越北牛肉粉專門店

營業中

休息中

好在今日放工早左少少，7點前就到餐廳，如果遲一步就full晒要等位啦! 裝修真係好有越南風味!用頂越南帽做燈罩真係幾有創意。 點左路邊烤雞串撈檬 ($58)，生牛肉湯粉 ($56)，扎肉蒸粉包 ($28)，加配菜蜜同檸茶 (冷熱都係加入$8) 。野食份量好大!好抵呀!!路邊烤雞串我覺得係必點!!!3條串燒都啖啖肉，肉夠嫩滑!!配埋酸酸甜甜既撈檬，唔會太飽濟!生牛肉河都好好味，牛肉夠瘦!!紋理幼細，又係超嫩滑!!個種岩岩熟既感覺真係好美味好有口感!扎肉蒸粉包入面材料滿滿，香辣既肉碎吊出粉包既味道!!幾鍾意佢個綠色是拉差辣醬!冇紅色咁辣，又吊到味過下辣癮。以後唔好以為西灣河只係得掃街同小食先得啦！

太安樓好去處又黎喇！😁今次試吓食越南野！芝心蝦多士（$48）跟著隔離枱叫了，樣子好精神，芝士超級多，師傅絕對冇留手，最重要既蝦，份量都幾多，唔會好似坊間咁偷工減料。絕對醒神既前菜！蕃茄牛腩湯河（$58）蕃茄湯底夠哂濃蕃茄味，係茄膏既味道，牛腩好林好易入口唔痴牙，配上幾種香草，鐘意蕃茄湯河既朋友必試！豬頸肉撈檬（$58）燒豬頸肉好惹味呀，火喉剛剛好，撈檬夠哂凍同爽口，配上酸甜魚露，適合夏天的不開胃呀 ！整體而言食物水準都好好，加上價錢絕對街坊價！ 十分好喔！

是咁的，前幾年剛搬過黎，行過呢間，個陣味係令我地不能不入去試，但結果失望到喊! 其實呢幾年，我有衝動再俾機會佢都無做過，今日真係無心情亦無咩心機，只知道有些餐廳進不得! 同埋佢成日都好多人等位，而咁岩我地下一兩張就可以了，又唔想再諗既情況下就俾多次機會佢啦！結果佢呢兩個lunch set還可以，57+3蚊凍飲. 一個係正常既生牛肉粉走蔥，另一個係蕃茄蝦膏檬粉.兩個都不過不失，可能之前個日阿廚心情唔好至咁唔好食，但今日去食係好正常既，唔講得上，嘩~ 但最少唔會係失望，然後話唔再去食.

無所事事， 一個人隨便搵間餐廳食飯，西灣河太安樓食肆咁多， 為何會是你? 哈… 因為唔駛等位囉… 仲唔駛搭枱。越北綜合牛肉湯河 $65平時我多叫生牛肉河，但今夜有D餓，叫碗綜合湯河， 生牛肉較薄、 牛丸幾彈牙、牛腩片好出色，牛味濃郁。三色鹹檸七 $26跟餐叫 $12 就可以，有青檸檬、黃檸檬加鹹檸，飲落好feel ，消暑一流。------------------------------

又到下午茶時間，忽然想起吃越南湯檬，於是便去了越北吃吃他們的下午茶套餐。今次點了素扎肉湯檬，配了熱檸蜜。原來素扎肉湯檬湯底，也是素食來的，湯味清淡，而配菜亦多，誠意推薦給素友們啊！熱檸蜜很大杯，加上坐得舒服，下次一定會再來呢！

今日去咗西灣河太安樓，間唔時都會去食小食，今次就去咗餐廳食越南粉麵，星期五嘅夜晚都好多人，餐廳好光猛，坐得都好舒服。我哋叫咗兩碗粉一個小食同一杯飲品。地道小食越北炸春卷$42，有四件，味道有啲似鹹水角裏面嘅餡，仲有生菜可以俾你包住春卷嚟食，冇咁熱氣，反而欣賞個生菜。越北生牛肉牛丸湯檬$60，生牛肉浸一陣就變咗全熟，浸得太耐就會有啲靭，味道就正正常常，我同朋友嘅湯檬都走咗青，仲有洋蔥，個樣冇咁靚但係都一樣咁好食，個湯清清地唔會太咸。越北三寶湯檬$65，有香茅豬扒、香茅雞翼同扎肉，有三款餸好抵食，仲係熱辣辣，豬扒同雞翼都唔會炸到太乾。特色飲品叫左薄荷青檸梳打，加配價$12，推介，好清新又唔會太甜。

同屋企人黎食過晚餐，比起午餐lunch set 就貴咗十蚊一個飯左右，同埋冇嘢飲。我哋分別叫咗香茅牛肉飯，豬扒撈檬 同豬扒湯河。牛肉飯的牛肉都算多，而且開始d 牛有輕微炸過咁，幾香。啲飯呢就比較乾，佢會附上嘅汁呢係好似豉油咁嘅。湯河個湯都唔錯嘅，之後我哋用嚟撈飯食 豬扒撈檬嘅豬扒係幾香脆，而且成碗入面都有幾多菜同埋其他配料，感覺比較均衡~overall食物就一般啦，但啲位呢比較窄，一張枱同一張枱之間要進出都好容易會掃冧隔離枱嘅嘢，服務員嘅態度只係一般。

平常光顧此食店主要都是吃生熟牛肉湯河、春捲、牛油雞翼、雞絲檬粉… 但今天再光顧生熟牛肉湯河、味道截然不同而且色澤也沒以前那麼鮮色！ 口感有點硬…… 難道轉了廚子？ 或貨質改變了？

本次進食點了一碗生熟牛肉湯河及凍檸茶，故此篇食評單論生熟牛肉湯河，生熟牛肉湯河賣相差，牛肉呈黑色，而且肉質韌，口感甚不愉悅。其實店面和店員質素尚可，但始終一次愉快的進食體驗，中中自重還是食物，店員送上牛肉湯河，第一眼望埋去已經沒好感，本着不浪費食物的原則，仍嘗試吃光，但主角牛肉真的非常不濟。。。生牛肉湯河乃一間越南店舖的經典必吃食物，前幾次在其他分店進食並無此問題，故希望改善牛肉湯河的質素，繼續加油。

今日去完太古城俾人搵完笨，都係唔留喺太古城，去咗西灣河食嘢，原本諗住食嗰間乜鬼嘢「叻沙」，點知個阿姐好有性格我話一個人，佢叫我攞飛..其實一個人係最好嘎啲三人枱是一個落去就做多好多生意。托柒唔撚識轉膊....咁好啦你要我等二人枱後邊，咁我就返平時食開嗰啲地方，隔離就係就係呢間野，冇話呢間野唔好，因為佢開得來，已經成日食，本來諗住轉下新花款，好啦又食返呢間啦！我就叫咗三併抮撈檬，蔗蝦，椰汁冰。說實際椰汁冰上環嗰間好飲好多，如果佢仲保持到舊有嘅水準！依家又唔係話好差但係佢打得唔夠沙...講真真係要俾啲心機，食到手勢嘅！再講蔗蝦，唔知係咪交返嚟，水準很一般，建議唔好叫！都靈魂到了，說實際佢嗰件豬扒係好用心機，由選材料，到切厚薄，再到腌製，最後烹調。都一定落左功夫，唔知個碗係咪我特別但我會真係幾好食啲豬扒，雞翼都好唔錯，唯獨扎肉就比較薄，如果口少少多啲口感成碗面就一百分，我就唔係好鍾意食蘿蔔絲，好似燒鵝我唔鍾意點酸梅醬一樣「但我迫過自己試過原來燒鵝點酸梅醬真係好好食」，但蘿蔔絲我迫過自己食，週五見得好好食。建議份量可以再減少少，菜方面可以俾多少少感恩！整體來講係我腌尖姐呢碗麵好好食！絕對對得住

午餐時間見入面坐滿客人、一於跟大隊搵個位試一試。～ 午市套餐生牛肉牛丸湯河粉上枱外表大大碗非常抵食、不過呷一口靈魂嘅湯底就大打折扣。。。個人覺得越南牛河最重要嘅其實係湯底、呢碗牛河湯底本身已經唔夠熱、生牛肉再加上配菜令到個湯底更加降溫、失敗！倒湯入碗時要求必須要達至滾熱辣攝氏一百度、湯底一定要夠熱先可以將生牛肉灼熟、等生牛肉由生變熟嘅時候讓肉汁可以滲透入湯中、加重湯嘅香味、而且食客可以按自己嘅喜好控制牛肉嘅生熟度、食出自已最理想嘅品質。另外佢嘅牛骨湯底唔夠濃郁、雖然入口有淡淡的八角、草果、肉桂、香葉等香料味、不過感覺就有點水。。。失敗中的失敗！鵝蒂不見蹤影？河粉係選用港式河粉、失敗！跟餐凍檸茶合格～ 午市套餐順化湯檬期待中嘅順化湯檬湯底較濃並且帶少許酸、甜、鮮、辣等味道融合在一起，跟平日的牛肉粉的清鮮是非常不同的口味。這𥚃的順化湯底入口感覺只是用原來的牛骨湯再加上化學茄汁加白醋酸再加辣、差差差！檸檬草的香味在哪裏？ 失望。。。跟餐薄荷青檸梳打～ 跟餐春卷春卷炸到陰陽面及爆開、呢樣原全係油溫控制問題。、其實呢D分分鐘一日會炸一百幾十條、咁都會攪到這樣。。。廚房師傅真係要打屁鼓。。。綜合只

今天陽光普照，最好就係食返啲涼涼啲嘅檬粉。喺西灣河一帶，可選嘅越南餐廳唔多，慶幸仍有呢間餐廳喺太安樓地下，到下午茶時間，會更易入座。雖然係下午茶，不過啲選擇都好多，另外有需要都可以叫主menu嘅食物㗎見到都流晒口水㗎～不過我哋都係決定叫下午茶餐番茄牛腩飯啲汁好適合餸飯，牛腩燜得夠淋，對於下午茶餐份量來講，份量唔細～香茅雞翼同豬扒都醃得好入味，師傅手勢非常好，燒得剛好。三寶可以跟飯或者檬粉/撈檬，可以因應自己嘅喜好選擇，非常貼心。雞肉串有三串咁多㗎，份量都好多，朋友仔係將啲雞肉串出晒啲籤，然後撈埋一齊食，睇落去都好正～我嘅豬頸肉撈檬～我真係好鍾意食撈檬㗎！配魚露、辣椒醬，撈啊撈，仲有啲生菜、醃咗有啲酸酸甜甜嘅紅白蘿蔔絲，啲豬頸肉肉質嫩滑，仲好juice 㗎～簡直係盛夏消暑聖品！加26蚊可以嘆埋個鳳爪，雖然咁平，但係啲份量都好夠幾個人share㗎，酸酸甜甜好開胃，爽口美味。其實呢間嘢，我哋間唔間中都會落來食，下午茶時段嘅份量唔會少過午市，而且啲燒物好值得同大家推介！

星期六六點幾黎到呢度既越北，己經有人響門口，等外賣既有，等位既又有！兩個大人一個B 佢地俾左一張四人枱俾我地。一段時間無食越菜，我地叫左蕃茄蟹膏蝦丸扎肉湯檬，檬粉幼細，蝦丸入面夾住蟹膏，蟹膏味唔突出。扎肉有三片，中間有軟骨（欣賞）好多蕃茄粒仲有一碗咖哩牛腩湯檬。咖哩味算辣。牛腩唔黏牙！仲好大碗檬粉食唔晒。叫左個牛湯蘿白，蘿白有小小根，入味得黎無味精。蔗蝦既蝦唔彈牙。蔗本身夠甜！椰青老左小小，肉比較硬但鮮甜。而且$28 一個算抵。服務非常好，反而係我地唔好意思阿B 有d 嘈。

五點放工， 約咗媽咪去食飯，最後決定食越南菜。 去到已經17:50，職員好親切話仲有下午茶喎，我哋九秒九點咗生牛河$42同越北三寶飯$52，下午茶有餐飲送。另外加咗兩客越式春卷，每客都你係$12埋單都係$121，真係好抵食又好好食，啲嘢又嚟得快，用最緊要係熱辣辣。一路都有嚟呢一間食， 佢一路保持到咁嘅水準，都算好好㗎喇。有好多都係有頭威無尾陣，開頭就好好食越整越難食。 希望呢間舖keep住呢個水準，等我哋有多個選擇。

已有一陣子未有來越北吃飯，今日和師奶朋友來吃吃下午茶，原來連餐牌也換了。我們點了順化香茅雞翼撈檬、雞絲扎肉湯粉，及餐飲點了鹹桔水。雞翼炸得很脆，上枱時也是熱辣辣的，湯粉的湯底不錯，非常入味，而鹹桔水料足，秋天飲很潤喉啊！