越北牛肉粉專門店

營業中

休息中

本次進食點了一碗生熟牛肉湯河及凍檸茶，故此篇食評單論生熟牛肉湯河，生熟牛肉湯河賣相差，牛肉呈黑色，而且肉質韌，口感甚不愉悅。其實店面和店員質素尚可，但始終一次愉快的進食體驗，中中自重還是食物，店員送上牛肉湯河，第一眼望埋去已經沒好感，本着不浪費食物的原則，仍嘗試吃光，但主角牛肉真的非常不濟。。。生牛肉湯河乃一間越南店舖的經典必吃食物，前幾次在其他分店進食並無此問題，故希望改善牛肉湯河的質素，繼續加油。

今日去完太古城俾人搵完笨，都係唔留喺太古城，去咗西灣河食嘢，原本諗住食嗰間乜鬼嘢「叻沙」，點知個阿姐好有性格我話一個人，佢叫我攞飛..其實一個人係最好嘎啲三人枱是一個落去就做多好多生意。托柒唔撚識轉膊....咁好啦你要我等二人枱後邊，咁我就返平時食開嗰啲地方，隔離就係就係呢間野，冇話呢間野唔好，因為佢開得來，已經成日食，本來諗住轉下新花款，好啦又食返呢間啦！我就叫咗三併抮撈檬，蔗蝦，椰汁冰。說實際椰汁冰上環嗰間好飲好多，如果佢仲保持到舊有嘅水準！依家又唔係話好差但係佢打得唔夠沙...講真真係要俾啲心機，食到手勢嘅！再講蔗蝦，唔知係咪交返嚟，水準很一般，建議唔好叫！都靈魂到了，說實際佢嗰件豬扒係好用心機，由選材料，到切厚薄，再到腌製，最後烹調。都一定落左功夫，唔知個碗係咪我特別但我會真係幾好食啲豬扒，雞翼都好唔錯，唯獨扎肉就比較薄，如果口少少多啲口感成碗面就一百分，我就唔係好鍾意食蘿蔔絲，好似燒鵝我唔鍾意點酸梅醬一樣「但我迫過自己試過原來燒鵝點酸梅醬真係好好食」，但蘿蔔絲我迫過自己食，週五見得好好食。建議份量可以再減少少，菜方面可以俾多少少感恩！整體來講係我腌尖姐呢碗麵好好食！絕對對得住

午餐時間見入面坐滿客人、一於跟大隊搵個位試一試。～ 午市套餐生牛肉牛丸湯河粉上枱外表大大碗非常抵食、不過呷一口靈魂嘅湯底就大打折扣。。。個人覺得越南牛河最重要嘅其實係湯底、呢碗牛河湯底本身已經唔夠熱、生牛肉再加上配菜令到個湯底更加降溫、失敗！倒湯入碗時要求必須要達至滾熱辣攝氏一百度、湯底一定要夠熱先可以將生牛肉灼熟、等生牛肉由生變熟嘅時候讓肉汁可以滲透入湯中、加重湯嘅香味、而且食客可以按自己嘅喜好控制牛肉嘅生熟度、食出自已最理想嘅品質。另外佢嘅牛骨湯底唔夠濃郁、雖然入口有淡淡的八角、草果、肉桂、香葉等香料味、不過感覺就有點水。。。失敗中的失敗！鵝蒂不見蹤影？河粉係選用港式河粉、失敗！跟餐凍檸茶合格～ 午市套餐順化湯檬期待中嘅順化湯檬湯底較濃並且帶少許酸、甜、鮮、辣等味道融合在一起，跟平日的牛肉粉的清鮮是非常不同的口味。這𥚃的順化湯底入口感覺只是用原來的牛骨湯再加上化學茄汁加白醋酸再加辣、差差差！檸檬草的香味在哪裏？ 失望。。。跟餐薄荷青檸梳打～ 跟餐春卷春卷炸到陰陽面及爆開、呢樣原全係油溫控制問題。、其實呢D分分鐘一日會炸一百幾十條、咁都會攪到這樣。。。廚房師傅真係要打屁鼓。。。綜合只

今天陽光普照，最好就係食返啲涼涼啲嘅檬粉。喺西灣河一帶，可選嘅越南餐廳唔多，慶幸仍有呢間餐廳喺太安樓地下，到下午茶時間，會更易入座。雖然係下午茶，不過啲選擇都好多，另外有需要都可以叫主menu嘅食物㗎見到都流晒口水㗎～不過我哋都係決定叫下午茶餐番茄牛腩飯啲汁好適合餸飯，牛腩燜得夠淋，對於下午茶餐份量來講，份量唔細～香茅雞翼同豬扒都醃得好入味，師傅手勢非常好，燒得剛好。三寶可以跟飯或者檬粉/撈檬，可以因應自己嘅喜好選擇，非常貼心。雞肉串有三串咁多㗎，份量都好多，朋友仔係將啲雞肉串出晒啲籤，然後撈埋一齊食，睇落去都好正～我嘅豬頸肉撈檬～我真係好鍾意食撈檬㗎！配魚露、辣椒醬，撈啊撈，仲有啲生菜、醃咗有啲酸酸甜甜嘅紅白蘿蔔絲，啲豬頸肉肉質嫩滑，仲好juice 㗎～簡直係盛夏消暑聖品！加26蚊可以嘆埋個鳳爪，雖然咁平，但係啲份量都好夠幾個人share㗎，酸酸甜甜好開胃，爽口美味。其實呢間嘢，我哋間唔間中都會落來食，下午茶時段嘅份量唔會少過午市，而且啲燒物好值得同大家推介！

星期六六點幾黎到呢度既越北，己經有人響門口，等外賣既有，等位既又有！兩個大人一個B 佢地俾左一張四人枱俾我地。一段時間無食越菜，我地叫左蕃茄蟹膏蝦丸扎肉湯檬，檬粉幼細，蝦丸入面夾住蟹膏，蟹膏味唔突出。扎肉有三片，中間有軟骨（欣賞）好多蕃茄粒仲有一碗咖哩牛腩湯檬。咖哩味算辣。牛腩唔黏牙！仲好大碗檬粉食唔晒。叫左個牛湯蘿白，蘿白有小小根，入味得黎無味精。蔗蝦既蝦唔彈牙。蔗本身夠甜！椰青老左小小，肉比較硬但鮮甜。而且$28 一個算抵。服務非常好，反而係我地唔好意思阿B 有d 嘈。

五點放工， 約咗媽咪去食飯，最後決定食越南菜。 去到已經17:50，職員好親切話仲有下午茶喎，我哋九秒九點咗生牛河$42同越北三寶飯$52，下午茶有餐飲送。另外加咗兩客越式春卷，每客都你係$12埋單都係$121，真係好抵食又好好食，啲嘢又嚟得快，用最緊要係熱辣辣。一路都有嚟呢一間食， 佢一路保持到咁嘅水準，都算好好㗎喇。有好多都係有頭威無尾陣，開頭就好好食越整越難食。 希望呢間舖keep住呢個水準，等我哋有多個選擇。

已有一陣子未有來越北吃飯，今日和師奶朋友來吃吃下午茶，原來連餐牌也換了。我們點了順化香茅雞翼撈檬、雞絲扎肉湯粉，及餐飲點了鹹桔水。雞翼炸得很脆，上枱時也是熱辣辣的，湯粉的湯底不錯，非常入味，而鹹桔水料足，秋天飲很潤喉啊！

去完太安樓搵食發現呢間食越南野嘅鋪～越北❗️唔知點解覺得呢類食越南野嘅鋪,名字好似咁🤔😅。店鋪唔細,當晚都坐無虛席～呢個炸蝦餅撈檬,檬粉份量唔少😯炸蝦餅雖未去到卜卜脆,但都香口,唔太油膩～加埋青瓜絲,花生碎同魚露等醬汁💦啱夏天食 越南野當然要試下湯河🍜。呢度嘅香茅豬扒都唔錯～聞落有香茅味♨️豬扒肉質算鬆軟👍🏻加埋炸蒜片,唔錯呀

店舖坐位非常舒適，下午茶時段更加唔使等位。叫了生牛肉河，$42，份量一般，牛肉唔韌，有牛味，但湯底略淡，牛味淡，有點失望，其中的白蘿蔔好老，成口渣!。另外加一客牛油雞翼，兩隻中翼$22，完全無牛油味，非常失望以這價錢在太安樓區是奢華的下午茶，唯坐位非常舒適。但喜歡越南牛河或牛油雞翼的話一定非常失望。

星期六午餐間唔中都會黎呢度幫襯今次如常入去搵左位坐低，然後一拎餐牌就發現轉左新餐牌，多左好多款選擇，比較特別，有別於以前較傳統式嘅越南粉及飯飲品餐牌亦有所不同，以前總會叫熱檸蜜，而家冇左，咁就轉咸桔水，都唔錯，唔太甜一睇個餐牌，見有款越南咖啡豬軟骨，幾特別，平日好少見用咖啡入饌，我咁鍾意咖啡又點可以錯過侍應端上枱，賣相不錯，同埋已經聞到幾濃嘅咖啡味，豬軟骨亦有五件，配飯56蚊連飲品算唔錯啦，不過豬軟骨比較乾身左少少，但都會再食，下次試埋其他先 (應該會揀魚餅湯粉，同埋南瓜椰香豬肋骨飯)

自己喜歡吃Pho，北角電廠街的這間北越，是前排非常流行的一間Pho店，就試吃我最愛的牛河。雖然冇試過，不過聽朋友講，幾入味。我個朋友覺得大大碗都幾抵食。蒸粉包 : 簡簡單單的小食，但製作一點都唔馬虎，皮薄餡靚，有鮮蝦，豬肉碎同菇做餡料，味道同口感豐富！柚子大蝦沙律 - 材料豐富而且十分新鮮,入囗爽脆，加上柚子肉和大蝦的配合之下味道十分清新，令人胃口大增！越式炒金邊粉，唔太食得出同泰式有咩分別 不過平時食開泰式 呢碟紅d 甜度差不多無花生碎同青檸 有扎肉同菜絲。

今日來了太安樓的越北揾食，剛巧是下午茶時間，C9 又可以平DD 啦由於不吃牛，這裡的湯底是用牛煮的，於是便點了一個扎肉撈檬，而且有熱飲送，便叫了一杯熱檸蜜。扎肉撈檬份量十足，很夠飽，扎肉數目也多，$36 很抵食吖

大家諗起太安樓，都會覺得好多好嘢食。但其實如果你想喺太安樓坐得舒舒服服食，都唔係太多選擇。呢間越南野唔算太正宗，但又唔係太濃味，都幾好嘅。係服務態度差少少。今次叫咗生牛肉牛坑腩河。最大敗筆係，個人認為，生牛肉個湯一定要夠熱如果唔係煮唔熟啲肉。呢個湯又示去到煮唔熟啲肉嘅，但係個湯會變咗粉紅色。有啲影響食慾。青檸同辣椒係跟住碗麵一齊送上。唔使問，我覺得幾有誠意。師奶仔既我更發現佢個牙籤好尖好又好好用真係好師奶！

下大雨的晚上，見有位就入去隨意食晚餐。Dinner set 很少選擇，唔想食飯，noodles set 只有以下兩款，summer 唔想食飯，冇得揀下要左呢兩款。清沅香烤雞肉串撈檬粉 估唔到咁大碟，一個女仔食唔晒既份量！雞肉串有三大串，烤得很香，唔燶！如果有satay 醬會更好味撈檬加青瓜絲，花生粒，配搭不錯。順化湯檬，有牛腩，紮肉，紮蹄，beef ballDinner set 加$8，餐飲轉特飲：左：荔枝沙冰右：菠蘿熱情果特飲冇加一，可以回頭的一餐

太安樓係有好多好野食, 但係想搵個位舒舒服服坐嘆住冷氣食餐飯就難D。越北都一向不過不失 係一間幾幫光顧的鋪頭。而且我成日都一個去食碗生牛肉湯濛。平, 靚 , 正之選。新鮮的牛肉放入熱騰騰的湯底, 生熟程度岩岩好! 個湯加上青新的青檸很好飲。另外香茅豬排湯河也是個不二的選擇。豬排份量大大件, 煎得好香口, 唔乾入面好多汁。今次叫多左杯特飲, 叫一碗粉加杯特飲平好多, 散叫好貴。