越式小廚

營業中

休息中

夜晚去左呢間食生牛肉粉 諗住隱於鬧市既小店唔會差 個裝修環境睇落都企理乾淨入到去見生牛肉粉有2個價一個60一個88 我都算啦 叫個88睇下點樣等個陣隔離枱叫野食問野飲點計 店員話要正價加 無得跟餐 個客人即刻眼神無奈左 佢同我都唔敢加野飲 要杯水冷靜下算🤨點知上到黎個牛肉勁細塊得好少 個賣相又非常差 啲檬粉係比出面既幼滑少少 但其實味道黎講係非常一般般 完全無其他人 comment咁好仲有最後係收加一 $97埋單😹 我張相係佢一上菜就影左 有圖有真相 性價比係邊？

係香港吃過最正宗的越南粉，湯頭清但吃到係牛骨熬出來的，粉稍微軟左d，牛丸彈牙味道夠，似係手打，牛骨肉唔硬唔爛剛剛好，整碗粉味道好正，環境乾淨，服務員態度好，以後會帶一家來吃

週末與朋友相約到旺角，下午茶時間我們選了「越式小廚」，試試他們的越南菜。餐廳人流不算多，我們很快便被安排入座。店內採用手機App下單，我與朋友分別點了兩個下午茶套餐，並加配小食 🍜🌟1. 香茅豬扒葛根粉 + 雞翼（2隻）🐷🐔這道套餐的主食是葛根粉，這種粉條的口感帶有韌勁，寬度較大，吃起來挺有趣。湯底是牛肉湯，味道尚可。然而，香茅豬扒的質感偏硬，並且香茅的味道不太明顯，醃料沒有深入肉質，整體口感偏乾且不入味 🙈 加配的小食是雞翼體積很小，味道也沒有太大驚喜。考慮到這份加配的價格是$15，平均每隻雞翼$7.5，感覺性價比不高 🥹2. 香茅豬頸肉河粉 + 越式米紙卷（2件）🐷🦐朋友選的這款套餐相對來說略勝一籌。河粉的質感與湯底保持了不錯的水準。豬頸肉的表現也比豬扒稍佳，肉質較嫩且帶有一點油脂香氣。然而，這份套餐的價格也比第一份貴了十幾蚊，性價比仍然一般 🙈至於加配越式米紙卷，則有些令人失望。米紙卷內的餡料包括蝦、粉絲和一些生菜，本身味道中規中矩，但份量實在太少。表面上是兩件，但實際上只是將一條完整的米紙卷切成兩半，幾乎是一口就能吃完，完全沒有飽足感 🥹整體而言，人均七十幾蚊的價格在下午茶時段

中伏！叫左碗牛丸牛腱河，完全不是越南正宗味道湯底勁味精，牛腱無味，超硬咬唔到！實物與圖片不符！圖片賣相豐富，勁多蔥，但實物湯底勁清，只得少量蔥！只得個咸味！價錢略貴

🇻🇳☕️🍜越南咖啡比湯粉好🔔QR code 點餐🆗特色鮮蝦豬肉卷湯檬 -$75豬肉卷好味，好得意用紫菜包住（唔肯定係唔係紫菜），但只有2條，而蝦有3隻冇咩味。檬粉爽口，可以叫少粉，配料仲有啲大豆芽、菇、蔥同芫荽。青檸辣椒會另上，至於湯底係蕃茄湯嘅味道，都會見到有啲茄肉，但係味道就唔係幾濃。✅順化鹽咖啡 +$18估唔到呢杯咖啡咁好飲🤩本身個咖啡底已經係好香濃嘅越南咖啡獨有味道，而上面嘅奶蓋好滑，鹹鹹地好得意，估唔到同咖啡又幾夾，建議大家一定要試吓，雖然Menu寫係常溫，但係其實都落咗冰塊喺入面，凍飲嚟。

一碗pho加杯嘢飲就要150蚊，旺角女人街收呢個價，味道唔出眾只可以話不過不失，但88蚊一碗pho真係太貴，仲要啲牛肉又碎又少。搞到依家係香港食飯好似係比人搵笨咁，香港依家呢個經濟仲要做呢種生意，真係覺得執都唔可以怪人。另外杯所謂特色嘢飲，真係唔覺有幾特色，但都要20幾蚊一杯，飲兩啖就冇，用高腳杯嘅份量已經少，仲要咁多冰，間鋪頭係覺得啲食客易呃定蠢。如果想試吓食完覺得唔抵嘅感受係完全可以試呢間，味道唔出眾，份量唔大，但價錢太貴，分分鐘我係港島食仲平過。

難得出左旺角返工，放食lunch同同事周圍行下，搵餐廳食野醫肚，經過兩三間餐廳，就見到一間越南餐廳，我地兩個一致決定行入去呢間San越南餐廳！一入去，就見牆上掛了幾幅畫作，植物襯托及有以木制品為座枱環境令人覺得好舒服，坐低後，商討一輪就點左：🥢SEN招牌牛排骨三色河粉一碗入面有牛排骨、手切生牛肉、牛丸，材料十分豐富👍食之前一定要飲啖湯先，湯底牛肉味濃而不膩，牛排骨肉質鬆軟，牛丸爽口彈牙，生牛肉十分新鮮，真係食到停唔到口😆🥢越色燒豬頸肉飯蔥油及秘制醬料配上燒豬頸肉可以中和肉的油膩感肉質，三者搭配一齊，再加一啖白飯，唔駛講我朋友將成碟飯食清光☺️🥢越式酸辣鳳爪酸辣鳳爪雖是午餐跟餐小食，但份量十足，我同朋友一齊分左黎食，兩人評價都係酸酸辣辣，兩者之間味道十分平衡，鳳爪爽脆十分有效口，係我地角度是很好的開胃小食🥰如果大家想去食越南菜，不坊可試下呢間越南餐廳❤️

琴日同朋友入咗女人街搵野食，真係唔同哂，冇乜選擇了。一係就吉鋪，一係就幾間都食拉麵。行行下見到間越南野食，見鋪冇乜人就入去試吓啦。坦白講價錢唔貴嘅，二人點了河內酸辣海鮮湯檬、越式豬扒撈檬、手打墨魚餅。 職員送上酸辣海鮮湯檬，第一時間當然試吓佢個湯頭先，一飲粗口都想爆，咩料呀⋯⋯首先唔好講鮮味，當然冇啦，只係飲到鹽水加蕃茄水再加辣油水味😵‍💫，賴尿蝦同蝦嘅肉係實同柴嘅，扎肉就實兼冇味，豆卜索咗啲辣油水味都真係幾攞命。手打墨魚餅都係失望， 只係食到鹽味加粉，豬扒撈檬，花生都冇粒，豬扒又係柴實。

我其中一個推薦嘅菜式係越式豬頸肉飯。豬頸肉燒得香脆多汁，肉質嫩滑，每一口都好滿足。配上香氣四溢嘅越式調味料，味道更加濃郁。另外一個推薦嘅小食係越式鮮蝦豬肉春卷。春卷內裡包著鮮蝦同豬肉，口感豐富。鮮蝦肉質鮮甜彈牙，豬肉則帶有一絲絲的香氣。配上特製的越式醬汁，令這道菜更加開胃。每一口都充滿了東南亞的風情。飯後可以嘗試洛神花奇亞籽茶。呢杯茶飲有一種獨特的酸甜味道，非常清涼怡人。洛神花對身體有益，而奇亞籽則提供了纖維和營養。茶飲入口滑順，奇亞籽爆破時帶來一種有趣的口感。

今次我叫咗佢哋嘅越式香茅豬扒湯檬。豬扒煮得剛剛好，湯底以香茅為主，帶嚟一陣清新嘅香氣，令人食嘢之餘心情愉快。湯檬加入咗一啲酸酸嘅風味，令湯底更加開胃。另外我叫左一份越式香茅雞翼小食。雞翼烹調得香脆多汁，外皮炸到金黃酥脆，入口咬下，肉質鮮嫩多汁，配合香茅嘅香氣，味道更加香濃。每一口都充滿咗越南獨特嘅風味。如果你鍾意食雞翼同埋香茅味道，呢道菜絕對係你嘅不二之選。最後，我試咗越式蜜桃珍珠紅茶。呢杯飲品真係非常清爽，帶有蜜桃嘅香味同埋珍珠嘅嚼勁。茶底鮮美濃郁，配合蜜桃味道，令整杯紅茶更加鮮甜。呢個越式珍珠紅茶絕對係一個消暑解渴嘅好選擇

屋企人食過話呢間餐廳味道好好，佢地既濛粉好冇特色，今次叫左兩款口味既湯檬，又酸又辣好惹味😀酸辣海鮮湯檬 有兩款海鮮包括鮮蝦、瀨尿蝦同扎肉，鮮蝦彈牙，瀨尿蝦平時少見好好味，扎肉帶鹹香，配上酸辣海鮮湯底清爽滋味，食得辣既朋友仔要試下頂級順化湯檬 有齊豬腳、牛腱、扎肉同牛丸順化係越南幾出名既地方，呢個湯底都係辣辣地幾惹味，入面有多款配料，自己最鍾意豬腳，骨膠原滿滿，扎肉平時都係比較少見嘅龍眼冰龍眼冰都好好飲，滿滿龍眼肉整食，味道清甜解膩

呢日去咗旺角食CP值超高嘅越式小廚，呢度$60起就有一大碗越南檬粉或者飯🍲 都幾抵食😋！🍜 河內酸辣海鮮湯粉 （$88）我就叫咗個超多海鮮嘅湯粉，佢嘅海鮮入面竟然有瀨尿蝦肉！勁正！平時鍾意食瀨尿蝦但又貴又懶得拆肉，估唔到喺一碗檬粉入面滿足咗我呢個願望💗 裏面仲有鮮蝦、魷魚、扎肉、豆卜等，調味都好鮮甜👍🍢 越式檸檬葉串燒雞 （$40/2串）串燒雞肉大大舊，加埋香葉好有越式風味，仲可以淋上沙嗲醬😚 ☕️ 順化鹽咖啡（$88）天氣好熱又唔想飲凍飲，我叫咗呢杯常温嘅順化鹽咖啡，又幾特別喎😛

經過旺角見新開左間越南餐廳，果日見都好多人食就試左，味道都唔錯有驚喜! 越式香茅燒雞 因為得2條友就叫左半隻，外皮燒得好靚仔，食既時候帶點焦脆，香茅味都好重，好有風味，雞肉嫩滑明爐烏頭魚烏頭魚大大條，肉質很滑，用左越式方法去整，調味酸酸地好開胃，值得一試 酸辣海鮮湯檬 鐘意食海鮮既朋友仔要試下! 好豐富，入面有鮮蝦、瀨尿蝦同扎肉，蝦肉彈牙，比較特別係有瀨尿蝦，幾特別! 湯檬係越南幾出名，吸收湯汁之後好好食，好鐘意個湯底

估唔到越南餐廳都有咁正嘅咖喱飯食，好好味啊🤤呢間餐廳位於旺角通菜街內，店舖環境唔算好大，不過四四正正，坐得都幾舒服，而且仲有盆栽及油畫佈置，認真唔錯👍越式鮮蝦米紙卷第一次食呢個米紙卷，原來係咁清新嘅口味，好岩鍾意食得清淡嘅朋友☺️食用時記得沾上平時檬粉用嘅汁，酸酸甜甜又清爽，作為前菜食都幾岩😍越式咖喱三文魚飯呢個咖喱絕對有驚喜🤩🤩三文魚煎到岩岩好，食落又香又夠焦脆，加埋個調料十足嘅咖喱醬汁，送飯一流，令人愈食愈停唔到口😝😝越式蜜糖青檸薑茶越式蜜糖較甜，配上青檸薑，醒神又滋潤🥰📍越式小廚 (旺角)旺角通菜街29號地舖#越式小廚 #美食推介 #旺角美食 #女人街美食 #人氣推薦 #yummy #香港美食 #越式料理 #越式咖喱 #咖喱控 #foodie

今日去左旺角行街，食晏時間條街咁熱，見到有間食粉麵嘅都幾啱呢d天氣食，所以就入去試下。越式生牛肉湯河（蔬菜粉）🅰️🅰️🅰️🅰️🅰️呢間幾特色就係用蔬菜粉，我就未試過，似泰國彩虹河粉咁，味道正常不過好健康咁😝講返個主菜，湯底唔會有味精味，牛肉始終係新鮮牛肉都有肉味又嫩滑，整體唔錯，推介！越式燒頸肉🅰️🅰️🅰️🅰️🅰️大家見呢份其實係細份嚟，估唔到都有咁多舊，而且又大大塊，呢個幾抵食，有驚喜。蜜糖薑茶🅰️🅰️🅰️🅰️好重薑味，感覺好足料咁，甜甜地用嚟解一解豬頸肉嘅油香就啱啱好，呢杯幾推薦大家試下。係旺角區街頭有間舒舒服服食餐粉麵，又唔係食遊客價錢嘅小店麵幾值得支持，尤其係佢地員工好好笑容，用餐體驗愉快，推薦大家過開嚟搵食試下！