越北牛肉粉

營業中

休息中

好耐沒有食越南餐，今日行過見到越北好想食 見到餐牌有一人餐好抵食，包湯粉或飯＋ 小食又有幾款選擇 + 飲品/甜品，衹係$80多元，非常經濟實惠，而且又無加一服務費 雞扒撈檬 $82炸春卷熱咸吉水 係冬天飲杯熱辣辣飲品好温暖，對喉嚨又好香茅雞扒，雞肉嫩滑，檬粉越式醬料好好味香炸春卷，入面有肉有蔬菜咖喱牛腩飯 $88炸春卷熱奶茶咖喱牛腩飯，牛腩好入味又軟身，咖喱唔辣但好香牛湯浸蘿蔔 $26蘿蔔浸左牛肉湯好鮮甜，又浸淋易食

每日返工講到口水都乾，放工只想食d 有湯的粉麵濕濕個口， 謙謙提議食越式野，因為我可以食湯粉，佢就可以食撈檬喎。我地叫左兩個套餐，有小食兩款，湯粉兩款，飲品和甜品各1，另加一碟菜 ⬇️⬇️⬇️⬇️⬇️⚛ 河內香矛烤雞扒撈檬 ～ 用香矛醃製過的雞扒，味道好香，雞扒外皮烤得香脆雞肉內嫩，倒入魚露拌勻檬粉和菜絲食最正。⚛ 順化湯金邊粉 ～ 一碗有齊牛腩片、札肉、札蹄、牛丸，滿足我呢個牛魔王， 金邊粉吸哂d 濃湯。⚛ 會安蓮藕蝦餅兩件 ～ 煎得幾香口蓮藕爽脆。⚛ 金邊札肉米紙卷 ～ 外層煙韌米紙包住檬粉札肉點一點魚露唔錯唔錯。🍹 薄荷青檸梳打 ～ 食完咁重味，點杯來fresh 返下。🍮 椰汁斑蘭糕2件 ～ 入口好香斑蘭味又夠煙韌。

收工同媽咪食飯，揀左我地兩個都好中意既越南菜。我例牌食撈檬，見晚市有套餐揀，主菜+小食+飲品只係$80蚊起，好抵食。食後尾再望餐牌，原來一個椰青只係$28大元，比起一般餐廳平一半👍🏻全晚最好食係牛油蒜香雞翼，一擺落口就聞到濃郁牛油香，即叫即炸好熱辣辣，又唔算好油。雞翼有味又唔會咸，超出色既一個小食。雞翼撈檬份量取勝，食極都仲有，我覺得有成隻雞髀咁多，雞肉有香茅味，皮煎得脆又鬆化，好高質。媽咪既豬頸肉飯又係好多片肉，望到啲肉係有肉汁果隻，佢都話好食😋總括黎講呢間真係好食又抵食，一定有下次。要贊下落單既妹妹，有留心聽書唔使重複講幾次食咩👍🏻

今天晚上到越北, 千色匯分店吃晚餐. 之前多數是在另一間分店吃多的.入座後, 客不多, 落單. 之後想從生牛肉牛丸金邊粉轉為生牛肉牛丸牛腩片金邊粉, 即是問侍應可否改單, 答案是唔得喎, 我問他都是剛剛下單, 為何不可？ 他回應是落了單冇得改. 好得意, 今時今日仲有似曾相識的句子出現. 算！跟著等了足足二十分鐘, 只出了一碟小食, 其它完全沒出現過. 客不多, 為何要等那麼久？ 唔通廚房要同公司省成本, 集齊單才煮？ 也算！跟著仲得意, 明明叫了生牛肉牛丸金邊粉, 來到只有牛丸, 生牛肉呢？ 我以為我叫錯單, 先睇睇張單先, 但冇錯喎, 跟住同個侍應講碗粉的生牛肉唔見咗, 佢好快諗都唔諗就答我話係側邊下面囉, 跟住我將碗粉由底反轉俾佢睇, 跟住冇野講, 話補番俾我. 點知出到嚟既係全熟牛肉. 唉！ 夠竟呢間店係咩問題呢？樓面錯還是廚房問題？還是集團式經營管理是這樣呢？最後, 結算後想問佢攞張手寫收條, 同一答案 - 冇. 跟著問他們是否集團的, 答案 - 是. 我又問其它店是有提供的, 你們不是跟集團同一準則？ 其中一位店員答我, 我們不是每間都一样的, 沒就是沒.此答案聽完後, 我

優點-防疫做得幾好 - 雖然客人已經坐低，都會要求出門口度體溫 - 檯面有消毒紙巾和口罩袋 - 所有檯有夠高隔板-食物份量系足夠-環境比較大，舒服和光亮D, 哩個亦系點解吾選上一層的篤x船麵。改善- 香葉無夠香，湯底加埋檸檬都不太夠味越北綜合牛肉金邊粉（$58）2分-有生牛肉，牛腩片同埋牛丸- 牛腩片睇落以為帶肥會好食，但原來系根而且太勒，咬吾到。-牛肉丸吾彈口-生牛肉有幾牛肉-金邊粉太”林“，變左好似食河粉生牛肉蒙粉（$52）3分-肉類同上面一樣，但小6蚊好似吾至無腩片，其他牛肉份量都好似小好多，無綜合牛肉金邊粉咁抵-蒙粉都系太“林”，

見到餐牌講地道越南餐，湯底慢熬⋯一於試一試。又中伏⋯⋯除左個牛肉粉，餐牌上見到午餐可加錢加個春卷小食，好似幾靚喎，有啲香葉同酸蘿蔔做配菜，好似唔錯。點知圖片只供參考到一個點，黎到得兩塊生菜，所有配菜欠奉⋯算了午餐加$15，由佢廢事煩⋯牛肉粉一上，就想問staff拎個越南粉必配甜醬加落支是拉差度諗住點牛肉食啦⋯個staff完全唔知咩係甜醬⋯嗯，既然你標磅地道，無理由無架喎⋯anyways是但啦都係路經事但食⋯但飲一飲個湯，笑左⋯慢熬？ 呢個絕對係越南有得原罐賣個隻牛肉味精粉⋯所謂的慢熬/地道 無一切合到商品說明⋯總之說係hea 牛肉粉一碗好後悔係商場所有選擇中選擇左佢，差差差

我地叫左一碗金邊粉及一碗河粉，佢上左兩碗碎上嘅金邊粉，明明上錯左侍應格硬話係兩樣野來既嘅，仲要話碎上無問題煮耐左就係咁，但係我明明見到其他台既麵唔係咁嘅樣！呢間服務態度10分差，食品亦有問題！其他分店嘅質素冇咁差，大家唔好去呢間。我地叫左一碗金邊粉及一碗河粉，佢上左兩碗碎上嘅金邊粉，明明上錯左侍應格硬話係兩樣野來既嘅，仲要話碎上無問題煮耐左就係咁，但係我明明見到其他台既麵唔係咁嘅樣！呢間服務態度10分差，食品亦有問題！其他分店嘅質素冇咁差，大家唔好去呢間。

今晚工作後回家，又係一支公打算速食，剛巧正想買外賣之際，竟然巧遇老友記，她也是放工打算醫肚，相約不如偶遇，兩個人可以吃多一些選擇，立即坐低開餐，正喇喂！一坐低又係電子落單，由於朋友飲品要走甜，故沒有特定的項目指示，於是要求店員幫忙，但玩完一輪之際都是由店員落單。清新配搭套餐:依個套餐唔使煩，樣樣有啲，啱晒唔使諗。先選主食: 粉、撈檬或飯各一款，再點小食一款，最後飲品或甜品。問店員可否加錢又要飲品及甜品，店員回覆，如有需要可作正價收費。河內香茅烤雞扒撈檬炎炎夏日，冇乜胃口，清新的撈檬是筆者最佳選擇。街頭香茅豬扒~如果雞扒和豬扒相比，豬扒比較出色。老友記選擇豬扒配湯河。金邊扎肉米紙卷~加推小吃，每款有兩件，分享剛好。越北炸春卷~青檸梳打~和朋友同樣選擇走甜，夏日炎炎，青檸薄荷透心涼。

位於千色匯商場入面當眼位，裝修企理，價位算係好抵食。晚市套餐，主食連小食 $72，如果要埋個野飲就另加 $10。《生牛肉湯河粉》+ 炸春卷生牛肉既份量適中，有牛味，湯底香，加埋炸蒜片同香料，整體水準唔錯，食完都夠飽。炸春卷感覺一般，正常發揮。《香茅雞扒撈檬》+ 海蜇沙律上菜未食已經口水分泌失調，賣相靚仔又精神，色澤好靚，香茅雞扒真心正，外皮金黃，脆卜卜香茅味出，雞肉嫩滑，表面有炸蒜同蔥，加甜酸汁，拌勻撈起青瓜紅蘿蔔與檬粉，酸爽，清新，魚露鮮味十足，一口香茅雞，一口多料檬粉，惹味又豐富，係相當有驚喜。小食海蜇沙律有西芹紅蘿蔔，海蜇爽口，整體酸酸甜又爽。整體來講滿意，一定有下次。

叫了一杯菜蜜, 喝了一半之後見到那個杯沾滿了污漬. 是上手幾千手茶漬和咖啡漬.  用紙巾擦，污漬會脫落，呈顯黑色.如果你點咖啡或奶茶，也許你不會注意到......但是因為我點了菜蜜，很明顯他們沒有把杯洗得乾淨!我把這件事告訴了經理。她只是拿掉杯子銷毀證據，就離開了，什麼也沒說

第一次同朋友試食，味道方面尚可，但服務態度十分之差，入座要求轉枱立即黑晒面尤其穿着藍色制服小姐，還叫我哋出返去先等陣再入座，（穿着藍色制服的男生）落order都味講完就走左去，飲品杯杯身癡立立，絕對絕對永遠永遠絕不會再有下次光顧。

一向好鍾意食越式既湯河，今日行街見到係荃灣都開左越北，下午茶時間，平均都係HK$50碗粉，價錢都算幾吸引！因為唔食洋蔥、蔥、芫茜，所以就全走算數！最重要既係湯底，牛肉湯好香濃，配河粉食真係一流，生牛肉水準都幾高，唔會肥到咬唔通，輕輕616就食得，咁就夠曬滑！我就鍾意加埋辣椒粒同青檸，個湯底即時惹味左好多。另外個碗越式火車頭係咩都有，我試左粒牛丸覺得都幾彈牙同埋有鮮牛肉味，口感同味道都幾好，越北都幾高質！

點會有下次，咁既豬頸肉夠膽死收我68蚊，堂食敢唔敢出比客人，我以為比人食過，真係難以想像，咁既出品點對得住d食客，如果你間餐廳話姨件出品係正常，祝你生意蒸蒸日上

荃灣新開左間越南餐廳，見價錢同食物都抵，入左去試吓。對越南菜唔太熱衷，都係想食吓小食飲杯野抖吓。餐廳不大，環境舒適柔和。樣樣都好似好吸引，係拎唔定主意之下叫左在場的小姐過來介紹。我個刻好似個問題少女咁🤭但佢都好細心咁為我解答😁（即使最後我沒落單）見得佢一個人好忙我都唔好意思問太多。最終經佢介紹下點左：香茅豬扒飯蝦多士豬頸肉牛油雞翼滴漏咖啡三色檸檬七喜下午茶時段人不多，工作人員得一個忙前忙後，仍細心服務。其實真要給她一個贊👍👍👍PXX小姐

見佢新開，在日間幫襯左幾次。都覺得幾好，食品出品都唔錯，而且環境乾淨。但前兩晚去試晚飯。真是多謝一位阿姐（之前未見過佢) 佢做帶位、招呼我及落單。晚餐一set 是分ABC item(C 是drinks) . 我只不過先講了B要什麼, 我未來得切講A 想要什麼, 就遭受非常不禮貌、對眼超住人的阿姐話「講咗A 先，我入唔到!」跟住之後嘅對話，佢好煩厭咁話我講得慢，又話我講得慢。態度及表達差劣！佢咁樣真係會影響其他正常的同事。