越北牛肉粉

營業中

休息中

🔸峴港 蝦餅春捲撈檬   $62 Prawn Cakes and spring rolls with cold Vermicelli炸春卷一大條切咗成兩段， 食落好鬆脆，另外有 一大嚿炸蝦餅 切成幾片，两款炸物都係越南小菜十分香口嘅小食😚撈檬嘅配菜有好多生菜絲、青瓜絲、花生碎，碗底就係一大堆檬粉，份量好足。跟餐另加$25 蒸粉包 兩件粉包蒸得好晶瑩，睇到就想食，個粉包size都唔細，一啖咬唔曬，裏面啲肉餡係好惹味嘅豬肉粒，最好就係配上啲碌淋汁一齊食，加埋落上面嗰撈檬落多啲酸酸甜甜嘅淋汁一齊食，好夾。跟餐＋$8  黑糖薑棗茶  呢個係一個 黑糖 玫瑰花茶， 除咗玫瑰花之外仲加咗薑、枸杞同埋 紅棗片，可算真材實料， 黑糖唔係落咗好多，所以整杯飲品只係微微甜，小小薑辣味，好濃花香。味道：8/10性價比：7/10🔸越北 三寶湯河粉  $68 香茅豬扒、香茅雞翼、扎肉湯河粉係牛骨清湯底， 味道唔係太濃，河粉就比較清淡，炸豬扒甜甜哋好有香茅味，炸雞翼都能做到外脆內嫩，扎肉都惹味，三寶係另外分碟上。豬頸肉半份 $30 （跟餐另加） 有6片 燒豬頸肉， 鋪咗啲蔥油 同炸蒜粒， 用薄荷葉同 酸蘿蔔絲伴碟

午餐：越式慢煮豬手飯（$66）豬手份量適中，有皮有肉無骨唔多肥膏，肉質夠腍，味道不錯唔會太鹹，點酸辣醬汁可以中和肥膩感。包熱飲，鹹桔水夠濃味唔稀。不收加一服務費。

我今日去荃灣辦事，順道約同好友去位於荃灣大河道98號如心廣場2期2樓216號舖的越北牛肉粉食午餐，環境舒適開揚，坐得舒服。我點左個順化香茅牛肉撈檬$58，好友點左個三寶（香茅豬扒、香茅雞翼及扎肉）飯$68，另外追加小食峴港炸蝦餅2份$64，餐飲係熱鹹桔水（跟餐），及凍椰汁紅豆冰$8（跟餐）。順化香茅牛肉十分香口，牛肉味濃又有咬口；三寶飯的三樣餸都是我的至愛，豬扒香脆可口，雞翼的雞肉嫩滑，皮脆好味，扎肉好食；蝦餅好味道，有咬囗又好食；鹹桔水潤喉，椰汁紅豆冰好味！

今日同媽媽食荃灣的越北。lunch hour都滿座。跟她討論左一陣越北究竟係咪越南北部？入正題，食物方面我叫左一個79蚊的番茄🍅蟹膏蝦丸湯檬，媽媽就叫左春捲蝦餅檬粉($72)。小食我地叫左兩個：豬頸肉($30，有5-6片)同春捲兩件($20)小食豬頸肉好好味，都算厚切。為我們的頭盤打響頭炮！之後上菜的番茄🍅蟹膏蝦丸湯檬也很不錯，有蟹肉，蟹膏，番茄🍅，扎肉同蝦丸，好豐富。媽媽就話她的正正常常，我試左春捲，係好味的。但到我食完碗番茄檬，食她留比我的蝦餅果時已經凍了。 哈哈(∩_∩)

荃灣如心二期開左好耐一段時間，我居然未行過，順便搵埋今晚既晚餐，對越南既pho一直念念不忘，所以依晚就簡左 越北牛肉粉 做時日靚晚。套餐跟埋一個小食加飲品，價錢都唔係一百，晚餐唻講都算合理，我就簡左綜合牛肉湯河而同行叫左香茅雞扒配飯，眼闊肚窄仲叫左蒜蓉包，個人認為馬拉戔炒通菜係必叫小食，份量多唔再講，炒得有鑊氣而通菜都爽口，好味！另外主食既食扒，煎得金黃而不油，香口juicy，都幾出色，小餐廳都有依個水準確實唔錯！

先前食過兩次覺得味道都唔差，今晚再去點左個慢煮豬手飯$66同生牛肉牛肉丸湯粉$68。碗湯粉嚟到一望覺得好唔對路，得一片細得可憐嘅牛肉同3粒迷你牛肉丸，撩再兩撩都再無發現，我即刻問問職員A，呢個係咪正常份量嚟？佢望一望碗粉跟住就話「嗯，我問問幫你加番幾片牛」，無耐另一位職員B過嚟話「問咗廚房，話係得一片牛肉。」我反映餐牌張相同呢家上枱完全兩樣野，呃得好緊要下。職員B叫我唔好睇餐牌張相，唔好信，有咩就同公司投訴啦。諗番真係幾好笑望住個餐牌App落單，但叫我唔好信張相預左有落差，但未至於得「一」片啩，係$68碗喎！不過當時我真係笑唔出，咁我叫佢收番走啦，伏到咁無興食啦飽晒！

以往來荃灣西站都覺得沒有什麼好吃，沒有什麼好餐廳。今日朋友倦了，就在如心廣場吃飯，怎辦？我們選了越北，看來似是可以提供好吃的越南菜，來嘗嘗簡單一餐。我選了春卷蝦餅湯河粉，春卷雖然不是即炸的，但應該也是新鮮做的，香脆的外皮還存在熱油留下來的油炸香氣，應該是不油膩且香的味道，內涵不是甚麼海鮮，但素菜更令我感到春卷的香脆口感。炸蝦餅沒有香炸的熱度，有些冷卻了，蝦肉仍有很好的彈性，味道不錯。加上魚露和辣椒，太好吃了。至於河粉則是滑且嫩，配合各種湯料。這簡餐是不錯。

姐姐🧍‍♀️放假🏖️我去完Pharmacy Conference Day2返屋企去如心越北買外賣🥡，原本有六張$10 coupon，問咗收銀話有幾多張可一齊用，但收銀又話外賣🥡有88折，兩種唔可以共用，我問佢邊樣抵d，佢話一定係88折，佢話$10 coupon留返堂食。最後買咗兩碗生牛肉湯河（$63x2）同牛油🧈雞翼4件（$55），$3外賣盒🥡，再88折，先平得$22.1。見到張單先諗到好似用coupon抵d，不過俾咗錢就算。等咗10分鐘有外賣，拎到返屋企，生牛肉變咗熟牛肉，個湯頭好味😋，牛油🧈雞翼足料，大滿足😌

好耐都冇嚟過呢度食，今日阿哥要喺附近上堂，所以就帶細佬出去食個下午茶結果細佬帶路叫我食呢度🤣原來因為隔離係冒險樂園🤧食完走過去玩食物西貢咖喱牛腩飯原本諗住嗌呢個等阿哥過嚟食，點知細佬就搶先食咗半個飯😳啲咖哩真係好好食🤤佢微辣，仲係勁香咖喱味唔怪之得細佬可以食得到姨姨送餐飲都黎問😂小朋友，你咁細個都食到咖哩？啲牛腩超冧！好似食緊棉花糖，又唔痴牙~~香茅豬扒湯粉好香嘅香茅味🩷仲要外層脆脆☺️我最鐘意佢嘅牛骨湯🤭好耐都冇黎呢間食，佢依然係我試過最濃湯嘅分店🥳百果香蜂蜜青檸紅茶呢個之前未試過🤭超鐘意呢個香味吃貨推介食法🤣🤣因為佢鐘意青檸嘅酸多啲…所以想食青檸，結果發現如果用匙羹飲，就會有好岀嘅青檸味同百果香蜂蜜嘅甜😋😋😋玫瑰柚子蜜呢啲天氣😂女仕都係飲返啲熱飲～～淡淡玫瑰香味，柚子蜜甜度適中👌🏻椰汁冰呢個好似雪糕咁🤭啲冰融少少就可以飲到佢好濃嘅椰汁，所以融雪都唔會變淡炸蝦餅春卷湯檬粉其實我成日搞唔清楚檬粉同金邊粉😂呢碗其實細佬叫嘅🤧因為佢睇到蝦餅同春卷，個春卷超脆🩷係腐皮炸出嚟（？）炸蝦餅一樣好彈牙☺️好有蝦味原來檬粉岩佢哋，因為佢比較容易咬斷，唔怕其他呢度交通方便，有西鐵站又有巴士站…仔仔同學好多

我哋今次喺荃灣，行完新開嘅如心廣場化石公園🪵，就喺附近搵嘢食啦🥢。我哋搵到呢一間抵食高質越北菜餐廳🤤，而家仲有越式打邊爐㖭♨️。我哋嗌咗🔴傳統帽子火鍋(2人份)($188)。.🐮牛類份量好多元化😍，配料亦都拍得住越南湯河生牛肉嘅質素🥩。有牛肉鍋片、牛坑腩片、同埋招牌牛丸🐄。牛味超級濃郁，食落去好多肉汁💦，牛味都好香，牛肉處理得幾好🤤。.🐷札肉類除咗有特色嘅越南扎肉🇻🇳，仲有一款好新奇嘅越式扎蹄🌟，比起扎肉，外層有一層膠質😋，而入面仲有原粒黑椒🧂，食落去味道喺肉香味之上多一重刺激🌶️。.🍜主食金邊粉份量超級多😆，兩個人可以食得好飽。而且配埋湯底會安清湯♨️，牛肉味道超級濃🐮，煮完唔同肉類之後嘅油脂感亦都好邪惡🤩，配埋紅綠辣椒🌶️、魚露🐟等等嘅調味，超級惹味👅。.🥗蔬菜蓮藕片、唐生菜、蘿蔔全部喺湯底煮完之後♨️，都入晒味，肉香味加埋蔬菜清爽嘅感覺💕，真係好滿足。

餐廳喺千色匯一樓， 裝修新淨，座位又舒服，下午茶時段嘅套餐款式多，價錢平，味道非常唔錯西貢咖喱牛腩飯咖喱汁好濃稠，咖喱味好香，牛腩嘅份量一啲都唔少，牛腩肥瘦適中，個飯都好軟綿，咖喱汁送飯一流順化湯檬粉配料好多，有扎肉、牛丸、牛腩，全部質素都好高，個湯甜甜地，味道好好，有少少辣，非常開胃要咗一個下午茶餐，仲可以加配小食，今次加咗馬拉盞通菜，估唔到$23嘅份量都非常之多，而且好重馬拉盞味，好好味😋😋

趕時間又見其他鋪要等位所以入去快速食一餐叫左個一人餐$88 包一個主食、小食同飲品豬頸肉一人份量，唔算入味，亦都冇醬料提供，跟住上嘅醃菜味道普通。不過豬頸肉雖然烤過但唔會乾，外皮香脆，加返少少分。但整體嚟講唔太值得試。生牛肉河粉賣相普通，一團糟。不過落單嗰陣可以揀走蔥、走芽菜、走蒜、甚至走金不換，幾貼心。青檸同辣椒跟住上，但我個青檸乾到一滴汁都擠唔到出嚟，索性成個檸檬掉落去。湯底普通，牛骨味唔重不過有香料味，我幾鍾意佢有蔥絲同時有埋蔥粒，多啲口感亦都多啲蔥香味。牛肉算有牛味，大概係凍肉舖$58-78磅嘅質素。朋友嗰碗生牛肉河賣相好啲，而且啲牛夠生，呢樣好重要。整體嚟講不過不失，唔會專登去食。

姐姐🧍‍♀️放假🏖️，去越北買外賣🥡，, 今朝去咗攞payme萬用券又減多$8｡ 叫咗越北綜合牛肉金邊粉，有生牛肉、牛丸同牛腩片，口感唔錯👍🏻湯頭好，加埋辣椒🌶️惹味。仲叫咗法式蒜蓉牛油🧈雞翼，有4隻，都幾香口，肉質嫩滑。投訴網上外賣平台等遲咗10分鐘同冇餐具，網上外賣平台話反映就算，反對無效

近排天氣轉冷，最適合食一碗暖笠笠嘅越南河🥰越北不但提供各色越南粉麵，仲有越南小食供選擇💕.▫️綜合牛肉湯檬粉 🐮 $63牛腩肉質上乘口感豐富，牛肉丸多汁好味😋.▫️順化湯河粉 $63順化湯河粉超多配料！微辣嘅湯底配以扎肉、牛丸及牛腩等超滿足☺️.▫️ 越式烤豬頸肉（半份）🐖 $30推薦大家加點豬頸肉，肉質軟滑之餘，外層亦焦脆香口👍🏻.▫️蝦頭膏生菜🥬 $23性價比高嘅一道餸，營養均衡又好味！.💬 荃灣區嚟講價錢吸引之餘，環境亦舒適，推薦！.Lately, the weather has turned cold – perfect for enjoying a warm bowl of Vietnamese pho! At North Viet Pho, not only do they offer a variety of Vietnamese noodle soups, but there are also delicious Vietnamese snacks to choose from..▫️ 𝐌𝐢𝐱𝐞𝐝 𝐁𝐞𝐞𝐟 𝐒𝐨𝐮𝐩 𝐋𝐞𝐦𝐨𝐧𝐠𝐫𝐚𝐬𝐬 𝐍𝐨𝐨𝐝𝐥𝐞𝐬 🐮 $63High

今日就試下呢間越北牛肉粉, 佢好似有幾間分店的.店內環境都叫可以啦... 而服務生都係好打工MODE... 我就叫左個午餐: 雞扒-金邊粉 + 熱奶茶 = $63奶茶有奶量和茶濃度 呢個Option真係幾細心雞扒-金邊粉 有個跟配料 (九層塔 + 青檸 + 辣椒)件雞扒都大大件,肉質都不過不失, 但我覺得有點油....整體尚算可以.... 下次會試下佢招牌牛肉粉.希望會有D驚喜啦.另外順帶一提, 本店電子支付得3種 八達通、微信支付、支付寶...., 最緊要的VISA係無架, 都幾唔方便.