越北牛肉粉

營業中

休息中

不歡迎有B B在BB車睡覺中的客人，店員黑面要求收起BB車，但BB睡覺才令媽媽能享受午餐，店員說都要收起，才能進入，態度惡劣，媽媽只推著B B車好離開，去了就隔離的餐廳吃午餐

講到 #越南菜 🇻🇳，第一時間一定係諗到 #越南湯河 ，同埋特色脆口小食🫦。不過原來仲有分 #越北菜 同埋越南菜，由於越南受到法國🇫🇷統治嘅影響比較深，喺煮嘢食方面鍾意用多啲香料🪴，反而越北菜就保留左傳統嘅越式風格🛶，調味簡單，反而着重食材嘅原味😋。今次我哋嚟到一間係全港🇭🇰都有好多分店嘅越北菜，我哋去咗 #荃灣 嘅分店。我哋晚餐時段嚟到，嗌咗兩個清新配搭A+B+C，一個係🔴越北生牛肉湯粉+越式烤豬頸肉+薄荷青檸梳打($91)，另一個係🔵順化湯檬+越式炸春卷2件+三色鹹檸七($99)。🐮越北生牛肉湯粉佢可以揀金邊粉、檬粉、或者河粉底🍜。上菜嘅時候，湯底熱辣辣🔥，好吸引😍！湯底清甜，而且仲有淡淡嘅牛油脂🧈，唔錯。牛肉嫩滑，配買芽菜同生洋蔥🧅等等嘅配料，啱啱好中和到油脂嘅濃郁，味道幾好😋。🍜順化湯檬湯底飲落有少少酸辣味🌶️，不過都係以清新嘅味道為主😋，幾開胃。配料有越式風味，牛丸同扎肉味道唔錯😆，配合埋湯底嘅味道，同埋煮得夠軟身嘅麵底🍜，令人忍唔住想係咁食！🐷越式烤豬頸肉豬頸肉嘅外層燒到少少脆🫦，配合埋入面軟腍又有油脂感，口感幾好🤤。啖啖咬落去豬嘅油脂感喺口裏面滲出嚟💥，好邪惡，好食😋！🐟越

呢間越式餐廳走平民化路線，下午茶餐份量都好大份，如果忙到或瞓到連 lunch都冇時間食，最好就走嚟叫個下午茶配一杯飲品，另外，一個餐只可以追加一份小食。🔸越北 三寶湯河粉 $68今次想试下河粉，原来都近似幼幼哋嗰啲金邊粉，早知都喺揀撈檬粉仲好。扎肉兩塊，雞翼兩隻，豬扒有五小件，睇落以為 以為佢炸燶咗，黑黑的幾嚿嘢似乾柴，但食落原來都一啲唔柴唔硬， 甜甜地好香口，好似啲軟淋嘅叉燒，仲有香茅味，真係幾好食，啲雞翼就同啲豬扒同一樣味 😍味道：8/10性價比：9/10▪️ 凍檸茶 +$3 其他茶餐廳沖得好啲🔸酸辣無骨鳳爪 $30唔算辣幾滋味， 只可以叫餐時加30蚊追加， 炎炎夏日，食幾隻清涼脆滑嘅無骨鳳爪，真係幾爽。🔸越北綜合牛肉湯粉 $63材料有：生牛肉、牛腩兩大片、 手打小牛丸3粒仔湯底有牛味，唔太鹹味道剛剛好，肥牛分量都好多，可以趁佢啱啱漉熟攞出嚟 澹越南特色嘅 【碌冧】汁食，正！👍🏻牛肉丸就好細粒，勝在好有牛肉鮮味👍🏻味道：8/10性價比：9/10▪️ 凍咸桔水 +$3 呢個沖得幾好俾粥鹹柑桔🔸 炸蝦餅 $32炸得十分香口， 蝦肉好爽， 有生菜 同埋酸紅蘿蔔 伴碟醃得夠入味，邊位就炸得燶

越北粉絲又要同朋友出動去食下越北。今日同朋友係荃灣行街，去左位於荃灣千色匯越北。朋友叫左個順化湯檬粉，成個湯有少少輕微酸同辣味，感覺係幾清新，加上佢入面有D札肉，牛丸等等配料，成碗食起上黎一D都唔悶。另外我當然繼續叫佢地個生牛肉湯河，因為個湯真係好夠熱，可以燙得熟D生牛肉，牛肉肉味好濃味，keep倒水準!!因為我叫嘅係餐，所以配左有2個小食。對我黎講每次去越北一定要叫烤豬頸肉或者雞翼或者豬扒其中一樣，今次叫左豬頸肉，十分肥美，皮仲有少少脆。另外炸春卷亦都好夠料，夠熱，食落唔淋油。

今次同老公去咗荃灣眾安街68號荃灣千色匯一期一樓1023號舖的越北食下午茶。由於是下午茶時段，店內已有很多食客，店舖裝修簡潔舒適，座位尚算寬敞。下午茶都有不少的選擇，有湯河粉，撈檬，米飯套餐，跟餐飲品加$8可轉特飲；另外還有很多地道輕盈小食。綜合牛肉湯河粉$63大大碗的湯河粉有生牛肉，牛腩片及牛丸，牛肉夠嫩有牛肉味，牛腩片夠腍唔會靭，湯底清香。牛丸湯河粉$53牛丸細細粒，一口一粒，食落爽口彈牙。酸辣無骨鳳爪$30無骨鳳爪酸酸辣辣，惹味又醒胃。馬拉盞灼通菜$23爽脆的通菜加上馬拉盞，絕對冇得輸。三色鹹檸七，熱酸梅青檸茶跟餐各加$8兩杯飲品都酸酸甜甜，很清爽。

差不多六點到達，下午茶完結，那就吃個晚餐。餐廳裝修明亮，牆上畫上綠葉植物，天花有葵花型的吊扇燈飾，給人悠閒的感覺。我們選晚市2人餐A。法式蒜蓉牛油雞翼，一碟四隻，雞翼上佈滿密密的蒜蓉碎，一入口，一股濃郁軟滑起沙的口感包圍味蕾，雞肉更是又香又嫩，每隻雞翼都是熱度充足，即煮即吃最好。伴碟的酸菜蘿蔔，也增進食慾。蕃茄牛腩，蕃茄和牛腩的份量足夠兩人吃，茄汁不會太稠密，蕃茄味濃，牛腩淋滑，容易咀嚼，不過煲仔上檯時並不夠熱，似乎是材料被埋放在煲內但沒有全煲在爐上完全加熱就上檯了。或許是天氣太熱，怕我們越吃越熱，所以暖一下就上檯。馬拉盞炒通菜，這個菜炒得很香，吃時又爽口，鹹鹹的用來下飯不錯。飯後要了一杯越式滴漏咖啡，咖啡口感濃厚，杯底放了當煉奶，當咖啡完全滴至杯內就可以用匙子混和，甜度適中。咖啡夠熱，香味充足這個兩人餐也抵食，188元不用加一。 

清新配搭A+B+C生牛河係著名嘅越南美食，每次食越南野一定食生牛肉湯河。點餐時可選金邊粉、檬粉或河粉，我選了湯河粉。牛仔是半生熟，配搭芽菜、生洋蔥等其他香料味道更是非常清新，湯底清甜美味，河粉入口好滑，而且湯粉份量不少。越北炸春卷食越南野點可以唔叫小食，所以食套餐會抵食啲，炸春卷2件春卷炸得香脆，再沾上魚露調醬，勁滋味！三色咸檸七（+$3）咸檸七是七喜汽水加上鹹檸檬、青檸檬，飲落酸酸甜甜，勁冰涼！

今日同朋友落堂後係附近搵野食，呢個商場都幾多嘢食,見到呢間有越南粉,清清地都啱我哋就入去試。朋友就要咗個綜合牛肉湯粉，我就要咗個晚餐set，前菜揀咗個燒豬頸肉，主食就要個香茅雞扒撈檬。我地再揀甜品一齊食，要咗椰汁班蘭糕綜合牛肉湯粉裏面有牛丸，牛腩片同埋生牛肉片。牛丸非常彈口，牛腩片都好夠腍，同個牛肉片一樣都充滿牛肉味，好好味，而且份量好多，湯底睇落清清但飲落好味道，加埋香葉同青檸更清香，湯粉吸收晒湯汁，好滋味。煎豬頸肉，作為前菜份量都唔少而且煎得夠香口食落滿滿油脂香，豬頸肉夠淋，上面嘅炸蒜香蔥令到食落去個陣更惹味，讚！雞扒份量十足，外皮煎到香脆，入面雞肉非常嫩滑，佢嘅撈檬魚露醬汁，唔會太鹹，酸酸夠開胃，撈檬量夠多，酸酸涼涼岩晒夏天食，好食就食晒！個椰汁斑蘭糕，暖暖地，聞同食落都好香，椰汁味濃但唔會太甜，口感煙煙韌韌，值得推介！職員都幾好服務，食物價錢合理又好味，有下次！

今日有半日偷閒，去荃灣千色店行街，shopping 完梗係要醫肚喇，近近地過對面千色匯搵野食快靚正，都有一排無食越式菜，有卡位坐。越北綜合牛肉湯粉 $60材料包括：(生牛肉，牛腩片，牛肉丸)好快就上枱，好滿足牛既愛好者，夠冧又夠牛肉味，份量又多，湯底加埋另上既辣椒粒和檸檬好夾。+$8 椰汁三色冰優惠價追加小食嗌左酸辣無骨鳳爪 $28酸辣度十足，爽口入味越北牛肉粉🌍荃灣眾安街68號荃灣千色匯1期1樓1023號舖

🔸越北綜合牛肉湯粉 $60材料有：生牛肉、牛腩片、牛肉丸湯底幾清，唔會太鹹味道剛剛好 有好大舊啲蘿蔔墊住生牛肉令到佢唔會浸到熟曬👍🏻牛肉丸有三粒雖然細細粒，但係有牛肉味生牛肉都有五至六塊以呢個價錢嚟講份量好足夠👍🏻味道：8/10性價比：9/10🔸越北三寶湯粉 $65 可以揀米飯或撈檬 雞翼有兩隻，扎肉兩塊豬扒有五至六塊，煎得好香有香茅味😍就算係瘦嘅豬扒，但都一啲都唔柴冇諗過呢個價錢都食到咁好食嘅豬扒 有驚喜！味道：8/10性價比：9/10🔸越式烤豬頸肉 $28有六塊豬頸肉肉質爽口，不過唔算嫩滑醃得夠入味，邊位燒得燶燶哋好香味道：7/10性價比：7/10🔸酸辣無骨鳳爪 $28▪️三色鹹檸七 +$8▪️越南椰汁冰咖啡 +$8🔹環境：大多數係半梳化位嘅四人枱枱與枱之間都闊落👍🏻🤩下午茶平日14:00-18:00星期六日公眾假期15:00-18:00🗣不須加一服務費-人均消費：～$100-整體味道：8/10性價比：8/10-#越北📍荃灣眾安街68號荃灣千色匯1期1樓1023號舖

呢間餐廳有好多分店，之前經過一路都想試下 今次終於食左！價錢黎講唔算貴👍🏻 呢間係千色滙入面，位置非常方便👍🏻👍🏻👍🏻湯底濃郁唔會有味精既感覺，牛肉岩岩好食落好有口感，而且份量都幾大，好抵食😋豬頸肉檬粉豬頸肉份量好多，肥瘦岩岩好，外皮好香脆咬落好煙韌，有菜同乾蒜撈埋好滋味😋😋😋芝士蝦多士呢個芝士蝦多士值得一讚，外皮香脆，性價比好高椰青正常發揮，好清甜👍🏻$30都算平👍🏻👍🏻

🍅海防蕃茄蟹檬(蟹,蝦丸,扎肉)Tomato, Crab, Shrimp Balls & Vietnamese Sausage Vermicelli Pho有半隻蟹肉，份量都幾足，加埋番茄湯，酸甜開胃。🥩越北生牛肉牛肉丸湯粉Raw Beef & Beef Balls Pho好鍾意半生熟嘅牛肉，更加可以保持肉質嘅鮮滑，牛肉丸口感彈牙，非常唔錯。🦐峴港炸蝦餅Deep Fried Prawn Cake香脆嘅炸蝦餅，令人回味無窮。🐷越式烤豬頸肉Vietnamese Grilled Pork Neck好鍾意佢帶少少油脂，口感爽脆。

尋日得一個人又唔想喺屋企煮，唯有出去搵野食，途經荃灣千色匯，偶爾發現越北餐廳，之後見到個餐牌有個$98嘅火鍋餐，然後見到隔籬枱有人食緊，賣相好似幾好，就點咗一個嚟試吓。個名叫做一人帽子火鍋，未幾，火鍋送到，牛肉非常新鮮比起某連鎖火鍋店味道好，牛腩片極之新鮮，有種入口即溶嘅感覺，牛丸爽口彈牙，扎肉冇乜特別但亦都可以包肚之選，食完一啲不過肉嫩嘅食物之後，當然唔少得要飽肚嘅越南粉，湯底我就選咗順內辣湯，感道就好過酸辣粉。飲品我就算做芒果沙冰，芒果味極之濃厚，讚喔。總結，環境非常舒適沒有逼夾的感覺，座位非常寬躺，是可以輕鬆用膳的地方，火鍋來說性價比極高絕對係一人必選嘅火鍋。

今日同老公岀黎睇下啲電器，然後落腳係千色店，本身想去隔離個間，我哋拎晒2邊飛，但呢間有位先入去坐先發現，原來我哋未食過呢間！想mark低呢到啲牛骨湯係點食物烤雞扒湯粉係呢個味啦🥹唔係間間都有咁濃湯😇超正！其實呢個係我老公嗌，但我個個未到，我就眼甘甘咁睇住佢食🤣結果佢話:俾你食咗先啦😒Yeah🤣個雞扒都好外脆內嫩！個湯我哋飲晒🤣海防番茄🍅蝦檬呢個都唔錯！應該係即整，因為落單前姐姐同我哋講要等5-10分鐘個番茄湯底好濃！超開胃！個蝦丸好彈牙！椰汁冰咖啡椰汁三色冰話說我一手撩豆豆食，一手玩電話，結果倒瀉咗🥺好彩倒咗小小炸蝦餅必食！超彈牙！越式烤豬頸肉小插曲話說我倒瀉咗小小嘅同時，隔離枱姐姐倒晒成杯檸檬茶😦成地都係，勁尷尬！然後我想舉手🙋🏻‍♀️嗌人嘅時候，已經有職員即刻拎布黎抹，拎地拖拖。其實反應都好快，值得讚下嘅！

最近因為要返學經常出沒荃灣🤣搵定附近有嘜嘢食，食完先去返學，好耐無食越南菜，一個人食飯，今次去咗千色匯間越北分店到食個豐富晚餐。晚市有Combo set A+B+C揀，非常適合我，我揀咗越北生牛肉牛腩片湯粉 $90，價錢唔貴，又唔收加一服務費越南海蜇沙律醬汁酸酸甜甜，海蜇幾爽口，係一個幾好嘅開胃菜越北生牛肉牛腩片湯粉 無牛不歡嘅我，首選必定食牛肉，呢度嘅生牛肉同牛腩都幾大塊，有牛肉味又唔韌，仲有好大舊蘿蔔，都幾大碗，幾抵食鹹桔水牙肉痛，嗌返杯下火，消炎都好，健康飲品之選