越北牛肉粉

營業中

休息中

估唔到原來荃灣都有啲咁抵食嘅越南餐廳，今日食呢碗海防蕃茄蟹檬，只係$69仲有嘢飲添。呢個蕃茄湯底，又有肉碎，黑椒扎肉、貢丸，而且仲好大方比半隻蟹你㖭。湯底係有蟹嘅鮮甜，加埋啲肉碎一齊食就真係Perfect。而且佢嘅黑椒扎肉係好好食，湯檬份量好多。飲品我就加$12試吓佢哋嘅越南滴溜咖啡。味道都唔錯。凍飲熱飲同價，咁梗係要買冰底啦。啡香重又有啲椰子香，係正宗越南咖啡嘅味道。不過呢個餐好似係下午茶，要兩點後先有得叫。

今日喺荃灣千色店食晚餐，呢個dinner set幾抵，$200有找，又唔使加一。Set A: $88香茅雞扒撈檬 $88有大大塊香茅雞扒，撈檬偏清淡 ，有醬料可以自己調制岩自己口味嘅味道。馬拉盞灼通菜馬拉盞好香，灼通菜都係偏清淡，如果馬拉盞再多點就好。薄荷青檸梳打 （特飲+$3）好fresh好清爽，夏天必飲。Set B: $93咖喱牛腩飯咖喱好濃郁，牛腩都有8塊左右，好抵食。烤豬頸肉唔錯幾香口，不過得四塊唔夠喉。三色咸檸七 （+$3）咳嗽仲未好，似呢個喉嚨舒緩。越北牛肉粉（荃灣千色匯）荃灣眾安街68號荃灣千色匯I期1樓1023號A舖

幫襯咗越北好多年🙂事關平靚正 又多選擇 總有一款岩食最鍾意就係食佢地嘅撈檬 因為個魚露汁味道特別 唔會一味鹹或者酸 而係調得剛剛好 清新開胃 🤤次次都唔覺意倒好多落碗麵度佢地嘅檬粉口感特別 比出面嗰啲粗身 但又好滑 幾好咬 唔會有粉感🍜今次叫左個香茅雞扒撈檬 雞扒好juicy好厚肉 雞皮又脆 正👍晚市有一人餐&二人餐 人均$100有找 包主食+小食+飲品小食可以揀菜/燒豬頸肉/春卷/無骨鳳爪 每款都大大碟！最後飲左杯菊花桂圓紅棗茶 十分多料🌼養生又解渴

順化湯檬粉湯底微微的辣，好易入口，入面有好多餸，有扎肉、豬肉、牛丸、牛腩。份量真係多。以4餸面黎講，$63算好抵食。牛腩好大件，肥瘦均勻，入口即溶。牛丸偏細粒。扎肉豬肉正常水準檬粉好爽口。三寶撈檬三寶即係雞翼、扎肉、豬排。雞翼外皮炸得好脆，同埋入味，好味！扎肉同順化湯檬粉一樣豬排偏重口味，少咸！撈檬加左生菜香葉炸蒜增加越南風味！鳳爪呢個推薦，好彈牙，同埋夠辣，惹味，酸酸辣辣好開胃🤤去左骨，食起上黎好方便！豬頸肉豬頸肉唔算出色，外皮不夠脆同入味。但都不錯食，啖啖肉熱檸水蜂蜜玫瑰柚子茶 好香玫瑰味幾甜餐廳位置係荃灣地鐵站鄰近商場，地點就腳。餐廳環境有好多卡位，同埋闊落。

生牛肉 中上，肉味一般，尚算合格，準確來講係入得口湯頭尚算合格，味精湯，冇端端有舊白蘿白，吾知為乜有都算，仲要唔新鮮系生洋蔥新鮮d, 食到洋蔥既甜味欣賞佢嘅蔥花雖然吾系即刻奉上一杯暖水但係事後有位識do (注長頭髮綁馬尾女士Jo Jo）既伙記，即問即送上黎，可惜嘅係送上了一杯熱到冒煙既水，若然系溫水更佳有個短頭髮帶眼鏡員工好串，大家避雷，同佢講要少粉面，話冇我正價俾錢㗎喎，公司制度都唔好啦，冇得齋叫餸餐廳算闊落，典雅，在此商場裝修算係咁

餐廳環境闊落，坐得幾舒服👍🏻食物既選擇都好多，晚市仲有個好平既Combo Set，100蚊都唔洗就有主食、小食同野飲😛主食叫左個河內香茅烤雞扒撈檬同越北綜合牛肉湯河😎個雞扒烤得好香，D肉質好juicy，唔會又乾又鞋🙈個牛肉湯河有生牛肉、牛腩片同牛肉丸，D牛肉好軟嫩，係D熱湯到浸到半熟最好食，牛肉丸都好彈牙😆小食就揀左馬拉盞炒通菜同豬頸肉，個菜幾新鮮，炒完之後鹹鹹地好惹味🤤個豬頸肉爽口得黎油香豐富👍🏻飲品想特別推介桂圓紅棗茶，佢好足料，除左桂圓同紅棗仲有好多花，好香好滋潤🥳整體黎講我覺得呢間性價比好高，會再去😛

荃灣千色匯人流非常多，有好多小店進駐，原來食肆也不少。今日又係一人吃晚餐，隨便找一間吧。越北牛肉粉有個清新配搭A+B+C，選擇多，價錢也合理，A. 選了「街頭香茅豬扒」可以配搭米飯、撈檬或者湯粉，香茅豬扒好香香茅味道，不太厚但稔身中間帶點肥，好好味，我選了撈檬，檬粉爽身再淋上醬汁又有大量生菜絲、青瓜絲，炸蔥等，香口醒胃。B類 越北炸春卷 香脆，餡料豐富有肉碎、紅蘿蔔、香菇等，配上新鮮生菜，美味的小食。越式咖啡有它獨特的香味，今次選熱的加奶咖啡，味道濃香。

年廿九執屋執到好夜先食飯🫠突然想食肥牛🥹但附近既打邊爐舖唔係已經last order就勁多人⋯⋯🫠🫠🫠行過越北見冇乜人未收就fit晒👍🏻見到佢個新野帽子鍋就試試佢～賣相幾靚基本食材有晒👍🏻不過原來個鍋超快熱(較細左都係咁)🤣因為咁d湯都會熱到滾左上個帽邊🤣🤣🤣然後你係唔可以好似平時火鍋咁慢慢嘆🤣係要全部車晒落去🤣🤣🤣Ok咁其實同直接叫個生牛河係一樣的🤣🤣食左個儀式感同keep到個溫度既🤣😝

下午茶餐好抵食，未夠六點嚟，間餐廳都坐到滿晒，足以證明深受街坊歡迎。餐牌套餐有好多選擇，有唔同款式嘅飯同面，每個套餐仲可以加配小食。雖然係下午茶餐，但係份量一啲都唔細，食到好飽，可以當晚餐食，好抵！綜合牛肉湯粉有三款牛：肥牛、牛骨髓同牛丸，牛既份量好多，肥牛好香，唔會太肥，牛骨髓好煙韌有口感，口味好濃，牛丸都好味，個湯底好香好夠味，檬粉吸晒啲精華，正！三寶飯有香茅豬扒、雞翼同扎肉，份量亦都係好多，啱晒鍾意食肉嘅人，豬扒同雞翼都處理得好好，香茅味好夠，外皮整得好脆，個飯質感好好，夠軟綿！

放假諗唔到食咩，就最鍾意食越南特色菜式😂😂今次去見到有set，於是就試互越式咖哩牛腩、配個小食越北炸春卷😄😄另一個set就叫左順化湯河、小食要豬頸肉，另加左個蟹肉紙米卷。👍🏻👍🏻首先，我要講下越式咖哩牛腩。佢嘅咖哩汁好濃郁，帶有濃厚嘅香料味道，令人食落去真係好開胃。🥰🥰牛腩煮得好軟好入味，每一口咬落去，都能夠品嚐到咖哩嘅風味同埋牛腩嘅鮮甜。仲有啲配菜，例如馬鈴薯同埋胡蘿蔔，令菜式更加豐富。😀😀呢個越式咖哩牛腩真係好正😆😆其次，小食越北炸春卷嘅外皮炸得金黃酥脆，入面嘅餡料有蔬菜同埋蝦仁，味道鮮美。每一口咬落去，都能夠感受到外皮嘅脆脆口感同埋內餡嘅鮮甜。😳😳😳最好食嘅係配埋啲越南辣椒醬，增加咗菜式嘅風味同埋辣度，真係好開胃！😏😏😏順化湯河係一道咸甜味濃郁嘅越南粉類菜式，佢嘅湯底好鮮美，充滿咗順化菜式嘅特色。🥹🥹湯底濃郁有層次，仲有超多配料😁😁😁小食豬頸肉同蟹肉紙米卷都係我好推介嘅菜式。👍🏻👍🏻小食豬頸肉燒得香脆，肉質鮮嫩，每一口咬落去都有獨特嘅口感同埋豬肉嘅香味。🥰🥰蟹肉紙米卷係一道清爽嘅菜式，用紙米皮包住鮮嫩嘅蟹肉同埋蔬菜，再蘸上特製嘅醬汁，真係好開胃。☺️☺️☺️

沙田越北因好運中心裝修而沒有了，最少有半年無食過。今日出黎荃灣呢間啲湯底好夠熱，碗牛丸牛肉檬粉好好味，牛肉浸落熱騰騰既湯好快熟，好嫩滑，蘿蔔大件好熱，湯底夠濃香。員工落單快，上食物快，行動迅速有禮貌，抵讚！

闖入這間越南餐廳，真係一個正宗越式滋味嘅體驗👅！上嚟頭盤嘅牛油蒜香雞翼，佢嗰陣牛油香味，真係撲鼻而來，令人食指大動。啲雞翼好夠味，唔會過鹹，油香中帶有恰到好處嘅蒜味，揼得啱啱好，外皮香脆，里面嘅肉又多汁。之後嘅越北生牛肉湯粉，湯底一流，又香又有深度，啲牛肉夠腍，乘熱嘆一大口，真係夠曬心暖。每條粉都吸滿咗湯汁，一路滑落喉嚨，過癮！順化湯檬又有另一番滋味，輕微嘅酸辣，開胃得嚟唔覆蓋咗原材料嘅鮮味。烤豬頸肉就熟得剛剛好，外焦里嫩嘅質感令人喜出望外。一啲都唔柴，啲肉汁保持得好好，嗌嘅飲品薄荷青檸梳打同埋三色鹹檸七，解膩又提神，啱哂配埋啲風味濃郁嘅越式菜式。整體嚟講，來到呢度食餐飯，真係體驗到越南各種鮮明嘅地方特色，非常值得一試！👍🔥😌

🔸街頭香茅豬扒撈檬   $55有一大塊炸猪扒足足佔咗半個碗，一上枱就有好香炸豬扒味，肉質係比較肥㗎，但又唔會好腻，食起嚟好滿足。最鍾意就係個檬粉可以任由我落好多冧汁，當湯咁撈埋一齊食。 而且仲有好多配菜：薄荷葉、青檸、生菜絲、紅蘿蔔絲 、青瓜絲，食起嚟口感又爽又滑，當然撈咗碌冧酸甜汁之後個檬粉就係甜甜酸酸好醒胃。另加 小食 豬頸肉 半份   $30豬頸肉就係燒得好香，好似叉燒咁，但係就大大片比較肥，好爽口又惹味。 旁邊伴咗啲腌青紅蘿蔔絲，係一個開胃嘅小食。 豬頸肉雖然唔算好多，但係以$30嚟計，都算係抵食。味道：8/10性價比：7/10🔸西貢咖哩牛腩飯   $58 另加 $3餐飲凍檸茶呢個咖哩牛腩飯一上枱就有好香咖哩味，畀咗一大兜咖哩牛腩 ，當然裏面一定有啲薯仔，咖哩味十足，好食。味道：7/10性價比：7/10🔸越北生牛肉金邊粉   $53呢個金邊粉係以牛骨湯做湯底嘅，好有牛味， 上面放咗两枚 生牛肉，係比較瘦嘅，但又唔會好柴 ，配菜係傳統嘅越式 河粉里面有嘅薄荷葉、芽菜、香蔥絲等。另外餐廳仲配咗 一兜青檸同埋紅椒粒， 如果想食酸辣嘅，可以自己放落過湯粉度增味。特別鍾意佢有一大嚿蘿蔔喺

最近我到越北餐廳用餐，我點了他們的二人餐，裡面有一份蔬菜、一個前菜、一個主食和飲料。份量非常充足，足夠兩個人的飢餓感。其中一個主食是馬拉盞通菜，這道菜炒得恰到好處，通菜不會太老，保持了蔬菜的鮮嫩口感。馬拉盞的風味豐富，調味有微辣口感和香氣。除了二人餐的主菜，我還額外點了一個家鄉煎扎肉。這道菜外皮炸得脆皮微焦，。口感酥脆，肉質鮮嫩。另一道我點的菜是法式蒜蓉牛油雞翼。這道菜的蒜蓉粒非常多，充滿了濃郁的蒜香味。牛油的香氣也很濃郁，增添口感。雞翼烹調得恰到好處，雞翼中間有𠝹開，展現了餐廳的細心。我還點了西貢咖喱牛腩配白飯。這道菜的咖喱非常惹味，帶有一定的辣味，色澤鮮豔。牛腩燉得十分軟嫩，入口即化，與咖喱的味道完美結合，而且咖喱牛腩用瓦煲上，熱度十足搭配白飯一起食用，絕對是很好的組合。除了牛腩，還有薯仔吸收咖喱精華。在飲品方面，我點了凍青檸紅茶。這款飲品的紅茶底香濃，而青檸的酸味為整個飲品增添了清新的口感。我還試了他們的薄荷青檸梳打。這款飲品帶有清新的薄荷香氣，氣味宜人，讓人感到清涼舒爽。兩款飲品都一種非常開胃和解渴的飲品。

今日星期六兩點左右到達，店內滿客要等位，看見有幾張四人枱，都可以讓兩個客人坐（不用搭台）由於我兩人比較多隨身物品，於是取了B 飛（3 至四人）等了20 分鐘左右便叫我票號，並安排坐於一張四人卡位，但當坐低一陣，有個呀姐知道我兩位，便十分不禮貌要我出去再等過，說因為繁忙時間，但為什麼其他客又可以二人坐四人枱呢？真的十分不公平這位員工應該提升服務態度和彈性處理座位安排越想越嬲😡十分不愉快的經歷🙁以後不會再光顧這店😡