春卷酥酥脆脆的炸春卷非常香口內裡有蝦、豬肉、粉絲和蘿蔔絲配少許辣椒醬很有風味店舖乾淨舒適有越南風味👍👍

早排經開旺角，見到呢間新開嘅越菜小店，一直都想試吓，咁啱今日做完嘢，順便去食個下午茶。入到店內，裝潢新淨，環境寬敞舒適，加上店員多數都係越南人，感覺味道同質素都有一定嘅保證，而且全程手機落單，方便亦快捷。1️⃣ 越式生牛肉湯河 $49估唔到都幾大碗，湯底亦夠晒清甜，唔覺唔覺都俾我全部飲晒。牛肉生熟度亦剛好，入口軟嫩幼滑，整體份量十足，值得一試。2️⃣ 越式鮮蝦豬肉春卷(2件) $28即叫即炸，外層炸到好酥脆，咬落香脆可口，內𥚃餡料豐富，非常飽滿。3️⃣ 越式蒜蓉牛油法包(4件) $28烘烤至金黃色嘅蒜蓉包，賣相相當吸引，口感香脆，蒜香味道濃郁。4️⃣ 越式煉奶咖啡（凍） 跟餐+$15呢杯咖啡我幾鍾意，啖啖都充滿着香濃嘅咖啡味道，又唔會過甜，確實好飲。

上星期去左旺角整野，今次試左間越南餐廳，睇相大大碟又吸引！同同事都覺得又平又好食，環境乾淨企理，坐得都好舒服🔸鮮蝦柚子沙律沙律菜好新鮮，柚子甜甜酸酸好開胃，鮮蝦大大粒好彈牙，清新開胃，減肥首選，食多多都唔怕邪惡 🔸蟹肉炒飯炒飯大大碟，真係有啲蟹肉好鮮甜，入面仲加左啲配料一齊炒，好有鑊氣，想食辣可以加啲辣醬落去，夠曬惹味！🔸越式豬頸肉撈檬一定要食! 好有驚喜! 豬頸肉大大塊外皮焦脆，肉質軟嫩，可以沾上醬汁一齊食檬粉入口爽滑，可以配上酸汁一齊食甜甜酸酸好開胃

旺角食越南野，今次有新嘗試，就係位於通菜街的越式小廚🇻🇳呢度環境清雅舒適，有種好清新的感覺，食物都好有特色，點左兩款主食同一款小食，兩個人食剛剛好。 1.越式蒜蓉魚露雞比飯 $78 大大個雞髀，加上味道👅開胃，送飯一流。2. SEN招牌手切牛肉湯河 $88 生牛肉嫩滑，經典生牛肉湯河，呢個湯河可以改為色彩繽紛的麵底，今次試試蝶豆花麵，藍色的麵好有特色。3. SEN 特色法包 $68 裡面有好多料，燒豬肉，肉鬆，扎肉，青瓜，酸菜，口味超級豐富。甜品必食： 越式蘆薈珍珠乳酪 $29 ，酸酸甜甜，真係超級好味😋

冇search既情況下見Menu好似幾好就試下，價錢唔係好貴，選擇又幾多，經店員推介試左其中兩款，味道都唔錯有驚喜蟹肉炒飯炒飯大大碟，炒既時候好有鑊氣，蟹肉份量多，食既時候有鮮甜味，炒飯炒至粒粒分明，調味剛剛好，幾好食，另外佢地越式果個調味料都好惹味，值得一試明爐烏頭魚烏頭魚聽聞係佢地既招牌菜之一，外皮清潔得好乾淨，魚肉嫩滑，原條魚上檯，冬天食好暖胃，味道酸辣，愈食愈開胃 見佢地仲有撈檬、湯河果啲野食，睇樣都好似好吸引，有機會再試下必食鯪魚球

上星期帶家中兩老食越南菜，環境好光猛，坐得都好舒服，今次都試左佢地幾款野食都覺得唔錯越式香茅燒雞大大份燒雞可以叫黎同人分享，燒雞外皮香脆，雞肉仲係好keep倒肉汁好好食，可以配埋個醬一齊食更惹味蒜蓉炒通菜通菜煮得剛剛好，加埋啲蒜蓉幾惹味，黎到可以叫番碟試下越式燒豬頸肉飯豬頸肉以越式烤肉方式處理，鮮嫩多汁，表面帶微微焦香。搭配飯好香口 龍眼冰每粒龍眼都好清甜，好飲又解渴，食完油膩野可以解膩，下次再黎試下佢地既越式法包先

冬天最岩就係食湯麵，最近放學就去左旺角既【越式小廚】食左個lunch。越南菜我就必叫pho，另外試左佢既香茅鷄翼、春卷同龍眼冰。SEN招牌手切牛肉湯河：湯底同出面食既好唔同、非常多藥材香料味，好香濃牛骨味，而且食完之後唔會口渴。牛肉分量算好多，牛肉味重、口感軟霖。非常不錯。香茅鷄翼：外皮輕輕炸左，香茅味唔算太重，但好入味。鮮蝦豬肉春卷：超級熱辣辣，而且爆餡。調味不錯，店員推薦。龍眼冰：食熱野最岩配個凍飲、唔會太甜、龍眼算好多，非常透心涼。

越菜好多香港人都好鐘意，自從上次去咗越南旅行之後，間唔中都想喺香港食下越南菜，之前係關注組見到有人推介，今次搵左間由越南人主理的餐廳，有沙律、主食、牛肉等等，味道都好有驚喜，唔怪得知咁多人推介啦！明爐烏頭魚烏頭魚本身好大條又香，外皮焦脆，魚肉嫩滑，食既時候越式醬汁味道惹味，呢個性價比極高丫！Sen 特色木瓜沙律沙律好惹味新鮮，入面都有好多牛肉乾、木瓜、青芒，牛肉乾鹹鹹地，木瓜絲有咬口值得一試，減肥必食，HAHA ！ 頂級生牛肉生牛肉好新鮮，個色好靚，入口嫩滑，好特別又好味。正！

呢間越南餐廳最近係旺角深受歡迎，門面好光猛企野，見到個 Menu好吸引就決定去試下，今次試左店員推介既菜式，好正宗地道Sen 3色湯河湯河必點，個湯底甜甜地冇咩味精，入面加左新鮮生牛肉、牛腱同牛丸，生牛肉好粉嫩入口都幾嫩滑! 牛腱有咬口，牛丸大大粒好彈牙，河粉吸收湯汁後好惹味！呢個我覺得係必點丫 小食拼盤 有選擇困難症又想食多幾款小食一於試下個拼盤! 有齊鮮蝦豬肉卷4件 / 墨魚餅2件 同鮮蝦米紙卷 4件，鮮蝦豬肉鮮味十足! 墨魚餅好彈牙，自己最愛鮮蝦米紙卷，米紙好薄，鮮蝦爽口彈牙，清清地又好開胃，正！好滿足既一餐

終於搵倒一間地道既越南菜，前排朋友介紹話旺角開左間越南餐廳，由越南人主理，價錢不貴味道好好，今次同同事食lunch終於去左試，味道有驚喜酸辣海鮮湯檬 （鮮蝦｜瀨尿蝦｜扎肉），青檸梳打招牌菜越式燒豬頸肉飯必點! 豬頸肉外焦內嫩，搭配上香噴噴既白飯好惹味檬粉係越南野成日都有既菜式，所以都叫左碗試下! 酸辣海鮮湯檬入面有多款海鮮，有鮮蝦、瀨尿蝦和扎肉等食材! 湯底酸酸辣辣非常開胃，配海鮮一流，檬粉吸湯後好滋味好好食最後都叫左杯青檸梳打，青檸味幾出酸酸甜甜好開胃，食完油膩野最岩用黎refresh 下

依家係香港都食得到正宗越式味道啦😄今次去左一間位於旺角既越南餐廳，菜單選擇都好多，今次試左一啲餐牌招牌菜式，味道都有驚喜。招牌青檸酸梅綠茶青檸、酸梅兩者互相平衡，茶底香濃、酸酸甜甜好開胃，影相打卡都好靚，值得點黎試試。明爐烏頭魚烏頭大大條冇細骨，最驚係度慢慢挑啲細刺，食既時候啖啖肉，有鮮甜味，配上醬汁酸酸辣辣好開胃，抵食！Sen 特式法包 今次試左佢地個招牌法包🥖，入面有焗豬肉、肉鬆、扎肉、青瓜同埋酸菜，最鐘意食肉鬆，呢度真係大滿足，加入酸菜甜甜鹹鹹、可以分開一半同朋友開心share，份量仲要勁大，都係抵食之選！

比較少食越南野，見呢間賣相okay就決定試下! 佢地連店員都係越南人，不過都識講廣東話不用擔心，唔怪得啲野食咁正宗啦～🔴頂級生牛肉生牛肉顏色好靚，未食已經覺得好新鮮！牛肉鮮嫩，食到生肉既朋友仔一定要試下，呢個菜好特別，比較少見👍🟠檸檬葉燒多寶魚個色好金黃＋吸引，檸檬葉散發好fresh既香氣，多寶魚肉質鮮嫩，外皮酥脆，檸檬葉既香氣融入了魚肉中，為整道菜增添獨特的風味，又係必點之一！🟡鮮蝦柚子沙律沙律好清新，柚子酸酸甜甜好開胃，仲有大大粒鮮蝦爽口彈牙，作為輕食或同朋友仔share都岩曬，食多多都無罪惡感☺️☺️☺️見到佢仲有好多特色菜好似炒飯、香茅燒雞等等，下次有機會一定再黎試下先！

想食越南菜，見女人街新開左呢間，決定試吓。叫左個聖誕二人餐（過左聖誕都冇轉餐牌🤣）呢個二人餐$388+1，而家仲有85折。豐富到不得了🤣佢個擺盤好特別啱晒打卡👍木瓜沙律半隻燒雞菠蘿炒飯河内酸辣海鮮湯粉（鮮蝦、瀬尿蝦、扎肉）特色小食拼盤（鮮蝦豬肉春卷2牛，墨魚餅2件，鮮蝦米紙卷 2件）仲有甜品2份，特飲2杯同朋友食到飽到不得了🤣要打包！覺得菠蘿炒飯偏淡，冇乜味。河内酸辣海鮮湯粉都都係偏淡，唔太辣。小食比較出色，春卷熱辣辣脆卜卜。燒雞不過不失！服務態度都唔錯👍店員有禮貌！

旺角花園街新開咗間越南人開嘅越式小廚 宜家仲做緊新年晚市優惠85折 優惠期至2月8號 好抵食😍 💃 SEN招牌手打生牛肉湯河 88 +8 升級健康有益紅米河牛肉份量多唔會韌 湯頭濃郁 紅米河粉好滑 💃 蒜蓉炒通菜 78非常大碟 炒得香口唔會太辣 通菜都唔老 💃 越式香茅雞翼兩件 20 最鍾意係有得揀兩件或者四件 咁就可以嗌多幾樣唔同嘅嘢試 好食😋 💃 越式蒜蓉牛油法包四件 38足料蒜蓉醬 烤得香脆可口 💃 兩杯嘢飲 蜜糖柑桔班蘭茶 29龍眼冰 22 唔會太甜 同樣足料～