越式小廚

營業中

休息中

旺角有好多好野食，今次睇網上見好多人讚話呢間越南野都幾好🤤同朋友黎食dinner，味道有驚喜Sen 特式法包必點！真係枱枱都有叫，好大個可以同朋友開心share🤤入面有好多餡，包括焗豬肉、肉鬆、扎肉、青瓜、酸菜，焗豬肉帶鹹香，肉鬆香甜滿足中間都有啲酸菜有助平衡番油膩感，要試下蟹肉炒飯炒飯好有鑊氣，炒至粒粒分明好香口，蟹肉份量多，加入配料好有口感，同朋友share最岩頂級順化湯檬 湯底辣辣地，順化係越南🇻🇳一個好出名既野食，湯濛清甜滿足，內有豬腳、牛腱、扎肉同牛丸，豬腳好有骨膠原，好足料丫，抵食！

餐廳：越式小廚地點：旺角通菜街菜式：越南菜餐牌：而家有試食限定優惠，有湯粉9選1，撈檬6選1，可免費轉蔬菜檬/紅米檬粉/紅米河粉，中午至5點半前包飲品。主餐牌有越南地道湯粉，越式撈檬，飯類，越式地道小食，港人喜愛的湯檬，飲品。Sen三色湯河 $88三色包括肥牛，牛丸同牛展。肥牛係粉紅色上枱，口感嫩口，肥膏多。牛丸兩大粒，彈牙多汁。牛展三片，又淋又有牛味。我加$5升級健康有益蔬菜檬粉，顏色見到三四隻色，口感非常滑溜，份量夠飽肚。加有洋蔥絲，薄荷葉同蔥花，加埋另上既新鮮芽菜更加清新多重口感。仲有辣椒同青檸比你自己調味。個牛湯底都算清，我鍾意加d辣椒少少辣辣地更好食。越式豬頸肉 細 $45越式豬頸肉一客六片，燒得燶邊，食落非常脆口，好正，面頭加上脆脆，仲有生菜墊底。越式蘆薈珍珠乳酪 $29越式蘆薈珍珠乳酪用玻璃碗上，係原味乳酪加有好多兩色蘆薈珍珠粒，面頭再加兩片邊桃，味道少少甜又好清新，好爽口潤喉，非常健康好味。餐廳環境都乾淨企理，上菜快速，今餐食物質素都唔錯。

很有驚喜的一餐越南菜。👍🏻👍🏻👍🏻越式魚露雞髀湯蔬菜檬（$68）可免費轉蔬菜檬，檬粉七彩繽紛的，顏色很漂亮，而且口感滑溜溜的。雞髀分開上，雞髀很大一隻，香煎過的雞髀 外皮脆卜卜 ，配魚露醬很惹味 。越式檸檬葉串燒雞2件（$40）外加了兩串小食。串燒雞同樣香口。和雞髀一樣皮脆肉嫩。配上沙爹醬好yummy😝招牌青檸酸梅綠茶（跟餐加$18）酸梅帶少許鹹味， 非常透心涼 。餐廳價錢很相宜，絕對會有下次。

越式小廚旺角通菜街29號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：招牌手切生牛肉湯河 $88，越式檸檬葉串燒雞 (2串) $40，招牌青檸酸梅綠茶(凍) $29招牌手切生牛肉湯河：生牛肉切得十分薄，入口嫩滑，可以更好地吸收湯汁的味道，也讓牛肉更容易入味。 牛肉肉質鮮美，與軟糯的河粉完美的搭配在一起。 湯汁清爽醇厚，充滿了牛肉的鮮香味道！😄😄😄越式檸檬葉串燒雞：燒雞串烤至焦香惹味，雞肉入口鮮嫩多汁，搭配的檸檬葉為雞肉增添了一道特別的香氣和風味，搭配越南特殊的調味料後，香氣撲鼻，味道鮮美！👍👍👍招牌青檸酸梅綠茶：綠茶有清爽的口感和獨特的茶香，味道十分清新，酸甜度適中，青檸的酸味和酸梅的酸甜味相互融合，既開胃又解渴！😍😍😍

女人街多野食又多款式，心血來潮想食碗越南河粉，終於比我見到間《越式小廚》，嗱嗱聲嗌返個生牛肉河，餐廳環境乾淨，而且座位都寬敞🥢招牌手切生牛肉湯河生牛肉片鮮嫩食落有肉汁，肉質細嫩，師傅刀功手切均勻，唔會太厚到食落好韌個隻，湯底清澈，散發出淡淡的牛肉香氣，湯河粉的麵條筋道彈牙，入口滑爽，配埋肥仔芽菜口感一流🥢越式豬頸肉豬頸肉厚薄切得啱啱，充滿了豬肉嘅鮮美味道。而越式烹調方式帶出了豬肉嘅原汁原味，豬頸肉的口感也十分特別，嚼勁十足，帶有一絲嫩滑的感覺，而且燒完食落一啲都唔柴🥢海防手打鮮墨魚餅墨魚餅新鮮鮮，外層煎得金黃酥脆，而且墨魚餅體經過師傅手打，質感緊密，咬落墨魚粒口感有層次，墨魚餅可配上越南特有的醬汁➡️越南辣椒醬，而且辣度仲好夠☕️滴滴咖啡滴滴咖啡的口感則是濃郁豐富，入口滑順，餘味悠長，帶有一絲特有的甘甜和苦澀味道，奶嘅份量都啱啱奶，甜味適中

帶住條魚🐠搵食之旺角《越式小廚》，餐廳位於女人街地舖，餐廳入邊設有上下兩層坐位，環境唔錯💛河內酸辣海鮮檬粉💛有蝦、魷魚、瀨尿蝦、扎肉蝦頭湯底、肥仔芽菜蝦頭湯底香味夠，不會太濃。檬粉吸收了湯底味道啱啱好。海鮮都好足料，竟然發現到有瀨尿蝦肉，小編甚少見越南粉麵會有瀨尿蝦肉。整體味道不錯💛海防手打墨魚餅💛熱辣辣炸起的墨魚餅口感十足，入面的墨魚粒都夠彈牙，增加整體的層次感。加上店員推介的獨特越南辣醬，另有一番風味💛越式香豬頸肉💛豬頸肉片切得薄而均勻，肉質鮮嫩多汁，每一啖都散發出濃濃的豬肉香氣。而豬頸肉經過越式烹調，香料搭配得好好，味道十分獨特。豬頸肉表面經過醃製，滲透左各種香料嘅風味，燒至金黃酥脆，外脆內嫩，口感豐富💛滴滴咖啡💛滴滴咖啡的風味濃厚，口感濃郁，帶有一絲特有嘅甘甜，口感滑順柔和，咖啡滴完之後嘅溫度啱啱好

今次為大家介紹一間好味既越南菜，位於旺角、Menu選擇都好多，店員都係越南人，好有heart，環境唔算好大，不過都坐得好舒服，今次叫嘅嘢食都係店員推介我哋試既Sen 招牌手打生牛肉湯河生牛肉大大塊入口嫩滑，湯底清而香，河粉吸湯後好惹味，大滿足香茅雞翼香茅味好香，雞翼大大隻外皮香脆，內裏好juicy酸辣海鮮湯檬 湯濛有幾款選擇，今次揀左款海鮮果款，酸辣湯底好清爽，入面內有鮮蝦、瀨尿蝦、扎肉，海鮮好鮮甜，扎肉有咬口，正！

要係香港搵好食既越南菜一啲都唔易，今次係旺角就搵倒間新開的越南菜，味道好似幾好味🤤除咗一般，喺街連鎖餐廳可以食到湯濛河粉等等之外，佢哋都有比較特別嘅冷盤、燒物，價錢都唔算好貴，食得出係用心製作🤭頂級生牛肉睇顏色就知好靚♥️牛肉入口嫩滑，食既時候唔會有腥味，配上醬汁一齊食更滋味，可以一試檸檬葉燒多寶魚多寶魚大大條，唔算多骨但好重魚味，加埋檸檬葉酸酸甜甜好惹味蒜蓉炒通菜通菜不會太油，配上蒜蓉更香更惹味，值得一試。

平時食開白色的檬粉，第一次食到蔬菜麵製成的湯檬。口感都保持到彈牙的感覺👍🏼 麵條算係幾creative 而且湯底有得揀蕃茄湯，味道唔算太濃，太多油脂、清清地。地豬頸肉切出嚟幾靚仔，燒出嚟嘅顏色都幾 ok。原本怕豬頸肉唔夠飽，就另外嗌咗兩隻雞翼。咁其實豬頸肉嘅size都有唔少，大概都有八至10片。咁香茅雞翼就似係氣炸咁，外面幾脆的～ 點埋甜酸汁就幾開胃！但佢杯青檸薑蜜真係好足料😂 冇諗到撈起會有幾片生薑

本身唔諗住食呢間，不過誤打誤撞入左黎，叫左豬扒撈檬同埋牛丸河粉。豬扒撈檬幾好食，但係豬扒乾硬左少少，有改善空間。牛丸河粉味道正常，不過不失。總括嚟講，係間幾好既餐廳，如果冇咩野想食都可以食佢。

前排係旺角做完野搵野食，見呢間都好多人食，越南野平時好少食，今次試呢間連店員都係越南人，好有氣氛，值得一試越式香茅燒雞 半隻半隻燒雞大大隻又肥美,雞皮香脆，肉質都好嫩滑Sen 特色木瓜沙律 見好多人推介佢地個沙律當然要試下，木瓜切成絲好惹味，加入牛肉乾及青芒酸酸甜甜，口感爽脆青檸梳打 青檸味重梳打好夠氣好清爽Sen 特式法包🥖好多人叫，法包大大嚿，內有好多餡料包括 焗豬肉、肉鬆、扎肉、青瓜、酸菜，豬肉好香，酸菜有助中和油膩感，值得一試

平日唔多去九龍，果日經開旺角女人街就入咗去，當晚環境乾淨，而且食客唔少，就試下啦 。睇咗一輪，我哋叫咗2個主食再加1個小食，諗住咁樣已經好夠食啦 。上餐快，主食份量慷慨，但當小食上時就覺得感覺差，就算係「2份」都唔會係1條春卷再1分為2掛😐…份量就見人見智啦.. 性價比係難過地低嘅，比較就好傷害囉 。整體嚟講，還好吧～食咗大x好多年，未試過有份量問題，同埋成$30賣1條春卷…. 我未好睇得透加上係普通嘅 。

屋企人少食越菜，但朋友推介話呢間新開既越菜好出名，今次就決定去試下，Menu都好多野揀，值得一試，本身想試佢條多寶魚，不過因為得一個人，下次約埋朋友先食睇落去好吸引😍鮮蝦柚子沙律沙律好新鮮，柚子帶粒粒更有口感，鮮蝦大大粒爽口陣牙，好有驚喜Sen 特式法包 好少食越式法包，入面好足料，內有焗豬肉、肉鬆、扎肉、青瓜同酸菜，焗豬肉甜甜鹹鹹，配上青瓜及酸菜酸酸地有助解膩龍眼冰入面真係有粒粒龍眼，味道清爽解膩，最欣賞係唔會太甜，岩曬我想食正宗越南菜既朋友，唔好錯過呢間喔

朋友第一次帶我黎食，起小巷中發挖到間好野！我地叫左個二人特色大餐～木瓜沙律炭燒秘製汁排骨招牌手打生牛肉湯河越式菠蘿炒飯特色小食拼盤椰汁甜品特飲兩杯滿滿的儀式感☺️

最近去左旺角食越南菜，味道都好好👍🏻店員全部都係越南人，好nice，今次跟左推介食幾款招牌菜，味道都好好，好有驚喜👍🏻越式香茅燒雞 今次叫左半隻燒雞，外皮焦脆，雞肉好香滑，入面仲加左香茅味更惹味，可以配上醬汁一齊食檸檬葉燒多寶魚多寶魚大大條，燒完外皮焦焦地，肉質嫩滑，加上檸檬葉酸酸甜甜好開胃Sen特色木瓜沙律 自己好鐘意木瓜沙律，入面都有好多配料，有齊牛肉乾 、木瓜、青芒，清新同時帶鹹香，作為小食或者輕食都可以呢間整體都真係唔錯丫，會再試，推介