越北牛肉粉

營業中

休息中

呢間之前喺沙田都食過, 分店算多! 行過有時都會見到。今日見未夠六點就食佢個下午茶, 叫咗扎肉雞絲檬粉加杯凍飲$55, 如果特飲就要再加多$5, 雖然價錢唔係超級平，但係以荃灣西區算是不錯。如果晚餐套餐會包多一個小食, 價錢貴啲，但係都OK。其實略嫌佢湯底太清淡，配料都做足傳統有青紅椒青檸香葉少許芽菜同埋一啲蔥𢇁。佢啲粉太容易散， 個粉質地太淋, 感覺上係佢嘅粉問題而唔係煮得耐嘅問題。扎肉OK因為有黑胡椒，都夠味!但係個雞絲就有啲粗嚡。整體上都係OK, 唔係難食, 可以接受, 如果星期六日想食下午茶都會再試。