餐廳：越北牛肉粉專門店地點：西灣河太安樓菜式：越南菜餐牌：下午茶餐超多款，有湯粉、湯檬、撈檬、飯類等，包熱飲，凍飲加$3，可以以優惠價追加小食。越北火車頭河粉 $68 越北火車頭河粉大大碗熱辣辣上枱，牛肉多片，真係粉紅色上枱，肉質都好嫩，唔會太肥。牛丸三粒，好彈牙多汁。牛展兩片，嫩口有牛味。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有芽菜，洋蔥絲，金不換，蔥條同蔥花，加添口感同味道。仲有淋甜白蘿蔔一大件。另上青檸一片同紅辣椒粒比你自己調味。越北生牛肉牛肉丸湯粉 $62 呢碗越北生牛肉牛肉丸湯粉就只係少左牛展。越式酸辣鳳爪 加$28 越式酸辣鳳爪一共8件，好爽脆，配有紅蘿蔔絲，洋蔥絲，西芹，墊有生菜絲，味道酸酸辣辣，唔會太辣，好開胃。越式烤豬頸肉 加$28 呢個越式烤豬頸肉係跟餐小食。豬頸肉一客6片，熱辣辣上枱，燒得外脆內嫩，好食呀。面頭加上脆脆同蔥花，伴有酸甜蘿蔔絲同墊有生菜，可解膩。椰汁紅豆冰 加$8 椰汁紅豆冰好香椰奶味，口感食到有碎冰，下底吸到香甜紅豆，係一杯好正既甜品。熱檸水熱檸水有三片檸檬，可暖身。今餐食物唔錯。茶餐特別抵食，好鍾意食牛肉粉！地方光猛乾淨。服務員態度友善。…查看更多
